ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଏବଂ କାନାଡା ପ୍ରଧାନମନ୍ତ୍ରୀଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ
प्रविष्टि तिथि:
28 APR 2020 9:49PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଟେଲିଫୋନ ଯୋଗେ କାନାଡା ପ୍ରଧାନମନ୍ତ୍ରୀ ମହାମହିମ ଜଷ୍ଟିନ ଟ୍ରୁଡୋଙ୍କ ସହିତ କଥାବାର୍ତ୍ତା କରିଛନ୍ତି ।
ଦୁଇ ନେତା କୋଭିଡ-19 ମହାମାରୀ ସମ୍ବନ୍ଧରେ ବିଶ୍ୱସ୍ତରୀୟ ପରିସ୍ଥିତି ଉପରେ ଆଲୋକପାତ କରିଥିଲେ । ବିଶ୍ଵର ଏକତା ଏବଂ ସମନ୍ୱୟର ଗୁରୁତ୍ୱ, ଯୋଗାଣ ଶୃଙ୍ଖଳର ରକ୍ଷଣାବେକ୍ଷଣ ଏବଂ ସହଯୋଗୀ ଅନୁସନ୍ଧାନ କାର୍ଯ୍ୟକଳାପ ନେଇ ସେମାନେ ସହମତ ହୋଇଥିଲେ ।
କାନାଡାରେ ଉପସ୍ଥିତ ଥିବା ଭାରତୀୟ ନାଗରିକ ବିଶେଷ କରି ଭାରତୀୟ ଛାତ୍ରଛାତ୍ରୀମାନଙ୍କୁ ଦିଆଯାଇଥିବା ସହାୟତା ପାଇଁ ପ୍ରଧାନମନ୍ତ୍ରୀ କାନାଡା ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । ପ୍ରଧାନମନ୍ତ୍ରୀ ଟ୍ରୁଡୋ ମଧ୍ୟ ଭାରତରେ ରହିଥିବା କାନାଡା ନାଗରିକଙ୍କ ପାଇଁ ଭାରତ ସରକାର ଦେଇଥିବା ସହାୟତାକୁ ପ୍ରଶଂସା କରିଛନ୍ତି ।
ପ୍ରଧାନମନ୍ତ୍ରୀ ଏହି ଆଶ୍ୱାସନା ଦେଇଛନ୍ତି ଯେ, ଔଷଧ କ୍ଷେତ୍ରରେ ଭାରତର ଉତ୍ପାଦନ କ୍ଷମତା ଓ ଭାରତର ଦକ୍ଷତା କାନାଡା ସମେତ ବିଶ୍ଵବାସୀଙ୍କୁ ସହାୟତା କରିବା ପାଇଁ ଉପଲବ୍ଧ ରହିବ ।
ଏହି ଦୁଇ ନେତା ସହମତ ହୋଇଥିଲେ ଯେ, ମହାମାରୀର ମୁକାବିଲା ପାଇଁ ଭାରତ ଏବଂ କାନାଡା ମଧ୍ୟରେ ଭାଗିଦାରୀ ବିଶେଷ ଭାବରେ କୋଭିଡ-19 ମହାମାରୀର ଚିକିତ୍ସା ସମାଧାନ ଖୋଜିବାରେ ସହାୟକ ହେବ ।
**********
(रिलीज़ आईडी: 1619145)
आगंतुक पटल : 215
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Manipuri
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam