(মসিদা হৌখিবা পুং ২৪দা থোকখিবা কোবিদ-১৯গা মরী লৈনবা চেফোংশিং,ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক চেকশিং য়াওরি )

• লৈবাক অসিগী ওইনা অপুবা কনফার্ম কেস ৪৬,৪৩৩গী মনুংদগী মীওই ১২,৭২৬ নাবা ফখিবগা লোইননা কোবিদ-১৯দগী ফগৎলকপগী চাং ২৭.৪১% য়ৌরে।
• ঙরাংদগী অনৌবা কোবিদ কেস ৩৯০০ অমসুং ১৯৫ লৈখিদবগী রিপোর্ত তৌরকখ্রে।
• কোবিদ-১৯ লাকশিন্নবা থৌরাং অমসুং মেনেজমেন্তকী ওইবশিং খন্নবা মন্ত্রী কাংলুপ অমনা কুপ্না খন্ন-নৈনখ্রে।
• লৈবাক অসিদা পি.পি.ই., মাস্ক, ভেন্তিলেতর, হিদাক-লাংতক, অমসুং অতোপ্পা তঙাইফদবা পোৎলমশিং মতিক চানা লৈ।
• প্রধান মন্ত্রী গরীব কল্যান য়োজনাগী মখাদা লাইরবা মীওই করোর কয়া কান্নবা ফংহনখ্রে।
• প্রধান মন্ত্রীনা নাম কন্তেক্ত গ্রুপকী ওনলাইন মীফমদা শরুক য়াদুনা মীওইবগী য়াইফ-থৌরাংশিংগীদমক হোৎনগদবনি অমসুং শেন্মিৎলোন খক্তমক চাউখৎনবা হোৎনরোইদবনি হায়খ্রে।
• আই.আই.তি., এন.আই.আই.তি. অমসুং আই.আই.আই.তি.গী মহৈরোইশিংদা ইং ২০২০-২১গী ওইনা ফী হেনগৎপা লৈতে; জে.ই.ই. মেন গী তাং লাওথোকখ্রে।

হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী ওইবা অনৌবা পাউ

হৌজিক ফাওবদা, মীওই ১২,৭২৬ নাবা ফখ্রে। মসিনা ঐখোয়গী নাবা ফবগী চাং ২৬.৪১% য়ৌবা ঙম্লে। হৌজিক লৈরিবা কনফার্ম তৌরবা কেস মশিং অসি ৪৬,৪৩৩নি। ঙরাংদগী, ভারত্তা কোবিদ-১৯ কনফার্ম তৌরবা কেস ৩,৯০০ হেনগৎলকখ্রে। অপুনা লৈখিদবা মশিং ১৫৬৮নি অমসুং ঙরাং ফাওবদগী লৈখিদবা মশিংনা ১৯৫নি। হৌখিবা পুং ২৪ অসিদা কনফার্ম কেস অমসুং লৈখিদবা মশিং খ্বাইদগী য়াম্না হেনগৎলকপনা রাজ্য/য়ু.তি.শিংদা কন্তেক্ত ত্রেসিং, এক্তিব কেস থিদোকপা অমসুং ক্লিনিকেল মেনেজমেন্তশিং নীংথিনা তৌনবা খঙহনখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621216

সরকারনা কোবিদ-১৯ থেংননবা হৌজিক লৈরিবা ফিবম, শেম শারিবশিং অমসুং লৌখৎলিবা থবকশিং য়েংশিনখ্রে।

মন্ত্রী কাংলুপ অমনা কেন্দ্র সরকার অমসুং রাজ্যশিংনা লৌখৎলিবা থৌরাংশিং য়াওনা কোবিদ-১৯ লাকশিন্নবা থৌরাং অমসুং মেনেজমেন্তকী ওইবা লাল্লোংশিং য়েংশিনখ্রে। মন্ত্রী কাংলুপ অসিনা হৌজিক লৈরিবা শিবগী চাংসি ৩.২%নি অমসুং ফগৎলকপগী চাংনা ২৫%নি হায়না থমখি, হায়রিবসি লোকদাউন, ক্লস্তর মেনেজমেন্ত অমসুং লাকশিন্নবগী লৌখৎলিবা খোংথাংশিং অসিগী অফবা খুদমনি হায়না ফোংদোকখি। লৈবাক অসিগী তোঙান-তোঙানবা মফমশিংদা লৈবা অনাবশিংদগী লৌখৎলকপা নোবেল কোরোনাভাইরসকী স্ত্রেনশিংগী জিনোম সেক্বেন্সিং তৌবা হৌখ্রে। মন্ত্রী কাংলুপ অসিদা হৌজিক মথৌ তাবা চাংদগী পি.পি.ই., মাস্ক, ভেন্তিলেতর, হিদাক অমসুং অতোপ্পা তঙাইফদবা পোৎলম খুদিংমক মতীক চানা লৈ হায়না খঙহনখ্রে। পি.এম.জি.কে.পি.গী মখাদা, মে। ৪, ২০২০ ফাওবদা, অহানবা থাগী ওইনা কান্নবা ফংখ্রবা মীওই করোর ৫৮.৭৭দা ফুদ গ্রেন মেত্রিক তন লাখ ২৯.৩৮ ফংহনখ্রে, অনীশুবা থাগী ওইনা কান্নবা ফংগদবা মীওই করোর ১১.৬৩দা ফুদ গ্রেন মেত্রিক তন লাখ ৫.৮২ ফংহনখ্রে। এপ্রিল-মে ২০২০গী ওইনা পি.এম.য়ু.ৱাই সিলিন্দর করোর ৪.৯৮ বুক তৌখ্রে অমসুং করোর ৪.৭২ দেলিবর তৌখ্রে। ২০-২১ গী মনুংদা কান্নবা ফংখ্রবা মীওই ৮.১৮তা মীওই খুদিংদা শেল ওইনা লুপা ২০০০/-  কাইথখ্রে। অহল ওইরবা মীওইশিং, লুখ্রাবী অমসুং নাম্মা শোইরবা মীওইশিংবু মতেং পাংদুনা কান্নবা ফংগদবা খুদিংদা লুপা ৫০০ ফংবা য়ারবা একাউন্ত করোর ২.৮১২দা অহানবগী ওইনা ফংহনখ্রে। প্রধান মন্ত্রী জন ধন নুপীগী একাউন্ত করোর ২০.০৫ তা একাউন্ত অমমমদা লুপা ৫০০ হাপখ্রে। ই.পি.এফ.ও.গী মেম্বর লাখ ৯.২৭দা ওনলাইন্দা লুপা করোর ২৮৯৫ লৌথোকহনখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621207

প্রধান মন্ত্রীনা নাম কন্তেক্ত গ্রুপকী ওনলাইন মীফমদা শরুক য়াখ্রে

প্রধান মন্ত্রীনা হৌজিক হৌজিক কোবিদ-১৯ লাইচৎনা খুদোংচাদবা কয়া থোকহল্লিবশিংগী মতাংদা খন্ননবা মে ৪, ২০২০গী নুংথিলদা পাংথোকখিবা নন-এলাইন মুবমেন্ত (নাম) গ্রুপকী  ওনলাইন মীফমদা শরুক য়াখ্রে।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1621065

নাম কন্তেক্ত গ্রুপকী ভিদিও কনফরেন্সতা প্রধান মন্ত্রীনা কোবিদ-১৯গী মতাংদা ফোংদোকখিবা ৱারোল

"ঙসি, চহী কয়া অসিদা মীওইবা সমাজনা খ্বাইদগী শাথিবা মখলগী থৌদোক অমা মাইয়োক্নরি। ফিবম অসিদা, নন-এলাইন মুবমেন্তনা অচৌবা থৌদাং অমা লৌদুনা মালেম অসি পুনশিনবা ঙমগনি। নাম অসি মালেমগী অফবা ৱাখল কয়া পুথোরক্লি। মসিগী থৌদাং অসি মখা চত্থদুনা লৈনবগীদমক, নাম অসি মতম চুপ্পদা অতোপ্পবুসু কোনশিনগদবনি। ঙসিগী মালেম অসিবু মহুৎ শিনবা ঙম্বা ইন্তর্নেসনেম ইন্সতিত্যুসনশিং মথৌ তারি। ঐখোয়না মীওইবা জাতি চাউখৎনবা হোৎনবা তঙাইফদে অমসুং ঐখোয়না শেন্মিৎলোন চাউখৎনবা খক্তমক হোৎনদুনা লৈরোইদবনি। ভারত অসি মসিগুম্বগী হীরম অসিদা মাংজিল থাদুনসু লাক্লি।"

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621067

কেন্দ্রগী ঐচ.আর.দি. মন্ত্রীনা লৈবাক অসিদা লৈরিবা মহৈরোইশিংগা ৱেবিনারগী খুত্থাংদা পাউ ৱারী শানখ্রে

ৱারী শানবা অদুদা কেন্দ্রগী ঐচ.আর.দি. মন্ত্রীনা লোইশিন্দনা লৈরিবা এন্ত্রান্স একজামশিংগী তাং লাউথোকখি। মহাক্না নীত একজাম অসি জুলাই ২৬, ২০২০দা হৌগনি হায়না হায়খি। মহাক্না মখা তানা হায়খি, জী মেন একজাম অদুবুনা জুলাই ২০২০গী ১৮, ২০, ২১, ২২ অমসুং ২৩দা পাংথোক্কনি হায়খি। মখা তারদুনা, জী (এদবান্স)না ওগস্ততা পাংথোক্কনি হায়খি। য়ু.জি.সি. নেত ২০২০ অমসুং সি.বি.এস.ই. ১২ বোর্দকী একজামগী মতমসু অথুবদা লাউথোকরক্লগনি। আই.আই.তি., আই.আই.আই.তি. অমসুং নিত কী ২০২০-২১ একাদেমিক চহীগী ফী হেনগৎলোই।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621189

প্রধান মন্ত্রী ভারতীয় জন ঔসধী কেন্দ্রশিংনা লোকদাউন মনুংদা হিদাক লাংথক লৈবা য়ানবগীদমক ৱাৎএসপ অমসুং ইমেলগী খুত্থাংদা ওরদর লৌখ্রে

হৌজিক, লৈবাক অসিগী মফম কয়াদা পি.এম.বি.জে.কে. ৬৩০০ হেন্না দিস্ত্রিক্ত ৭২৬তা হিদাক লাংথকশিংবু মমল হোংনা ফংহল্লি। হায়রিবা হিদাক লাংথকশিং অসি অশেংবা মমলদগী লুপা ৫০% দগী ৬০% ফাওবা হোংই। এপ্রিল ২০২০দা লৈবাক শীনবা থুংনা হিদাক লাংথক লুপা করোর ৫২ লোমগী ফংহনখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621141

ই.পি.এফ.ও.না মখোয়গী পেন্সনরশিংদা লুপা করোর ৭৬৪ থাদোকখ্রে

ই.পি.এফ.ও.গী মখোয়গী পেন্সন স্কীমগী মখাদা পেন্সনর লাখ ৬৫ লৈ। ই.পি.এফ.ও.গী ফিল্দ ওফিস ১৩৫না এপ্রিল ২০২০গী পেন্সনগী শেনফমশিং মাংজৌননা পেন্সনরশিংদা কোবিদ-১৯ লোকদাউন্না থোকহল্লিবা খুদোংচাদবশিংদগী খরমখৈ কোক্নবা পেন্সনরশিংগী একাউন্ততা হাপখ্রে। ই.পি.এফ.ও.গী ওফিসরশিং অমসুং স্তাফশিংনা ভারত শীনথুংনা লৈরিবা পেন্সন থাদোকপা য়াবা নোদাল ব্রাঞ্চশিংদা লুপা করোর ৭৬৪ থাদোক্নবগীদমক খুদোংচাদবা পুম্নমক মাইয়োক্নখি। বেঙ্ক ব্রাঞ্চ খুদিংমক্নসু পেন্সনরশিংগী একাউন্ততা মতম চানা পেন্সন য়ৌহন্নবা খঙহনখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621161

ঙাকশেল মন্ত্রীনা লৈবাক অসিনা কোবিদ-১৯গা লান্থেংনরিবা অসিদা এন.সি.সি.না লৌরিবা থৌদাংশিং য়েংশিনখ্রে

ঙসি রাজনাথ সিংহনা ভিদিও কনফরেন্স অমগী খুত্থাংদা লৈবাক অসিদা কোবিদ-১৯ শন্দোরকপা থিংনবা হোৎনবসিদা এন.সি.সি.না লৌরিবা থৌদাংশিং য়েংশিনখ্রে। মহাক্না হৌদোকপা ওইনা, ঙাকশেল মন্ত্রীনা হায়খি, লৈবাক অসিনা শিংনবা কয়া অমা মাইয়োক্নরি, অমসুং সরকার অসিনা কোবিদ-১৯ অসি লাকশিন্নবা তোঙান-তোঙানবা খোংথাং কয়া প্রধান মন্ত্রী শ্রী নরেন্দ্র মোদীগী মখাদা পাইখৎলি। এন.সি.সি. কেদেতশিংনা লোজিস্তিক্স অমসুং সপ্লাই চেন মেনেজমেন্তকী থবকশিংদা মতেং পাংলি, মখোয়না তঙাইফদবা পোৎলমশিং, হিদাক লাংথক্কী পোৎলমশিং সপ্লাই তৌবদা, ত্রাফিক্কী থবকনচিংবদা মতেং পাংলি। কেদত খরনা সোসিএল মেদিয়াগীদমক লাইরিক লাইশুগা মরী লৈনবা ভিদিওশিং শেম্লি, অদুগা অতোপ্পা খরনা মাস্ক শাদুনা লোকেলশিংদা ফংহনলি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621188

দা. জিতেন্দ্র সিংহনা দি.এ.আর.পি.জি.গী মে ৩০, ২০২০গী মনুংগী রাজ্য ২৮ অমসুং য়ু.তি. ৯ গী কোবিদ-১৯ গ্রিভাইএন্সেস রিদ্রেসেল প্রোগ্রেস রিপোর্ত য়েংশিনখ্রে

মতম অসিগী মনুংদা দি.এ.আর.পি.জি.গী নেসনেল কোবিদ-১৯ পব্লিক গ্রিবাএন্সেস মোনিতর (https://darpg.gov.in)না কেস ৫২,৩২৭ লৌখৎখ্রে, মসিগী মনুংদা কেন্দ্রগী মন্ত্রালয়শিং অমসুং বিভাগশিংনা কেস ৪১,৬২৬ লোইশিনখ্রে। কেন্দ্র সরকারগী কোবিদ-১৯গী মরমদা লাকপা মীয়ামগী ৱাকৎশিং লোইশিনবগী মতম অসি ৱাকৎ অমদা নুমিৎ ১.৪৫ চংবগী চাংচৎনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621201

লাইফলাইন উরানগী মখাদা এয়র ইন্দিয়া, এলাইন্স এয়র, আই.এ.এফ. অমসুং প্রাইবেৎ কেরিয়রশিংনা ফ্লাইৎ ৪৪৩ ওপরেৎ তৌরি

লাইফলাইন উরানগী মখাদা এয়র ইন্দিয়া, এলাইন্স এয়র, আই.এ.এফ. অমসুং প্রাইবেৎ কেরীয়রশিংনা ফ্লাইৎ ৪৪৩ ওপরেৎ তৌরি। মসিগী মনুংদা ফ্লাইৎ ২৬৫দি এয়র ইন্দিয়া অমসুং এলাইন্স এয়রনা ওপরেৎ তৌরি। ঙসি ফাওবদা ত্রান্সপোর্ত তৌখিবা কার্গো অসি চাওরাক্না তন ৮২১.০৭নি। ঙসি ফাওবদা লাইফলাইন উরান ফ্লাইৎশিংনা পাইখিবা এরিয়েল অরাপ্পা অসি কিলোমীতর ৪,৩৪,৫৩১নি। কোবিদ-১৯গী মায়োক্তা ভারতকী লান্দা তেঙবাংনবা লৈবাক্কী মনুং হুঞ্জিনবা শরুকশিংদা মরুওইবা মেদিকেল কার্গো ত্রান্সপোর্ত তৌনবা সিভিল এভিয়েসন মন্ত্রালয়না অৱাং-নোংপোক লমদম, ইথৎ লমদশিং অমসুং চিংগী রাজ্যশিংদা অখন্নবা মীৎয়েং থম্বগা লোয়ননা লাইফলাইন উরান ফ্লাইৎশিং ওপরেৎ তৌরি। মরুওইবা মেদিকেল কার্গো অমসুং অনাবশিং ত্রান্সপোর্ত তৌনবগীদমক পৱন হন্স লিমিতেদ য়াওনা হেলিকোপ্তর সর্বিসশিংনা জম্মু অমসুং কশ্মীর, লদাখ, অৱাং-নোংপোক অমসুং অতোপ্পা ইথৎ লমদমশিংদা ওপরেৎ তৌরি। ২০২০গী মে ৩ ফাওবদা পৱন হন্সনা কার্গো তন ২.২৭ পুদুনা কিলোমীতর ৭,৭২৯গী অরাপ্পা পাইখ্রে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620983

মপান্দগী পুশিল্লকপা পোৎশিংগী মহুৎ শিনবা য়াবা পোলিসি পুথোকসিঃ শ্রী নীতিন গদকারী

কেন্দ্রগী এম.এস.এম.ই. অমসুং রোদ ত্রান্সপোর্ত হাইৱে মন্ত্রীনা ঙসি অনৌবা শেন্মিৎলোনগী ওইবা ফিবম অমা কোবিদ-১৯না শেম্লক্কদৌরিবা অসিগী মাংজৌননা মপানলমদগী পুশিল্লকপা পোৎচৈশিং মহুৎ শিন্নবা খলহনলক্লি হায়না ফোংদোকখ্রে।  মহাক্না তোঙান-তোঙানবা স্তেকহোলদরশিংগী পুক্নিং চিংশিল্লদুনা লৌশিংবু লন ওন্থোক্নবা হৈ শিংবশিংদা মীৎয়েং থমগদবনি অমসুং মমল হন্থহনগদবনি হায়না মখা তাখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1621215

