সিবিল এবিয়েসন মন্ত্রালয়

লৈবাক পুম্বদা মরুওইবা পোৎলম অমসুং মেদিকেল সপ্লাইশিং য়ৌহন্নবা লাইফলাইন উরান ফ্লাইৎ ৪০৩ ওপরেৎ তৌরি

Posted On: 28 APR 2020 4:03PM by PIB Imphal

দোমেস্তিক সেক্তরদা এয়র ইন্দিয়া, এলাইন্স এয়র, আই.এ.এফ. অমসুং প্রাইবেৎ কেরীয়রশিংনা লাইফলাইন উরানগী মখাদা ফ্লাইৎ ৪০৩ ওপরেৎ তৌরি। মসিগী মনুংদা ফ্লাইৎ ২৩৫দি এয়র ইন্দিয়া অমসুং এলাইন্স এয়রনা ওপরেৎ তৌরি। ২০২০গী এপ্রিল ২৭ ফাওবদা লৈবাক পুম্বগী প্রজাশিংগীদমক মরুওইবা পোৎলম অমসুং মেদিকেল সপ্লাই তন ৭৪৮.৬৮ য়ৌহন্নবা লাইফলাইন উরান ফ্লাইৎশিংনা কিলোমীতর ৩,৯৭,৬৩২গী অরাপ্পা পাইখ্রে। কোবিদ-১৯গী মায়োক্তা ভারতকী লান্দা তেঙবাংনবা লৈবাক্কী মনুং হুঞ্জিনবা শরুকশিংদা মরুওইবা মেদিকেল কার্গো ত্রান্সপোর্ত তৌনবা সিবিল এভিয়েসন মন্ত্রালয়না লাইফলাইন উরান ফ্লাইৎশিং ওপরেৎ তৌরি।

প্রাইবেৎ ওপরেতরশিং স্পাইসজেৎ, ব্লু দার্ত, ইন্দিগো অমসুং ভিস্তারানা কম্মর্সিয়েল বেসিসতা কার্গো ফ্লাইৎশিং ওপরেৎ তৌরি। স্পাইসজেৎনা ২০২০গী এপ্রিল ২৭ ফাওবদা কার্গো ফ্লাইৎ ৬৩৩ ওপরেৎ তৌবগা লোয়ননা কার্গো তন ৪,৬৩৭ পুদুনা কিলোমীতর ১১,০৯,০২৮গী অরাপ্পা কভর তৌখি। মসিগী মনুংদা ২২৮দি ইন্তর্নেস্নেল কার্গো ফ্লাইৎশিংনি। ব্লু দার্তনা দোমেস্তিক কার্গো ফ্লাইৎ ২১৯ ওপরেৎ তৌবগা লোয়ননা ২০২০গী ২৭ ফাওবদা কার্গো তন ৩,৬৩৬ পুদুনা কিলোমীতর ২,৩৮,৯২৮গী অরাপ্পা কভর তৌখি। মসিগী মনুংদা ১০দি ইন্তর্নেস্নেল কার্গো ফ্লাইৎশিংনি। ইন্দিগোনা এপ্রিল ২৭ ফাওবদা কার্গো ফ্লাইৎ ৫০ ওপরেৎ তৌদুনা কার্গো তন ১৮৫ পুদুনা কিলোমীতর ৭৭,৯৯৬কী অরাপ্পা কভর তৌখি অমদি ইন্তর্নেস্নেল ফ্লাইৎ ১৭ য়াওরি। মসিদা সরকারগীদমক মমল লৌদনা মেদিকেল সপ্লাই পুবসু য়াওরি। ভিস্তারানা এপ্রিল ২৭ ফাওবদা কার্গো ফ্লাইৎ ১৪ ওপরেৎ তৌদুনা কার্গো তন ১১৩ পুদুনা কিলোমীতর ২০,৪৬৬কী অরাপ্পা কভর তৌখি।

ইন্তর্নেস্নেল সেক্তরদা, ফার্মাতিকেল, মেদিকেল ইক্বুইপমেন্ত অমসুং কোবিদ-১৯ রিলিফ মেতরিয়েল ত্রান্সপোর্ত তৌনবগীদমক ইস্ত এসিয়াগা লোয়ননা কার্গো এয়র-ব্রিজ অমা হৌদোক্লে। এয়র ইন্দিয়ানা পুরকখিবা মেদিকেল কার্গোগী চাং অসি তন ৬০৯নি। মথক্কী অসিদা নত্তনা ব্লু দার্তনা ২০২০গী এপ্রিল ১৪দগী হৌরগা এপ্রিল ২৭ ফাওবদা গুৱাংঝৌদগী মেদিকেল সপ্লাই তন ১০৯ পুরকখ্রে। ব্লু দার্তনসু ২০২০গী এপ্রিল ২৫দা শংহাইদগী মেদিকেল কার্গো তন ৫ পুরকখি। স্পাইসজেৎনসু ২০২০গী এপ্রিল ২৭ ফাওবদা শংহাইদগী মেদিকেল সপ্লাই তন ১৪০ অমসুং ২০২০গী এপ্রিল ২৫ ফাওবদা হোং কোং অমসুং সিঙ্গাপুরদগী মেদিকেল সপ্লাই তন ১৩ পুরকখি।

 

****



(Release ID: 1619029) Visitor Counter : 38