ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଶକ୍ତି କ୍ଷେତ୍ରର ସମୀକ୍ଷା ବୈଠକ
Posted On:
01 MAY 2020 5:52PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଶକ୍ତି କ୍ଷେତ୍ରର ବିଭିନ୍ନ କାର୍ଯ୍ୟକଳାପ ଉପରେ ବିସ୍ତୃତ ଆଲୋଚନା ହେବା ସହିତ କୋଭିଡ-19ର ପ୍ରଭାବ ନେଇ ସମୀକ୍ଷା କରାଯାଇଥିଲା । ଶକ୍ତି କ୍ଷେତ୍ରର ସ୍ଥିରତା, ନମନୀୟତା ଏବଂ ଦକ୍ଷତା ବୃଦ୍ଧି ପାଇଁ ବିଭିନ୍ନ ଦୀର୍ଘକାଳୀନ ସଂସ୍କାର ଉପରେ ମଧ୍ୟ ପ୍ରଧାନମନ୍ତ୍ରୀ ଆଲୋଚନା କରିଥିଲେ ।
ବ୍ୟବସାୟର ସରଳତା, ଅକ୍ଷୟ ଶକ୍ତିର ପ୍ରସାର, କୋଇଲା ଯୋଗାଣରେ ସୁବିଧା, ସରକାରୀ-ବେସରକାରୀ ସହଭାଗୀତାର ଭୂମିକା ଏବଂ ଶକ୍ତି କ୍ଷେତ୍ରରେ ନିବେଶ ବୃଦ୍ଧି ଇତ୍ୟାଦି ଆଲୋଚନାରେ ସ୍ଥାନ ପାଇଥିଲା ।
ଅର୍ଥବ୍ୟବସ୍ଥାକୁ ପ୍ରୋତ୍ସାହିତ କରିବାରେ ଶକ୍ତି କ୍ଷେତ୍ରର ମହତ୍ଵକୁ ପ୍ରଧାନମନ୍ତ୍ରୀ ରେଖାଙ୍କିତ କରିଥିଲେ । ବେସରକାରୀ ପୁଞ୍ଜି ନିବେଶ ଲାଗି ଚୁକ୍ତିଗୁଡିକର ପ୍ରଭାବଶାଳୀ କାର୍ଯ୍ୟକାରୀତାର ଆବଶ୍ୟକତା ଉପରେ ଆଲୋଚନା ହୋଇଥିଲା ।
ଗ୍ରାହକ କୈନ୍ଦ୍ରିକ ପଦକ୍ଷେପ ନେବା ଉପରେ ସେ ଜୋର ଦେଇଥିଲେ ଏବଂ ସମସ୍ତ ଗ୍ରାହକଙ୍କୁ 24X7 ଗୁଣବତ୍ତା ଏବଂ ନିର୍ଭରଯୋଗ୍ୟ ଶକ୍ତି ଯୋଗାଣ ଲକ୍ଷ୍ୟ ଦିଗରେ କାର୍ଯ୍ୟ କରିବାକୁ ନିର୍ଦ୍ଦେଶ ଦେଇଥିଲେ । ଉପଯୁକ୍ତ ଶୁଳ୍କ ଏବଂ ଉନ୍ନତ ଶାସନ ସହିତ ସବସିଡିକୁ ଠିକ ସମୟରେ ପ୍ରଦାନ କରିବା ତଥା ବିତରଣ କମ୍ପାନୀଗୁଡିକର କାର୍ଯ୍ୟକ୍ଷମତା ବୃଦ୍ଧି ପାଇଁ ପଦକ୍ଷେପ ନେବା ଉପରେ ମଧ୍ୟ ଆଲୋଚନା ହୋଇଥିଲା ।
ବୈଠକରେ କେନ୍ଦ୍ର ଗୃହମନ୍ତ୍ରୀ, ଅର୍ଥମନ୍ତ୍ରୀ, ଶକ୍ତି ରାଷ୍ଟ୍ରମନ୍ତ୍ରୀ ଏବଂ ଅର୍ଥ ରାଷ୍ଟ୍ରମନ୍ତ୍ରୀଙ୍କ ସମେତ ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ ।
**********
(Release ID: 1620194)
Visitor Counter : 175
Read this release in:
English
,
Urdu
,
Marathi
,
Hindi
,
Manipuri
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam