কম্যুনিকেসন অমসুং ঐচ.আর.দি.গী রাজ্য মন্ত্রী শ্রী সঞ্জয় ধোত্রেনা কোবিদ-১৯ লোকদাউন মনুংদা দিপার্তমেন্ত ওফ পোস্তনা লৌখৎলিবা থবক থৌরমশিং ভিদিও কনফরেন্স তৌদুনা য়েংশিনখ্রে। হৌজিক ফাওবদা লৌখৎলিবা থবক থৌরাংশিংদা মন্ত্রীনা অপেনবা ফোংদোকখ্রে অমসুং লৈবাক অসিদা পায়খৎলিবা থবক থৌরমশিংদা সোসিয়েল দিস্তেন্সিংগী কাংলোন খুদিংমক ঙাক্তুনা অয়ৌবী থাক্তা পাংথোক্নবা তকশিনখ্রে।

শ্রী সঞ্জয় ধোত্রেনা হায়খি মদুদি সরকারগী অতোপ্পা দিপার্তমেন্তশিংনা দিপার্তমেন্ত ওফ পোস্তকী মপাঙ্গল কল্লবা দেলিবররী সিস্তেম অসি শিজিন্নবা মথৌ তারকপা য়াই অমসুং দিপার্তমেন্ত অমগা অমগা খুৎশম্নবনা দিপার্তমেন্ত ওফ পোস্তকী অনৌবা খুদোংচাবা অমা ফংবা য়াই। মন্ত্রীনা পোস্তেল দিপার্তমেন্ততা এ.ই.পি.এস.পু পাক-শন্না খঙনহন্নবা হোৎননবা তকশিনখি অমসুং পোস্তেল দিবিজনশিংগী দিবিজনেল হেদশিংনা দিস্ত্রিক্ত কল্লেক্তরশিং অমসুং রাজ্যগী এদমিনিস্ত্রসনগা খুৎশম্নদুনা শেল য়ুম্থোং খুদিংদা ফংহনবা য়াই হায়না ফোংদোকখ্রে।

কন্তেনমেন্ত জোন্দা লৈবা খক্তমক নত্তনা লৈবাক শিনথুংনা লৈরিবা পোস্ত ওফিস অয়াম্বা মথৌ তৌরি অমসুং সর্বিসশিং পীরি। হিদাক-লাংথক, কোবিদ-১৯ তেস্ত কিৎশিং, মাস্ক, সেনিতাইজর, পি.পি.ই.শিং অমসুং ভেন্তিলেতর অমসুং দিফাইব্রিলেতরশিং য়াওনা মেদিকেলগী ওইবা খুৎচু খুৎলাইশিংদনা হেন্না পান্দম থমদুনা তঙাইফদবা পোৎলমশিং থিনবগী থবক তৌরি হায়না মন্ত্রীদা খঙহনখি।

ইং ২০২০গী এপ্রিলগী ২০ ফাওবা চত্থখিবা লোকদাউনগী মতমদা, লুপা করোর ২১০০গী আই.পি.পি.বি. ত্রাঞ্জেক্সন লাখ ৮৪ তৌখিবা অসিগী মথক্তা, পোস্ত ওফিস সেবিং বেঙ্ক করোর ১.৮লোম্না লুপা করোর ২৮০০০গী ত্রাঞ্জেক্সন তৌখি হায়না মন্ত্রীদা পাউদমখি। মখা তানা, লুপা করোর  ১৩৫গী এ.তি.এম. ত্রাঞ্জেক্সন লাখ ৪.৩সু লৈবাক শীনবা থুংনা পাংথোকখি।

ইন্দিয়া পোস্ত পেমেন্ত বেঙ্ককী আধার ইনেবল পেমেন্ত সিস্তেম (এ.ই.পি.এস.)না সেদ্যুল বেঙ্কশিংদা লৈবা একাউন্তশিংবু য়ুম-য়ুমদা শেল লৌথোকপগী খুদোংচাবসু  পীখি। লুপা করোর ৩০০গী ওইগদবা এ.ই.পি.এস. ত্রাঞ্জেক্সন লাখ ১৫ হায়রিবা মতম অসিদা পাংথোকখি।  লোকদাউনগী মনুং অসিদা, দাইরেক্ত বেনিফিৎ ত্রান্সফর পেমেন্ত লাখ ১৫ রোমদা লুপা করোর ৪৮০ তৌখি। আধার ইনেবল পেমেন্ত সিস্তেম অসিনা খুঙ্গংগী জগাদা লৈবা মীওইশিং খত্তা নত্তনা  অহল ওইরবা, দিব্যাংজন অমসুং পেন্সনরশিংদা য়াম্না চাউবা মতেং অমা ওইখি।

শ্রী সঞ্জয় ধোত্রেদা মখা তানা রাজ্যশিংগী মনুং অমসুং রাজ্যশিংগী মরক্তা মেল এরেঞ্জমেন্ত তৌদুনা কস্তমরশিংদা তঙাইফদবা পোৎলমশিং য়ৌহল্লি হায়নসু পাউদমখি। ইন্দিয়া পোস্তনা তঙাইফদবা পোৎলমশিং মতম চানা য়ৌনবগীদমক কার্গো ফ্লাইৎ, পার্সেল ত্রেন অমসুং মশাগী রেদ মেল মোতোর ভেন সর্বিস ফ্লীৎ অমসুং রোদ ত্রান্সপোর্ত নেৎৱার্ক শিজিন্নরি। দিপার্তমেন্ত ওফ পোস্তকী ইম্প্লোয়ী খুদিংমক্তা লোকদাউনগী মতমদা হিদাক লাংথকশিং থাবা অমসুং লৌবদাখু দোংচাদবা অমত্তা থেংনহন্দনবা খঙহনখ্রে। গুজরাত, উত্তর প্রদেশ, কেরলা, মহারাস্ত্রা অমসুং নোংচুপ বেঙ্গলগুম্বা তোঙান-তোঙানবা রাজ্যশিংগী পোস্তেল য়ুনিৎশিংগা ইন্দিয়ান দ্রগ মেন্যুফেকচরর্স এসোসিএসন, দিরেক্তর ওফ হেলথ সর্বিসেস, ওনলাইন ফার্মাস্যুতিকেল কম্পনীশিং অমসুং কোবিদ-১৯ তেস্ত কিতশিংগী সপ্লাইয়রশিংগা পুনশিন্নখ্রে।

লৈবাক অসিগী তোঙান-তোঙানবা মফমশিংদা মথৌ তাবা, তঙাইফদবা পোস্তেল সর্বিসশিং পীননবা গারীদা চৎপা পোস্ত ওফিসশিংনা তৌরিবা থবকশিংগী মতাংদসু পাউদমখি। চানবা পোৎলম অমসুং অকংবা রাসনশিংসু পোস্তেল দিপার্তমেন্তনা ভোলুন্তরী কন্ত্রিব্যুসন অমসুং এন.জি.ও.শিং অমসুং দিস্ত্রিক্ত এদমিনিস্ত্রেসনশিংগী খুথাংদা খুদোংচাদ্রবশিংগীদমক লোজিস্তিক্স সর্বিস পীরি। পোস্তেল ইম্প্লোয়ীশিং, সেনিতেসনগী থবক তৌরিবশিং অমসুং মীয়ামদা য়েন্থোক্নবা মাস্ক তুবগী থবকসু সার্কল খরনা চত্থরি।

মন্ত্রীগী মফমদা সার্কল খরনা লৌখৎলিবাতোঙান-তোঙানবাইন্দিবিজ্বলগী থাক্তা পায়খৎলিবা থৌরাংশিংগী মতাংদসু পাউদমখি। খরা পল্লবদা, রত্নাগীরিদা দিপার্তমেন্ত অসিনা হৈনৌ পুথোকপা লৌমীশিংদা হৈনৌগী পোত্থোকশিংবু ফার্মদগী হাপকৎপা, পুথোক-পুশিন তৌবা অমসুং লম্থুংফম য়ৌবদা থাংথবীবা য়াওনা লোজিস্তিক্সকী ওইবা মতেং পীরি। কর্নাতকাদা, শহর অসিগী মনুংদা য়ৌহন্নবগীদমক হৈনৌগী উপ্পুশিং বেঙ্গলোর জি.পি.ও.দা বুকীং তৌবগী অয়াবা লৌমীশিংদা পীরি। অপীবা মতমগী মনুংদা দেলিবরিংবুসু য়ৌহল্লি। এপ্রিলগী তাং ১৭, ২০২০দা, ইন্দিয়া পোস্তকী কর্নাতকা সার্কলনা ‘আঞ্ছে মিত্র’ কৌবা লোল অনীগী ৱেব এপ্লিকেসন অমা, লোকদাউন্না মরম ওইদুনা থোকপা য়াদ্রবা মীশিংগীদমক শেমখ্রে।

হরিয়ানা সার্কলগী আই.তি. তীম্না শেমখিবা ‘দাক মিত্র’ এপ অসিসু এপ্রিলগী তাং ২১দা হরিয়ানাগী মুখ্য মন্ত্রীনা হৌদোকখিবা হরিয়ানা সরকারগী পোর্তেলগা পুনশিন্নখ্রে। মসিগী পোর্তেল অসিগী পান্দমদি বেঙ্কশিংদা মী চিল্লিবা অসি হন্থহনবনি অমসুং মসিনা মীয়ামদা মখোয়গী শেল অদু এ.ই.পি.এস.কী খুথাংদা পোস্ত ওফিসশিংদগী লৌবা য়াহল্লি। মসিগী পোর্তেল অসিগী মখাদা হায়রিবা এপ অসিদা রিক্বেস্ত ৩১০ মাঙজৌননা লাকখ্রে।

মন্ত্রীনা তোঙান-তোঙানবা সার্কল অমসুং রাজ্যগী য়ুনিৎশিংদা হেল্পলাইন নম্বরশিং মীয়ামদা খঙহন্দুনা মখোয়দা সর্বিসশিং ইরাই-লাইনা য়ৌহন্নবা খঙহনখ্রে। মহাক্না মখা তানা ফীল্দা থবক তৌরিবা স্তাফশিংনা মাস্ক শিজিন্নবা, সেনিতাইজর অমসুং সোসিএল দিস্তেনশিংগী কাংলোন্নচিংবা অরৈবা চেকশিন-থৌরাং পুম্নমক লৌখৎনবা অমসুং মথক থোংবা ওফিসরশিংনা মখা তাবা লান্মীশিংবু চেকশিনবীনবা অমসুং মখোয়বু পুক্নিং থৌগৎপীনবা হায়বগা লোইননা অরোইবা পাউদম থমখি।