হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী ওইবা অনৌবা পাউ
হৌজিক ফাওবদা, মীওই ১০৬৩২ নাবা ফখ্রে। হৌখিবা পুং ২৪ অসিদা, অনাবা ৬৮২ নাবা ফখ্রে। মসিনা ঐখোয়গী নাবা ফবগী চাং ২৬.৫৯ য়ৌবা ঙম্লে। হৌজিক লৈরিবা কনফার্ম তৌরবা কেস মশিং অসি ৩৯,৯৮০নি। ঙরাংদগী, ভারত্তা কোবিদ-১৯ কনফার্ম তৌরবা কেস ২৬৪৪ হেনগৎলকখ্রে। দা. হর্স ভর্ধন্না ভারতকী মীয়ামদা শাংদোক্লবা লোকদাউন ৩.০ (মে ১৭, ২০২০ ফাওবা) অসিবু কোবিদ-১৯ শন্দোকপা থিংনবা উপাই খনবীদুনা ঙাক্না চৎপীনবা হায়খ্রে। মহাক্না লৈবাক মচা পুম্নমক্তা কোবিদ-১৯ অনাবা লাইয়েংলিবা দোক্তরশিংবু হন্থনা য়েংবীদনবা অমসুং কোবিদ-১৯ নাবা ফরদুনা হল্লক্লবা মীওইশিংবু হন্থনা য়েংবীদনবা হায়রি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620607
প্রধান মন্ত্রীনা ভারতকী চাউখৎপগী খোংজেল য়াংখৎনবা শেল-থুমগী সেক্তর, স্ত্রকচরেল অমসুং য়াইফ থৌরাংশিংগী মতাংদা খন্ননবা মীফম অমা পাংথোকখ্রে।
প্রধান মন্ত্রীনা হৌজিক ওইরিবা ফিবম অসিদা হেন্না য়াইফনবা অমসুং ভারতকী চাউখৎপগী খোংজেল য়াংখৎনবা শেল-থুমগী সেক্তর, স্ত্রকচরেল অমসুং য়াইফ থৌরাংশিংগী মতাংদা খন্ননবা মীফম অমা পাংথোকখ্রে। শেল-থুম মন্ত্রী অমসুং ওফিসিএলশিং য়াওবা মীফম অমদা , এম.এস.এম.ই.শিং অমসুং লৌমীশিং শৌগৎনবা, লিকুইদিতী ফগৎহনবা অমসুং শেন্থং ফংহনবা হেনগৎহন্নবা লাল্লোংশিং প্রধান মন্ত্রীনা খন্নখি। কোবিদ-১৯ লাকপদগী শেন-থুমগী ফিবম মরা চেৎনা থম্নবা লম্বীশিং অমসুং চৈথেংশিংদগী ললোন-ইতিক্কী থবকশিং খোঙজেল য়াংনা হান্নগী ফিবমদা হল্লকপা ঙম্নবা পায়খৎকদবা থবকশিংগী মতাংদসু প্রধান মন্ত্রীনা খন্নখি। কোবিদ-১৯না পীরিবা অৱাবশিং কোকহন্নবা ললোন-ইতিক্কী থবকশিংদা মতেং পাংদুনা থবক ফংবগী খুদোংচাবশিং শেমগৎতুনা শিন্মীশিং অমসুং মীচম মীয়ামগী য়াইফনবা থবক পায়খৎনবগী তঙাইফদবশিং অদু প্রধান মন্ত্রীনা মীফম অদুদা পুথোকখি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620536
রাজ্য সরকারশিংনা পুরকপা অমসুং অয়াবা পীরবা পেসেঞ্জরশিংতমক রেলৱেজনা পুথোক-পুশিন তৌগনি
অকক্নবা ত্রেন খরখক্তংদা মাইগ্রেন্ত শিন্মীশিং, লাই খুইরুম্বা চৎপশিং, লমকোইবশিং, মহৈরোইশিং অমসুং অতোপ্পা পন্দুনা লৈরিবা মীওইশিংগীদমক রাজ্য সরকারশিংনা হায়রকপগী মতুং ইন্না চেনগনি হায়না শেংদোকরক্লি। অতোপ্পা পেসেঞ্জর ত্রেনগী সর্বিসশিংদি অথিংবা লৈখিগনি। রাজ্য সরকারশিংনা পুরকপা অমসুং অয়াবা পীরবা পেসেঞ্জরশিংতমক পুথোক-পুশিন তৌগনি হায়রি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620532
দা. হর্স ভর্ধন্না লেদী হার্দিং মেদিকেল কোলেজ হোস্পিতালদা চত্তুনা কোবিদ-১৯গী হোৎনরিবশিং য়েংশিনখ্রে
ফ্রন্তলাইন কেয়রগিবরশিং অমসুং হেলথকেয়রগী শিন্মীশিংনা খাংবা কনবা, কন্না হোৎনরিবা, কত্থোকপা অমসুং পুক্নিং চংনা হোৎনরিবশিংবু শিংথারদুনা দা. হর্স ভর্ধন্না হায়খি, "কোবিদ-১৯ নারবা অনাবা ফগৎলকপগী চাং তপ্না-তপ্না ফগৎলক্লি, মসিনা অনাবা কয়া নাবা ফরদুনা ময়ুমদা হন্নরক্লি তাক্লে। হৌজিক ফাওবদা, কোবিদ অনাবা ১০,০০০ নাবা ফখ্রে অমসুং মখোয়গী ইমুংগী মীওইশিংগা পুনবা ফংজদুনা মহৌশাগী পুন্সিদা হঞ্জল্লে। হোস্পিতালশিংদা লৈরিবা অনাবা কয়াসু ফগৎলকপগী লম্বীদা লৈরি। মসিনা ভারত্তা লৈরিবা ঐখোয়গী ফ্রন্তলাইন্দা লৈরিবা হকশেলগী শিন্মীশিংনা পীবীরিবা চেকশিনবগী মগুন তাক্লি। ঐহাক্না মখোয়গী পুন্সিদা মায় পাকপা ওইরসনু হায়না থৌজাল পীজরি।"
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620635
ভারতনা কোরোনাগী লান্মীশিংবু ইকাই খুম্নরি
ভারতনা কোবিদকী লান্মীশিংগী মতেংগা লোইননা কোরোনাভাইরসকা মাইপাক্না লান্থেংনবা ঙম্লি। আই.এ.এফ.না ইন্তর্নেস্নেল অমসুং দোমেস্তিক লেবেল অনিমক্তা মী অমসুং পোৎলমশিং পুথোক পুশিন তৌবদা মতেং পাংদুনা কোরোনা লাকশিনবদা লৈবাক মীয়াম্না হোৎনরিবা অসিদা শরুক য়াদুনা লাক্লি। দোক্তরশিং, পেরা-মেদিক্স অমসুং কোবিদ তেস্তিং লেবশিং লিংখৎনবগীদমক্তা চংবা ইক্যুইপমেন্তশিং য়াওনা তন ৬০০ হেনবা মেদিকেল সপ্লাইশিং অমসুং মশিং য়াম্লবা মীওই কয়া অমা নোংথক্তা পুথোক-পুশিন তৌখ্রে। আই.এ.এফ. পর্সোনেলশিংনা কোরোনাগী মায়োক্তা লান্থেংনবদা লেপ্তনা শরুক য়াখিগনি। ভারত্তা লৈরিবা কোরোনাগী লান্মী খুদিংমক্তা মখোয়গী তৌবীমল খঙবা উৎপা ওইনা আই.এ.এফ.কা লেংমান্ননা লৈরিবা সর্বিসশিংনা মখোয়গী তোপ-তোপ্পা মওংদা ভারতকী থৌনা লৈরবা লান্মীশিং অসিবু সেল্যুৎ তৌনবা থৌরং তৌরি। ভারতকী এয়র্ফোর্সকী এয়র্ক্রাফনা লান্দুনা পাইবগী থৌরাং অসি কোরোনাভাইরসকী লাইচৎ অসিগী মমাংদা অমুক্তা থোকখিদ্রিবা থৌদোক অসিগী মনুংদা অৱাবা লৈতনা অমসুং মশাগী ওইজবা থিদনা থবক তৌরিবা কোবিদকী থৌনা ফরবা লান্মীশিং অসিবু সেল্যুৎ তৌনবগীদমক্তনি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620434
