প্ৰতিৰক্ষা মন্ত্ৰালয়
ক’ৰোনা যোদ্ধাসকলক ছেল্যুট ভাৰতৰ
Posted On:
02 MAY 2020 6:09PM by PIB Guwahati
ক’ভিড যোদ্ধাসকলৰ সহায়ত ভাৰতে সফলতাৰে ক’ৰোনা ভাইৰাছৰ বিৰুদ্ধে যুঁজ দি আহিছে। ভাৰতীয় বায়ুসেনা বাহিনীয়ে আন্তঃৰাষ্ট্ৰীয় আৰু ঘৰুৱা পৰ্যায়ত মানুহৰ লগতে সামগ্ৰী অনা-নিয়া কৰি ক’ৰোনা নিয়ন্ত্ৰণ কৰাৰ প্ৰতি ৰাষ্ট্ৰীয় প্ৰচেষ্টাৰ প্ৰতি বৰঙণি আগবঢ়াইছে। ক’ভিড টেষ্টিং লেব স্থাপন কৰাৰ বাবে বিমানযোগে চিকিৎসক, পেৰা-মেডিকেল ষ্টাফ আৰু অন্যান্য সা-সঁজুলিকে ধৰি ৬০০টনতকৈ অধিক চিকিৎসা সামগ্ৰী সৰবৰাহ কৰিছে। ভাৰতীয় বিমান বাহিনীৰ জোৱানে ক’ৰোনা বিৰোধী যুঁজৰ প্ৰতি বৰঙণি আগবঢ়াই যাব। ভাৰতীয় ক’ৰোনা যোদ্ধাসকলৰ প্ৰতি কৃতজ্ঞতা প্ৰকাশ কৰি ভাৰতীয় বায়ু সেনা বাহিনা আৰু ইয়াৰ ভগ্নী সেৱাই ভাৰতৰ সাহসী যোদ্ধাসকলক ব্যতিক্ৰমী ধৰণে অভিবাদন জনোৱাৰ পৰিকল্পনা কৰিছে।
ক’ৰোনা ভাইৰাছজনিত মহামাৰীৰ এই কঠিন সময়ত অক্লান্ত আৰু নিঃস্বার্থভাৱে যিসকলে কাম কৰি আহিছে, সেইসকল যোদ্ধাৰ বাবে ভাৰতীয় বিমানবাহিনীৰ যুদ্ধবিমানৰ কুচকাৱাজৰ জৰিয়তে অভিবাদন জনোৱাৰ পৰিকল্পনা কৰিছে।
ভাৰতীয় বিমানবাহিনীৰ কেইবাখনো বিমানে ৩ মে’, ২০২০ত দিল্লী আৰু এনচিআৰ অঞ্চলত এই যুদ্ধবিমানৰ কুচকাৱাজত অংশ গ্ৰহণ কৰিব। এই উৰন্ত কুচকাৱাজৰ জৰিয়তে আইএএফৰ প্রশিক্ষণ কার্যসূচী চলোৱা হ’ব আৰু ক’ভিড-১৯জনিত সেৱাৰ সৈতে জড়িত পৰিবহণ বিমান আৰু হেলিকপ্টাৰৰ সৈতে সমন্বয়সাধন কৰি এই কুচকাৱাজ চলিব।
ক’ৰোনাৰ যোদ্ধাসকলৰ বাবে বিমানৰ এই অভিবাদন কাৰ্যসূচী পুৱা ১০ বজাৰ পৰা ১০.৩০লৈকে চলিব। ছুখই-৩০ এমকেআই, মিগ-২৯ আৰু জাগুৱাৰৰ সমন্বয়ত যুদ্ধবিমানৰ এই কুচকাৱাজ ৰাজপথৰ ওপৰেৰে যাব আৰু দিল্লীৰ ওপৰেৰে প্রদক্ষিণ কৰিব আৰু দিল্লীৰ বাসিন্দাসকলে ছাদৰ পৰা এই দৃশ্য প্রত্যক্ষ কৰিব পাৰিব। তদুপৰি, চি-১৩০ পৰিবহণ বিমানে সম্পূর্ণ দিল্লী আৰু এনচিআৰ অঞ্চলজুৰি এই অনুশীলনত অংশ ল’ব। এই বিমানখনে মহাকাশৰ নিৰাপত্তা বিশেষকৈ চৰাই উৰণৰ বিষয়টো অনুসৰণ কৰি প্রায় ৫০০ মিটাৰৰ পৰা ১০০০ মিটাৰ উচ্চতাত উৰিব।
তদুপৰি, হেলিকপ্টাৰসমূহ আৰক্ষী যুদ্ধ স্মাৰকৰ ওপৰেৰে পুৱা ৯ বজাৰ পৰা পুষ্পবৃষ্টি কৰাৰ পৰিকল্পনা কৰিছে। তাৰপাছত সেই বিমানসমূহে দিল্লীৰ কেইবাখনো হাস্পতালৰ ক’ভিড-১৯ৰ ৰোগীৰ সাহায্য সৰবৰাহ কৰাৰ কাম কৰিব। এই হাস্পতালৰ তালিকাত আছে এআইআইএমএছ, দীনদয়াল উপাধ্যায় হাস্পতাল, জিটিবি হাস্পতাল, লোকনায়ক হাস্পতাল, ৰাম মনোহৰ লোহিয়া হাস্পতাল, ছফদৰজং হাস্পতাল, শ্রী গংগা ৰাম হাস্পতাল, বাবা ছাহেব আম্বেদকাৰ হাস্পতাল, মেক্স ছাকেত, ৰোহিনী হাস্পতাল, এপল’ ইন্দ্রপ্রস্থ হাস্পতাল আৰু সেনা হাস্পতালৰ গৱেষণা কেন্দ্র তথা ৰেফাৰেল হাস্পতাল।
***
IN/BSK/DB
(Release ID: 1620546)
Visitor Counter : 184
Read this release in:
English
,
Urdu
,
Hindi
,
Marathi
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada