য়ুমলৈ-কৈরৈ মন্ত্রালয়
কেন্দ্রগী য়াইফ-য়ুম্বাল মন্ত্রীনা কোরোনা ৱারিয়রশিংবু কোবিদ-১৯ লাইচৎ থেংনবদা মখোয়গী লেঙ্গা লৈতবা থৌদাং অমসুং কত্থোকপগীদমক ইকায় খুম্নখ্রে
Posted On:
03 MAY 2020 3:08PM by PIB Imphal
কেন্দ্রগী য়াইফ-য়ুম্বাল মন্ত্রী শ্রী অমিৎ শাহনা ঙসি কোরোনা ৱারিয়রশিংবু কোবিদ-১৯ লাইচৎ থেংনবদা মখোয়গী লেঙ্গা লৈতবা থৌদাং অমসুং কত্থোকপগীদমক ইকায় খুম্নখ্রে।
শ্রী শাহনা ত্বীৎ অমদা হায়খি, “ভারতনা মসিগী কোরোনা ৱারিয়রশিংবু ইকায় খুম্নরি। ঐহাক্না অদোমদা থাজবা পীরি মদুদি মোদী সরকার অমসুং লৈবাক পুম্বনা অদোমগা লোয়ননা লেপ্লি। ঐখোয়না লৈবাক অসিবু কোরোনাদগী নান্থোকহন্দুনা শিংনবদগী খুদোংচাবা তাঞ্জাদা ওন্থোক্কদবনি অমদি মশা-মউ ফবা, চাউখৎপা অমসুং মপাঙ্গল কনবা ভারত অমা শেমগৎতুনা মালেমগীদমক খুদম অমা ওইহনগদবনি। জয় হিন্দ!”
ঙসি ভারতকী আর্ম ফোর্সেসনা কোরোনা ৱারিয়রশিংবু তোঙান-তোঙানবা মওং-মতৌদা ইকায় খুম্নখি। য়াইফ-য়ুম্বাল মন্ত্রীনা মওং-মতৌশিং অদুবু থাগৎপা ফোংদোক্লদুনা হায়খি, “ইন্দিয়ন আর্ম ফোর্সেসনা লৈবাক অসিবু কোরোনাদগী নান্থোকহন্নবগীদমক অয়ুক অমদি নুমিদাং মথৌ তৌরিবা দোক্তরশিং, পুলিস, পেরামিলিতরী ফোর্সেস অমসুং অতোপ্পা ৱারিয়রশিংদা উৎলিবা ইকায় খুম্নবা মতৌশিং অসি থমোয়দা ফাওরি। কোরোনা থেংনবা মতমদা ৱারিয়রশিং অসিনা উৎলিবা থৌনা ফবা মতৌ অসি থাঙ্গৈশেংনা ইকায় খুম্ননীংঙাইনি।”
ইন্দিয়ন আর্ম ফোর্সেসনা কোরোনা লাইচৎ থেংনরিবা থৌনা ফরবা লান্মীশিংবু ঙসি নেস্নেল পুলিস মেমোরিয়েলদা লৈ কৎতুনা ইকায় খুম্নখি। মসিদা শ্রী শাহনা মহাক্কী ত্বিৎতা হায়খি, “ভারতনা কোরোনা ভাইরস থেংনরিবা থৌনা অসি তশেংনা থাগৎনীংঙাইনি। ঙসি আর্ম ফোর্সেস অহুম্মক্না লাইনা অসি থেংনরিবা থৌনা ফরবা লান্মীশিংবু নেস্নেল পুলিস মেমোরিয়েলদা লৈ কৎতুনা ইকায় খুম্নখি। মসিগী অৱাবা মতম অসিদা লৈবাক পুম্বনা মখোয়গী থৌনা ফরবা লান্মীশিং অমসুং মখোয়গী ইমুং-মনুংগীদমক লেপ্লি।”
****
(Release ID: 1620773)
Visitor Counter : 162
Read this release in:
Punjabi
,
English
,
Urdu
,
Hindi
,
Marathi
,
Assamese
,
Bengali
,
Gujarati
,
Odia
,
Tamil
,
Telugu
,
Kannada
,
Malayalam