কেন্দ্রগী হ্যুমেন রিসোর্চ দিভেলপমেন্তকী মন্ত্রী শ্রী রমেশ পোখ্রিয়াল ‘নিশঙ্ক’না  ঙসি ন্যু দিল্লীদা ক্লাস IX অমসুং Xগীদমক  অল্তর্নেতিব একাদমিক কেলেন্দর অমা পুথোকখ্রে।

থৌরম অদুদা ৱা ঙাংলদুনা মন্ত্রীনা কেলেন্দর অসিনা ওজাশিংদা মতৌ করম্না মখল কয়াগী তেক্নোলোজীগী তুলশিং অমসুং সোসিয়েল মীদিয়াগী তুলশিং শিজিন্নরগা য়ুমদা লৈনা-লৈনা মহৈ তম্লিবশিং, মপা-মমাশিং অমদি ওজাশিংনা মহৈ-মশিংদা নুংঙাইনা পামজনা মহৈ তম্বা য়াবগে হায়বদুগী গাইদলাইনশিং পীরি। অদুম ওইনমক, অসিগুম্বা মখল কয়াগী তুলশিংগী থাক কয়া মোবাইল, রেদিও, তেলিভিজন, এস.এম.এস. অমদি তোঙান-তোঙানবা সোসিয়েল মীদিয়াশিং অসিদসু য়াহন্নবা তৌরি।

শ্রী পোখ্রীয়ালনা মখা তানা ঐখোয়গী মনুংদগী মীওই কয়া অমগী মোবাইলদা ইন্তর্নেতকী কুদোংচাবা লৈরমদবা য়াই নত্ত্রগা তোঙান-তোঙানবা ৱাৎসএপ, ফেসবুক, ত্বীতর, গুগলনচিংবা সোসিয়েল মীদিয়াগী তুলশিং শিজিন্নদবশিংগীদমক কেলেন্দর অসিনা মপা-মমাশিং অমদি মহৈরোইশিংবু মোবাইলদা এস.এম.এস. থাদুনা নত্ত্রগা ভোইস কোল তৌদুনা ওজাশিংনা তাক্নবা মখা তানা লমজিং লমতাক্কনি। কেলেন্দর অসি শিজিন্নহনবদা মপা-মমাশিংনা ইলিমেন্তরীগী তাঙ্কক্তা লৈরিবা মহৈরোইশিংবু মতেং পাংবীগনি হায়বগী থাদবা থম্লি হায়খি।

মন্ত্রীনা ক্লাস XI অমসুং XIIকী ওইনসু অল্তর্নেতিব একাদমিক কেলেন্দর অমদি সবজেক্ত এরিয়াশিং অথুবা মতমদা পুথোক্লগনি হায়নসু পাউদমখি। মহাক্না মখা তারদুনা কেলেন্দর অসিদা মমিৎ উদ্রবা অঙাংশিং ( অখন্ননা য়েংশিনবগী মথৌ তারবা অঙাংশিং) য়াওনা অঙাংশিংগী মথৌ তাবশিংদু য়েংগনি হায়না হায়খি। লিঙ্ক অসিনা ওদিও লাইরিকশিং, রেদিওগী থৌরমশিং, ভিদিওগী থৌরমশিংসু য়াওরক্লগনি।

শ্রী পোখ্রীয়ালনা কেলেন্দর অদুদা সেল্লেবস নত্ত্রগা তেক্সবুক্তগী লৌথোরকপা থীম/চেপ্তরগা কোন্ননা নুংঙাইরবা অমসুং তৌবা য়াবা থবকশিংগা মরী লৈননা চয়োল-চয়োলগী য়াওরিবশিং অদু হায়খি। খ্বাইদগী মরুওইনা, তম্মগা মহৈ ফংবশিংগা লৌয়ননা থীম অদু মেপ তৌখি। তম্মগা মহৈ ফংবশিংগা থীমশিং মেপ তৌবগী মরম অসি ওজাশিং/মপা-মমাশিংনা তম্বদা কান্নবা ফংহন্নবনি অমসুং তেক্সবুক্তা য়াওরিবশিং অদুদগী হেন্না খঙনবনি। কেলেন্দরদা পীরিবা এক্তিবিতীশিং অসি তম্মগা কান্নবা ফংহন্নবখক্তা নত্তনা তেক্সবুকশিং য়াওনা রিসোর্স অমদগী হেক্তা ফংহন্দুনা মশাগী রাজ্যদা নত্ত্রগা য়ুনিয়ন তেরিতোরীদা  শিজিন্নবনি। 

মন্ত্রীনা হায়খি মদুদি কেলেন্দর অসিনা আর্তস এজুকেসন, হকচাং শাজেলশিং, য়োগনচিংবা  তৌরগা তমগদবশিং য়াওরি। কেলেন্দর অসিদা ক্লাস-ক্লাসকী অমদি সবজেক্ত-সবজেক্তকী ওইনা ত্যুবুলরগী মওংদা য়াওরি। মসিদা সবজেক্ত এরিয়া ওইবা মওংদা লোন মরি - হিন্দী, ইংলিস, উর্দু অমদি সংস্কৃতকা মরি লৈনবা এক্তিবিতীশিং য়াওরি। মসিগী কেলেন্দর অসিনা ৱাখল নুংঙাইতবা অমদি চরাংনবা হন্থহন্নবা লাল্লোং কয়া অমগীসু মফম পীরি হায়না মহাক্না মখা তানা হায়খি। কেলেন্দর অসিদা ভারত সরকারগী ই-পাথশালা, এন.আর.ও.ই.আর. অমদি দিক্ষা পোর্তেলদা  চেপ্তর-চেপ্তরগী ওইনা ই-কন্তেন্তকী লিঙ্ক য়াওই।

পীরিবা এক্তিবিতীশিং অসি সজেস্তিব  ওই , প্রিসক্রিপ্তিবসু ওইদে অদুগা মথং-মথং লৈবগী মওংসু ওইদে। ওজাশিং অমদি মপা-মমাশিংনা এক্তিবিতীশিং অদু কন্তেস্কচুএলাইজ তৌনবা অমদি মহৈরোইশিং অদুনা পাম্নবা মথং-মথং লাকপা নত্ত্রগসু এক্তিবিতীশিং অদু খনবা য়াই।

এন.সি.ই.আর.তি.না হান্না মাংজৌননা  ফ্রী (দি.তি.ঐচ. চেনেল ১২৮, দিশ তি.ভি. চেন্নেল #৯৫০, সনদাইরেক্ত #৭৯৩, জিও তি.ভি, তাতাস্কাই #৭৫৬, এয়রতেল চেন্নেল #৪৪৭) কিশোর মঞ্চ এপ (প্লে স্তোরদগী দাউনলোদ তৌবা য়াবা) অমদি য়ুত্যুব লাইব (এন.সি.ই.আর.তি.গী ওফিসিএল চেন্নেলগী তি.ভি. চেনেল স্বয়ম প্রভা (কিশোর মঞ্চ)দা মহৈরোইশিং, মপা-মমাশিং অমদি ওজাশিংগা ইন্তরেক্ত তৌনবা হৌখ্রে। মসিগী সেসনশিং অসি প্রাইমরী ক্লাসশিংগী ওইনা অয়ুক্কী পুং ১১.০০দগী নুমিৎয়ুংবা মতুং পুং ১,০০ ফাওবা, অপ্পর প্রাইমরীগী ক্লাসশিংগী ওইনা  নুংথীল পুং ২.০০দগীনা ৪.০০ ফাওবা অমসুং সেকেন্দরী ক্লাসশিংগী ওইনা অয়ুক্কী পুং ৯.০০দগীনা ১১.০০ ফাওবা নিংথৌকাবদগীনা থাংজা ফাওবা  নুমিৎ খুদিংগী তেলিকাস্ত তৌগনি। লাইব সেসনশিং অসিদা য়েংলিবশিংগা ৱারী শান্নবদা নত্তনা তোপিকশিং তাকপা মতমদা খুৎনা নত্ত্রগা এক্তিবিতীশিংগা কোন্ননা দেমোন্সত্রেৎ তৌই। মসিগী কেলেন্দর অসি এস.সি.ই.আর.তি.শিং/এস.আই.ই.শিং, এজুকেসনগী দাইরেক্তোরেৎশিং, কেন্দ্রীয় বিদ্যালয় সঙ্গথন, নবোদ্যা বিদ্যালয় সমিতী, সি.বি.এস.সি., স্তেৎ স্কুল এজুকেসন বোর্দশিংনচিংবশিংগা ভিদিও কনফরেন্স তৌরগা শন্দোক্কনি। মসিনা মহৈরোইশিং, ওজাশিং, স্কুলগী প্রীন্সিপলশিং অমদি মপা-মমাশিংদা  য়ুমদা ওন-লাইন তাকপী-তম্বীবগী রিসোর্চশিং অসি শিজিন্নদুনা কোবিদ-১৯ লান্থেংনবদা পোজিতিব ওইবা লম্বী থিবদা অমদি মখোয়না তম্লিবশিং অদুগী মহৈ হেনগৎহনবদা থৌনা হাপ্পি।  

কোবিদ-১৯না মরম ওইদুনা ময়ুমদা লৈরিঙৈগী মতমদা মখোয়গী মপা-মমা অমদি ওজাশিংগী মতেংনা মহৈরোইশিংগা ৱাহন্থোক লৈনা পুক্নিং চিংশিন্ননবা, এম.ঐচ.আর.দি.গী লমজিং-লমতাক্কী মখাদা এন.সি.আর.তি.না প্রাইমরী অমদি অপ্পর-প্রাইমরী থাক্কী মহৈরোইশিং, মপা-মমাশিং অমদি ওজাশিংগীদমক্তা অল্তর্নেতিব একাদমিক কেলেন্দর অমা পুথোকখিবনি। মসিগী প্রাইমরী থাক (ক্লাস Iদগী V ফাওবা) অমসুং অপ্পর প্রাইমরী থাক (ক্লাস VIদগী VIII ফাওবা) একাদমিক কেলেন্দর অসি কেন্দ্রগী ঐচ.আর.দি. মন্ত্রীনা এপ্রিল, ২০২০দা পুথোকখিবনি।  

৯শুবা অমদি ১০শুবগীদমক ইংলিস্তা অল্তর্নেতিব একাদেমিক কেলেন্দর য়েংবীনবা মসিদা ক্লিক তৌবীয়ুঃ

৯শুবা অমদি ১০শুবগীদমক হিন্দীদা অল্তর্নেতিব একাদেমিক কেলেন্দর য়েংবীনবা মসিদা ক্লিক তৌবীয়ুঃ

****