হকশেল অমসুং য়াইফ য়ুম্বালগী কেন্দ্রগী মন্ত্রী ওইরিবা দা. হর্স ভর্ধনগী চেয়রপার্সন্সিপকী মখাদা ঙসি নির্মন ভাবন্দা কোবিদ-১৯গী মতাংদা অৱাংবা থাক্কী মন্ত্রীগী কাংলুপ (জি.ও.এম.)কী ১৩শুবা মীফম ফমখ্রে। সিবিল এবিয়েসন মন্ত্রী শ্রী হার্দীপ এস. পুরি, মপান থৌরম মন্ত্রী দা. এস. জয়শঙ্কর, রাজ্যগী য়ুমলৈ-কৈরৈ মন্ত্রী শ্রী নিত্যানন্দ রাই, রাজ্যগী সিপিং, অমসুং কেমিকেল অমসুং ফর্তিলাইজর মন্ত্রী শ্রী মনশুখ মান্দবিয়া, রাজ্যগী হকশেল অমসুং য়াইফ-য়ুম্বাল মন্ত্রী শ্রী অস্বিনি কুমার চৌবে য়াওখি, মখোয়গী মরক্তা, দিফেন্স স্তাফকী চীফ ওইরিবা শ্রী বিপিন রাৱৎ, নিতী আয়োগকী সি.ই.ও. অমসুং ইম্পাৱার গ্রুপ-৬কী চেয়রপার্সন শ্রী অমিতাব কান্ত, এনবাইরোন্মেন্ত, ফোরেস্ত, অমসুং ক্লাইমেত চাঞ্জ অমসুং ইম্পাৱার গ্রুপ-২গী চেয়রপার্সন শ্রী সি.কে. মিস্রা, এম.এস.এম.ই.গী সেক্রেতরি অমসুং ইম্পাৱার গ্রুপ-৪গী চেয়রপার্সন দা. অরুন কে. পান্দা, অমসুং ইম্পাৱার গ্রুপ-৩গী চেয়রপার্সন ওইরিবা শ্রী পি.দি. ভাঘেলাসু শরুক য়াখি।

লৈবাক অসিগী কোবিদ-১৯গী হৌজিক-হৌজিক্কী ওইরিবা ফিভম অমসুং কোবিদ-১৯গী রেস্পোন্স অমসুং মেনেজমেন্তশিং মন্ত্রী কাংলুপ অসিদা পাউদম্নবগীদমক শেম শাখি। হৌজিক ফাওবদা কোবিদ-১৯ ঙাকথোক্নবা, লাকশিন্নবা, মেনেজ তৌনবগীদমক কেন্দ্র অমসুং তোঙান-তোঙানবা রাজ্যশিং/য়ু.তি.শিংনা লৌখৎলিবা থবক থৌরম অমসুং থৌরাংশিং মমুৎ তানা মন্ত্রী কাংলুপ (জি.ও.এম.)তা লান্থোকখি। জিল্লা খুদিংমক্তা মখোয়না কোবিদ-১৯ থেংননবা পায়খৎলিবা থৌরাংশিং ইন্দুনা শেম শারিবশিং (কন্তিঞ্জেন্সি প্লান) হেন্না মপাঙ্গল কনখৎনবা পাউতাক পীখ্রে হায়না মন্ত্রী কাংলুপ্তা পাউদমখি, অমসুং রাজ্য-রাজ্যগী ওইনা থম্লিবা কোবিদ-১৯গী ওইবা তোঙানবা হোস্পিতালশিংগা লোয়ননা মতীক চানা লৈরবা আইসোলেসন বেদ/ৱার্দশিং, পি.পি.ই., এন ৯৫ মাস্ক, হিদাক লাংথক, ভেন্তিলেতর, ওক্সিজেন সিলিন্দর অসিনচিংবশিংগী মতাংদা মন্ত্রী কাংলুপ্তা কুপ্না পাউদমখি। মশক তাকখ্রবা দোমেস্তিক মেন্যুফেকচরশিংনা পি.পি.ই., মাস্ক অসিনচিংবশিং শাবা হৌখ্রে অমসুং হায়রিবশিং অসি মতীক চানা ফংহল্লি হায়নসু মন্ত্রী কাংলুপ অসিদা পাউদমখি। হৌজিক ফাওবদা, লৈবাক অসিদা পি.পি.ই. অমসুং এন ৯৫ মাস্ক লাখ ১ হেন্না নুমিৎ খুদিংগী শারি। হৌজিকফাওবদা, লৈবাক অসিদা পি.পি.ই. শাবা দোমেস্তিক মেন্যুফেকচরর ১০৪ লৈরে অমসুং এন.৯৫ মাস্ক শাবা দোমেস্তিক মেন্যুফেকচরর অহুম লৈরে। মসিগী মথক্তা, দোমেস্তিক মেন্যুফেকচররশিংগী মখাদা ভেন্তিলেতর শাবা হৌখ্রে অমসুং মেন্যুফেকচরর মাপন্দা মশীং ৫৯০০০ হেন্না ওরদর তৌখ্রে।

মন্ত্রী কাংলুপ অসিনা হোৎস্পোত অমসুং ক্লস্তর মেনেজমেন্তকী থৌরাং য়াওনা লৈবাক অসিদা লৈরিবা তেস্ত তৌবগী থৌরাংশিং অমসুং তেস্ত তৌনবা খুৎলাই ফংবগী চাংগী মতাংদসু য়েংশিনখি। মন্ত্রী কাংলুপ অসিদা হৌজিক ফাওবদা কোবিদ-১৯ তেস্ত তৌরিবা পব্লিক অমসুং প্রাইবেৎকী লেব মশীং অমসুং নুমিৎ খুদিংগী হায়রিবা লেবশিংগী নেৎৱার্ক অসিনা তৌরিবা তেস্ত মশীংবুসু শুগাইনা পাউদমখি।

তোঙান-তোঙানবা ইম্পাৱর তৌরবা কমিতিশিংগী মতাংদসু কুপ্না পাউদমখি অমসুং শ্রী অমিতাব কান্ত, দা. অরুন কুমার পান্দা অমসুং শ্রী প্রদীপ খারোলানা প্রজেন্তেসনশিং পীখি। এন.জি.ও.শিং, এস.ঐচ.জি. অমসুং সিবিল সোসাইতি ওর্গানাইজেসন ৯২,০০০না তোঙান-তোঙানবা রাজ্যশিং/য়ু.তি.শিংদা লৈরিবা অতোপ্পা লমগী শিন্মীশিংদা চানবা পোৎলম পীদুনা থবক কয়া পায়খৎলি হায়না পাউদমখি। হায়রিবা এন.জি.ও.শিং অসি রাজ্যশিংনা ফন্দ পীদুনা শৌগৎলি অমসুং এফ.সি.আই.না ফুদগ্রেনশিং অতাবা মমলদা পীদুনা শৌগৎলি।

