ঙাক শেল মন্ত্রীগা লোইননা চীফ ওফ দিফেন্স স্তাফ অমসুং দিপার্তমেন্ত ওফ মিলিতরী এফিয়র্সকী সেক্রেতরী জেনেরেল বিপিন রাৱৎ, চীফ ওফ আর্মি স্তাফ জেনেরেল এম.এম. নরাভানে, চীফ ওফ নেভেল স্তাফ এদমিরেল করম্বীর সিংহ, চীফ ওফ এয়র স্তাফ এয়র চীফ মার্শেল আর.কে.এস. ভদুরিয়া, দিফেন্স সেক্রেতরী দাক্তর অজয় কুমার অমসুং সেক্রেতরী (দিফেন্স ফাইনান্স) শ্রীমতী গারগী কোলসু কনফরেন্স অদুদা শরুক য়াখি।

ঙাক শেলগী মন্ত্রীনা ৱা ঙাংবা অদুদা আর্ম্দ ফোর্সেসনা কোবিদ-১৯গা লান্থেংনবা ঙম্নবা মফম মফমগী মীচম প্রজাশিংগী লৈঙাক্লোইশিংদা মতেং পাংখিবশিং অমসুং চেকশিন থৌরাং কয়া লৌখৎপগীদমক থাগৎপা ফোংদোকখি।

শ্রী রাজনাথ সিংহনা ফোর্সেসশিং অসি কোবিদ-১৯গা লান্থেংনরিঙৈ মনুংদসু মখোয়গী লানগী ওইবা মথৌশিংসু শেম শাদুনা লৈগনি হায়না থাজৈ অমসুং য়েক্নবনা হৌজিক ওইরিবা ফিভম অসিগী খুদোং চাবা লৌহল্লোইদবনি হায়খি। 

কোবিদ-১৯না শেল থুমগী ফিভমদা শোকহল্লিবা অসি য়েংলগা মখোয়গী শেল থুমগী রিসোর্সশিং অদু অমাংবা য়াওদনা নীংথিনা শিজিন্ননবসু মহাক্না হায়খি।

আর্ম্দ ফোর্সেসশিংনা পুনশিন্নরগা থবক তৌবগী তঙাই ফদবা অদু পল্লদুনা ঙাক শেলগী মন্ত্রীনা কমান্দর ইন চীফশিংদা য়াম্না থুনা তৌবা য়াবা থবকশিং মশক খঙদোক্তুনা অহান অকোন অমা শেমদোক্নবা অমসুং মসিনা লোকদাউন হেক হাংবগা শেন্মিৎলোন ফগৎহনবদসু মতেং পাংনবা হায়খ্রে।

কনফরেন্স অসিগী মনুংদা কমান্দর ইন চীফশিংনা ফোর্স মনুংদা ভাইরস শন্দোক্তনবা মখোয়না লৌখৎপা থবক থৌরমশিং অমসুং মফম মফমগী মীচম প্রজাশিংগী লৈঙাক্লোইশিংদা মখোয়না মতেং পাংখিবশিংগী ৱারোল কয়া ঙাক শেল মন্ত্রীদা তমখি। ৱারোলশিং অদুদা কোবিদ-১৯গী মতাংদা ইনগদবা মপুং ওইবা চৎনা কাংলোনশিং, হেলথ অমসুং ফেমিলী ৱেলফিয়র মন্ত্রালয় অমসুং অতোপ্পা এজেন্সীশিংনা হায়বগী মতুং ইন্না কাংলোনশিং অমসুং দ্রীলশিংদা শেমদোকপশিং হৌদোকপা অমসুং মখোয়গী মরী লৈনবা কম্মান্দগী মফমশিংদা লৈবা এক্স-সর্বিসমেন অমসুং মখোয়গী ইমুং মনুংগী মতেং পাংবশিং য়াওই।

ঙাক শেলগী মন্ত্রীনা খুদক্কী ওইবা শেল থুমগী শক্তিশিংবু দিভোলুসন তৌদুনা তঙাই ফদবা অনা লায়েংগী সপ্লাইশিং মতম চানা ফংহন্দুনা অনা লায়েংশঙশিংগী হেলথকী ইনফ্রাস্ত্রকচরশিংবু ফগৎহনবগী নৌনা পায়খৎলকপা খোংথাং অসিবু কম্মান্দরশিংনা থাগৎপা ফোংদোকখি।

আর্ম্দ ফোর্সেসশিংনা মখোয়গী মীওইশিং হেনগৎহন্দুনা লাইচৎ অসিবু থেংনবা ঙম্নবা হায়দুনা তঙাই ফদবা ত্রেনিং কয়া পীদুনা কোবিদ-১৯ থেংনবগীদমক্তা মখোয়গী তৌফম থোকপনি হায়বগী মওংদা য়াম্না হোলিস্তিক ওইবা থৌওং কয়াসু পায়খৎখি।

কম্মানদরশিংনা মখোয়গী ফোর্সেসশিং অমসুং মীচম প্রজাশিংগী ওইনা তোঙান্না লৈনবা অমসুং ক্বরেন্তাইন ফেসিলিতী কয়া অমসু শাখি হায়না খঙহনখি। লোইননা করিগুম্বা মফম মফমগী প্রজাশিংগী লৈঙাক্লোইশিংনা হায়রক্লবদি মখোয়না মতম পুম্বদা মতেং পাংনীংবগী অপাম্বসু ফোংদোকখি। 

মখাদা পীরিবা কম্মান্দশিংগী ওফিসরশিং অসিনা ভিদিও কনফরেন্স অসিদা শরুক য়াখিঃ নোর্থর্ন কম্মান্দ, উধম্পুর; ইস্তর্ন কম্মান্দ, কলকতা; সাওদর্ন নেভী কম্মান্দ, কোচী; ৱেস্তর্ন নেভেল কম্মান্দ, মুম্বাই; সাওদর্ন কম্মান্দ, পুনে; সাওথ-ৱেস্তর্ন কম্মান্দ, জয়পুর; ৱেস্তর্ন এয়র কম্মান্দ, দিল্লী; ইস্তর্ন নেভেল কম্মান্দ, ভিশাখাপত্নম; সেন্ত্রেল এয়র কম্মান্দ, ইল্লাহবাদ; সাওথ-ৱেস্ত এয়র কম্মান্দ, গান্ধীনগর; সাওদর্ন এয়র কম্মান্দ, ত্রিভেন্দ্রম; সেন্ত্রেল কম্মান্দ, লখনৌ অমসুং অন্দমান অমসুং নিকোবার কম্মান্দ, পোর্ত ব্লেয়র।