ریلویز کے مرکزی وزیر جناب پیوش گوئل نے  انڈین ریلویز کے  مال ڈھلائی سے متعلق کام کاج  میں  تبدیلی لانے کیلئے  ممکنہ طریقوں اور وسائل پر  تبادلہ خیال کرنے کیلئے  آج لاجسٹکس صنعت سے جڑے اہم  افراد /شراکت داروں کی میٹنگ بلائی۔یہ میٹنگ لگ بھگ تین   گھنٹے تک جاری رہی جس میں مال ڈھلائی  آپریشن کو زیادہ  کفایتی  اور منافع بخش بنانے کی سمت میں  ممکنہ پالیسی اقدامات  پر صنعتی دنیا کی جانب سے  اہم  تجاویز  موصول ہوئے۔

کووڈ-19 بحران کے دوران ریلویز کی جانب سے اد اکیے جارہے  اہم کردار پر روشنی ڈالتے ہوئے   جناب پیوش گوئل نے کہا کہ  ریلوے  کووڈ بحران کو بیحد فکرمندی اور ہمدردی کے ساتھ دیکھتا ہے اور اس  مدت کے دوران ریلوے نے  ملک بھر میں ضروری اشیاء کی ڈھلائی کرکے  ملک کے لئے  لائف لائن کا کام کیا ہے۔ جناب گوئل نے کہا کہ ‘‘اتنا ہی نہیں  اس دوران ہم نے کافی عرصے سے  التوا میں پڑے اپنے کاموں جیسے  اہم لائنوں پر کنیکٹیویٹی بڑھانا، کافی عرصے سے  زیرالتوا رکھ رکھاؤ کے کاموں کو پورا کرنا ، خراب پلوں کو ڈھانا/ مرمت کرنا اور موجودہ بنیادی  سہولتوں کو بہتر کرنا’’ کو مکمل کرنے میں بھی اس وقت کااستعمال کیا۔

ریلویز کے وزیر نے زور دیکر کہا کہ اس کے ساتھ ہی ہم نے مال ڈھلائی اور  لاجسٹک بزنس کے ذریعے پیش کردہ زبردست مواقع کو بھی  غنیمت جانا ہے اور مستقبل قریب میں  اپنی خدمات میں  مزید بہتری کیلئے ہم نے کئی  طرح کے منصوبے بنائے ہیں۔

اس میٹنگ میں  ریلوے بورڈ کے چیئرمین  اور  دیگر کلیدی افسران نے  حصہ لیا۔ اس میٹنگ میں کئی  مثبت  تجاویز موصول ہوئے جن میں ایک  یقینی  طور پر  مقررہ وقت میں ڈیلیوری ماڈل کی  جانب رخ کرنا ، شراکت داروں کو کسی قسم کا  انشورنس میکینزم عطا کرنا، مال بھاڑا کی شرحوں کو معقول بنانا اور لاجسٹکس لاگتوں کو زیادہ  مناسب بنانا ،مرحلہ وار طریقے سے ٹرمنلوں  ساتھ ہی ساتھ بندرگاہوں پر لوڈنگ / ان لوڈنگ کی صلاحیت میں سدھار کرنا وغیرہ شامل ہیں۔

انڈسٹری کی تجاویز کاخیرمقدم کرتے ہوئے ریلویز کے وزیر نے کہا کہ اختراع اہم ہے  اور لاجسٹکس لاگت میں کمی لانے کیلئے  حل کو منافع بخش بنانے کی ضرورت ہے۔ جناب گوئل نے کہا ‘‘مال ڈھلائی کی کارروائی میں تبدیلی لانے اور کُل فریٹ ٹریفک کو دوگنا کر 2.5 بلین ٹن تک پہنچانے کے ہدف کو حاصل کرنے میں  مدد کرنے کیلئے  ہمیں شروع سے آخر تک نان اسٹاپ فاسٹر ٹرینوں ، بہتر سگنلنگ نظام، کارگو ٹرینوں کیلئے  بہتر شیڈول اور ٹائم ٹیبل  اور مالیات کے بہتر   متبادل کی ضرورت ہے’’۔

-----------------------