কোবিদ-১৯গী লাইচৎ অসি য়েংলবা মতুংদা ইন্দিয়ন রেলৱেজনা মখোইগী  ফ্রাইৎকী কস্তমর্শিংগী ওইনা ইন্সেন্তিব কয়া অমা লাওথোকখ্রে। ইন্সেন্তিবশিং অসিনা লৈবাক অসিগী এক্সপোর্ত্তা মতেং পাংদুনা ইকোনোমীদা অফবা শাফু অমা পীগনি হায়না থাজনরি। মসিগী ইন্সেন্তিবশিং অসিনা কস্তমর্শিংনা মখোইগী পোৎ চৈগী অপাম্বা পীবা অমসুং পোৎশিং অদুগী রেলৱেগী চেনিং লৌবসু ইলেক্ত্রোনিক্কী খুত্থাংদা পোৎ চৈ থম্লিবা মফমদা চৎনদ্রবসু য়ারগনি। মরম অদুনা অসিনা কস্তমর্শিংদা থবক কোমহনবতা নত্তনা ময়েক শেংবা মওংদা থবক থুবসু হেনগৎলগনি। 

ক. দেমররেজ, ৱারফেজ অমসুং অতোপ্পা মরী লৈনবা শেল থীহন্দবাঃ

দেমররেজ, ৱারফেজ, স্তেক্কিং, স্তেবলিং তৌবগী মমল অসি শেল চংদনা শিজিন্নবা য়াবগী মতম অদু হেল্লবা মতুংদা লৌগনি। ফ্রাইৎ কস্তমরশিংদা মতেং ওইনবা  অমসুং কোবিদকী লাইচৎ অসি য়েংলদুনা চংদ্রবা য়াদবা পোৎলমশিং পুথোক পুশিন তৌবদা মতেং ওইনবা হায়দুনা মরী লৈনবা মীওইশিংনা ফোর্স মেজ্যুরগী মতুং ইন্না পোৎচৈশিং/পার্সেলগী পুথোক পুশিনগী ওইনা  দেমররেজ, ৱারফেজ, স্তেক্কিং, স্তেবলিং তৌবগী শেল লৌররোই হায়না ৱারেপ লৌখ্রে। মতৌ অসিগা মান্ননা কন্তেনর ত্রাফিক্কী ওইনা দিতেন্সন অমসুং গ্রাউন্দ য়ুজেসকী শেলসু লৌররোই। হায়রিবা চৎন কাংলোন অসি ২২/০৩/২০২০দগী ০৩/০৫/২০২০ ফাওবা চৎনগনি। 

খ. ইলেক্ত্রোনিক রেজিস্ত্রেসন ওফ দিমান্দ (ই.-আর.দি.) অমসুং ইলেক্ত্রোনিক ত্রান্সমিসন ওফ রেলৱে রিসিপ্ত (ই.তি.-আর.আর.)গী ফ্রাইৎ ফোরৱার্দরশিং, য়োৎ অমসুং স্তীল, আইরন ওর অমসুং থুম পুথোক পুশিন তৌবশিংগী খুদোংচাবশিং

ইলেক্ত্রোনিক রেজিস্ত্রেসন ওফ দিমান্দ (ই.-আর.দি.)না কস্তমর্শিংনা মখোইগী পোৎ চৈগী অপাম্বা  অদু পোৎ চৈ থম্লিবা মফমদা চৎনদ্রগসু পীবা য়াহনবগী খুদোংচাবা পী। মসিনা অরাইবা, হেন্না নুংঙাইবা, থুবা অমসুং ময়েক লাবা থৌওং অমা ওইহল্লি।

ইলেক্ত্রোনিক ত্রান্সমিসন ওফ রেলৱে রিসিপ্ত (ই.তি.-আর.আর.) অসি চে য়াওদনা ত্রাঞ্জেক্সন তৌবগী কান্নবা থৌওং অমনি অমসুং মসিদা রেলৱেগী চেনিংসু কস্তমরশিংদা এফ.ও.আই.এস.কী খুত্থাংদা ইলেক্ত্রোনিক ওইবা মওংদা ফংহল্লি অমসুং পোৎ পীবগী থবকশু ই.তি.-আর.আর.গী ই.-সরেন্দরগী খুত্থাংদা তৌহল্লি। ফ্রাইৎ ফোরৱার্দরশিং, য়োৎ অমসুং স্তীল, আইরন ওর অমসুং থুম পুবগী থবকশিংগী ওইনা ই.-আর.দি. অমসুং ই.তি.-আর.আর.গী কান্নবা হেনগৎননবা চৎন কাংলোন কয়া অমসু ফোংখ্রে। মসিগী থৌওং অসিনা কস্তমরশিংনা পোৎ চৈ থমফমদা চত্তুনা মখোইগী অপাম্বা পীবগী, আর.আর./ইনবোইস ফংবগী অমসুং পোৎ লৌবা চৎপগী থবক অদু য়াওহন্দে। 

গ. রেলৱে রিসিপ (আর.আর.) য়াওদনা পোৎ লৌথোকপা

য়ারিবমখৈ কস্তমর্শিংদা ই.তি.-আর.আর.শিং শিজিন্নদনা আর.আর.গী অশেংবা চেনিং অদু পোৎ লৌথোকপা চৎপা মতমদা পোৎ লৌফমদা পুদ্রগসু য়ানবা পুক্নিং থৌগৎলি।

তৌবতবু করিগুম্বা কস্তমর অমনা চেগী আর.আর. শিজিন্নদুনা মহাক্কী পোৎ চৈগী বুকিং তৌখিবা থোক্লগদি, হৌজিক চৎনরিবা কাংলোনগী মতুং ইন্না ফ্রাইৎকী শেল থীবা মতমদা হৌরকফম স্তেসন অদুদগী পীরকপা আর.আর./রেল ইনবোইস ফংগনি।

অদুবু হৌজিক চত্থরিবা লোকদাউন অসিনা মরম ওইদুনা কস্তমর অমনা পোৎ চৈ থাফম স্তেসন অদুদগী য়ৌফম ফাওবদা আর.আর. থাদোক থাজিন তৌবা হায়বসি অরুবা থবক অমা ওইরি। মরম অদুনা মসিগী মতাংদা ফ্রাইৎ কস্তমর্গী মতেং ওইনবা হায়দুনা য়ারিবমখৈ ই.তি.-আর.আর. ওইনা পীবা অমসুং ই.তি.-আর.আর. অসি অমুক পীশিল্লবা মতুংদা পোৎ চৈ লৌথোকপা য়াহনবা হায়বা ৱারেপ অমা থোকখ্রে।

হান্ননা শিজিন্নবা ই.তি.-আর.আর. নত্তবশিং (চেগী আর.আর.)দদি পোৎ থারিবা মী অদুনা পোৎ অদু য়ৌগদৌরিবা মীগী মমিং, থবক, আধার, পি.এ.এন., জি.এস.তি.আই.এন. অসি থাফম ওইরিবা স্তেসন অদুদা পীগনি অমসুং ৱারোলশিং অসি কমর্সিএল কন্ত্রোলগী খুত্থাংদা য়ৌগদৌরিবা মফম অদুদা অমুক থাই। তি.এম.এস. অসিদা পীরিবা ৱাফমশিং অসিগী অচুম অরান য়েংথোক্লবা মতুং অমসুং পোৎ চৈশিং অসিগী দাইত্য পুম্নমক অথাবগীনি হায়বা স্তাম্প তৌদ্রিবা ইন্দেম্নিতী নোৎ লৌরবা মতুং অমসুং আর.আর.গী ফেক্স/স্কেন তৌরবা/ফোতোকোপী অমা পীরবা মতুংদা পোৎ চৈশিং অসি লৌথোকপা য়াগনি।  

মখা তানা, সেল্ফ আর.আর.গী (থারিবা অমসুং থাফমগী মমিং চপ মান্নবা মতম) ওইনদি থাফমদা লৈবা মরী লৈনবা মীওইশিংনা থরিবা মী অদুদগী য়ৌফম অদুদা আর.আর.গী কন্সাইনমেন্ত কদু কনানা লৌগদগে হায়বা অদু পীরগা অশেংবা আর.আর. অদু অমুক লৌশিনগনি। অসিগী আর.আর. অসি বুকিং দিবিজনগী কমর্সিএল কন্ত্রোলনা স্কেন তৌদুনা ইমেলগী খুত্থাংদা অচুম অরান খঙনবা হায়দুনা বোর্দকী চে-বাউদা য়াওবা অদুগী মতুং ইন্না মিং, পি.এ.এন., আধার অমসুং জি.এস.তি.আই.এন.গী ৱারোলশিং পল্লদুনা থাগনি। য়ৌফম অদুদা ৱারোলশিং অসিগী অচুম অরান য়েংগনি অমসুং সিস্তেমদা অমসুং পোৎ চৈ পীথোকপগী থৌওংদা অহোংবা লৈগনি। লোকদাউন লৈরবা মতুংদা হিশাব শুনবগীদমক্তা থাফমদা লৈবা আর.আর. অদু য়ৌফমদা অমুক থাগদবনি। মফম অনিমক্কী এস.আর. দি.সি.এম. অসি নিংথিনা য়েংশিনগনি। ফোর্স মেজ্যুরগী মতুং ইন্না থাফমদা “নো ক্লেম”গী দিক্লারেসন অমা লৌগদবনি। মসিগী কাংলোনশিং অসি ০৩/০৫/২০২০ ফাওবা চৎনগনি।

ঘ. কন্তেনরশিং পুথোক পুশিন তৌবদা পুক্নিং থৌগৎপাঃ ইন্দিয়ন রেলৱেনা হান্নদগী হৌনা ফ্রাইৎ ত্রাফিক অসি মওং কয়া অমদা খাইদোকপগী তঙাই ফদবগী মশক খঙদুনা অমসুং মসিগী মতাংদা খোংথাং কয়া অমা লৌখত্তুনা লাক্লি। কোইলা, আইরন ওরনচিংবা বল্ক গুদ্সনচিংবশিং অসি কনবেন্সনেল ওইদবা পোৎ চৈশিংগা পুন্না পুমিন্নবা হায়বসিসু খুদম অমনি। হীরম অসিগী মতুং ইন্না পাংথোকপশিং অসি মখাদা পীরিঃ

ঙ.

ক) অহাংবা কন্তেনর অমসুং ফ্লেৎশিং পুথোক পুশিন তৌবগী হাওলেজকী শেল লৌদবাঃ

ইন্দিয়ন রেলৱেনা অহাংবা কন্তেনর অমসুং ফ্লেৎ ৱেগোন পুবগী তোঙানবা হাওলেজকী শেল লৌই। মসিগা মরী লৈননা কন্তেনর পুথোক পুশিন তৌবগী ইন্তর-মোদেলগী শরুক হেনগৎনবগী ওইনা ০১/০১/২০১৯দগী হৌনা ২৫%কী দিস্কাউন্ত পীবা হৌখ্রে। 

হৌজিক কোবিদ-১৯গী মতুং ইন্না ওইরিবা ফোর্স মেজ্যুরগী ফিভম অসিদা মরী লৈনবা মীওইনা  ২৪/০৩/২০২০দগী ৩০/০৪/২০২০ ফাওবা অহাংবা কন্তেনর অমসুং ফ্লেৎ ৱেগোন পুবগী ওইনা হাওলেজকী শেল লৌদনবা ৱারেপ লৌখ্রে। মসিনা এক্সপোর্ত চাং হেনগৎহন্দুনা আই.আর. খক্তদা পুক্নিং থৌগৎপদা নত্তনা শেল থুমগী ফিভমসু ফগৎহনগনি।

চ.

ক) কন্তেনরশিং হোনবগী হব অমসুং স্পোক সিস্তেমগী মতুং ইন্না শেল লৌবদা কোমথোকপাঃ

রেলৱেনা মরক্তা অরেপ্পা অমা লৈরগা মফম অমদগী অমদা পোৎ পুথোক পুশিন তৌবা কন্তেনরশিংগী ওইনা তেলিস্কোপিক ওইবা মমলগী কান্নবা ফংহল্লি। মসিবু হব অমসুং স্পোক সিস্তেম হায়না কৌই। মসিগী ওইনা হৌজিক ওইরিবা কাংলোনগী মতুং ইন্না, মরক্তা লেপ্পগী মতম অসি নুমিৎ ৫নিনি। কোরোনাভাইরসনা মরম ওইদুনা কার্গো লৌথোকপদা থেংবদগী আই.সি.দি.শিংদা চিনখৎলকপা অসি য়েংলদুনা মরী লৈনবা মীওইশিংনা তেলিস্কোপিক্কী কান্নবা ফংবগী নুমিৎ অসি ১৬/০৪/২০২০দগী ৩০/০৫/২০২০ ফাওবগী ওইনা নুমিৎ ৫নিদগী ১৫নিদা শাংদোকখ্রে।

ছ. ফ্রাইৎ পুথোক পুশিন তৌবদা কোমথোকপাঃ

রেলৱেগী চৎনবী লেংথ রেক্তগী তাবা, মফম অনিদগী চৎপা হৌবা রেকশিং, মফম অনিদা থুংগদবা রেকশিংগী ওইবা পোত্থোক।স্কিমশিং লৈ। হায়রিবশিং অসি চলাইবদা খরা হন্থনবা হায়দুনা চৎকদবা মফমগী অরাপ্পদা অথিংবনচিংবা থৌরাংগী ফিভমগী মতুং ইন্না পী। কোবিদকী লাইচৎ মনুংগী ওইনা মখাগীশিং অসি কোমথোকইঃ

১. মিনি রেক্কী হান্নগী ওইবা চৎপগী অরাপ্পদা লৈবা অথিংবা অসি কিলোমীতর ৬০০নি অমসুং ইন্ত্রা-জোনেল ত্রাফিক্কী ওইনা কিলোমীতর ১০০০দা হেনগৎখ্রে। হৌজিক্কী ওইনা ইনফর জোনেল অমসুং ইন্ত্রা জোনেল ত্রাফিক অনিমক্কী ওইনা কিলোমীতর ১৫০০দা হেনগৎলে।

২. মসিগা মান্ননা, মফম অনিদগী চৎপা হৌবা মিনি রেকশিং অসিগী হৌফম মফম অনি অসি অহাংবা সিজন্দা কিলোমীতর ২০০ অমসুং অচিনবা সিজন্দা কিলোমীতর ৪০০দগী হেন্না লাপ্নরোইদবনি। মসি রেকশিং অসি নীংথিনা শিজিন্নবা য়ানবনি। হৌজিক্কী ওইনা লৈগদবা অরাপ্পা অসি সিজন নাইদনা কিলোমীতর ৫০০ ওইরে।

৩. মখা তানা, ত্রেন লোদকী কান্নবা ফংনবা অখন্নবা ৱেগোন মশিং লৈ। করিগুম্বা ৱেগোন  মশিং অসি হায়রিবা মশিং অসিদগী হন্থরবদি ৱেগোন লোদ-রেৎ অসি চৎনগনি অমসুং মদুনা মমল ৱাংই।

হৱাই চেংৱাইশিং, তিলহৌগুম্বা লৌউ-শিংউগী পোত্থোকশিং বোরাদা হানবা পোৎশিং হাপ্পা ৱেগোনশিং ওইবা বি.সি.এন.ঐচ.এল. ৱেগোনশিংগী ওইনা কোমথোকপা খরা লৈ। ত্রেনগী লোদকী কান্নবা ফংনবা খ্বাইদগী য়ামদবা ৱেগোন মশিং অসি তঙাই ফদবা পোত্থোকশিং হেন্না হাপ্পা য়ানবা হায়দুনা ৫৭তগী ৪২দা ওইরে। 

পেরা ৫দা য়াওরিবা কোমথোকপশিং অসি ৩০/০৯/২০২০ ফাওবা চৎনগনি।