(মসিদা হৌখিবা পুং ২৪দা থোকখিবা কোবিদ-১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক চেকশিং য়াওরি )

• কোবিদ-১৯ কনফার্ম তৌরবা ৩৩,০৫০ কেসকী মনুংদা মীওই ৮,৩২৪ নাবা ফরদুনা নাবা ফবগী চাং ২৫.১৯%দা হেনগৎলে; দব্লিং রেৎসু নুমিৎ ১১ ফাওবগী ফগৎলে; ঙরাংদগী হৌজিক ফাওবদা অনৌবা কেস ১৭১৮ রিপোর্ত তৌরে।
• হকশেল মন্ত্রীনা রাজ্যশিংদা মরুওইনা প্রাইবেৎ সেক্তরদা হকশেলগী খুদোংচাবা পুম্নমক মথৌ তৌহন্নবা অমসুং মরু ওইবা সর্বিসশিং পীনবা খঙহল্লক্লি।
• প্রধান মন্ত্রীনা ভারত্তা ইনভেস্তমেন্ত হেন্না ফগৎনবা থৌরাংশিং খন্ননবা মরু ওইবা মীফম অমা কৌখ্রে।
• য়ুমলৈ-কৈরৈ মন্ত্রালয়না হায়রি, জিলা কয়াদা কোম্থোকহন্দুনা কোবিদ-১৯ থেংননবা অনৌবা কাংলোনশিং মে ৪দগী চৎনবা হৌরগনি।
• কোবিদ-১৯ অমসুং চত্থরক্লিবা লোকদাউন অসি য়েংদুনা য়ু.জি.সি.না য়নিবর্সিতীশিংগী পরিখাশিংগী অমসুং একাদেমিক কেলেন্দরগী কাংলোন থোকখ্রে।
• লৌউ-শিংউ মন্ত্রীনা হায়রি, লোকদাউনগী মনুংদা ওইরবসু সরকারনা লৌউ-শিংউগী হিরম্না পুম্নমক্কী মমাংদা থম্লি।

• হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী ওইবা অনৌবা পাউ

  হৌজিক ফাওবদা, মীওই ৮,৩২৪ নাবা ফখ্রে। মসিনা ঐখোয়গী অপুনবা নাবা ফবগী চাং অসি ২৫.১৯%দা পুখৎলে। হৌজিক ওইরিবা অপুনবা কনফার্ম তৌরবা কেস অসি ৩৩,০৫০নি। ঙরাংদগী, ভারত্তা, কোবিদ-১৯ কনফার্ম তৌরবা কেস মশিং ১৭১৮ হেনগৎলে। লৈবাক অসিদা দব্লিং রেৎ নৈনবা মতমদা লৈবাক্কী চাংচৎ অসি লোকদাউন মমাংদা নুইৎ ৩.৪ ওইরম্বদগী হৌজিক্তি নুমিৎ ১১ ওইরে। হৌজিক ফাওবদা, কেস অসিনা মরম ওইদুনা শিবগী চাং অসি ৩.২% ওইরি, মসিগী মনুংদা ৬৫%না নুপানি অমসুং ৩৫%না নুপীনি। দা. হর্শ বর্ধন্না রাজ্য/য়ু.তি.শিংগী হকশেল মন্ত্রীশিংদা ঈ দর্কার লৈবশিং শোইদনা ফংহন্নবা খংহনখ্রে। রাজ্যশিংদা হকশেলগী ফেসিলিতীশিং মরুওইনা প্রাইবেৎ সেক্তরশিংদা মথৌ তৌহন্নবা অমসুং মরু ওইবা সর্বিসশিং পীনবা হায়রি।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619609

  প্রধান মন্ত্রীনা ভারত্তা ইনভেস্তমেন্ত হেন্না ফগৎনবা থৌরাংশিং খন্ননবা মরু ওইবা মীফম কৌখ্রে।

  প্রধান মন্ত্রীনা ঙসি কোবিদ-১৯ লাইচৎকী মতুংদা লৈবাক অসিগী ইকোনোমীদা হেন্না ফগৎনবা ভারত্তা মপাল লমগী ইনভেস্তমেন্তকী পুক্নিং হেন্না চিংশিন্নবা অমসুং লমদম অসিগী ইনভেস্তমেন্তশিং পুথোক্নবা কুপ্না খন্ন-নৈনবগী মীফম অমা পাংথোকখ্রে। মীফম অদুদা, হৌজিক লৈবাক অসিদা লৈরিবা ইন্দস্ত্রীয়েল লেন্দ/প্লোৎ/ইস্তেৎশিংদা লৈরিবা প্লগ এন্দ প্লে   ইনফ্রাস্ত্রকচরশিংবু প্রোমোৎ তৌনবা স্কিম অমা হৌদোক্নবা খন্নখি। মীফমদুদা, প্রধান মন্ত্রীনা ইনভেস্তরশিংগী খুদোংচাদবশিং য়েংশিন্দুনা অমসুং মখোয়গী কেন্দ্র অমসুং রাজ্যশিংদগী পীথোক্কদবা ক্লিয়রেন্সশিং মতম চানা পীথোক্তুনা ফানবা হোৎনগদবনি হায়খি।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619593

  য়ুমলৈ-কৈরৈ মন্ত্রালয়না কোবিদ-১৯ শন্দোক্লকপনা তৌরিবা লোকদাউন অসিগী ফিবম কুপ্না য়েংশিন্নবা মীফম অমা পাংথোকখ্রে

  য়ুমলৈ-কৈরৈ মন্ত্রালয়না লোকদাউনগী ফিবম কুপ্না য়েংশিন্নবা মীফম অমা কৌখ্রে। লোকদাউন অসিনা মরম ওইদুনা হৌজিক ফাওবদা কা হেন্না খুমাং চাউশিনবা অমসুং ফগৎলকপগী মমি তারে হায়না ফোংদোকখি। লোকদাউন অসিনা পীরিবা কান্নবশিং অসি মাংহন্দনবগীদমক, মে ৩ ফাওবদি লোকদাউনগী কাংলোনশিং থুগাইদনা চৎকদবনি। মে ৪দগী কোবিদ-১৯ থেংননবা অনৌবা কাংলোনশিং চৎনবা হৌরগনি, মসিনা জিল্লা কয়াদা য়াম্না চাউনা কোম্থোক্কদৌরি। লাক্কদৌরিবা নুমিৎ খরনি অসিদা অকুপ্পা মরোলশিং থোক্লক্লগনি।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619425

  দা. হর্স বর্ধন্না সিবিল সোসাইতী ওর্গনাইজেসনশিং/এন.জি.ও.শিংগা ভিদিও কনফরেন্স তৌদুনা ৱারী শানখ্রে

  দা. হর্স বর্ধন্না প্রধান মন্ত্রীগী অমসুং হকশেল অমসুং য়াইফ-য়ুম্বাল মন্ত্রালয়গী মহুৎ শিন্দুনা এন.জি.ও. ৯২,০০০ হেনবনা চীঞ্জাক অমসুং অতোপ্পা তঙাইফদবা পোৎলমশিং সমাজকী তোঙান-তোঙানবা কাংলুপতা ফংহন্দুনা চোকথবা নাইদনা হোৎনবীবগীদমক ইকাই খুম্না ফোংদোকখ্রে। মহাক্না হায়রিবা ওর্গনাইজেসনশিং অসিনা কোবিদ-১৯ থেংননবা হোৎনবদা  পীরিবা মতেংশিংবু থাগৎপা ফোংদোকখি। অসিগুম্বা ইন্সতিত্যুসনশিং অসিনা লৌখৎলিবা থবকশিং অসিনা অতোপ্পা মীওইশিংবুসু থোরক্তুনা মতেং পাংনবা পুক্নিং থৌগৎপীরি হায়না ফোংদোকখি।

  অকুপ্পা মরোলগীদমক,  https://pib.gov.in/PressReleseDetail.aspx?PRID=1619601  

   কোবিদ-১৯ অমসুং চত্থরক্লিবা লোকদাউন অসি য়েংদুনা য়নিবর্সিতীশিংগী পরিখাশিংগী অমসুং একাদেমিক কেলেন্দরগী য়ু.জি.সি.গী কাংলোন

  য়ু.জি.সি.না পীখিবা কাংলোনশিংদা য়াওরিবা মরু ওইবা রিকমেন্দেসনশিং:

  ১. ইন্তর্মেদিয়েত সিমেস্তরগী মহৈরোইশিং: হৌজিক লৈরিবা অমসুং মমাংগী সিমেস্তরগী ইন্তরনেল এক্সেস্মেন্তশিংদা য়ুম্ফম ওইদুনা গ্রেদ পীগদৌরি। কোবিদ-১৯গী ফিবম অসি মহৌশাগী পুন্সিদা হঞ্জিল্লবা রাজ্যশিংগীদি, জুলাই থাদা পরিখা পাংথোক্কদৌরি।

  ২. তর্মিনেল সিমেস্তরগী মহৈরোইশিং: জুলাই থাদা পরিখাশিং পাংথোক্কনি।

  ৩. য়ুনিবর্সিতী খুদিংমক্তা কোবিদ-১৯ সেল অমমম হাংদুনা একাদেমিক কেলেন্দর অমসুং একজামিনেসনগা মরী লৈনবা খুদোংচাদবশিং কোকহনগনি।

  ৪. য়ু.জি.সি.গীসু ৱারেপ থুনা লৌবা ঙম্নবা কোবিদ-১৯ সেল অমা হাংলগনি।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619368

  প্রধান মন্ত্রী শ্রী নরেন্দ্র মোদী অমসুং বঙ্গলাদেশকী প্রধান মন্ত্রী হিজ এক্সিলেন্সী সৈখ হসিনাগী মরক্তা তেলিফোন্দা ৱারী শানখ্রে

  প্রধান মন্ত্রী শ্রী নরেন্দ্র মোদীনা পিপলস রিপব্লিক ওফ বঙ্গলাদেশকী প্রধান মন্ত্রী হিজ এক্সিলেন্সী সৈখ হসিনাগা তেলিফোন্দা ৱারী শানখ্রে। লুচিংবা অনীনা কোবিদ-১৯ লাইচৎনা ওইহল্লিবা ফিবমশিংগী মতাংদা খন্নখি অমসুং লৈবাকশিং অসিদা লাইচৎ অসিনা ওইহল্লক্কদবা ফিবমশিং থেংননবা লৌখৎলিবা খোংথাংশিংগী মতাংদা খন্নখি। প্রধান মন্ত্রী নরেন্দ্র মোদীনা প্রধান মন্ত্রী সৈখ হসিনাবু সার্ক কোবিদ-১৯ ইমর্জেন্সি ফন্দদা য়ু.এস. দোল্লর মিলিয়ন ১.৫ তেংবাং পীখিবগীদমক থাগৎপা ফোংদোকখি। প্রধান মন্ত্রী সৈখ হসিনানা প্রধান মন্ত্রী মোদীবু লৈবাক অসিদা কোবিদ-১৯  থেংননবা হোৎনবদা মরু ওইবা থৌদাং লৌবীবগীদমক অমসুং মেদিকেল সপ্লাই অমসুং কেপাসিতী বিলদিংগী হীরমদা বঙ্গলাদেশতা মতেং পীবীবগীদমক থাৎপা ফোংদোকখি।

  অকুপ্পা মরোলগীদমক,  https://pib.gov.in/PressReleseDetail.aspx?PRID=1619371

  প্রধান মন্ত্রী অমসুং ম্যানমারগী স্তেৎ কাউন্সিলর দো ঔং সান সু চীগী মরক্তা তেলিফোন্দা ৱারী শানখ্রে

  প্রধান মন্ত্রী শ্রী নরেন্দ্র মোদীনা ২০২০গী এপ্রিল ৩০দা রিপব্লিক ওফ দি য়ুনিয়ন ওফ ম্যানমারগী স্তেৎ কাউন্সিলর দো ঔং সান সু চীগা লোয়ননা তেলিফোন্দা ৱারী শানখ্রে। লুচিংবশিংনা দোমেস্তিক অমসুং রিজনেলগী ৱাফমদা হৌজিক ওইরিবা কোবিদ-১৯গী হিরমদা খন্ন-নৈনখি অমদি লাইচৎ অসি শন্দোরকপা থিংনবা লৌখৎলিবা খোঙথাংশিংদা অমনা অমদা পাউদমখি। ভারতকী নাইবরহুদ ফার্সত পোলিসীগী মরুওইবা য়ুম্বী অমগুম ম্যানমারগী মরুওইবা অদু ফোংদোক্লদুনা প্রধান মন্ত্রী মোদীনা কোবিদ-১৯গী হকশেল অমসুং ইকোনোমীক ইম্পেক্ত হন্থহন্নবগীদমক ম্যানমারদা পীবা য়াবা তেঙবাং পুম্নমক পীনবা ভারতনা থৌরাংলিবশিং ফোংদোকখি।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619556

  দি.পি.আই.আই.তি. কন্ত্রোল রুমনা ইন্দস্ত্রী অমসুং ত্রেদকী ওইবা খুদোংচাদবশিং য়েংশিনবা অমসুং লোকদাউন মনুংদা তোঙান-তোঙানবা স্তেকহোলদরশিংনা থেংনরিবা খুদোংচাদবশিং কোকহন্নবা হোৎনবদা  মরুওইবা থৌদাং লৌরি

  কমর্স অমসুং ইন্দস্ত্রী মন্ত্রালয়গী মখাদা লৈরিবা প্রমোসন ওফ ইন্দস্ত্রী অমসুং ইন্তর্নেল ত্রেদকী বিভাগ (দি.পি.আই.আই.তি.)না তাং ২৬.৩.২০২০দগী চৎনবা হৌদুনা ইন্দস্ত্রী অমসুং ত্রেদকী ওইবা খুদোংচাদবশিং য়েংশিন্নবা অমসুং হায়রিবা খুদোংচাদবশিং অসি মরী লৈনবা রাজ্যশিং, দিস্ত্রিক্ত অমসুং পুলিস ওথোরিতীশিং অমসুং অতোপ্পা মরী লৈনবা এজিন্সিশিংগা থেংনমিন্ননবা কন্ত্রোল রুম অমা হাংখ্রে। ৱাকৎ ৮৯%দি হৌজিক ফাওবদা লোইশিনখ্রে। মন্ত্রীশিং, সেক্রেতরি অমসুং মকোক থোংবা ওফিসরশিংনা চাং নাইনা য়েংশিনবনা খুদোংচাদবশিং থুনা কোকহন্নবা হোৎনবদা মতেং ওইখি। তেলিফোন নম্বরদি 01123062487নি অমসুং এমেলনা controlroom-dpiit[at]gov[dot]in নি।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619521

   

  কেন্দ্রগী লৌউ-শিংউ মন্ত্রীনা হায়রি, লোকদাউনগী মনুংদা ওইরবসু সরকারনা লৌউ-শিংউগী হীরম্না পুম্নমক্কী মমাংদা থম্লি

  লোকদাউন তৌরিঙৈগী মনুং অসিদসু সরকার অসিনা ফার্ম তৌবা অমসুং লৌউ-শিংউবগী হীরম্না পুম্নমক্কী মকোক্তা মরু ওইনা থম্লি হায়না কেন্দ্রগী লৌউ-শিংউ অমসুং লৌমীশিংগী য়াইফ-থৌরাংগী মন্ত্রী শ্রী নরেন্দ্র সিংহ তোমারনা ফোংদোকখ্রে। মসিগী ফলনা, ইনশাং নাপী অমসুং শঙ্গোম ৱাত্তনা লৈ হায়না সরকারনা ফোংদোকপগা লোইননা লৈবাক অসিদা ফুদ গ্রেন অমসুং হৱাই চেঙৱাইগী অৱাৎপা লৈতে হায়না ফোংদোকখ্রে।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619391

•  

•  

  

•  

  কোবিদ-১৯গা লান্থেংনরিবা অসিদা মতেং পাংনবা লাইফলাইন উরানগী ফ্লাইৎ ৪১৫ পাইখ্রে

  এয়র ইন্দিয়া, এল্লাইএন্স এয়র, আই.এ.এফ. অমসুং লন্নাইগী কেরিয়র কয়ানা লাইফলাইন উরানগী মখাদা ফ্লাইৎ ৪১৫ পাইখ্রে। ঙসি ফাওবদা পুখীবা কার্গো অসি তোন ৭৭৯.৮৬ ওইদুনা ঙসি ফাওবদা পাইখিবা নোংথক লম্বীগী অরাপ্পা অসি পুন্না কিলোমীতর ৪,০৭,১৩৯ হেল্লে।‘লাইফলাইন উরান’ ফ্লাইৎশিং অসি ভারতনা কোবিদ-১৯গা লান্থেংনরিবা অসিদা লৈবাক অসিগী মনুং হঞ্জিনবা মফমশিংদা চংদবা য়াদ্রবা মেদিকেলগী কার্গোশিং পুথোক পুশিন তৌননবা এম.ও.সি.এ.না দোমেস্তিক সেক্তরদা চলাইদুনা মতেং পাংলি। পৱন হন্সনা এপ্রিল ২৯, ২০২০ ফাওবদা অরাপ্পা কিলোমীতর ৭,২৫৭ পাইদুনা তোন ২.০গী কার্গো পুথোক পুশিন তৌখ্রে। অৱাং নোংপোক্কী লমদমশিং, ইথৎকী জগাশিং অমসুং চীংগী মফমশিং অসিদা অহেনবা মিৎয়েং পীরি।

  লৈবাক অসিদা মোবাইল ফোন করোর ৮না আরোগ্য সেতু এপ শিজিন্নরে

  ইলেক্ত্রোনিক্স অমসুং ইনফোর্মেসন তেক্নোলোজিগী কেন্দ্রগী মন্ত্রী শ্রী রবি সঙ্কর প্রসাদনা ইলেক্ত্রোনিক্স ইন্দস্ত্রীবু হৌজিক ওইরিবা খুদোংচাদবা মতমসিগী তাঞ্জা লৌদুনা লৈবাক অসিবু মালেমগী ইলেক্ত্রোনিকী পোত্থোক শাবা হব অমা ওন্থোক্নবা পুক্নিং থৌগৎখ্রে। ইলেক্ত্রোনিক ইন্দস্ত্রী এসোসিএসন, চেম্বর্স অমসুং ইন্দস্ত্রীগী মরুওইবশিংগা ফমখিবা মীফম অমদা মহাক্না ফিবম অসিগী খুদোংচাবা লৌদুনা মন্ত্রালয় অসিনা শকখংলবা স্কিমশিংনা মালেমগী ইনভেস্তমেন্ত পুক্নিং চিংশিন্নবা অমসুং সেক্তর অসিবু মপাঙ্গল কনখৎহন্নবা পুক্নিং চিংশিনখি। হৌজিক অনৌবা মাইয়োন অমদা ওল্লক্লগদবা মেদিকেল ইলেক্ত্রোনিক্স ইন্দস্ত্রীগী মতাংদা মরুওইবা ৱাফম থমখি।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619393

   

  শ্রী গদকারিনা স্কিম, আইদিয়া, ইনোবেসন অমসুং রিসর্স পোর্তেল কয়াগী মফম এম.এস.এম.ই.দা হৌদোকখ্রে

  http://ideas.msme.gov.in/ হায়বা পোর্তেল অসিনা কেন্দ্র, রাজ্য অমসুং য়ু.তি. সরকারগী স্কিম পুম্নমক শিজিন্নবা য়াহল্লে। মসিদা ৱাখল্লোন, ইনোবেসন অমসুং রিসর্সশিং হাপকৎপা য়াহল্লে। পোর্তেল অসিদা ৱাখল্লোনশিং ক্রাউদ সোর্সিং তৌবা য়াহনবতা নত্তনা ৱাখল্লোনশিংবু ক্রাউদ সোর্সিংগী মতেংনা রেতিং পীবসু য়াহল্লি। মসিনা ভেঞ্চর কেপিতেল, ফোরেন কোলাবোরেসন্নচিংবশিং চংবসু য়াহল্লি।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619559

  ঙসি রেলৱেনা চানবা পোৎলম য়েনবদা মিলিয়ন ৩ য়ৌবা ঙম্লে

  কোবিদ-১৯না মরম ওইদুনা লোকদাউন তৌরিঙৈ মনুংদা চানবা পোৎলম লৈবাক অসিগী মফম ৩০০ লোমদা য়েল্লি। ভারতকী রেলৱেনা ওর্গনাইজেসন্না পুনশিন্দুনা ফোং-ফোং শাবা চানবা পোৎলম য়েল্লি অমসুং মসিনা মীওই লীশিং কয়াগী আসা ওইরি।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619574

  ওতোমোবিল ইন্দস্ত্রীগী মকোক থোংবা বেরোনশিংনা কোবিদ-১৯ থেংনবদা প্রধান মন্ত্রীনা লৌরিবা থৌদাং অসিগীদমক থাগৎপা ফোংদোকখ্রে

  হেবি ইন্দস্ত্রী অমসুং পব্লিক ইন্তর্প্রাইজেসকী কেন্দ্রগী মন্ত্রী শ্রী প্রকাস জাবেদকরনা কোবিদ-১৯না ভারতকী ওতোমোবিল ইন্দস্ত্রীদা পীরক্কদবা শাফুশিংগী মতাংদা ভারতকী ওতোবিল ইন্দস্ত্রীগী অখন্নবা সি.ই.ও.শিংগা মীফম অমা পাংথোকখ্রে অমসুং শাফু অসিব করম্না থেংনবদা লৌখৎপা পীলিসিশিংগী মতাংদা মখোয়দগী করি তৌবা য়াবগে হায়বদুসু তাখ্রে।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619578      

  হাউসিং অমসুং অর্বান এফিয়র্স্কী মন্ত্রালয়না হোম্বায়রশিং অমসুং রিএল স্তেৎ ইন্দস্ত্রী পুম্নমক্কী স্তেকহোলদরশিংগী ইন্তরেস্ত মাঙদনবা অখন্নবা থৌরাংশিংগী এদবাইজরী অমা থাদোরক্লগনি

  আর.ই.আর.এ.গী মখাদা শেমখিবা সেন্ত্রেল এদবাইজরী কাউন্সিলগী অথুবা মীফম অমা মোহুৱাগী রাজ্যগী মন্ত্রী (ইন চার্জ) ওইরিবা শ্রী হার্দীপ এস. পুরিনা ময়াই তাংবল লৌদুনা কোবিদ-১৯ লাইচৎকী শাফু অমসুং লৈবাক শীনবা থুংনা লোকদাউন তৌরিবা অসিদগী ওইরক্কদবা ফিবম্না রিএল স্তেৎ সেক্তরদা ওইরক্কবা ফিবম অমসুং রেরাগী মখাদা মসিবু 'তম্বা ঙমদবা মহৌশাগী ওইবা অৱা-অনা'নি হায়না লৌনবা ৱেবিনারগী খুথাংদা মীফম অমা পাংথোকখ্রে। কুপ্না খন্নরবা মতুংদা, হাউসিংগী মন্ত্রীনা মীফম অদুদা শরুক য়ারিনা পুম্নমক্তা স্তেকহোলদর পুম্নমক্কী অপাম্বশিংবু য়েংদুনা থবক্তা ওন্থোক্কনি হায়না থাজবা পীখি। মহাকনা মখা তানা, মোহুৱানা রেরা/স্তেৎশিংদা হোম্বায়রশিং অমসুং রিএল স্তেৎ ইন্দস্ত্রী স্তেকহোলদরশিংগী ইন্তরেস্ত শোক্তনবা লৌখৎপা য়াবা তোঙানবা খোংথাংশিংগী মতাংদা এদবাইজরী অমা থোক্লগনি হায়না থমখি।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619359

  জনঔসধী কেন্দ্রশিংদা চৎননবা মীওই ৩,২৫,০০০ হেনবনা “জনঔসধী সুগম” মোবাইল এপ শিজিন্নরি

  কোবিদ-১৯গী তানফমসিনা মরম ওইদুনা লৈবাক শিনবা থুংনা অথিংবা লৈরিঙৈ মরকসিদা জনঔসধী মোবাইল এপনা মীয়ামদা মখোয়গী খ্বায়দগী নকপা প্রধান মন্ত্রী জনঔসধী কেন্দ্র (পি.এম.জে.এ.কে.) থিবদা অমদি জেনেরিক হিদাকশিং লৈবা ঙম্বা মমলগা লোয়ননা ফংই ফংদে খঙহনবদা চাউনা মতেং ওইরি‍। মীওই ৩২৫০০০ হেনবনা জনঔসধী মোবাইল এপ শিজিন্নদুনা মদুনা পীরিবা মখল কয়াগী কান্নবশিং লৌরি‍।

  অকুপ্পা মরোলগীদমক, https://pib.gov.in/PressReleseDetail.aspx?PRID=1619495

কেন্দ্রগী মন্ত্রী দা. জিতেন্দ্র সিংহনা হান্নগী আর্মী জেনরেলশিং অমসুং এয়র মার্সলশিংগা জে. এন্দ কে., লদাখ অমসুং অ‍ৱাং নোংপোক্কী লমশিংদা লৈরিবা কোবিদ-১৯গী ফিবম য়েংশিন্নবা ভিদিও কনফরেন্সকী মীফম অমা পাংথোকখ্রে

অকুপ্পা মরোলগীদমক, https://pib.gov.in/PressReleseDetail.aspx?PRID=1619328

খুঙ্গং চাউখৎ-থৌরাং অমসুং পঞ্চায়তি রাজ মন্ত্রালয়না রাজ্যশিংদা থবক পীবা, খুঙ্গংগী লমদা য়ুম শাবীবা, ইনফ্রাস্ত্রকচর চাউখৎনবা, অমসুং খুঙ্গগী পুন্সিদা চাউখৎনবগা মরী লৈনবা খুঙ্গং চাউখৎ-থৌরাংগী থৌসিলশিং মপুং ফানা পাইখৎনবা হায়খ্রে

খুঙ্গং চাউখৎ-থৌরাংগী রাজ্যগী মন্ত্রী ওইরিবা শ্রী নরেন্দ্র তোমার সিংহনা ভিদিও কনফরেস অমদা ৱা ঙাংলদুনা এম.জি.এন.আর.ই.জি.এস.কী মখাদা লৈবা থবকশিং অসি ঈশিং য়োকপা, লৈনুংগী ঈশিং রিচার্জ তৌবা অমসুং ঈথৈ লৌখোংগী থবকশিংদা মীৎয়েং থমগদবনি হায়খ্রে; পি.এম.জি.এস.ৱাইগী মখাদনা, কাইথখ্রবা লম্বী শেম্বগী থবকশিং থুনা হৌবা অমসুং লোইশিন্দবা থবকশিং লোইশিনবদা মীৎয়েং থমগদবনি হায়খ্রে। পি.এম.এ.ৱাই.(জি)গী মখাদা, মন্ত্রী অসিনা য়ুম করোর ২.২১গী অয়াবা পীখ্রে, হায়রিবসিগী মনুংদা য়ুম করোর ১গা লীশিং ৮৬তি হান্ননা লোইশিনখ্রে হায়রি।

অকুপ্পা মরোলগীদমক, https://pib.gov.in/PressReleseDetail.aspx?PRID=1619389

লৈবাক অসিদা লৈরিবা সি.এস.আই.আর. লেবশিংনা লৈত-লাইরশিংদা চানবা পোৎলম, সেনিতাইজর, মাস্কনচিংবা পীদুনা মখোয়-মখোয়গী রিজনশিংদা অমসুং হেন্দোক্না মতেং পাংলি

সি.এস.আই.আর.-সি.এফ.তি.আর.আই., মৈশুর, সি.এস.আই.আর.-আই.ঐচ.বি.তি., পালম্পুর, সি.এস.আই.আর.-আই.এম.এম.তি., ভুবনেস্বর, সি.এস.আই.আর.- সি.আই.এম.এফ.আর., ধনবাদ অমসুং সি.এস.আই.আর.-আই.আই.পি., দেহ্রাদুন্না খুদক্তা চাবা য়ারবা পোৎলমশিং অতোপ্পা লমগী শিন্মীশিং, অনাবশিং, হকশেলগী থৌমীশিং, পুলিস অমসুং অতোপ্পা কয়াদা পীদুনা কোবিদ-১৯ লাইচৎকী মনুংদা মতেং পাংলি।

অকুপ্পা মরোলগীদমক, https://pib.gov.in/PressReleseDetail.aspx?PRID=1619541

অগ্রা স্মার্ত সিতিনা জি.আই.এস. দেসবোর্দ শিজিন্নদুনা কোবিদ-১৯ হোৎস্পোতশিং য়েংশিল্লি

অকুপ্পা মরোলগীদমক, https://pib.gov.in/PressReleseDetail.aspx?PRID=1619520

পি.আই.বি. ফিল্দ ওফিসশিংদগী ফংবা পাউ

• চন্দীগরঃ কোরোনানা নাবা মীওই মশিং লেপ্পা লৈতনা হেনগৎলকপদা চন্দীগর এদমিনিস্ত্রেতরনা নুংনাংবা ফোংদোকখ্রে। বাপুধাম কোলোনী, সেক্তর ৩০-বি অমসুং কাচি কোলোনীগুম্বা ফিবম শোক্লবা মফমশিংদা স্ক্রীনিং অমসুং তেস্তিং পাক শন্না তৌগদবনি হায়খ্রে।
• পঞ্জাবঃ মুখ্য মন্ত্রীনা রাজ্য অসিদা কোবিদ-১৯গী সেফতী প্রোতোকোলশিং চপ চানা ইন্দুনা নোন কন্তেনমেন্ত জোন অমসুং রেদ জোন নত্তবশিংদা লোকদাউনগী অথিংবা তপ্না কোম্থোক্নবা খোংথাং পল্লদুনা মে ৩গী মতুংদা চয়োল অনী অমুক নৌনা কর্ফিয়ু শাংদোক্নবা লাউথোকখ্রে। হকশেল অমসুং য়াইফ-য়ুম্বাল বিভাগনা দুকান, দুকান ফম্বশিং অমসুং মফমশিংসিদা থবক শুরিবশিংদা হাইজিন অমসুং সেনিতাইজ তৌবা লেপতনবা খংহনখ্রে। দুকান ফম্বশিংদা সরকারনা হাংবা য়ারবা দুকানগী মখলগী মতুং ইন্না পীরিবা কাংলোনশিং ইন্নবা অমসুং কাংলোনশিং অসিদা য়াওরিবা  স্তেন্দার্দ ওপরেতিং প্রোসিজ্যুর খুদিংমক ইন্নবা খংহনখ্রে।
• হরিয়ানাঃ সোসিএল মেদিয়াগী খুথাংদা শন্দোক্লিবা অরানবা পাউ অমা হরিয়ানা সরকারনা শেংদোক্লদুনা শেলথুমগী বিভাগনা এপ্রিল থাগী তোলোপ ফাজিনবগা মরী লৈনবা চেরোল অমত্তা থোকপা লৈতে হায়খ্রে। হরিয়ানাগী মুখ্য মন্ত্রীনা হায়খি, কোবিদ-১৯ লাইচৎকী মনুং অসিদসু রাজ্য সরকারনা করিগুম্বা মথৌ তারবদি তোঙান-তোঙানবা বিভাগশিংগী অহাংবা ফম মেনশিন্নবা থবক লৌবগী থৌরাং মখা চত্থগনি। পোস্ত ১২,৫০০কী থবক লৌনবগী শেম শাদুনা লৈ, অইবা চাংয়েং লোইরবা মতুংদা লোকদাউন অসি হেক লোইবগা ফল লাউথোক্কনি হায়খ্রে।
• হিমাচল প্রদেশঃ ইন্দস্ত্রীএলিস্তশিংদা মখোয়গী য়ুনিতশিং মপুং ফানা চলাইবা য়ানবা রো মতিরিএলশিং লেপতনা পীগনি হায়না থাজবা থমখিবগা লোইননা অঙম্বা মতেং রাজ্য সরকারনা পীগনি হায়না মুখ্য মন্ত্রীনা ফোংদোকখ্রে। মুখ্য মন্ত্রীনা ইন্দস্ত্রীএলিস্তশিংদা মখোয়গী ফেক্তরিশিংদা সোসিএল দিস্তেন্সিংগী কাংলোন ঙাকহন্নবা তকশিনখি। এপ্রিল ২০দা কেন্দ্র সরকারনা রেবিন্যু দিজিসিত গ্রান্ত, জি.এস.তি. দিজিসিত কম্পেন্সেসন, হিমাচলগী সেন্ত্রেল তেক্সতা কাবা শেয়র, এম.জি.এন.আর.ই.জি.এ.গী শেনফম, এন.ঐচ.এম. প্রোগ্রাম, দিজাস্তর রিলিফকী শেনফম অমসুং ই.এ.পি.য়াওনা লুপা করোর ১৮৯৯গী শেনফম রাজ্য সরকারদা কাইথখ্রে। কোবিদ-১৯গী লাইচৎ অসি য়েংদুনা, কেন্দ্র সরকারনা রাজ্য অসিগী ৱেজ অমসুং মিন্সকী লিমিতসু ৬০% হেনগৎখ্রে। মসিনা হিমাচল প্রদেশনা কোরোনাভাইরস থেংনবদা মতেং চাউনা ওইরনি।
• কেরলাঃ অকনবা অথিগবা থমখ্রে, অমসুং পোজিতিব কেস খরা রিপোর্ত তৌরকপদগী থিরুবানন্থপুরমগী মফম অনীদা লৈবা হোস্পিতাল অহুম ওব্জরবেসন তৌদুনা থমখ্রে। পলাকাদতা মীওই ৫ নাবা ফরদুনা দিসচার্জ তৌখ্রে। গল্ফতা কেরলা মচা ৪ কোবিদ-১৯না নাদুনা শিখ্রে; কুৱেত্তা অনী অমসুং অবু ধাবীদা ২নি। গবর্নরনা সরকারগী থৌমীশিংগী তোলোপ পীথোক্তবগী ওর্দিনান্স সহী তৌখ্রে। হেলথ ৱার্কর অমসুং পুলিস ফোর্সশিংদা হান্না তোলোপ পীগদৌরি। ঙরাং ফাওবদা ওইখিবা অপুনবা কেস মশিং; ৪৯৫, এক্তিব কেসঃ ১২৩, দিসচার্জঃ ৩৬৯, লৈখিদ্রবা অপুনবা মশিং: ৪
• তমিল নাদু: চেন্নাইগী তোঙান-তোঙানবা মফমদা দিসইনফেক্তেন্তকী থবক তৌবা ফায়র অমসুং রেস্ক্যুগী পার্সনেল ৩ পোজিতিব ওইরে। ভিলুপুরমগী হোৎস্পোত্তা থবক পুরুবা সরকারগী দোক্তর কৃষগিরিগী গ্রীন জোন্দা হল্লকপদা পোজিতিব ওইরম্লে; মহাক্না লৈরম্বা ভিলুপুরম অমসুং কৃষ্ণগিরিগী মফমশিং ঙাকশেন্দুনা থমখ্রে। কোবিদ-১৯ লোইরবা মতুংদা মপান লৈবাক্কী ইনভেস্তরশিং পুক্নিং চিংশিন্নবা চীফ সেক্রেতরীনা লুচিংদুনা রাজ্য অসিদা স্পেসল তাস্ক ফোর্স অমা শেমখ্রে। ঙরাং ফাওবদা ওইখিবা অপুনবা কেসঃ ২১৬২, এক্তিব কেসঃ ৯২২, লৈখিদ্রবা মশিং: ২৭, দিসচার্স তৌখ্রবাঃ ১২০১, চেনাইদগী লাকপা কেস মশিং ৬৭৮।
• করনাতকা: ঙসিগী ওইনা হৌজিকফাওবদা অনৌবা কেস ২২ লৈখ্রে। বেলাগাবিদগী ১৪, বেঙ্গলোরদা ৩, বিজয়পুর ২, দেবাঙ্গিরি, দক্ষিন কনাদা অমসুং তুমকুরদগী ১মম্নি। অপুনবা কেস মশিং ৫৫৭নি। হৌজিক ফাওবদা ২১ লৈখিদ্রে অমসুং ২২৩না দিসচার্জ তৌখ্রে। রাজ্যগী মন্ত্রী মন্দল মীফম্না মে ৩গী মতুংদা কেন্দ্র সরকারনা থোকপা কোম্থোকপগী কাংলোন ইন্নবা লেপনখ্রে অমসুং রাজ্য অসিদা লৈরিবা ইন্দস্ত্রীশিং মে ৩দগী মথৌ পাংথোকপদা অয়াবা পীখ্রে।
• আন্ধ্র প্রদেশ: ইমুং লাখ ২১.৫৫না রাসন লেম্না ফংলি। তি.তি.দি.না লোকদাউন মতুংগী কেন্দ্র অমসুং রাজ্য সরকারনা লেপ্পা ৱারেপকী মতুং ইন্না দিবোতীশিংদা দর্সন তৌজবগী অয়াবা পীগদৌরি। হৌখিবা পুং ২৪দা অনৌবা কেস ৭১ লৈরে, ৩৪না দিসচার্জ তৌখ্রে অমসুং সেম্পল ৬৪৯৭না তেস্ত তৌখ্রে। অপুনবা কেস মশিংনা ১৪০৩ য়ৌরে। এক্তিব কেসঃ ১০৫১, রিকবর্দঃ ৩২১, লৈখিদ্রবাঃ ৩১। কেস মশিং হেনগৎলক্লিবা অসি তেস্ত তৌবগী মশিং হেনগৎপননি হায়রি। পোজিতিব কেস লৈবদা মকোক্তা লৈরিবা জিল্লাশিং : কুরনুল (৩৮৬), গুন্তুর (২৮৭), কৃষ্ণ (২৪৬), নেলোর (৮৪), চিতুর (৮০)।
• তেলঙ্গানা: লোকদাউন অসিনা মরম ওইদুনা ত্রাস্পোর্ত সেক্তরদা অকাইবা লাকপদগী হায়দ্রবাদ অমসুং তেলঙ্গানাদা তঙাইফদবা পোৎলমশিং পুথোক-পুশিন তৌবদা অকাইবা লাক্কদৌরি। তাতা ইন্সতিত্যুত ওফ ফন্দামেন্তেল রিসর্স (তি.এফ.আই.আর.), হায়দ্রবাদ অমসুং ই.এস.আই.সি. হোস্পিতাল অমসুং মেদিকেল কোলেজ হায়দ্রবাদনা রেপিদ তেস্ত কিত পুথোক্নবগী এম.ও.য়ু. সহী তৌনখ্রে। ঙরাং ফাওবগী অপুনবা কেস মশিং: ১০১৬, এক্তিব কেসঃ ৫৮২, রিকবর্দ ৪০৯, লৈখিদ্রবা ২৫।
• অরুনাচল প্রদেশ: ইতানগরদা পন্দুনা লৈরিবা অরুনাচল মচা ৩০০ ময়ুমদা চৎপগী অয়াবা পীরে। মখোয়না লোকদাউনগী প্রোতোকোল খুদিংমক ঙাকতুনা বস্তা চৎকদৌরি।
• অসম: হকশেলগী মন্ত্রী হিমন্তা বিস্বা সর্মনা অসমগী বোঙ্গাইগাও জিল্লাদগী মীওই ৪ কোবিদ-১৯ পোজিতিব ওইরে হায়না ত্বীৎ তৌখ্রে। মসিনা কোবিদ১৯ পীজিতিব ওইবা মশিং ৪১ য়ৌহনখ্রে।  
• মেঘালয়ঃ সিবিল হোস্পিতালদা লাইয়েংলিবা পোজিতিব কেস ২ নৌনা তেস্ত তৌবদা নেগেতিব ওইরে। মখোয় পুং ২৪গী মতুংদা অমুক হন্না তেস্ত তৌগনি, মদুগী মতুংদা প্রোতোকোলগী মতুং ইন্না নাবা ফরে হায়না লাউথোক্কনি।   
• মনিপুর: মুখ্য মন্ত্রীনা রাজ্য অসিগী দিপুতি কমিস্নরশিংগা ভিদিও কনফরেন্স তৌদুনা মপান্দা পন্দুনা লৈরিবা মনিপুরিশিং হল্লক্কদবা অসিগী য়েংদুনা ক্বারেন্তিন সেন্তরশিং অমসুং অতোপা ফেসিলিতিশিংগী মতাংদা খন্ন-নৈনখ্রে।
• মিজোরমঃ লৌউবা ৯২২০১দা পি.এম. কিসান স্কিমগী খুদোংচাবা ফংবগী অয়াবা পীখ্রে। মখোইগী মরক্তা লোকদাউন মনুংদা ৬৬১০৮ হেনবা লৌউবশিংদা অখন্নবা শেলগী তেংবাং পীদুনা মতেং পাংখি।
• নাগালেন্দঃ কোরোনা ভাইরস শন্দোক্লকপগী মরম্না কোহিমাদা ক্লাস ১০ অমসুং ১২গী রীজলত লাওথোকপদা থেংথরে। মেগী অরোইবা ফাওবগী মনুংদা লাওথোক্লবা য়াই।                         
• সিক্কিমঃ ভারত সরকারগী য়াই-য়ুম্বালগী মন্ত্রালয়না ফোংবা চৎন কাংলোনশিংগী মতুং ইন্না চীফ সেক্রেতরিনা সরকারগী প্লান ওফ এক্সন য়েংশিন্নবা স্তেল লেবেল তাস্ক ফোর্স মীতিং চেয়র তৌখ্রে।
• ত্রিপুরাঃ সি.এম.না অগরতলা ম্যুনিসিপাল কোর্পোরেসনবু চীফ মিনিস্তরগী রীলিফ ফন্দদা শেল ওইনা তেংবাংলকপগী অমসুং কোবিদ-১৯গী লাইচৎ মনুংদা লায়না শন্দোরক্তনবা শহর অসিবু তরু তনান্না থম্বগীদমক থাগৎপা ফোঙদোকখ্রে।
• মহারাস্ত্রাঃ অনৌবা কেস ৫৯৭ লাকখ্রে অমসুং রাজ্য অসিগী কোবিদ-১৯না নাবগী মশিং অসি ৯,৯১৫ য়ৌখ্রে। মীওই ১,৫৩৯দি মায় পাক্না লায়েংখ্রে অমসুং রাজ্য অসিগী অপুনবা অশিবা মশিংনা ৪৩২ য়ৌখ্রে। মুম্বাইনা কেস মশিং ৩,০৯৬ লৈদুনা খ্বাইদগী ৱাংবা ওইরে। নাশিক জিলাগী মালেগাও অসি কোবিদ-১৯গী অনৌবা হোৎস্পোৎ ওইরে।
• গুজরাতঃ ঙসি অয়ুক্তা অনৌবা কেস ৩০৮ লাকপদগী গুজরাতকী পোজিতিব ওইবা কেস মশিং অসি ৪০০০গী থাক য়ৌদুনা পুন্না কেস ৪,০৮২ ওইরে। নাবা ফগৎলকপগী মশিং অসি হৌজিক ফাওবদা ৫২৭ শুরে, রাজ্যসিদা নৌনা মীওই ১৮ শিবদগী অপুনবা অশিবা মশিং ১৯৭ ওইরে। কেন্দ্র সরকারনা অহকপা কাংলোন অমগী মখাদা মাইগ্রেন্ত শিন্মীশিংবু ময়ুম ময়ুমদা হনবা য়াহল্লকপসিদা মাইগ্রেন্ত শিন্মী লাখ কয়া কয়ানা ময়ুমগী রাজ্যশিংদা হন্নবা শেম শাখ্রে।
• রাজস্থানঃ রাজ্যসিদা অনৌবা কোরোনা ভাইরস কেস ৮৬ লৈখ্রে, মসিনা অপুনবা কোবিদ-১৯গী কেস অসি রাজ্যসিদা ২,৫২৪ য়ৌহনখ্রে। রাজ্যসিদা ভাইরস অসিদগী পুন্না মীওই ৫৭ শিরে। হৌজিক ফাওবদা অনাবা ৮২৭ নাবা ফরে। কোরোনাগী ইরাং মরকসিদা জোধপুর শহরদগী পুকচেল চাওরবা থবকশিং তৌনরক্লি। উম্মেদনগর খুঙ্গংদগী রাম নিৱাস মন্দানা লাইরবা অমসুং চাবা ফংদবা মীওইশিংগীদমক্তা মহাক্কী পুন্সিগী তুংশিঞ্জবা লুপা লাখ ৫০ মতেং পাংখ্রে। মহাক্না গ্রাম পঞ্চায়ত ৮৩দা লৈবা ইমুং ৮,৫০০ হেনবদা চেং-চাক য়েন্থোকখি।
• মধ্য প্রদেশঃ মধ্য প্রদেশকী কোবিদ-১৯ পোজিতিব ওইবা অপুনবা কেস মশিং ২,৫৬১ য়ৌখ্রে। মসিগী মনুংদা মীওই ৪৬১দি নাবা ফখ্রে অমসুং মীওই ১২৯না শিখ্রে।
• ছতিসগরঃ ঙসি ফাওবদা রাজ্য অসিদা এক্তিব ওইবা কোবিদ-১৯গী কেস ৪ খক্তমক লৈ। পুন্না কেস ৩৮ লাকখিবদা৩৪দি নাবা ফখ্রে।
• গোৱা: কেস ৭ লৈ হায়খিবা গোৱাগী রাজ্যদা হৌজিক কোবিদ-১৯না এক্তিব ওইবা অনাবা অমত্তা লৈত্রে।

   

  ****