হকশেল অমসুং য়াইফ-য়ুম্বাল মন্ত্রালয়
কোবিদ-১৯গী অপদেৎ
Posted On:
23 APR 2020 5:46PM by PIB Imphal
ভারত সরকারনা রাজ্য/য়ু.তি.শিংগা লোইননা কোবিদ-১৯ ঙাকথোক্ননবা, নমথনবা অমসুং লাকশিন্ননবা খোংথাং কয়ামরুম অমা লৌখৎখ্রে। মসিবু চাং নাইনা য়েংশিল্লি অমসুং অৱাংবা থাক্তা মোনিতর তৌরি।
কোবিদ-১৯গী লাইচৎকী ওইরিবা ফিভম অসিগী মতাংদা খন্থরগা এপিদেমিক দিজীজ এক্ত, ১৯৮৭ অসিবু ফগৎহন্নবা ওর্দিনেন্স অমা লাওথোকখ্রে। ওর্দিনেন্স অসিবু এপিদেমিক দিজীজ (এক্ত) ওর্দিনেন্স কৌই, মসিদা পল্লি মদুদি “কনাগুম্বা মীওই অমত্তনা লাইচৎ অসিগী মনুংদা হেল্থকেয়র সর্বিস পর্সোনেলশিংগী মায়োক্তা হিংশাগী থবক থৌওং অমত্তা চত্থবা য়ারোই নত্ত্রগা মাল-চাংশিং অমহেক্তা মাংহন তাকহনবা নত্ত্রগা অমাং-অতা থোকহনবা য়ারোই ”। এমেন্দমেন্ত অসিনা হিংশাগী থবক থৌওংশিং চত্থবা অসি আইন্না য়াদবা অমসুং নন-বেলেবল ওইবা মরাল অমা ওইহল্লি। অসিগুম্বা হিংশাগী থবক থৌওংশিং তৌহনবা নত্ত্রগা তৌনবা ইনশিনবদা দন্দী ওইনা থা অহুমদগীনা চহি মঙা ফাওবগী জেলদা থম্বা অমসুং মসিগা লোইননা লুপা ৫০,০০০/-দগীনা লুপা ২,০০,০০০/- ফাওবগী ফাইন থিগনি। য়াম্না শাথিনা শোকহনবগী মতাংদা ওইরবদি, থা তরুক্তগীনা চহি তরেৎ ফাওবগী জেলদা থম্বা অমসুং মসিগা লোইননা লুপা ১,০০,০০০/-দগীনা লুপা ৫,০০,০০০/- ফাওবগী ফাইন থিগনি। মসিগী মথক্তা, মরাল লৈরবা মীশক অদুনা দশা তারবা মীওই অদুদা খেতিপুরোন পীগদবনি অমসুং মাল-চাংশিংদা অমাং অতা থোকহনখিবা নত্ত্রগা মাংহন তাকহনখিবগীদমক্তা মার্কেত্তা পীরিবা মমল অদুগী শরুক অনি হেন্না পীগদবনি (কোর্তনা হায়বগী মতুং ইন্না)।
ঙসিগী ওইনদি, জিলা ১২দা হৌখিবা নুমিৎ ২৮নি নত্ত্রগা অদুদগী হেনবদা অনৌবা কেস অমত্তা লাকখিবা লৈত্রি। এপ্রিল ২১, ২০২০ দগী অনৌবা জিলা নিপাল হেনগৎলকখ্রে। মখোয়শিং অদুদি চিত্রদুর্গা (কর্নাতকা), বিলাশপুর (সত্তিশগর), ইম্ফাল ৱেস্ত (মনিপুর), আইজোল ৱেস্ত (মিজোরম), ভদ্রাদারী কোথাগুদেম (তেলঙ্গানা), পিলিভিৎ (য়ু.পি.), এস.বি.এস. নাগর (পঞ্জাব) & গোৱা (গোৱা)নি।
অসিদসু নত্তনা হৌখিবা নুমিৎ ১৪দা রাজ্য/য়ু.তি. ২৩দগী জিলা ৭৮দা অনৌবা কেশ অমত্তা থোরকপগী পাউ লৈত্রি।
হৌজিক ফাওবগী ওইনা, ১৯.৮৯%গী চাংদা ফগৎলক্তুনা মীওই ৪,২৫৭দি লাইনা অসিদগী নাবা ফখ্রে। ঙরাং ফাওবদা, অনৌবা কেস ১৪০৯ হেনগৎলকপগী পাউ লৈখ্রে। মসিগা লোইননা ভারত্তা কোবিদ-১৯গী হৌজিক ফাওবদা অপুনবা মীওই ২১,৩৯৩দি পোজিতিব ওইরে হায়খ্রে।
কোবিদ-১৯গা মরি লৈনবা তেক্নিকেল ইসুশিং, গাইলাইনশিং & এদভাইজরীশিংগী ওইবা তশেংবা & অপদেৎ তৌরবা ই-পাউশিংগীদমক্তা চাং নাইনা https://www.mohfw.gov.in/দা য়েংবীয়ু।
কোবিদ-১৯গা মরী লৈনবা তেক্নিকেলগী ওইবা ৱাহং-পাউহংশিং লৈরবদি technicalquery.covid19[at]gov[dot]inদা ই-মেল তৌবীয়ু অমসুং অতৈ অতোপ্পা ৱাহং-পাউহংশিংগী ওইনা ncov2019[at]gov[dot]inদা ই-মেল তৌবীয়ু।
কোবিদ-১৯গা মরী লৈনবা ৱাহংশিং হংনীংবা লৈরবদি, হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর :
+91-11-23978046 নত্ত্রগা 1075 (তোল-ফ্রী) অসিদা কোল তৌবীয়ু। কোবিদ-২৯গী ওইবা রাজ্য/ য়ু.তি.শিংগী হেল্পলাইন নম্বরশিংগী লিস্ত অসি https://www.mohfw.gov.in/pdf/coronvavirushelplinenumber.pdfতশু ফংবীগনি।
(Release ID: 1618542)
Visitor Counter : 160
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam