হকশেল অমসুং য়াইফ-য়ুম্বাল মন্ত্রালয়

কোবিদ-১৯গী অপদেৎ

Posted On: 28 APR 2020 6:32PM by PIB Imphal

ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা য়েংশিল্লি।

হকশেল অমসুং য়াইফ-য়ুম্বালগী য়ুনিয়ন মিনিস্তর দা. হর্শ বর্ধন্না ঙসি ভিদিও কনফরেন্সকী থোংদা বাইও-তেক্নোলোজীগী দাইরেক্তরশিং/দিপার্তমেন্তকী মকোকশিং অমসুং মসিগী ওতোনোমস বোদী ১৮ অমদি পি.এস.য়ু.শিংনা চৎথরিবা রিসর্সকী থবকশিং য়েংশিনখি। মহাক্না মেক ইন ইন্দিয়াগী মখাদা কোবিদ-১৯গীদমক এন্তিবোদী দিতেক্সন কিৎশিং, রিয়েল-তাইম পি.সি.আর. বেজ দিতেক্সন কিৎশিং অমসুং ভেক্সিনগী দিবেলপমেন্তদা খোংজেল য়াংশিন্নবা পাউতাক পখি।

কেন্দ্রগী হকশেল মন্ত্রীনা দিল্লীগী উপরাজ্যপাল শ্রী অনিল বৈজল, দিল্লীগী হকশেল মন্ত্রী শ্রী সত্যেন্দ্র জৈন, দিল্লীগী জিলা পুম্নমক্কী এম.সি.দি. কম্মিস্নারশিং, দি.এম.শিং অমসুং দি.সি.পি.শিং, সেন্ত্রেল/স্তেত অমসুং দিস্ত্রিক্ত সর্ভিলেন্স ওফিসরশিং অমসুং সরকারগী হোস্পিতালশিংগী মকোকথোংবশিংগা লোয়ননা ভিদিও কনফরেন্সকী থোংদো দিল্লীদা কোবিদ-১৯ সর্ভিলেন্সকী হৌজিক ওইরিবা ফিভমশিং য়েংশিনখ্রে। য়েংশিনবগী মীফম অদুদা ও.এস.দি. (হকশেল অমসুং য়াইফ-য়ুম্বাল মন্ত্রালয়) শ্রী রাজেশ ভুশন, দি.জি.এচ.এস. (হকশেল অমসুং য়াইফ-য়ুম্বাল মন্ত্রালয়)দা. রজিব গার্গ অমসুং দাইরেক্তর (এন.সি.দি.সি.) দা. এস.কে. সিংহসু শরুক য়াখি।

হকশেল অমসুং য়াইফ-য়ুম্বাল মন্ত্রালয়না সিম্পতোম য়াম্না উত্তবা নত্ত্রগা উত্ত্রিঙৈগী ফীভম ওইবা পেসেন্তশিংগীদমক হোম আইসোলেসনগী গাইলাইনশিং ইশু তৌরি। মখোয়গী য়ুমদা তঙায় ফদবা ফেসিলিতী লৈবা পেসেন্তশিংনা হোম আইসোলেসনগী ওপ্সন লৈগনি। মসিগী গাইদলাইনশিং অসি হকশেল অমসুং য়াইফ-য়ুম্বাল মন্ত্রালয়না কোবিদ-১৯গী সস্পেক্ত/কনফার্ম কেসকী থোইদোকপা মেনেজমেন্ততা ২০২০গী এপ্রিল ৭তা ইশু তৌখিবা গাইদলাইন অদুগী মথক্তনি। মসিগী গাইদলাইনশিং অসি মখাগী অসিদগী ফংবীগনি: https://www.mohfw.gov.in/pdf/GuidelinesforHomeIsolationofverymildpresymptomaticCOVID19cases.pdf.

কোবিদ-১৯গীদমক প্লাজমা থেরাপীগা মরী লৈননা, আই.সি.এম.আর.না হান্ননা ময়েক শেংনা ফোংদোকখ্রে মদুদি হৌজিক্কী ওইনা প্লাজমা থেরাপী য়াওনা কোবিদ-১৯গীদমক এপ্রুব তৌরবা থেরাপীশিং লৈত্রি। মসি হৌজিক চাংয়েং চত্থরিবা থেরাপীশিংগী মরক্তা অমনি। অদুম ওইনমক হৌজিক ফাওবদা মসি ত্রিৎমেন্ত অমগুম সপোর্ত তৌনবা খুদম অমত্তা লৈত্রি। আই.সি.এম.আর.না থেরাপীগী ঙম্বগী চাং হোৎনবগীদমক নেস্নেল স্তদী অমসু হৌখ্রে।

ঙসি ফাওবা লৈবাক অসিদা মমাংদা হান্না কেসশিং লাকখ্রবা অদুবু হৌখিবা নুমীৎ ২৮দগী অনৌবা কেস রিপোর্ত তৌরক্ত্রবা জিলা ১৭ লৈরি। ঙরাংদগী জিলাশিং অসিগী মশিংদা ১ হেঙ্গৎলে (অনৌবা জিলা অনি হাপচিনখ্রে, অদুম ওইনমক মমাংগী লিস্ততগী অমা লৌথোকখ্রে)। লিস্ত অসিদা হাপচিল্লবা জিলাশিং অদুদি কালিম্পোং (ৱেস্ত বেঙ্গোল) অমসুং ৱায়ানাদ (কেরলা)নি। লিস্ত অসিদগী লৌথোকখ্রবা জিলা অদুদি লখীসরায় (বিহার)নি।

হৌজিক ফাওবদা, চাদা ২৩.৩গী রিকোভরী চাং অমগা লোয়ননা মীওই ৬,৮৬৮ নাবা ফখ্রে। হৌজিক ফাওবদা ভারত্তা পুন্না মীওই ২৯,৪৩৫ কোবিদ-১৯ পোজিতিব ওইরে।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ঔথেন্তিক অমসুং অপদেত ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19@gov.inদা অমসুং অতোপ্পা ৱাহংশিং ncov2019@gov.inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .


****



(Release ID: 1619151) Visitor Counter : 9