অথিংবা মনুংদা কেমিকেল্স অমসুং ফর্তিলাইজরগী য়ুনিয়ন মিনিস্ত্রীগী মখাদা লৈবা প্রধান মন্ত্রী ভারতীয় জনঔশধী কেন্দ্রশিং (পি.এম.বি.জে.কে) হিদাক লৈনবা ৱাৎসএপ অমসুং ই-মেলদা ওর্দরশিং লৌরে। মসিনা হিদাকশিংগী পেস্ক্রিপ্সনশিং অপলোদ তৌরক্লবা মতুংদা অনাবশিংগী থোংজিলদা হিদাকশিং ফংহনগনি। মসিগী অনৌবা থবক অসিনা তেক্নোলোজীশিং শীজিন্নদুনা মীয়াম্না লাইনা হিদাক লৈবা য়াহল্লে। মসিগী থবক অসিগী পি.এম.বি.জে.কে.বু থাগৎলদুনা কেমিকেল্স অমসুং ফর্তিলাইজরগী য়ুনিয়ন মিনিস্তর দি.ভি. সাদানন্দা গৌরানা হায়খি দরকার ওইবা মীওইশিংদা তঙাইফদবা হিদাকশিং মতম চানা য়াংনা ফংহন্নবা ৱাৎসএপগুম্বা সোসিয়েল মেদিয়া য়াওনা ই-পাউগী অনৌবা খুৎলায়শিং পি.এম.বি.জে.কে.শিংনা শীজিন্নবা অসিদা অপেনবা পোকই।

পি.এম.বি.জে.কে.শিং অসি প্রধান মন্ত্রী ভারতীয় জনঔশধী পরিয়োজনাশিংগী মখাদা থবক তৌরি। অফবা হিদাকশিং অহোংবা মমলদা ফংহন্নবা হৌজিক লৈবাক অসিগী জিলা ৭২৬দা পি.এম.বি.জে.কে. ৬৩০০ হেন্না থবক তৌরি। হায়রিবা হিদাকশিং অসি চাংচত্তা চাদা ৫০দগী চাদা ৯০ রোম হেন্না মমল হোংই। ২০২০গী এপ্রিল ফাওবদা লৈবাক শীনবা থুংনা লুপা করোর ৫২ হেনবগী হিদাকশিং ফংহনখ্রে।

মসিগী মথক্ত, মনুংহুঞ্জিনবা মফমশিংদা লৈবা দুকানশিংদা ইন্দিয়া পোস্তনা হিদাক ফংহন্নবা থবক পায়খৎলি।

কেমিকেলস অমসুং ফর্তিলাইজরগী য়ুনিয়ন মিনিস্ত্রীগী ফর্মাস্যুতিকেল্স দিপার্তমেন্তগী মখাদা লৈবা ব্যুরো ওফ ফর্মা পি.এস.য়ু. ওফ ইন্দিয়া (বি.পি.পি.আই.)না মসিগী ভেন্দরশিংদা অপীবা মতমগী মনুংদা রোল মেতরিয়েলশিং অমসুং পুথোক-পুশিনগী মখোয়গী দরকার ওইবা ৱার্কিং কেপিতেলশিং পীখি।

অথিংবা মনুংদা হিদাক ফংহনবদা থেংনরিবা অৱাবশিং কোকহন্নবা রাজ্য খুদিংমক্ত বি.পি.পি.আই.গী কৎথোক্লবা কাংবু শেমগৎখি। জন ঔসাদিগী পোৎচৈ থমফমশিং মপুং ফানা থবক তৌরি অমসুং স্তাফশিংগী লৈফম থৌরাং তৌরে।

পোৎ লৈরিবা মীয়াম অমসুং দুকান মপুশিংগী খুদোংচাদবা অমা হেক্ত কোকহন্নবা বি.পি.পি.আই.গী হেল্পলাইন নম্বরশিং থবক তৌরি। অথিংবা মনুংদা তঙাইফদবা হিদাকশিং লেপ্তনা ফংহন্নবা, বি.পি.পি.আই.না এপ্রিল থাদা লুপা করোর ১৮৬.৫২ (এম.আর.পি.দা)গী ফাস্ত মুভিং মেদিসন ১৭৮ লৈনবা ওর্দরশিং পীখ্রে।

****