ভারত সরকারনা রাজ্যশিং/য়ুনিয়ন তেরিতোরীশিংগা লোয়ননা কোবিদ-১৯ থাক নাইনা, মাংজৌননা লেপথোকপা মওংদা অমদি নীংথিনা মথৌ পাংবদা মিৎয়েং থম্লগা ঙাকথোক্নবা, লাকশিন্নবা অমদি য়েংশিন্নবা মখল-মখা কয়াগী খোংথাংশিং লৌখৎলি। মসি খ্বাইদগী অৱাংবা থাক্তা চাং নাইনা রিভ্যু তৌদুনা য়েংশিল্লি।

য়াইফ-য়ুম্বালগী কেন্দ্র মন্ত্রী, দা. হর্শ বর্ধন্না কোবিদ-১৯ মেনেজমেন্তকী ফিভম য়েংশিন্নবা ঙসি তেদি হার্দিং মেদিকেল কোলেজদা চৎখ্রে। খোংচৎ অদুদা কেন্দ্র মন্ত্রীনা দাইরেক্তরগী ওফিস, ইমর্জেন্সী, ও.পি.দি., সেমপ্লিং সেন্তর, কোবিদ ব্লোক-গ্রাওন্দ অমদি ১বা ফ্লোরগী লুশিনবা মফমশিং, রেদ জোনগী মফমশিং অমদি দোক্তরশিং অমসুং নর্সশিংগী খুদোংচাবশিংদা অহোংবশিং য়েংশিনখি।

দা. হর্শ বর্ধন্না ওনকোলোজী বিল্দিং অমদি অখন্ননা কোবিদ-১৯গী ফেসিলিতীগীদা দোক্তরশিং অমদি হকশেলগী স্তাফশিংনা মশাদা মহীক-মতাইশিং চেলহন্দনবা স্প্রেশিং হোংদোক-হোংজিন তৌবা অখন্নবা বাথরুম ফংহনবগীদমক অপেনবা ফোংদোকখি। হোসপিতালগী এদমিনিস্ত্রেসন্না মমাং থানা থবক তৌরিবা হকশেলগী মীওইশিংদা ফিভম অদু নীংথিজনা ফনবগীদমক নোংমদা  চাং নাইনা অনিরক ৱারী শানবগীদমক থাগৎখি।

দা.হর্শ বর্ধন্না ভারতকী মীয়ামদা লোকদাউন ৩.০ (মে ১৭, ২০২০ ফাওবা)গী মতম শাংদোরকপগী ৱাখল্লোনবু ময়েক থোকহন্নবা অমদি কোবিদ-১৯বু পরিং নাইবা মওংদা লৌনরকপা থিংনবা য়াম্না নীংথিজবা মওংদা তৌনবা তকশিনখি। মহাক্না ঈরৈবাক মচাশিংদা কোবিদ-১৯না নারবা মীওইশিংবু লোয়েংলিবা দোক্তরশিংবু খুন্নাইসিদগী ইন্থোকপীরোইদবনি অমদি কোবিদ-১৯গী মায়োক্তা লান্থেংনবদা মাই পাক্লবশিংদা ইকাইবা নংহন্দনবা তকশিনখি।

হৌজিক ফাওবদা, পুন্না মীওই ১০,৬৩২ লায়েংদুনা ফহনবা ঙমখ্রে। মমাংগী পুং ২৪দা, অনাবা মীওই ৬৮২ ফহনবা ঙমখ্রে। মসিনা ঐখোয়গী অপুনবা ফগৎলকপগী চাং অসি ২৬.৫৯% য়ৌরে। অপুনবা কনফর্ম ওইরবা কেসশিং অসি হৌজিক ৩৯,৯৮০নি। ঙরাংদগী, ভারত্তা কোবিদ-১৯ নাবগী মশিং অসি ২৬৪৪ হেনগৎখ্রে হায়বগী খুদম ফংখ্রে।

কোবিদ-১৯গা মরী লৈনবা তেক্নিকেলগী খুদোংচাদবশিং, লমজিং-লমতাকশিং অমদি এদভাইজরীশিংনা থাজনীংঙাই ওইবা অমদি অপদেৎ তৌরবা ই-পাউগীদমক্তা চাং নাইনা:       https://www.mohfw.gov.in/ অমসুং @MoHFW_INDIAদা য়েংবীয়ু।

কোবিদ-১৯গা মরী লৈনবা তেক্নিকেল ওইবা ৱাহংশিং অসি technicalquery.covid19[at]gov[dot]inদা অমসুং অতোপ্পা ৱাহংশিংগীদমক্তা ncov2019[at]gov[dot]in অমসুং @CovidIndiaSevaদা থাবা য়াই।

কোবিদ-১৯গী ৱাহংশিংগীদমক্তা, য়াইফ-য়ুম্বালগী হেল্পলাইন নম্বরঃ +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী)দা কোল তৌবীরকউ। কোবিদ-১৯গী মতাংদা রাজ্যশিং/য়ুনিয়ন তেরিতোরীশিংগী হেল্পলাইন নম্বরশিংগী লিস্ত অসি https://www.mohfw.gov.in/pdf/coronvavirushelplinenumber.pdf দসু ফংবীগনি।

****