ঙাকশেল মন্ত্রী শ্রী রাজনাথ সিংনা ভাইরস অসি শন্দোরকপা থিংনবা লেপ্তনা লান্থেংনরিবা কোরোনাগী লান্মীশিংদা সেল্যুৎ তৌনবা কংফালদা, ঈশিংদা অমসুং নোংথক্তা লৈবাক শিনবা থুংনা লৈরিবা মফম কয়া অমদা থবক থৌরম কয়া অমা পাংথোক্নবগীদমক্তা ঙসি আর্ম্দ ফোর্সেসশিংনা হোৎনরিবশিং অদুবু থাগৎপা ফোংদোকখ্রে।

মহাক্না হায়খি, “আর্ম্দ ফোর্সেসনা ঙসি লাইচৎ অসিগী ময়োক্তা লান্থেংনরিবা করোনাগী লান্মীশিংদা তৌবীমল খঙবা উৎপা ওইনা থবক থৌরম কয়া অমা শিনখি। মমাং থাদুনা চেল্লিবা লান্মীশিং অসিনা ভারতনা কোবিদ-১৯গী মায়োক্তা লান্থেংনবদা শরুক য়ারিবশিং অদুগী পুক্নীং থৌগত্তুনা কনখৎহন্নবা শিংথানীংঙাই ওইবা থবক তৌরি। ”

হোসপিতালশিংদা আই.এ.এফ., নেভী অমসুং কোস্ত গার্দকী হেলিকোপ্তরশিংনা পাইদুনা লানবা অমসুং লৈনা চাইথরকপা অদুবু পল্লদুনা মহাক্না হায় প্রধান মন্ত্রী শ্রী নরেন্দ্র মোদিগী লুচিং মখাদা কোবিদ-১৯না থোকহল্লিবা খুদোংথিবশিং অসিবু নমথবদা লৈবাক অসিগী অখাং কনবা অমসুং অপুনবগী শক্তম অসিবু মখোয়না সেল্যুৎ তৌরিবনি।

শ্রী রাজনাথ সিংনা আর্ম্দ ফোর্সেসশিংদা মখোয়না মেদিকেল প্রোফেস্নেলশিং, পুলিস অমসুং অতোপ্পা মমাং থাদুনা চৎলিবা লান্মীশিংদা তৌবীমল খঙবা উৎপা ওইনা পর্ফোর্মেন্স কয়া অমা উত্তুনা মখোয়গী লৌখৎলিবা অখ্ন্নবা থবক থৌরমশিংগীদমক্তা থাগৎপা ফোংদোকখ্রে।

মসিগী কোরোনাগী লান্মীশিং, দোক্তরশিং য়াওনা, নর্সশিং, হাইজিন অমসুং সেনিতেসন স্তাফশিং, পুলিস পর্সোনেলশিং, মীদিয়া অমসুং অতৈ অতোপ্পা তঙাইফদনা মথৌ তাবা সর্বিসশিং অমসুং সপ্লাইশিংগী মেন্তিনেন্সতা য়াওরিবশিংনা লেপ্তনা কোবিদ-১৯গী শন্দোরকপা অসি থিংনবা লৈবাক মীয়াম্না হোৎনরিবা অসিদা শরুক য়ারি। মসিগী লান্মীশিং অসিনা নুংতিগী মথ্বাই খবাক্তা হাপ্তুনা বেসিক অমেনিতীশিং শম্না পল্লবদা ইলেক্ত্রিসিতী অমসুং ঈশিং মীপুম খুদিংমক্তা য়ৌহনবা, লৈরক খুল্লকশিং লু-নান্না থম্বা, তঙাইফদনা চংবা চানবগী পোৎলমশিং, পেসেন্ত খুদিংমক লায়েংদনা হন্দনবা, আইন অমসুং চৎন-কাংলোন নীংথিনা ইন্দুনা চৎপা অমসুং মপান লমদা পন্দুনা লৈরিবা ভারত মচাশিং অদুবু পুরকপা অমসুং নীংথিনা শেন্নবীবা অসিনি।

আর্ম্দ ফোর্সেসশিংনা ঙসি মিলিতরীগী ওইবা তোপতোপ্পা মওংদা ভারতকী কোরোনাগী লান্মীশিংবু য়াম্না চাউনা ইকাইখুম্নবা উৎখ্রে। শ্রীনাগরদগী তিরুৱনাথপুরম অমসুং দিব্রুগরদগী কচ্ছ ফাওবা, আর্মীনা পুলিস মেমোরিয়েলশিংদা লৈ পরেং কৎপা, হেল্থ প্রোফেসনশিং অমসুং ইমর্জেন্সী সপ্লাই ওপরেতিবশিংদা ইকাই খুম্নবা উৎপা অমসুং ফেলিসিতেৎ তৌবনা চিংবা অসিগুম্বা থবক থৌরম কয়া অমা পাংথোকখি। কোরোনাগী মায়োক্তা লান্থেংনরিবা লৈবাক অসিগী মমাং থাদুনা চৎলিবা লান্মীশিংদা ইকাইখুম্নবা উৎপগী খুদোল ওইনা লৈবাক নীংবা ইশৈ খোংদুনা মিলিতরী বেন্দশিংগা লোইননা আর্মী তীমশিংনা  লৈবাক শিনবা থুংনা লৈরিবা মফম মফমগী ওইবা আর্মী ফোর্মেসন্না অপীকপা অমসুং য়াম্লবা মশিংদা রাজ্যশিংদা লৈরিবা য়াম্লবা শহরশিংগী হোস্পিতালশিংদা চৎপগী থৌরম অসি পাংথোকখি।

মেত্রোপোলিসশিংগী মরক্তা দিল্লী, কোলকাতা, চেন্নৈ, বেঙ্গলুরু, ভোপাল, আগ্রা, অমৃৎসর, বেলগাম, রানিখেৎ পিথোরাগর, অচৌবা অমসুং অপীকপা তাউনশিপশিংনা আর্মী, নেভী অমসুং ইন্দিয়ন এয়র ফোর্স (আই.এ.এফ.) অমসুং কোস্ত গার্দ (আই.সি.জি.)শিংনা হোস্পিতালশিংদা চত্তুনা ইকাইখুম্নবা উৎপগী খুদোল তম্বা অসি উখি। থবক থৌরমশিং অসি মফম মফমগী পুলিস মেমোরিয়েলশিংদা লৈ পরেং কত্তুনা হৌদোকখি, মসি অমুক্তা থোকখিদ্রিবা থৌদোক্নি অমসুং মসিনা ফোর্স অসিবু য়ুনিফোর্ম শেৎপা মচিন মনাওগা হেন্না নকশিন্নহল্লি। য়াম্না চাউনা ইকাইখুম্নবা উৎপা অসিবু লৈবাক শিননবা থুংনা অমসুং লৈবাক মীয়াম্না নুংঙাইবা ফোংদোকখি অমসুং সোসিয়েল মীদিয়াদা আর্ম্দ ফোর্সেসশিংগী য়াইফনবা অমসুং নুংশিবা ফোংদোরক্লি।

আর্ম্দ ফোর্সেসনা লৈবাক অসিগী অপাকপা অমসুং অশাংবা থুংনা ইন্দিয়ন এয়র ফোর্সকী ফাইতর অমসুং ত্রান্সপোর্ৎ এয়র্ক্রাফশিংনা লানদুনা পাইবা অসিগুম্বা অতোপ্পা থৌরম কয়া অমসু শিনখি। আই.এ.এফ., ইন্দিয়ন নেভী অমসুং কোস্ত গার্দ (আই.সি.জি.)গী হেলিকোপ্তরশিংনা কোবিদ-১৯গী পেসেন্তশিং। অনাবা য়েংলিবা হোস্পিতালশিংদা লৈনাশিং চাইথখি। আর্মী অমসুং আই.এ.এফ. বেন্দশিংনা কোবিদ হোসপিতালশিংদা চৎখি অমসুং কোরোনাগী লান্মীশিংদা তৌবীমল খঙবা উৎপা ওইনা সুর কয়া অমা খোংখি।

সুখোই-৩০ এম.কে.আই., মিগ-২৯ অমসুং জাগুৱার য়াওরবা ফাইতর এয়রক্রাফ ফোর্মেশনশিংনা রাজপথ মথক লানদুনা পাইখি অমসুং দিল্লীদা লৈরিবশিং অদুনা মখোয়গী য়ুমথক্তগী মথক্তা কোইদুনা পাইবা উবা ফংখি। মসিগী মথক্তা সি. ১৩০জে. হর্ক্যুলিস ত্রান্সপোর্ৎ এয়র্ক্রাফনসু এন.সি.আর. রিজনগী মথক্তা পাইখি।

নেভী অমসুং আই.সি.জি. জহাজশিংনা অখন্নবা মফমশিংদা শমুদ্র খোংবান্দা ফোর্মেসনশিং শেমখি। ঙসি নুমিদাংদা অন্দমান & নিকোবার আইলেন্দশিং, লক্সদ্বীপ অমসুং মিনিকোই আইলেন্দশিংগী  য়াম্না চিকপা মফমশিং অমসুং থাপ্না লৈবা আইলেন্দ তেরিতোরীশিং য়াওনা লৈবাক অসিগী শমুদ্র খোংবান শিনবা থুংনা মফম ২৫দা জাহাজশিং অদু মৈ থান্দুনা ঙালহনগনি।

****