কেন্দ্রগী এম.এস.এম.ই. মন্ত্রীনা এগ্রো এম.এস.এম.ই. পোলিসীগী মতাংদা হোৎনরিঃ শ্রী নীতিন গদকারী

কেন্দ্রগী মন্ত্রীনা মপাল লমদা থাদোকপা পোত্থোকশিং হেনগৎনবা অমসুং মপানগীদগী পুশনলকপা পোত্থোকশিংবু লমদম অসিদা শাবা পোত্থোকশিংনা মহুৎ শিনবগী তঙাইফদবগী মতাংদা পনখ্রে। মহাক্না মখা তানা, ইন্দস্ত্রীশিংনা অনৌবা পোত্থোক পুথোকপদা, ওন্ত্রপ্রিনরশিপ, সাইন্স অমসুং তেক্নোলোজি, রিসর্স স্কিল অমসুং লৌশিংবু লন ওন্থোক্নবা হৈ শিংবশিংদা মীৎয়েং থমগদবনি হায়না মখা তাখি। জপানগী সরকারনা চাইনাদগী জপানগী ইন্দস্ত্রীশিং লৌথোক্লগা অতোপ্পা মফমদা থাদনবা পেকেজ শিনবা লৈখ্রে হায়না নীংশিংখি। হায়রিবসি ভারতনা লৌশিনলহৌনবগী খুদোংচাবসি মাংহন্দনবগী অপাম্বা ফোংদোকখি।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1620966

শ্রীমতি হরসিম্রৎ কৌর বাদলনা কোল্দ চেন প্রোজেক্তকী প্রোমোতরশিংগা ভিদিও কনফরেন্স পাংথোকখ্রে

শ্রীমতি হরসিম্রৎ কৌর বাদলনা ইন্তিগ্রেতেদ কোল্দ চেন নেতৱর্কনা চীঞ্জাক্কী পোত্থোকশিংদা চাউনা শিংনবা অমা পীরিবা কোবিদ-১৯গী খুদোংথীবসি কোক্নবা অপুনবা পাঙ্গল অমা শাগত্তবা য়াদ্রিবসিগী মতাংদা থমখি। খন্ন-নৈনবদুদা ফমজিলহনল্বা মনা মশিংশিং পৈখৎলক্লিবা অমসুং শঙ্গোমগী পোত্থোকশিংনা হান্না মসিগী থাফম ওইরম্বা রেসতুরন্ত, বেঙ্কিত, হোতেলনচিংবশিং লোকদাউন্না মরম ওইদুনা হাংদবনা থাফম লৈরক্তবা অমসুং মপান্দা থাদোকপদা খুদোংচাদবা লোইরিবসিগী মতাংদা খন্নখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1620971

কোবিদ ১৯গী খুদোংচাদবনা দি.এস.তি. অসি অচুম্বা সাইন্সকী আর্কিতেক্ত অমা ওইনা য়াংনা চাউখৎলক্লি হায়বসি উৎলেঃ প্রোফ. আসুতোস শর্ম

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1621139

পি.আই.বি. ফিল্দ ওফিসশিংদগী ফংবা পাউ

• চন্দীগরঃ চন্দীগর এদমিনিস্ত্রেতরনা মকোক থোংবা ওফিসরশিংদা বাপুধাম কোলোনী, সেক্তর ৩০-বি. অমসুং অতোপ্পা কন্তেনমেন্ত জোনশিংদা মীৎয়েং চংনবা খঙহনখ্রে। মহাক্না হেলথ সর্বিস দিরেক্তরদা মফম অসিদা চিংনবশিংবু স্ক্রীনীং অমসুং তেস্ত তৌনবা তোপ-তোপ্পা দ্রাইব অমা লৌখৎনবসু খঙহনখি। মহাক্না স্তাফশিংদা হায়রিবা থবকশিং অসি পাইখৎপদা ইনফেক্সন লানশিল্লক্তনবা প্রোতেক্তিব গীয়রশিং মতীক চানা উপ্নবসু খঙহনখি।     
• পঞ্জাবঃ হকশেল অমসুং য়াইফ-য়ুম্বাল বিভাগনা অহল ওইরবা মীওইশিংবু কোরোনা ভাইরস শন্দোকপদগী কা হেন্না চেকশিন্নবা হায়খ্রে। হায়রিবা এদবাইজরি অসি কোরোনা ভাইরস্তগী ঙাকথোকপদা অৱাবা মাইয়োক্নরিবা অহল ওইরবা মীওই, চহী ৬০ নত্ত্রগা মথক্কী মীওইশিং অমসুং মতম শাংনা শ্বর হোনবা ৱারক্লবা, থমোই, কিদনী, অমসুং ফিরাক্কী অনাবা লৈবা মীওইশিংগীনি। লোকদাউন মনুংদা অপীকপা, মাইক্রো, কোতেজ অমসুং স্মোল ইন্দস্ত্রীশিংগী ফিবম উরদুনা, পঞ্জাবকী মুখ্য মন্ত্রীনা ইমুং মনুং নত্ত্রগা য়ুম্থংনবা মীওইশিংনা চলাইবা য়াবগী অয়াবা অমা কেন্দ্র সরকারনা পীবীনবা হায়জখ্রে।
• হরিয়ানাঃ আয়ুস বিভাগ্না, আয়ুস মন্ত্রালয়গী ওর্দরগী মতুং ইন্না কোরোনা লান্মীশিংগী হকচাং কন্না লৈনবা হিদাক য়েন্থোক্লি।
• হিমাচল প্রদেশঃ আর্ত ওফ লিবিংনা লেম্না য়েন্ননবগীদমক মতেং পাংলকখিবা চানবা অমসুং তঙাইফদবা পোৎলমশিং য়াওবা ত্রক অহুম মুখ্য মন্ত্রীনা লম্থাখ্রে। মহাকনা হায়, মীওইবা জাতিবু নুংশিবগী থবকশিং অসিনা অতোপ্পা ওর্গনাইজেসনশিংবু থোক্লক্তুনা সমাজকী সেবা তৌহন্নিংবগী ইথিল অমা পীরগনি।
• কেরলা: রাজ্য সরকারনা হাই কোর্ত্তা কেন্দ্র সরকারনা পীরিবা ক্বারেন্তাইনগী কাংলোন্দা কোম্থোকপীদুনা এক্সপাতশিংগী ক্বারেন্তাইন অদু ইন্সতিত্যুসনেল ক্বারেন্তাইনবু য়ুমদা তৌবগী অয়াবা পীবীনবা হায়জখ্রে। গল্ফতা লৈবা কেরলা মচাশিং তোংদুনা লাকপা ফ্লাইত অদু মে ৭ তা থুংলরগনি। কেরলা খক্তংদা সর্বিস ১৫ লৈগনি। চংফম পোইন্ত তরুক্তা মালয়ালিশিং থংনবা রাজ্যদগী থোমজিল্লকপা থেংনরে। মরক অসিদা কেরলাগী হাই কোর্তনা রাজ্য সরকারগী ইমপ্লোয়ীশিংগী তোলোপ থিন্থবগী ওর্দিনান্স অদু স্তে পীবদা য়াখিদ্রে। অপুনবা কনফার্ম তৌরবা কেসঃ ৪৯৯, এক্তিব কেসঃ ৩৪, দিসচার্জঃ ৪৬৫, অপুনবা লৈখিদ্রবা মশিং ৪। ।
• তমিল নাদুঃ অম্মা কেন্তীন্দা থবক শুবা, আবিন মিল্ক প্লান তেস্ত পোজিতিব ওইরে। চেন্নাইদা নীংথৌকাবা নুমিত্তা লোকদাউন কোম্থোকখিবদগী মী কয়ানা লম্বীদা চৎপা উখ্রে। চান্নাইগী হোস্পিতালদা লৈবা ফমুংশিং থনখ্রে, লাইওং উত্তবা, অমসুং ফিবম শোক্তবা মীওইশিং প্রাইবেত কোলেজশিং অমসুং চেন্নাই ত্রেদ সেন্তরদা লৈবা কেয়র সেন্তরশিংদা হোংদোকখ্রে। কোয়াম্বেদু মার্কেতনা রাজ্য অসিদা কেস ৬০০ হেন্ন রিপোর্ত তৌখ্রে। ঙরাং ফাওবগী অপুনবা কেসঃ ৩৫৫০, এক্তিব কেসঃ ২১০৭, লৈখিদ্রবাঃ ৩১
• করনাতকাঃ  ঙসি অনৌবা কেস ৮ কনফার্ম ওই। বেঙ্গলোর ৩, বাগল্কোত ২ অমসুং বেলরি, দক্ষিন কনাদা অমসুং উতরাদা অমমম। চহী ৬২গী নুপী অমা কোবিদনা মরম ওইদুনা বিজয়াপুরদা ঙসি লৈখিদ্রে। হৌজিক ফাওবগী অপুনবা কেস-৬৫৯, লৈখিদ্রবা-২৮, দিসচার্জ তৌরবা- ৩২৪।
• আন্ধ্রা প্রদেশঃ রাজ্য অসিদা য়ুগী মমল চাদা য়াংখৈ হেনগৎখ্রে, থবক শুবগী পুংশিং হন্থখ্রে; হান্না লৈরম্বা পোৎচৈগী মমলশিং চাদা ২৫ হেনগৎলে। রাজ্য অসিদা লৈবা ওরেঞ্জ অমসুং গ্রীন জোন্দা সব রেজিস্ত্রার ওফিস নৌনা অমুক হাংদোক্লে, মী চিনবা হন্থনবা তোকন সিস্তেম চৎনবা হৌখ্রে।  হৌখিবা পুং ২৪দা অনৌবা কেস ৬৭ লাকখি (১৪ অমনা গুজরাত্তগী লাকপা পন্দুনা লৈরুবা মীওইনি), ৬৫ দিসচার্জ তৌখি অমসুং মীওই অমা শিখি। অপুনবা কেস মশিং ১৭১৭ য়ৌরে। এক্তিব কেসঃ ১০৯৪, নাবা ফরবাঃ ৫৮৯, লৈখিদ্রবাঃ ৩৪। পোজিতিব ওইবা কেসতা মকোক থোঙলিবা জিলাশিং- কুরনুল (৫১৬), গুন্তুর (৩৫১) অমসুং কৃষ্ণ (২৮৬)।  
• তেলঙ্গানাঃ নীংথৌকাবা নুমিত্তা হৌখিবা লৈবাক শিনবা থুংনা পাংথোক্কদবা লোকদাউন অসিগী অহুমশুবা তাঙ্কক্তা রাজ্য অসিদা লৈবা কন্তেনমেন্ত জোন মফম হন্থরে। হায়দ্রবাদকী ঘাতকেসরদগী ঙসি অয়ুক পুং ৩.০৫ তাবা মতমদগী শ্রামিক স্পেসল ত্রেন্না বিহারগী খাগ্রিয়াদা পন্দুনা লৈরম্বা শিন্মীশিং পুদুনা চৎখ্রে। মসিনা সহর অসিদগী মী পুদুনা চৎখিবা অনীশুবা ত্রেননি। হৌজিক ফাওবগী ওইবা কোবিদ কেসঃ ১০৮৫, এক্তিব কেসঃ ৪৭১, নাবা ফরবাঃ ৫৮৫, ল্লৈখিদ্রবা ২৯।
  • মহারাস্ত্রঃমহারাস্ত্রদা লৈবা কোবিদ-১৯ কেস অসি নীংথৌকাবদা মমাং ওইখিদ্রিবা মওংদা ১৫৬৭ হাপচিন্দুনা ১৪,৫৪১ য়ৌখ্রে।  রাজ্যগী হকশেল বিভাগ্না হায়, মসি মমাংগী বেক্লোগশিং হাপচিনবগী ফলনি। রাজ্য অসিদা লৈখিদবা মশিং অসি নীংথৌকাবদা মীওই ৩৫ হাপচিল্লক্তুনা মীওই ৫৮৩ লৈখিদ্রে। রাজ্যগী ওথোরিতীশিংগী মতুং ইন্না, মুম্বাইদা ৯৩১০ কেস লৈরে অমসুং মীওই ৩৬১ লৈখিদ্রে। ধারাবি, এজিয়াগী খ্বাইদগী চাউবা স্লম ওইরিবা মফম অসিদা অনৌবা কেস ৪২ লাক্লে, মসিনা কেস মশিং পুন্না ৬৩২ য়ৌহনখ্রে। ধারাবিদা হৌজিক ফাওবদা মীওই ২০ লৈখিদ্রে। কোবিদ-১৯না মথং মথং হাৎলকপনা মহারাস্ত্র সরকারনা ২০২০গী মার্চ ফাওবা কোনুং ওইরিবা মফম অসিদা থবক থৌরমশিং থিংজিনখিবনি। সরকারনা বিভাগশিংদা অনৌবা পোৎচৈ লৈশিনবা থিংখি, অমসুং চাখৎথৌরাংগী ওইবা থবকশিংগী এপ্রুবেল ফাজিন্দুনা থমখি। অনৌবা থবক লৌবসু অথিংবা থমখি।
• গুজরাতঃ রাজ্য অসিদা লৈরিবা কোবিদ-১৯ পোজিতিব ওইরবা অনাবগী মশিং অসি হৌজিকফাওবদা ফংবা রিপোর্তকী মতুং ইন্না কেস ৩৭৬ অমসুং লৈখিদবা মশিং ২৯ লাকখ্রে। রাজ্য অসিদা হৌজিক অপুনবা ওইনা ৫৮০৪ য়ৌখ্রে অমসুং ৩১৯না লৈখিদ্রে মরকসিদা নীংথৌকাবা নুমিত্তা দিসচার্জ তৌখিবা অনাবা ১৫৩ থারগা মীওই ১১৯৫দি লাইচৎ অসিদগী নাবা ফখ্রে।
• রাজস্থানঃ হকশেল অমসুং য়াইফ-য়ুম্বাল মন্ত্রালয়না থাদোরকপা চেরোল অমগী মতুং ইন্না, রাজস্থান্দা অনৌবা কোরোনাভাইরস কেস ১৭৫ অমগা লাক্লে। হৌজিক অপুনবা কোবিদ-১৯ পজিতিব কেস অসি ৩০৬১ য়ৌখ্রে।  অপুনবা ওইনা নাখ্রবা মীওইদগী মীওই ১,৩৯৪দি নাবা ফখ্রে। অমসুং ৭৭না লৈখিদ্রে। য়ু য়োনফমদা ইরাং থোকখিবদগী এক্সাইস বিভাগনা য়ু য়োনবা দুকানশিংদা লৈবা লাক্লিবা মীশিংদা কুপন পীদুনা মখোয়দা পীরিবা মতম অদুদা লাকচদুনা মী চিনবা হন্থনবা অমসুং সোসিএল দিস্তেন্সিং ঙাক্নবা খঙহনখ্রে।
• মধ্য প্রদেশঃ মধ্য প্রদেশতা লৈবা কোবিদ-১৯ পোজিতিব কেস মশিং অসি ২,৯৫২ য়ৌবগা লোইননা মীওই ১৬৫ লৈখিদ্রে। মীওই ৭৯৮ না নাবা ফখ্রে। কোনুং ওইরিবা বোপালনা অনীশুবা ওইদুনা ইন্দোরনা খ্বাইদগী শাথীবা মফম ওইরে। শিবগী মশিং খম থেংনা হেনগৎলকপনা ঊজৈন্না অনৌবা হোৎস্পোৎ অমা ওইরে।
• অরুনাচল প্রদেশঃ সরকারনা পন্দুনা লৈরিবা মীওইশিংনা ময়ুমদা হল্লকপা য়ানবগীদমক নোদাল ওফিসরশিংগী নম্বর ফোংখ্রে, অনৌবা পাউ অমসুং মতেংগী মতাংদা য়েংনবা, ৱেবসাইতঃ covid19.itanagarsmartcity.in/index.php  
• অসমঃ হকশেলগী মন্ত্রী হিমন্ত বিস্বা শর্মনা সারুসজাই স্তেদিয়মদা ক্বারেন্তাইন তৌদুনা লৈরিবা কোতাগী মহৈরোই ১২৪ অদু তেস্ত তৌবদা নেগেতিব ওইবদগী ময়ুমদা হলহনখ্রে হায়না ত্বীৎ তৌখ্রে।
• মনিপুরঃ মুখ্য মন্ত্রীনা লৌউ শিংউ অমসুং হোর্তিকলচর বিভাগকী স্তাফশিংগা রাজ্য অসিদা ফুদ গ্রেন অৱাৎপা লৈতনবগীদমক মীফম অমা পাংথোকখ্রে।
• মিজোরমঃ লোঙ্গতলাই জিল্লাদগী মীওই ১৭৩ অসম, মেঘালয়, ত্রিপুরা, অমসুং মনিপুরদগী হল্লকখ্রে অমসুং মখোয় পুম্নমক ক্বারেন্তাইন তৌনবগীদমক পুখ্রে।
• নাগলেন্দঃ কোহিমা অমসুং দিমাপুরগী সিবিল সেক্রেতরীএত অমসুং দাইরেক্তোরেৎশিংনা জিল্লাশিংদা দিপুতী সেক্রেতরী/দিরেক্তরগী থাক অমসুং মসিদগী ৱাংবগা ঐচ.ও.ও.শিং অমসুং ইমিদিএত জুনিয়র স্তাফশিংগা পুন্না থবক পাইখৎমিন্নগদৌরি। নৌনা শেমদোক্লবা কাংলোন্না নাগালেন্দগী দিস্ত্রিক্ত অমদগী অমদা তেক্সি অমসুং রিক্সো শিজিন্নদুনা চৎপা য়াহনগদৌরি। মী পুবা বসশিংদা থম্বা অথিংবশিং মখা তানা চৎনখিগনি।
• ত্রিপুরাঃ রাজ্য সরকারনা অনৌবা covid19.tripura.gov.in হায়বা পোর্তেল অমা হাংখ্রে। মসিদা অতোপ্পা রাজ্যদা পন্দুনা লৈরিবা ময়ুমদা হল্লকনীংবা মীওইশিংনা মিং চনবা য়াগনি।

পি.আই.বি.গী ফেক্তচেক

****