কেন্দ্ৰীয় চৰকাৰৰ কৰ্মচাৰীসকলে পাবলগীয়া ভাট্টাসমূহৰ কোনো কৰ্তন কৰা নাই অথবা চৰকাৰে এনে সিদ্ধান্ত গ্ৰহণৰ পৰিকল্পনাও কৰা নাই। আজি এই তথ্য স্পষ্ট কৰিছে ‘পিআইবি’-ৰ তথ্যনুসন্ধান গোটে। ক’ৰোনাভাইৰাছ-য়ে সৃষ্টি কৰা সংকটৰ পৰিপ্ৰেক্ষিততে কেন্দ্ৰীয় চৰকাৰে ভাট্টা কৰ্তনৰ সিদ্ধান্ত গ্ৰহণৰ পৰিকল্পনা কৰিব পাৰে বুলি একাংশ সংবাদ মাধ্যমত প্ৰকাশিত বাতৰি এক ‘টুইট’-বাৰ্তা যোগে ‘পিআইবি’-য়ে ভুৱা বুলি খণ্ডন কৰিছে। ‘টুইট’ বাৰ্তাটোত এনে বাতৰিৰ তথ্য অশুদ্ধ আৰু সম্পূৰ্ণ ৰূপে আধাৰশূণ্য বুলি উল্লেখ কৰা হৈছে।

PIB Fact Check

✔@PIBFactCheck

दावा : हिन्दुस्तान अखबार ने रिपोर्ट किया है कि #Covid_19 के मद्देनज़र केंद्र सरकार के कर्मचारियों को एलटीसी/लीव एनकैशमेंट/ ओटीए/ मेडिकल जैसी सुविधाओं में कटौती का सामना करना पड़ेगा#PIBFactCheck:सरकार द्वारा ऐसा कोई प्रस्ताव नहीं है। मीडिया रिपोर्ट गलत और निराधार है। (1/2)

793

4:10 PM - Apr 27, 2020

Twitter Ads info and privacy

419 people are talking about this

আন এক বাৰ্তাত, ‘আইচএমআৰ’-য়ে ক’ভিড-১৯ৰ পৰীক্ষণত ব্যৱহৃত ‘টেষ্টিং-কিট’সমূহ বৰ্ধিত মূল্যত ক্ৰয় কৰিছে বুলি ‘ফেচবুক’ত বহুল ভাবে প্ৰচাৰিত ভুৱা বাতৰিকো ‘পিআইবি’ৰ তৰফৰ খণ্ডন কৰা হৈছে। এই সন্দৰ্ভত ‘আইচিএমআৰ’-ৰ তৰফৰ পৰা দিয়া স্পষ্টীকৰণৰ তথ্য উল্লেখ কৰি কোৱা হৈছে যে ‘টেষ্টিং কিট’ৰ মূল্য নিৰ্দ্ধাৰিত সীমাৰ ভিতৰত ৰখা হৈছে আৰু কম মূল্যত কিট যোগান ধৰিব পৰা যিকোনো প্ৰতিষ্ঠানৰ বাবেও ই মুকলি আছে।

PIB Fact Check

✔@PIBFactCheck

दावा: फेसबुक पोस्ट का दावा है #Coronavirus परीक्षण किट आईसीएमआर द्वारा बढ़े हुए मूल्य पर खरीदे गए#PIBFactcheck: परीक्षण किट के लिए (RT-PCR) 740-1150 रू और रैपिड टेस्ट किट (528-795 रू) का मूल्य निर्धारित किया है।
आईसीएमआर ने इससे सस्ती किट वाली किसी भी कंपनी को आमंत्रित किया है।

পটভূমি :

‘ছ’চিয়েল মিডিয়া’ত প্ৰচাৰিত ভুৱা বাৰ্তা সন্দৰ্ভত উচ্চতম ন্যায়ালয়ে কৰা এক সমীক্ষাৰ আঁত ধৰি ‘প্ৰেছ ইনফৰ্মেশ্যন ব্যুৰো’-ৱে ‘PIBFactCheck’ শীৰ্ষক এটি তথ্যানুসন্ধান গোট গঠন কৰিছে। এই গোটটোৱে ‘ছ’চিয়েল মিডিয়া’ত প্ৰচাৰিত উৰা-বাতৰিসমূহ ফঁহিয়াই চাই ইয়াৰ সত্যা-সত্য নিৰূপণ কৰি প্ৰকৃত তথ্য ৰাইজৰ মাজলৈ নিয়াৰ প্ৰয়াস কৰি আহিছে।

যি কোনো ব্যক্তিয়েই ‘ছ’চিয়েল মিডিয়া’-ত প্ৰচাৰিত যি কোনো বাৰ্তা, সেয়া লাগিলে ছপা, শ্ৰব্য অথবা দৃশ্য-শ্ৰব্য ৰূপতে নাথাকক কিয় ‘পিআইবিফেক্টচেক’-ত দাখিল কৰিব পাৰিব। এনে বাৰ্তা https://factcheck.pib.gov.in প’ৰ্টেলত অথবা ‘হোৱাটছ এপ’ নং+918799711259-ত কিম্বা ই-মেইল: pibfactcheck[at]gmail[dot]com লৈ প্ৰেৰণ কৰিব পাৰিব। এই সংক্ৰান্তীয় সবিশেষ তথ্য পিআইবি-ৰ ৱে’ব ছাইট https://pib.gov.in ত উপলব্ধ হ’ব।

***

SS/KB