মন্ত্রী কাংলুপ অসিদা হেলথ ৱার্করশিং, এন.এস.এস., এন.ৱাই.কে., এন.সি.সি., দোক্তর অসিনচিংবগী মেতা দেতা অমা কেন্দ্রগী থাক্তা শেম্লে অমসুং কা হেন্না শোত্থরবা মফমদা রিসোর্সশিং/ ভোলুন্তীয়র (কোবিদ লান্মীশিং)শিং মোবিলাইজ তৌনবা রাজ্য, জিল্লা অমসুং অতোপ্পা ওফিসিএলশিংদা পীখ্রে হায়নসু পাউদমখি। হৌজিক ফাওবদা দেসবোর্দতা হ্যুমেন রিসোর্স করোর ১.২৪ হেনবগী দেতা লৈরে অমসুং মসিদা অনৌবা গ্রুপশিং অমসুং সব গ্রুপশিং স্পেসিএলাইজেসনগী মতুং ইন্না লেপ্পা লৈতনা উপদেত তৌরি। দেসবোর্দ অসিদা রাজ্য অমসুং জিল্লাগী থাক্তা কাংলুপ খুদিংদা লৈবা হ্যুমেন রিসোর্সশিং রাজ্য অমসুং জিল্লাশিংগী নোদেল ওফিসরশিংগা পাউ ফাওনবা য়াবা নম্বরশিংগা লোয়ননা য়াওরি। হায়রিবা দেতাবেজ অসি https://covidwarriors.gov.in/default.aspx দা ফংবীগনি অমসুং হায়রিবা অসি https://diksha.gov.in/igot/ পোর্তেল অসিদা কেপাসিতি শাগৎনবগীদমক লিঙ্ক তৌরি। কোবিদ লান্মীশিং অসি হকশেল অমসুং য়াইফ য়ুম্বাল মন্ত্রালয়গী ৱেবসাইত অমসুং আই.জি.ও.তি. ত্রেনিং পোর্তেলগী মখাদা ত্রেন তৌরি। প্লেতফোর্ম অসিদা ভিদিও ১১৩ অমসুং দোক্যুমেন্ত ২৯গা লোয়ননা মোদ্যুল ৫৩ য়াওনা কোর্স ১৪ লৈ। হৌজিক ফাওবদা, পার্সনেল লাখ ১০ হেন্না ত্রেন তৌখ্রে।

দা. হর্স ভর্ধন্না স্তেকহোলদর খুদিংমক্কী অরৈবা থাক্তা কত্থোকপা অমসুং থৌনা ফনা হোৎনরিবশিংবু শিংথাখি। অনাবশিং অমসুং কোবিদ-১৯ লান্থেংনরিবা হেলথকেয়রগী থৌমীশিংবু হন্থনা য়েংবীবা অমসুং তাথীনা তৌবীবগী থৌদোকশিং খুদক্তা লাকশিনবা মথৌ তারিবা অসি য়েংদুনা, ইপিদেমিক দিজিজ এক্ত ১৮৯৭ এমেন্দ তৌবগী ওর্দিনান্স অসি অহকপা প্রোবিজনশিংগা লোয়ননা নৌনা থবক্তা ওন্থোক্নবা হোৎনরি। “মসি মখোয় খক্তগী লান নত্তে, ঐখোয় পুম্নমক্কী অপুনবা থবকনি। মখোয়না ঐখোয়গী মমাং থারিবা লান্মীশিংনি অমসুং লৈবাক অমা ওইনা মখোয়না হোৎনরিবা অসিদা ঐখোয়না ইকাই খুম্নগদবনি অমসুং মসিগা লোয়ননা মখোয়গী সেফতী অমসুং দিগনিতীবুসু ঙাকশেনবীগদবনি”, হায়না দা. হর্স ভর্ধন্না হায়খি।

হৌজিকফাওবদা শিবগী চাংসি ৩.১% নি অমসুং ফগৎলকপগী চাংনা ২০%নি হায়না মন্ত্রীগী কাংলুপতা পাউদমখি, হায়রিবসি অতোপ্পা লৈবাকশিংগা চাংদম্নরুরবদি কা হেন্না শাফরি অমসুং মসি লৈবাক অসিদা লোকদাউন তৌবা অমসুং ক্লস্তর মেনেজমেন্ত অমসুং লাকশিন্নবগী পায়খৎলিবা থৌরাংশিং অসিগী অফবা খুদম্নি হায়খি। লৈবাক অসিগী হৌজিক ফাওবদা ওইরিবা দব্লিং রেতকী চাংচৎ অসি নুমিৎ ৯.১ নি।

হৌজিক ফাওবদা, ফগৎলকপগী চাং ২০.৬৬% ওইবগা লোয়ননা মীওই ৫,০৬২না লাইনা অসিদগী কনবা ঙমখ্রে হায়না মন্ত্রীগী কাংলুপ অসিদা পাউদমখি। ঙরাং ফাওবদা, অনৌবা কেস ১৪২৯ হেনগৎপগী পাউ লৈখি। মসিগা লোয়ননা অপুনবা মীওই ২৪,৫০৬না কোবিদ-১৯ কনফার্ম ওইরি।

(ঐচ.এফ.দব্লিয়ু.)গী সেক্রেতরি ওইরিবী মিস প্রীতি সুদান, (মপান থৌরম)গী সেক্রেতরি শ্রী ঐচ. ভর্ধন স্রিংলা, (তেক্সতাইল)গী সেক্রেতরি শ্রী রবি কাপুর, (সিবিল এবিএসন)গী সেক্রেতরি শ্রী প্রদীপ সিংহ খারোলা, (ফার্মাস্যুতিকেল)গী সেক্রেতরি শ্রী পি.দি. ভাঘেলা, (কমর্স)কী সেক্রেতরি শ্রী অনুপ ৱাধাৱন, (হকশেল)গী স্পেসল সেক্রেতরি শ্রী সঞ্জিব কুমার, (সিপিং)গী এদিসনেল সেক্রেতরি শ্রী সঞ্জয় বাদোপাধ্য, (য়ুমলৈ-কৈরৈ)গী এদিসনেল সেক্রেতরি শ্রী দাম্মু রবি, (এম.ঐচ.এ.)গী এদিসনেল সেক্রেতরি শ্রী অনিল মালিক, (আই.তি.বি.পি.)গী আই.জি. শ্রী আনন্দ স্বরুপ, দি.জি.ঐচ.এস. দা. রজিব গার্গ, ইপিদেমিওলোজি অমসুং কম্যুনিকেবল দিজিজ অমসুং আই.সি.এম.আর.গী মকোক দা. রামন গঙ্গাখেদকার, (এম.ও.ঐচ.এফ.দব্লিয়ু.)গী জে.এস. শ্রী লাভ অগ্রৱালগা লোয়ননা এন.সি.দি.সি., আর্মি, আই.তি.বি.পি., ফার্মা, দি.জি.সি.এ. অমসুং তেক্সতাইলদগী ওফিসিএলশিংসু শরুক য়াখি।

কোবিদ-১৯গা মরী লৈনবা তেক্নিকেল ইসুশিং, চৎন-কাংলোনশিং অমসুং এদভাইজরিগী অচুম্বা অমসুং অপদেত ওইরবা ঈ-পাউশিংগীদমক চাং নাইনা https://www.mohfw.gov.in/ চংবীয়ু।

কোবিদ-১৯গা মরী লৈনবা তেক্নিকেল ইনক্বাইরিশিং technicalquery.covid19[at]gov[dot]in দা ইমেল থাবীয়ু, অমসুং অতোপ্পা ইনক্বারিগীনা ncov2019[at]gov[dot]in দা থাবীয়ু, অমসুং রিএল তাইম রেস্পোন্স পীরিবা @CovidIndiaSeva দা ত্বীৎ তৌবীয়ু।

কোবিদ-১৯ গী মরমদা খংবীনিংবা লৈরবদি, হকশেল অমসুং য়াইফ য়ুম্বাল মত্রালয়গী হেল্পলাইন নম্বরঃ +৯১-১১-২৩৯৭৮০৪৬ নত্ত্রগা ১০৭৫ (তোল ফ্রী)দা কোল তৌবীয়ু। রাজ্য/য়ু.তি.শিংগী কোবিদ-১৯গী ওইবা হেল্পলাইন নম্বশিং https://www.mohfw.gov.in/pdf/coronvavirushelplinenumber.pdf দা ফংবীগনি।