(প্রেস রিলিজশিং অসিদা হৌখিবা পুং ২৪দা থোকখিবা কোভি-১৯গা মরী লৈনবশিং,ফিল্ড ওফিসশিংদগী ফংবা পাউশিং, সোসিয়েল মেদিয়াগী থবকশিং অমসুং পি আই বীগী ফেক চেকশিং য়াওরি)

হেল্থ অমসুং ফেমিলি ৱেলফিয়ার মিনিস্ত্রিদগী কোভিদ-১৯ গী অনৌবা পাউ

হৌজিক অনাবা ফবগী চাং চাদা ১৯.৮৯ য়ৌদুনা মীওই ৪২৫৭ অনাবা ফরে । ঙরাংদগী অনৌবা কেস ১৪০৯ হেনগৎখি । লৈবাক অসিদা অপুনবা কোভিদ-১৯ কেস ২১,৩৯৩ য়ৌরে । হৌখিবা নুমিৎ ১৪দা রাজ্য/য়ুতি ২৩ গী জিলা ৭৮ দা অনৌবা কেস অমতা থেংনদ্রে ।

অকুপ্পা মরোলগীদমক:

কোভিদ-১৯ লাইচৎ লাকপদা ইপিদেমিক দিজিজেস এক্ত, ১৮৯৭ শেমদোক্নবা ওর্দিনান্স অমা চৎনরে

লাইচৎ মনুংদা হকশেলগী মীওইশিং অমসুং মখোয়গী লৈফম অমসুং থবক মফমশিং হিংশাদগী ঙাকথোক্নবা ইপিদেমিক দিজিজেস এক্ত, ১৮৯৭ শেমদোক্নবা ওর্দিনান্স অমা চৎনবা ২০২০ গী এপ্রিল ২২দা ফমখিবা কেন্দ্রগী মন্ত্রীমন্দলগী মীফম্না অয়াবা পীরে । ওর্দিনান্স চৎনবা প্রসিদেন্তনা অয়াবা পীরে । লাইচৎ মনুংদা হকশেলগী মীওইশিং অমসুং মখোয়গী লৈফম অমসুং থবক মফমশিংদা অকায়বা থোকহনবা মীওইশিং বেল পীবা য়াদবা মরাল ওইহনবা হায়না ওর্দিনান্স অসিদা য়াওরি। অকুপ্পা মরোলগীদমক:

প্রধান মন্ত্রী গরিব কলয়ান পেকেজ : হৌজিক ফাওবদা পাংথোকখ্রবা থবকশিং

প্রধান মন্ত্রী গরিব কলয়ান পেকেজগী মখাদা লায়রবা মীওই ক্রোর ৩৩ হেন্না লুপা ক্রোর ৩১,২৩৫ গী শেন্থং ফংলে । জন ধন একাউন্ত হাংবা নুপী ক্রোর ২০.৯৫দা লুপা ক্রোর ১০,০২৫ য়েন্থোকখ্রে । অহল, লুখ্রাবী অমসুং শোইনাইরবা মীওই ক্রোর ২.৮২দা লুপা ক্রোর ১৪০৫ য়েন্থোকখ্রে । পিএম-কিষানগী অহানবা ইন্সতোলমেন্তদা লৌমী ক্রোর ৮দা লুপা ক্রোর ১৬,১৪৬ য়েন্থোকখ্রে । ইমপ্লোয়ি লাখ ১০.৬ কান্নবা ফংহন্দুনা ইস্তব্লিসমেন্ত ৬৮,৭৭৫ দা ই পি এফকী থম্লকখিবা লুপা ক্রোর ১৬২গী শেনফম য়েন্থোকখ্রে
শেমগৎ শাগৎপা শিন্মী ক্রোর ২.১৭ দা লুপা ক্রোর ৩৪৯৭ গী মতেং পাংখ্রে । প্রধান মন্ত্রী গরিব কলয়ান অন্ন য়োজনাগী মখাদা মীওই ক্রোর ৩৯.২৭দা লেম্না চেং ফংহনখ্রে । রাজ্যশিংদা হৱাই এম তি ১,০৯,২৭৭ য়ৌহনখ্রে । প্রধান মন্ত্রী উজৱালা য়োজনাগী মখাদা লেম্না উজৱালা সিলিন্দর ১,০৯,২৭৭ য়েন্থোকখ্রে ।

অকুপ্পা মরোলগীদমক:

এপ্রিল ২৪দা লৈবাক শীনবা থুংনা প্রধান মন্ত্রীনা গ্রাম পঞ্জয়তশিংগা ৱারি শানগনি

২০২০ গী এপ্রিল ২৪দা লৈবাক শীনবা থুংনা প্রধান মন্ত্রী নরেন্দ্র মোদীনা গ্রাম পঞ্জয়তশিংগা ৱারি শানগনি । নুমিৎ অসি চহি খুদিংগী নেসনেল পঞ্জয়তি রাজ নুমিৎ হায়না পাংথোকলি । লৈবাক অসি অথিংবা লৈদুনা হৌজিক মীয়াম থাপ্না লৈনবা মতম ওইবনা প্রধান মন্ত্রীনা ভিদিও কনফরেন্সিংগী খুৎথাংদা শরুক য়ারিবশিংগা ৱারি শানগদবনি ।

অকুপ্পা মরোলগীদমক:

প্রধান মন্ত্রী অমসুং আইরলেন্দগী প্রধান মন্ত্রী তেলিফোনদা ৱারি শানখি

ঙসি প্রধান মন্ত্রী নরেন্দ্র মোদীনা আইরলেন্দগী প্রধান মন্ত্রী দোক্তর লিও ভারাদকারগা  তেলিফোনদা ৱারি শানখি অমসুং লুচিংবা অনিনা কোভিদ-১৯ লাইচৎকী মতাংদা অমসুং মসি লাকশিন্নবা লৈবাক অনিনা পায়খৎলিবা থবকশিংগী মতাংদা ৱা খন্নখি । আইরলেন্দা লাইচৎ অসি লাকশিন্নবা ভারত্তগী হৌখিবা দোক্তরশিং অমসুং নর্সশিংনা লৌরিবা থৌদাংশিং প্রধান মন্ত্রী দোক্তর লিও ভারাদকারনা থাগৎখি । 

অকুপ্পা মরোলগীদমক:

নিংথম লৌরোক ২০২০গী রাজ্য ২০দা হৌজিক হৱাই অমসুং থাউ থোকপা মরু এম এস পিদা লৈরি

নাফেদ অমসুং এফ সি আইনা লুপা ক্রোর ১৩১৩ গী হৱাই এম তি ১,৬৭,৫৭০.৯৫ অমসুং থাউ থোকপা মরু এম তি ১,১১,৬৩৮.৫২ লৈদুনা লৌমী ১,৭৪,২৮৪ কান্নবা ফংহল্লে । অৱাং-নোংপোক লমদমদা তঙাইফদবা পোৎলমশিং অমসুং উহৈ অমসুং মনা-মশিং ফংহনবা অমসুং মমল য়েংশিন্নবা তোখাইবা সেল অমা শেম্লে ।

অকুপ্পা মরোলগীদমক:

দি আর দি ওনা পুথোকপা কোভিদ-১৯ সেম্পলশিং চাংয়েং তৌনবা মোবাইল লেবোরেতোরি দিফেন্স মিনিস্তর রাজনাথ সিংহনা শঙ্গারে

এ এস আই সি হোস্পিতাল,হায়দ্রবাদ অমসুং লনাই ইন্দস্ত্রিগা লোয়ননা দি আর দি ওনা পুথোকপা মোবাইল ভাইরোলোজি রিছর্স এন্দ দাইগনোসতিক্স লেবোরেতোরি অমা ভিদিও কনফরেন্সকী খুৎথাংদা ঙসি দিফেন্স মিনিস্তর রাজনাথ সিংহনা শঙ্গাখ্রে । থৌরম অদুদা দিফেন্স মিনিস্তরনা হায়খি প্রধান মন্ত্রী নরেন্দ্র মোদীনা মতম চানা থবক কয়া পায়খৎহৌবদগী লৈবাক অসিদা কোভিদ-১৯ শন্দোকপা মালেমগী লৈবাকশিংদগী য়াম্না হন্থরে ।

অকুপ্পা মরোলগীদমক:

কোভিদ-১৯গী অথিংবা মনুংদা মিউনিসিপাল লিমিতকী ৱাংমদা লৈবা পৱার প্রোজেকশিং শেমগৎ-শাগৎপগী থবকশিং পায়খৎপা হকশেলগী চৎন—কাংলোনশিং ঙাক্লবা মতুংদা পাংথোকপা য়াহন্নবা য়ুনিয়ন পৱার মিনিস্ত্রিনা রাজ্যশিংদা অয়াবা পীখ্রে 

য়ুনিয়ন হোম এফেয়ারস মিনিস্ত্রিনা ২০২০ গী এপ্রিল ১৫দা পীখিবা চৎন-কাংলোনশিংগী মতুংইন্না কোভিদ-১৯গী অথিংবা মনুংদা মিউনিসিপাল লিমিতকী ৱাংমদা লৈবা পৱার প্রোজেকশিং শেমগৎ-শাগৎপগী থবকশিং পায়খৎপা হকশেলগী চৎন—কাংলোনশিং ঙাক্লবা মতুংদা পাংথোকপা য়াহন্নবা য়ুনিয়ন পৱার মিনিস্ত্রিনা রাজ্যশিংদা খঙহনখ্রে । হায়রিবা থবকশিং অসি কোভিদ-১৯ লাকশিন্নবা দরকার ওইবা হকশেলগী থবকশিং পায়খৎলবা মতুংদা অয়াবা পীগদবনি ।   

অকুপ্পা মরোলগীদমক:

ঙসি নিউ দিল্লিদা য়ুনিয়ন ঐচ আর দি মিনিস্তরনা অপ্পর প্রাইমারি থাক্কী অতোপ্পা একাদেমিক কেলেন্দর অমা ফোংলে

কোভিদ-১৯ গী অথিংবনা মরম ওইদুনা য়ুমদা লৈরিবা মহৈরোইশিং মখোয়গী মমা—মপা অমসুং ওজাশিংগা লোয়ননা লাইরিক তম্নবা প্রাইমারি অমসুং অপ্পর প্রাইমারিগী অতোপ্পা একাদেমিক কেলেন্দর অমা এম ঐচ আর দিগী লমজিং মখাদা এন সি ই আর তিনা পুথোক্লে । অপ্পর প্রাইমারি থাক্কী অতোপ্পা একাদেমিক কেলেন্দর ঙসি নিউ দিল্লিদা য়ুনিয়ন ঐচ আর দি মিনিস্তর রামেস পোখ্রিয়াল ‘নিসান্ক’না ফোংখি । প্রাইমারি থাক্কী অতোপ্পা একাদেমিক কেলেন্দর ২০২০গী এপ্রিল ১৬দা য়ুনিয়ন ঐচ আর দি মিনিস্তরনা ফোংখ্রবনি ।

অকুপ্পা মরোলগীদমক:

লৈবাক অসিদা হিদাক শুংবদা ফার্মাসিউতিকেল ফার্মশিং মতেং পাংনবা য়ুনিয়ন ফার্মা সেক্রেতরিনা স্তেৎ দ্রগ কন্ত্রোল্লরশিংদা খঙহনখ্রে

কোভিদ-১৯ লায়েংনবা তঙাইফদবা হিদাকশিং অমসুং মেদিকেলগী খুৎলায়শিং ফংহন্নবা স্তেৎ দ্রগ কন্ত্রোল্লরশিংদা খঙহনখ্রে । অপনবা লৈতনা স্তোকশিং মরাং কাইনা ফংহন্নবা পোৎ শাবা ঙম্বগী অয়ৌবী চাং অদুদা পুথোক্নবা মখোয়দা খঙহনখি।

অকুপ্পা মরোলগীদমক:

২০২০ গী এপ্রিল ২২দা, ভারত রেলৱেজনা রেকোর্দ ওইনা চানবা মহৈ-মরোং লাখ তন ৩.১৩গী রেকস ১১২ হাপখি

ভারত রেলৱেনা মতম চানা মহৈ-মরোংশিং হাপ্লি অমসুং লৈবাক শীনবা থুংনা পুরি । ২০২০গী এপ্রিল ১ দগী এপ্রিল ২২ ফাওবগী মনুংদা ভারত রেলৱেজনা চানবা মহৈ-মরোং মিল্লিয়ন তন ৪.৫৮ হাপখি অমসুং পুখি , মসি মমাং চহিদা মিল্লিয়ন তন ১.৮২ পুখিবা অদুগা চাংদম্নরবনি ।

অকুপ্পা মরোলগীদমক:

ভারতনা কোভিদ-১৯ লান্থেংনরিবা অসি শৌগৎতুনা লাইফলাইন উরানগী কোরোনা লান্মীশিংনা চোকথবা লৈতনা থবক তৌরি

লাইফলাইন উরানগী মখাদা এয়র ইন্দিয়া, এল্লাইসন্স এয়র, আই এ এফ অমসুং লনাই এয়র লাইন্সশিংগী ফ্লাইত ৩৩০ মথৌ পাংথোক্লি । হায়রিবা ফ্লাইতশিংগী মনুংদা ২০০০ এয়র ইন্দিয়া অমসুং এল্লাইসন্স এয়রনা থবক শীজিন্নরি । হৌজিক ফাওবদা তন ৫৫১.৭৯ গী কার্গো পুখ্রে । হৌজিক ফাওবদা লাইফলাইন উরান ফ্লাইতশিংনা কিলোমিতর ৩,২৭,৬২৩ পাইখ্রে ।

অকুপ্পা মরোলগীদমক:

‘ভারত মীওই খুদিংমক্কী অপুনবা লমকোয়বা অমা ওইহনবা’ হিরম অসিদা তুরিজম মিনিস্ত্রিনা শীন্দুনা দেখো অপনা দেস সেরিজগী ৬শুবা ৱেবিনার পাংথোক্লে

‘ভারত মীওই খুদিংমক্কী অপুনবা লমকোয়বা অমা ওইহনবা’ হিরম অসিদা ৬শুবা ৱেবিনার সেরিজ ২০২০গী এপ্রিল ২২দা পাংথোকখি । মসিগী ৱেবিনার অসি মালেমগী মফম শীনবা থুংনা মীওই ১৭০০ হেনবা লাইফ ওইনা তাখি । ৱেবিনার অদুদা মশিং থিঙমদনা লৈরিবা ভারতকী লমকোয়ফমশিং উৎখি ।

অকুপ্পা মরোলগীদমক:

দেখো অপনা দেস ৱেবিনার সেরিজগী ৭শুবা ৱেবিনার-‘ফোতোৱাল্কিং বনারসি: এ ভিজুয়েল ত্রিৎ’ তুরিজম মিনিস্ত্রিনা শীন্দুনা পাংথোক্লে

অকুপ্পা মরোলগীদমক:

তেলিকোম দিপার্তমেন্ত লেম্না ইন্তরনেত পীবগী ৱাফম লৈতে

২০২০ গী মে ৩ ফাওবা তেলিকোম দিপার্তমেন্ত লেম্না ইন্তরনেত পীবগী ৱাফম লৈতে হায়না পি আই বীগী ফেক চেক য়ুনিতনা তুইত অমদা শেংদোকলি । য়ুমদা লৈরগা থবক শুবা য়ানবা দিপার্তমেন্ত লেম্না ইন্তরনেত পীগনি হায়না অরানবা পাউ শন্দোরকখিবনি । 

অকুপ্পা মরোলগীদমক:

ফুদ প্রোসেসিং ইন্দস্ত্রি মিনিস্ত্রিগী মখাদা লৈবা রিছর্স অমসুং ইজুকেসনেল ইন্সতিতুৎ আই আই এফ পি তিনা কোভিদ-১৯ অনাবা মীওইশিংগি মচি ওইবা চিঞ্জাক পুথোক্তুনা অমসুং ফংহন্দুনা কোভিদ-১৯গী মায়োক্ত শোক্নরিবা লাল অসি শৌগৎলি

ফুদ প্রোসেসিং ইন্দস্ত্রি মিনিস্ত্রিগী মখাদা লৈবা রিছর্স অমসুং ইজুকেসনেল ইন্সতিতুৎ ইন্দিয়ান ইন্সতিতুৎ ওফ ফুদ প্রোসেসিং তেক্নোলোজি(আই আই এফ পি তি)না ভারতনা কোভিদ-১৯ গী মায়োক্ত শোক্নরিবা লাল অসি শৌগৎলি । কোভিদ-১৯ অনাবা মীওইশিংগি মচি ওইবা চিঞ্জাক পুথোকপগীদমক য়ুনিয়ন এফ পি আই মিনিস্তর শ্রীমতি হরসিমরত কৌর বাদলনা ইন্সিতিতুৎ অসিগী থবকশিং থাগৎলি ।

অকুপ্পা মরোলগীদমক:

তামিলনাদুনা কোকুন য়োকপা লৌমীশিং কন্নবা কে ভি আই সি লাক্লে

লৈবাক অসিনা কোরোনাভাইরস থেংনরিঙৈ চৈরক অসিদা , এম এস এম ই মিনিস্ত্রীগী মখাদা লৈবা খাদি এন্দ ভিলেজ কম্মিসন(কে ভি আই সি)না তামিলনাদুনা লৈবা মসিগী খাদি ইন্সতিতুসনশিংগা লোয়ননা অমুক হন্নবা কোকুন য়োকপা লৌমীশিংদগী কোকুনশিং লৈরে ।

অকুপ্পা মরোলগীদমক:

কোভিদ-১৯ থেংননবা ফরিদবাদ জিলা থাক্কী লৈঙাক্না থবক কয়া পায়খৎলি; য়েংশিন্নবা অমসুং মীয়াম খঙহন্নবা তেক্নোলোজি শীজিন্নরি

অকুপ্পা মরোলগীদমক:

চনমগী থাউ শীজিন্নদুনা কোভিদ লায়েংনবা হিদাক পুথোক্নবা সাইন্সতিস্তশিংনা হোৎনরি

মোহালিদা লৈবা বাইওতেক্নোলোজি দিপার্তমেন্তগী সেন্তর ওফ ইন্নোবেতিব এন্দ এপ্লাইদ বাইওপ্রোসেসিংনা মালেম শীনবা থুংনা শন্দোকলিবা তমথিরবা কোভিদ-১৯ ঙাকথোকপা, দাইগনোস তৌবা নৎত্রগা ফহনবদা মতেং ওইগদবা পোৎথোকশিং পুথোক্নবা পান্দম থম্লি । কেমিস্ত্রি, কেমিকেল ইঞ্জিনিয়ারিং, বাইওতেক্নোলোজি, মোলিকুলার বাইওলোজি, নিউত্রিসন, নানোতেক্নোলোজিগী লমদা রিছর্স তৌরিবা সাইন্সতিস্তশিংনা থৌরাং অসি মাইপাক্নবা থৌরাং তৌরি।

অকুপ্পা মরোলগীদমক:

কোভিদ-১৯ শন্দোকপা থিংনবা হকচাংগী লায়না ঙাকথোকপা ঙম্বগী শক্তি হেনগৎহন্নবা ইম্মুনোমোদুলেতর সেপসিভেক পুথোক্নবা সি এস আই আরনা ৱারেপ লৌরে

অকুপ্পা মরোলগীদমক:

