‘লাইফলাইন উরান’ ফ্লাইৎশিং অসি ভারতনা কোবিদ-১৯গা লান্থেংনরিবা অসিদা লৈবাক অসিগী মনুং হঞ্জিনবা মফমশিংদা চংদবা য়াদ্রবা মেদিকেলগী কার্গোশিং পুথোক পুশিন তৌননবা এম.ও.সি.এ.না দোমেস্তিক সেক্তরদা চলাইদুনা মতেং পাংলি।  এয়র ইন্দিয়া, এল্লাইএন্স এয়র, আই.এ.এফ. অমসুং লন্নাইগী কেরিয়র কয়ানা লাইফলাইন উরানগী মখাদা ফ্লাইৎ ৩৮৩ পাইখ্রে। ফ্লাইৎশিং অসিগী মনুংদগী ২২৩দি এয়র ইন্দিয়া অমসুং এল্লাইএন্স এয়রনা পাইখি। ঙসি ফাওবদা পুখিবা কার্গো অসি তন ৬৮৪.০৮নি। লাইফলাইন উরানগী ফ্লাইৎশিংনা ঙসি ফাওবদা পাইখিবা নোংথক লম্বীগী অরাপ্পা অসি পুন্না কিলোমীতর ৩,৭৬,৯৫২ হেল্লে।

পৱন হন্সনা এপ্রিল ২৫, ২০২০ ফাওবদা অরাপ্পা কিলোমীতর ৬,৮৮৫ পাইদুনা তন ১.৯৯গী কার্গো পুথোক পুশিন তৌখ্রে।  জম্মু অমসুং কশ্মীর, লদাখ, ইথৎশিং অমসুং অৱাং নোংপোক্কী লমদমশিংদা মরু ওইবা মেদিকেল কার্গোশিং অমসুং অনাবা মীওই কয়া পুথোক পুশিন তৌননবা পৱন হন্স লিমিতেদ য়াওনা হেলিকোপ্তর সর্বিস কয়া চলাইরি।  অৱাং নোংপোক্কী লমদমশিং, ইথৎকী জগাশিং অমসুং চীংগী মফমশিং অসিদা অহেনবা মিৎয়েং পীরি।

এয়র ইন্দিয়া অমসুং আই.এ.এফ.না মরু ওইনা জম্মু অমসুং কশ্মীর, লদাখ, ইথৎশিং অমসুং অৱাং নোংপোক্কী লমদমশিংগী ওইনা পুন্না থবক তৌমিন্নরি।

দোমেস্তিক কার্গো ওপরেতর -  স্পাইসজেৎ, ব্লু দার্ত অমসুং ইন্দিগোনা কমর্সিএল ওইনা কার্গো ফ্লাইৎ পাইরি। স্পাইসজেৎনা ২০২০গী মার্চ ২৪ অমসুং এপ্রিল ২৫ ফাওবগী মনুংদা নোংথক্কী অরাপ্পা কিলোমীতর ১০,১২,৫৮৬ পাইদুনা অমসুং কার্গো তন ৪২৪৬ পুদুনা কার্গো ফ্লাইৎ ৫৭৯ পাইখি। মসিগী মনুংদা ২০৮দি ইন্তর্নেস্নেল কার্গো ফ্লাইৎনি। ব্লু দার্তনা ২০২০গী মার্চ ২৫ অমসুং এপ্রিল ২৫ ফাওবগী মনুংদা নোংথক্কী অরাপ্পা কিলোমীতর ২,১৯,৯৭৮ পাইদুনা অমসুং কার্গো তন ৩,৩৯৯ পুদুনা দোমেস্তিক কার্গো ফ্লাইৎ ২০৭ পাইখি। মসিগী মনুংদা ৯দি ইন্তর্নেস্নেল কার্গো ফ্লাইৎনি। ইন্দিগোনা  ইন্তর্নেস্নেল ফ্লাইৎ ১৫ য়াওনা ২০২০গী এপ্রিল ৩-২৫ ফাওবগী মনুংদা নোংথক্কী অরাপ্পা কিলোমীতর ৭২,২২২ পাইদুনা অমসুং কার্গো তন ১৬৭ পুদুনা কার্গো ফ্লাইৎ ৪৮ পাইখি। মসিদা সরকারগীদমক্তা শেল লৌদনা মেদিকেল সপ্লাইশিং পুদুনা পাইখিবসু য়াওখি।  ভিস্তারানা ২০২০গী এপ্রিলগী ১৯- ২৫ ফাওবগী মনুংদা নোংথক্কী অরাপ্পা কিলোমীতর ১৬,৯৫২ পাইদুনা অমসুং কার্গো তন ৪২ পুদুনা কার্গো ফ্লাইৎ ১২ পাইখি।

ইন্তর্নেস্নেল সেক্তরদা নোংপোক এসিয়াগা ফার্মাস্যুতিকেলগী, মেদিকেলগী খুৎশু খুৎলাইশিং অমসুং কোবিদ-১৯গী তেংবাংনবা পোৎলমশিং পুথোক পুশিন তৌনবগীদমক কার্গো এয়র ব্রিজ অমা শেমখ্রে। এয়র ইন্দিয়ানা এপ্রিল ২৫, ২০২০ ফাওবগী মনুংদা পুরকখিবা মেদিকেল কার্গো অসি পুন্না তন ৫৫৪নি।

মথক্তা পীরিবশিং অসিদগী অহেনবা ওইনা ব্লু দার্তনা এপ্রিল ১৪, ২০২০দগী হৌরগা এপ্রিল ২৫, ২০২০ ফাওবদা গ্বাংঝৌদগী মেদিকেল সপ্লাই চাউরাক্না তন ৯০ মুক পুদুনা পাইরকখ্রে। ব্লু দার্তনা এপ্রিল ২৫, ২০২০দা শংহাইদগী মেদিকেল কার্গো তন ৫ অমসু পুদুনা পাইরকখি। স্পাইসজেৎনসু এপ্রিল ২৫, ২০২০ ফাওবদা শংহাইদগী মেদিকেল সপ্লাই তন ১২৪ অমসুং হোং কোং অমসুং সিঙ্গাপুরদগীনা এপ্রিল ২৫, ২০২০ ফাওবদা মেদিকেল সপ্লাই তন ১৩  পুদুনা পাইরকখ্রে।