ସ୍ଵରାଷ୍ଟ୍ର ବ୍ୟାପାର ମନ୍ତ୍ରଣାଳୟ
ସର୍ଦ୍ଦାର ପଟେଲ ଜାତୀୟ ଏକତା ପୁରସ୍କାର ପାଇଁ ନାମ ମନୋନୟନ ପ୍ରସ୍ତାବ ତାରିଖ ଜୁନ 30 ଯାଏ ବଢ଼ିଲା
ପୋଷ୍ଟ କରାଯିବା ଦିନାଙ୍କ:
04 MAY 2020 10:00AM by PIB Bhubaneswar
ସର୍ଦ୍ଦାର ପଟେଲ ଜାତୀୟ ଏକତା ପୁରସ୍କାର ପାଇଁ ବ୍ୟକ୍ତିବିଶେଷ ଓ ଅନୁଷ୍ଠାନଙ୍କ ନାମ ମନୋନୟନ କରିବା ନିମନ୍ତେ ଥିବା ସମୟସୀମାକୁ କେନ୍ଦ୍ର ସରକାର ଚଳିତ ମାସ 30 ତାରିଖ ଯାଏ ବଢ଼ାଇ ଦେଇଛନ୍ତି । ଏଥିପାଇଁ 2019 ସେପ୍ଟେମ୍ବର 20ରେ ସରକାର ବିଜ୍ଞପ୍ତି ପ୍ରକାଶ କରି ଉପଯୁକ୍ତ ଓ ଯୋଗ୍ୟ ନାମ ପ୍ରସ୍ତାବ କରିବାକୁ ଆହ୍ୱାନ କରିଥିଲେ । ଏହି ଆବେଦନ ସଂକ୍ରାନ୍ତ ସବିଶେଷ ତଥ୍ୟ www.nationalunityawards.mha.gov.in ରେ ଉପଲବ୍ଧ । ଏହି ପୋର୍ଟାଲରେ ଚଳିତ ବର୍ଷ ଜୁନ ୩୦ ତାରିଖ ପର୍ଯ୍ୟନ୍ତ ଅନଲାଇନରେ ଏହି ପୁରସ୍କାର ପାଇଁ ବ୍ୟକ୍ତିବିଶେଷଙ୍କ ନାମ ସୁପାରିଶ କରାଯାଇପାରିବ ।
ଭାରତ ସରକାର ଦେଶର ପ୍ରଥମ ସ୍ୱରାଷ୍ଟ୍ରମନ୍ତ୍ରୀ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ନାମରେ ଏହି ଜାତୀୟ ପୁରସ୍କାର ପ୍ରଦାନ ବ୍ୟବସ୍ଥା କରିଛନ୍ତି । ଦେଶର ଏକତା ଓ ସଂହତି ରକ୍ଷା କ୍ଷେତ୍ରରେ ଉଲ୍ଲେଖନୀୟ ଓ ପ୍ରେରଣାଦାୟୀ ଅବଦାନ ରଖିଥିବା ବ୍ୟକ୍ତିବିଶେଷଙ୍କ ନାମ ଏଥିପାଇଁ ସୁପାରିଶ କରିବାର ବ୍ୟବସ୍ଥା କରାଯାଇଛି । ବ୍ୟକ୍ତି ବିଶେଷଙ୍କ ବ୍ୟତୀତ ସଂଗଠନ ଓ ପ୍ରତିଷ୍ଠାନ ଯଦି ଏ କ୍ଷେତ୍ରରେ ସେପରି କିଛି ମହତ୍ୱପୂର୍ଣ୍ଣ କାର୍ଯ୍ୟ କରିଥାନ୍ତି ସେ ସବୁଙ୍କ ନାମ ମଧ୍ୟ ସୁପାରିଶ କରାଯାଇପାରିବ ।
************
(ରିଲିଜ ଆଡି: 1620898)
ପରିଦର୍ଶକ କାଉଣ୍ଟର : 238
ଏହି ରିଲିଜ ପଢନ୍ତୁ :
Gujarati
,
हिन्दी
,
Punjabi
,
English
,
Urdu
,
Marathi
,
Manipuri
,
Bengali
,
Tamil
,
Telugu
,
Kannada
,
Malayalam