পি আই বী ফিল্ড ওফিসশিংনা পীরকপশিং

• কেরলা : কোভিদ-১৯না য়ু এস, য়ু কে অমসুং গল্ফতা কেরলামচা অহুম শিরে ।হৌজিক ফাওবদা মপানদা লৈবা কেরলামচা ৪০ হেন্না শিরে । ঙরাং অনৌবা কেস ১১ থেংনখি । অপুনবা কেস ৪৩৭, একতিব কেস ১২৭ নি ।
• তামিলনাদু : ঙরাং অনৌবা কেস ৩৩ থেংনখি । অপুনবা কেস ১৬২৯, শিখিবা ১৮ অমসুং দিসচার্জ তৌখিবা ৬৬২ নি ।
• করনাতাকা : কোভিদ-১৯ লাকপদগী দোক্তরশিংগী তোলোব হেনগৎনবা সরকারনা ৱারেপ লৌরে । ঙসি অনৌবা কেস ১৬ থেংনখি । অপুনবা কেস ৪৪৩, অনাবা ফখিবা ১৪১, শিখিবা ১৭ নি ।
• অন্ধ্র প্রদেস : হৌখিবা পুং ২৪দা অনৌবা কেস ৮০ থেংনখি । অপুনবা কেস ৮৯৩; একতিব কেস ৭২৫; অনাবা ফখিবা ১৪১; শিখিবা ২৭ নি ।
• তেলাঙ্গানা : জিলা খুদিংমক্ত অপুনবা কেসশিং মশিং হন্থরে । অপুনবা কেস ৯৪৩, একতিব কেস ৭২৫ নি ।
• অরুনাচল প্রদেস : অয়াবা হেক পীবগা রাজ্য অসিদা হল্লকপা মীওইশিং ক্বারেনতাইন তৌফম থৌরাং তৌরে হায়না রাজ্য সরকারনা লাউথোক্লে ।
• অসাম : হয়র সেকেন্দরি ইজুকেসন কাউন্সিলনা ২০১৯-২০ গী অহানবা চহিগী মহৈরোয়শিং একাদেমি সেসন ২০২০-২১ গী অনিশুবা চহিদা প্রোমোসন পীরগনি হায়রি ।
• মনিপুর : কোভিদ-১৯ লাকপদগী ইন্দো-ম্যান্মার ঙমখৈদা চেকশিনবা অমসুং শম্বল খাবগী থবক কনখৎলে ।
• মিজোরম : পুলিস ৱাইফস এসোসিয়েসন্না কোভিদ-১৯ সি এম রিলিফ ফন্দদা লুপা ক্রোর ৫ কৎখি অমসুং আইজোলদা পুলিসশিংদা মাক্স ৬০০শু পীখি ।
• নাগালেন্দ : রাজ্য অসিদা চানবা, হাউ অমসুং হিদাক মরাং কাইনা লৈরি হায়রি ।  কোহিমাদা বাই সেফতি লেব ৩ লিংখৎলে ।      
• সিক্কিম : রাজ্য অসিগী মীওই খুদিংমক অরোগ্যা মোবাইল এপ্প লৌথনবা রাজ্য সরকারনা থবক পায়খৎলে ।
• ত্রিপুরা : লেন তাবদগী অৱাবা নংলবা মীওইশিংগী চংজফম কেম্পশিংদা সি এম বিপ্লব কুমার দেবনা চৎতুনা য়েংশিনখ্রে ।
• চান্দিগর : মেদিকেল কোলেজশিংগী ইনতর্নশিংগী স্তাইপেন্দ নোংমদা লুপা ৩০০দগী লুপা ৬০০ দা হেনগৎলে । পি এম জি কে ৱাইগী মখাদা ইমুং ২৪,০০০ দা চেং অমসুং গেহু য়েন্থোকখ্রে ।  
• পঞ্জাব : ত্রেন ৫০ দা অতোপ্পা রাজ্যশিংদা পঞ্জাবতগী চেং অমসুং গেহু  এম তি লাখ ১.২৫ থাদোকখ্রে । রাজ্য অসিদা পায়খৎলিবা অকনবা অথিংবা অমসুং কোভি-১৯ লাকশিন্নবা থবকশিং অসি ইন্দিয়ান মেদিকেল এসোসিয়েসন্না থাগৎলি ।
• হরিয়ানা : লৌউ-শিংগী খুৎলায়শিং শেম্নবা ৱার্কসোপশিং অথিংবা অসিদগী কোমথোক্লে । বেঙ্ককী কস্তমরশিংনা লাপ্না লৈরগা থবক তৌবা য়ানবা ৱেবসাইত অমা সিএম মনোহর লাল খাত্তরনা হৌদোকলে ।
• হিমাচল প্রদেস : লৌ লোকপা মতমদা লৌমীশিং থাপ্না লৈনবা পাউতাক পীনবা সি এমনা দি সিশিংদা খঙহনখি ।
• মহারাস্ত্রা : অনৌবা কেস ৪৩১ থেংনদুনা রাজ্য অসিদা ঙসি অপুনবা কেস ৫৬৫২ য়ৌরে । ঙসি ফাওবদা মীওই ৭৮৯ অনাবা ফরে অমসুং মীওই ২৬৯ শিরে ।
• গুজরাত : অনৌবা কেস ১৩৫ থেংনদুনা রাজ্য অসিদা ঙসি অপুনবা কেস ২৪০৭ য়ৌরে । লৈবাক অসিগী অনাবা ফবগী চাং চাদা ১৯ লৈরিবা অসিগা চাংদম্নবদা গুজরাতকী চাং চাদা ৬.৩ ওইরি ।
• রাজাস্থান : ঙসি অনৌবা কেস ৪৭ থেংনদুনা রাজ্য অসিগী অপুনবা কেস ১৯৩৫ য়ৌরে ।

*******