نئی دہلی ،28؍اپریل2020:جہاز رانی کے وزیر مملکت (آزادانہ چارج)، جناب منسکھ منڈاویا نے ویڈیو کانفرنس کے توسط سے بھارتی بندرگاہوں پر عملے کی تبدیلی کے سلسلے میں شپ لائنروں ، جہاز رانی سے متعلق کمپنیوں ، بحری ایسو سی ایشنوں، جہاز رانوں کی یونینوں سے گفت و شنید کی ہے اور بھارتی جہاز رانوں کے کام کاج کی صورتحال اور بین الاقوامی سمندر میں پھنسے ہوئے جہاز رانوں کی کیفیت کی آگہی بھی حاصل کی ہے۔

جناب منڈاویا نے ہدایت دی ہے کہ مستقبل کے انخلاء منصوبے کے لئے ، بیرون ملک پھنسے ہوئے بھارتی جہاز رانوں کی تفصیلات فراہم کی جائے۔ جناب منڈاویا نےمختلف النوع جہاز راں ایسو سی ایشنوں کو یقین دلایا ہے کہ جب کبھی بھی صورتحال ساز گار ہوتی ہے، فوری طور پر اسی وقت بھارتی جہاز رانوں کی انخلاء کے عمل کا انجام دیا جائے گا۔جناب منڈاویا نے اسموتھ سپلائی چین موومنٹ یعنی معمول کے مطابق سپلائی کا سلسلہ برقرار رکھنے کے عمل میں جہاز رانوں کی اہمیت کا بھی اعتراف کیا ہے۔ جناب منڈاویا نے جہاز رانوں کو درپیش چنوتیوں کا بھی اعتراف کیا ہے، ساتھ ہی ساتھ اس اہم اور چنوتی بھرے وقت میں ان کے کام کی ستائش بھی کی ہے۔

جناب منڈاویا نے جہاز رانی کی وزارت کے افسران کو یہ ہدایت بھی دی ہے کہ وہ بھارتی بندرگاہوں پر جہاز رانوں کے سائن آن اور سائن آف ہونے کے عمل کو بھی آسان بنائیں۔

ویڈیو کانفرنس کے مندوبین میں انڈین نیشنل شپ اونرس ایسو سی ایشن  (آئی این ایس اے)، میری ٹائم ایسو سی ایشن آف نیشن وائڈ شپنگ ایجنسیز-انڈیا(ایم اے این ایس اے)،  نیشنل یونین آف سی فیئررس آف انڈیا(این یو ایس آئی)،  دی انڈین میری ٹائم فاؤنڈیشن (آئی ایم ایف)، دی میری ٹائم یونین آف انڈیا(ایم یو آئی)، دی میری ٹائم ایسو سی ایشن آف شپ اونرس ، شپ منیجرس اینڈ ایجنٹس(ایم اے ایس ایس اے) وغیرہ کے نمائندگاہ شامل تھے۔

*************

م ن۔ ن ع

 (U: 2097)