কেন্দ্রগী য়ুমলৈ-কৈরৈ মন্ত্রীনা কোরোনা লান্মীশিংবু মখোয়না কোবিদ-১৯ লাইচৎ অসি থেংননবা লম্বা লৈতনা হোৎনরিবা অমসুং কত্থোকপবু ইকাইখুম্নবা উৎলক্লি
শ্রী অমিত শাহনা ত্বীৎ অমদা হায়খি, "কোরোনা লান্মীশিংবু ভারতনা ইকাইখুম্নবা উৎচরি। ঐহাক্না থাজবা পীরি মদুদি, মোদী লৈঙাক্না অমসুং লৈবাক পুম্বনা নখোয়গী মাইকৈদা লেপ্লি। ঐখোয়না শিংনবশিংবু খুদোংচাবা ওন্থোক্তুনা লৈবাক অসিবু কোরোনাদগী নান্থোক্নবা হোৎনদুনা মালেম পুম্বগী মাংদা মশা ফবা, খুঞ্জাও লৈচাউবা অমসুং মপাঙ্গল কনবা ভারত অমগী খুদম উৎকদবনি। জয় হিন্দ।"
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620591
কেন্দ্রগী ঐচ.আর.দি. মন্ত্রীনা ন্যু দিল্লীদা ক্লাস IX অমসুং Xগীদমক অল্তর্নেতিব একাদমিক কেলেন্দর অমা পুথোকখ্রে
থৌরম অদুদা ৱা ঙাংলদুনা মন্ত্রীনা কেলেন্দর অসিনা ওজাশিংদা মতৌ করম্না মখল কয়াগী তেক্নোলোজীগী তুলশিং অমসুং সোসিয়েল মীদিয়াগী তুলশিং শিজিন্নরগা য়ুমদা লৈনা-লৈনা মহৈ তম্লিবশিং, মপা-মমাশিং অমদি ওজাশিংনা মহৈ-মশিংদা নুংঙাইনা পামজনা মহৈ তম্বা য়াবগে হায়বদুগী গাইদলাইনশিং পীরি। অদুম ওইনমক, অসিগুম্বা মখল কয়াগী তুলশিংগী থাক কয়া মোবাইল, রেদিও, তেলিভিজন, এস.এম.এস. অমদি তোঙান-তোঙানবা সোসিয়েল মীদিয়াশিং অসিদসু য়াহন্নবা তৌরি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620455
ভারতকী লোকপালগী জুদিসিএল মেম্বর ওইরম্বা জস্তিস অজয় কুমার ত্রিপাথী কোবিদ-১৯ লান্থেংনরম্লগা লৈখিদ্রে
মে ২, ২০২০গী থাংজ নুমিৎকী চাউরাক্না নুংথিল পুং ৮:৪৫ তাবা মতমদা ভারতকী লোকপালগী জুদিসিএল মেম্বর ওইরম্বা জস্তিস অজয় কুমার ত্রিপাথী নই দিল্লীগী এইমস্তা লৈখিদ্রে। মহাক কোরোনাভাইরস্না নাখি অমসুং এইমস্তা এপ্রিল ২, ২০২০দা নিংশা হোনবা নুংঙাইতবগা লোইননা পুখৎলকখিবনি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620631
কোবিদ-১৯গী লোকদাউনগী মতমদা জনঔশদী কেন্দ্রশিংনা এপ্রিল ২০২০দা অমুক্তা য়োনখিদ্রিবা মওংদা য়োন্দুনা লুপা করোর ৫২ খোমগৎপা ঙমখ্রে
কোবিদ-১৯না মরম ওইদুনা য়োনফম অমদি পৈথোক-পৈশিন তৌবগী খুদোংচাদবা লৈরবসু প্রধান মন্ত্রী ভারতীয় জন ঔশধী কেন্দ্র-পি.এম.বি.জে.এ.কে.শিংনা মার্চ ২০২০দা লুপা করোর ৪২গা চাংদম্নবদা এপ্রিল, ২০২০দা মমাংদা য়োনখিদ্রিবা মওংদা করোর ৫২গী রেকোর্দ ফংখ্রে। এপ্রিল ২০২০দা লুপা করোর ১৭ ওইখি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620586
