ভারতনা কোবিদকী লান্মীশিংগী মতেংগা লোইননা কোরোনাভাইরসকা মাইপাক্না লান্থেংনবা ঙম্লি। আই.এ.এফ.না ইন্তর্নেস্নেল অমসুং দোমেস্তিক লেবেল অনিমক্তা মী অমসুং পোৎলমশিং পুথোক পুশিন তৌবদা মতেং পাংদুনা কোরোনা লাকশিনবদা লৈবাক মীয়াম্না হোৎনরিবা অসিদা শরুক য়াদুনা লাক্লি। দোক্তরশিং, পেরা-মেদিক্স অমসুং কোবিদ তেস্তিং লেবশিং লিংখৎনবগীদমক্তা চংবা ইক্যুইপমেন্তশিং য়াওনা তন ৬০০ হেনবা মেদিকেল সপ্লাইশিং অমসুং মশিং য়াম্লবা মীওই কয়া অমা নোংথক্তা পুথোক-পুশিন তৌখ্রে। আই.এ.এফ. পর্সোনেলশিংনা কোরোনাগী মায়োক্তা লান্থেংনবদা লেপ্তনা শরুক য়াখিগনি। ভারত্তা লৈরিবা কোরোনাগী লান্মী খুদিংমক্তা মখোয়গী তৌবীমল খঙবা উৎপা ওইনা আই.এ.এফ.কা লেংমান্ননা লৈরিবা সর্বিসশিংনা মখোয়গী তোপ-তোপ্পা মওংদা ভারতকী থৌনা লৈরবা লান্মীশিং অসিবু সেল্যুৎ তৌনবা থৌরং তৌরি। ভারতকী এয়র্ফোর্সকী এয়র্ক্রাফনা লান্দুনা পাইবগী থৌরাং অসি কোরোনাভাইরসকী লাইচৎ অসিগী মমাংদা অমুক্তা থোকখিদ্রিবা থৌদোক অসিগী মনুংদা অৱাবা লৈতনা অমসুং মশাগী ওইজবা থিদনা থবক তৌরিবা কোবিদকী থৌনা ফরবা লান্মীশিং অসিবু সেল্যুৎ তৌনবগীদমক্তনি।

ভারতকী এয়র ফোর্সকী এয়র্ক্রাফ কয়া অমনা মে ০৩, ২০২০দা দিল্লী অমসুং এন.সি.আর. রিজনশিংগী মথক লান্দুনা পাইনবা থৌরাং তৌরি। অসিগী পাইবগী থৌওং অসি আই.এ.এফ.কী ত্রেনিং এক্তিবিতী অমসুং কোবিদ-১৯গী থবক্কা মরী লৈনবা সপ্লাইশিং পুথোক-পুশিন তৌবদা য়াওরিবা ত্রান্সপোর্ৎ এয়র্ক্রাফ অমসুং হেলিকোপ্তরশিংগী ওইনদি মতাং চানা পাইবগা পুনশিন্নদুনা পাংথোকপনি।

কোরোনাগী লান্মীশিংদা পীরিবা এরিয়েল সেল্যুৎ অদু পুং ১০০০-১০৩০গী মরক্তা দিল্লীগী মথক্তা পাংথোক্নবা থৌরাং তৌগনি। ফাইতর এয়র্ক্রাফ ফোর্মেশন, মসিদা সুখোই-৩০ এম.কে.আই, মিগ-২৯ অমসুং জগ্বার য়াওনা রাজপথ মথক্তা অমসুং দল্লীগী মথক্তা কোইদুনা পাইগনি অমসুং মসি দিল্লীদা লৈরিবশিংনা মখোয়গী য়ুমথক্তগী উবা ফংগনি। মসিগী মথক্তা সি.-১৩০ ত্রান্সপোর্ৎ এয়র্ক্রাফনা ফাইতরশিংগা চপ মান্নবা মওংদা দিল্লী অমসুং এন.সি.আর. রিজনশিং শিনবথুংনা পাইগনি। এয়র্ক্রাফশিংনা মরু ওইনা উচেক্কী থবক থৌওংশিংগা মরি লৈননা এরোস্পেস সেফ্তী নীংথিনা ইন্দুনা চাউরাক্না মীতর ৫০০দগী ১০০০ ফাওবগী অৱাংবদা পাইগনি।

অসিগী মথক্তা, হেলিকোপ্তরশিংনা পুং ০৯০০দা পুলিস ৱার মেমোরিয়েলশিংগী মথক্তা লৈনাশিং চাইথরক্নবগী থোরাং তৌখ্রে মসিগা তুংওইননা কোবিদ-১৯গী পেসেন্তশিংদা রিলীফ পীবদা য়াওরিবা দিল্লীগী হোস্পিতালশিংদা অমুক চাইথগনি। মসিগী লিস্ত অসিদা য়াওরিবা হোসপিতালশিং অদুদি এ.আই.আই.এম.এস., দীন দয়াল উপধ্যায় হোস্পিতাল, জি.তি.বি. হোস্পিতাল, লোকনায়ক হোস্পিতাল, রাম মানোহর লোহিয়া হোস্পিতাল, সফদর্জং হোস্পিতাল, শ্রী গঙ্গা রাম হোস্পিতাল, বাবা সহেব অম্বেদকর হোস্পিতাল, মেক্স সাকেৎ, রোহীনি হোস্পিতাল, অপোলো ইন্দ্রপ্রস্থা হোস্পিতাল অমসুং আর্মী হোস্পিতাল রিসর্চ এন্দ রিফরেলনি।

****