স্তেকহোলদর খুদিংমক্না খুদোংথিবা অসি লাকশিন্নবা অপুনবা থৌরাং অমা পায়খৎমিন্নগদবনিঃ শ্রী নীতিন গদকারী
শ্রী নীতিন গদকারীনা ইন্দস্ত্রীগী পুক্নিং চিংশিনলদুনা ইন্দস্ত্রী খুদিংমক্না কোবিদ-১৯ শন্দোকপা থিংবদা তঙাইফদবা খোংথাং খুদিংমক লৌখৎকদবনি হায়না ফোংদোকখ্রে। থবক থৌরমশিং পায়খৎলিঙৈদা পি.পি.ই. (মাস্ক, সেনিতাইজরনচিংবা) শিজিন্নবা অমসুং সোসিএল দিস্তেন্সিংগী কাংলোনশিং ঙাকপগী তঙাইফদবগী মতাংদা পুক্নিং চিংশিনখ্রে। কেন্দ্রগী মন্ত্রীনা মপালদা পোত্থোক থাদোকপা হেনগৎহনবগা লোইননা মপালদগী পুশিল্লকপা পোত্থোকশিংদু লমদম অসিদা শাজবা পোৎশিংনা মহুৎ শিনগদবনি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620609
য়ুমলৈ-কৈরৈ মন্ত্রালয়গী কন্ত্রোল রুম অসি অহাংবা ত্রকশিং য়াওনা পোৎ চৈ পুবা ত্রকশিংগী দ্রাইভর অমসুং ত্রান্সপোর্তরশিংগী খুদোংচাদবশিং লোইশিন্নবা শিজিন্নরগনি
লোকদাউন মনুংদা লৈবাক অসিগী রাজ্য অমদগী রাজ্য অমদা পুথোক-পুশিন তৌরিবা অহাংবা ত্রক য়াওনা হায়রিবা ত্রকশিংগী দ্রাইবর অমসুং ত্রান্সপোর্তরশিংগী খুদোংচাদবশিং থুনা লোইশিন্নবগীদমক, কেন্দ্র সরকারনা য়ুমলৈ-কৈরৈ মন্ত্রালয়গী কন্ত্রোল রুম অসি শিজিন্নরগনি, অমসুং মসিগীদমক্তা রোদ ত্রান্সপোর্ত অমসুং হায়ৱেজ মন্ত্রালয়গী ওফিসরশিংসু মফম অসিদা দিপ্যুতেসন পীখ্রবনি। এম.ঐচ.এ.গী হেল্পলাইন নম্বর ১৯৩০ অমসুং এন.ঐচ.এ.আই.গী হেল্পলাইন নম্বর ১০৩৩ অসি মতেং লৌনবগীদমক শিজিন্নবা য়ারগনি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620617
লাইফলাইন উরানগী মখাদা ফ্লাইৎ ৪৩০ পাইখ্রে
এয়র ইন্দিয়া, এল্লাইএন্স এয়র, আই.এ.এফ. অমসুং লন্নাইগী কেরিয়র কয়ানা লাইফলাইন উরানগী মখাদা ফ্লাইৎ ৪৩০ পাইখ্রে। ফ্লাইৎশিং অসিগী মনুংদগী ২৫২দি এয়র ইন্দিয়া অমসুং এল্লাইএন্স এয়রনা পাইখি। ঙসি ফাওবদা পুখিবা কার্গো অসি তন ৭৯৫.৮৬ ওইদুনা ঙসি ফাওবদা পাইখিবা নোংথক লম্বীগী অরাপ্পা অসি পুন্না কিলোমীতর ৪,২১,৭৯০ হেল্লে। লাইফলাইন উরান’ ফ্লাইৎশিং অসি ভারতনা কোবিদ-১৯গা লান্থেংনরিবা অসিদা লৈবাক অসিগী মনুং হঞ্জিনবা মফমশিংদা চংদবা য়াদ্রবা মেদিকেলগী কার্গোশিং পুথোক পুশিন তৌননবা এম.ও.সি.এ.না দোমেস্তিক সেক্তরদা চলাইদুনা মতেং পাংলি। জম্মু অমসুং কশ্মীর, লদাখ, ইথৎশিং অমসুং অৱাং নোংপোক্কী লমদমশিংদা মরু ওইবা মেদিকেল কার্গোশিং অমসুং অনাবা মীওই কয়া পুথোক পুশিন তৌননবা পৱন হন্স লিমিতেদ য়াওনা হেলিকোপ্তর সর্বিস কয়া চলাইরি। পৱন হন্সনা মে ২, ২০২০ ফাওবদা অরাপ্পা কিলোমীতর ৭,৭২৯ পাইদুনা তন ২.২৭কী কার্গো পুথোক পুশিন তৌখ্রে।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620621
কোবিদ লোইরবা মতুংগী ফিবম্না ভারত্তা ৱাগী পোত্থোক কয়াগী মতেংনা শেন্মিৎলোন ফগৎনবগী খুদোংচাবা অমা পীরগনিঃ দা. জিতেন্দ্র সিংহ
দা. জিতেন্দ্র সিংহনা হায়খ্রে মদুদি, কোবিদ-১৯ লোইরবা মতুংদা ভারতকী শেন্মিৎলোন্দা ৱানা মরুওইবা থৌদাং লৌগদৌরি অমসুং মসিনা ৱাগী পোত্থোকশিংনা ভারতপু শেন্মিৎলোন্দা মপাঙ্গল কল্লবা লৈবাক ওইহন্নবগী খুদোংচাবা অমা পীরগনি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620634
কোবিদ-১৯না থোকহল্লিবা খুদোংচাদবা মরক অসিদা ত্রাইবেলশিংবু মতেং পাংনবা সরকারনা রাজ্যশিংদা মাইনর ফোরেস্ত প্রদ্যুস লৌখৎপগী খোঙজেল হেনগৎনবা হায়খ্রে
এম.এফ.পি. খোমজিনবগী চপ চাবা মতম ওইরিবা অসি য়েংলদুনা ত্রাইবেল এফিয়ার্সকী মন্ত্রালয়না কোবিদ-১৯না থোকহল্লিবা খুদোংচাদবা মরক অসিদা ত্রাইবেলশিংবু মতেং পাংনবা সরকারনা রাজ্যশিংদা মাইনর ফোরেস্ত প্রদ্যুস লৌখৎপগী খোঙজেল হেনগৎনবা হায়খ্রে।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620612
ই.পি.এফ.ও.গী শিন্মীশিংনা পি.এম. কেয়র্স ফন্দদা লুপা করোর ২.৫ মতেং পাংখ্রে।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620637
এন.এম.সি.জি. অমসুং এন.আই.য়ু.এ.না 'দ ফ্যুচর ওফ রিভর মেনেজমেন্ত' হায়বসিদা আইদিয়াথোন পাংথোকখ্রে
জল শক্তি মন্ত্রালয় অমসুং নেস্নেল ইন্সতিত্যুত ওফ অর্বান এফিয়রসনা কোবিদ-১৯গী খুদোংথিবা অসিনা তুংগী তুরেল শেমজিন শাজিনবগী থবকশিং মওং লেপকদগে হায়বসি পুথোক্নবা 'দ ফ্যুচর ওব রিবর মেনেজমেন্ত' হায়বসিদা আইদিয়াথোন অমা পাংথোকখ্রে। মালেম অসিদা লৈরিবা লৈবাকশিংনা মফম অয়াম্বদা লোকদাউন তৌবগা লোইননা কোবিদ-১৯ থেংনবদা শিংনবা কয়া মাইয়োক্নরি। হায়রিবা খুদোংথিবা অসিনা ময়াম পুম্নমক্তা পাখৎপা অমসুং অৱাবা পীরবসু মসিগী খুদোংথিবা অসিনা অফবা খরসু উৎলি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1620441
পি.আই.বি. ফিল্দ ওফিসশিংদগী ফংবা পাউ