‘লাইফলাইন উরান’ ফ্লাইৎশিং অসি ভারতনা কোবিদ-১৯গা লান্থেংনরিবা অসিদা লৈবাক অসিগী মনুং হঞ্জিনবা মফমশিংদা চংদবা য়াদ্রবা মেদিকেলগী কার্গোশিং পুথোক পুশিন তৌননবা এম.ও.সি.এ.না দোমেস্তিক সেক্তরদা চলাইদুনা মতেং পাংলি।  কোরোনাগী লানমী পুম্নমক – ওফিসরশিং, স্তাফশিং অমসুং গ্রাউন্দগী থাক্তা থবক তৌরিবা মীওইশিং অমসুং অতৈ মরু ওইবা স্তেকহোলদর কয়া অমনা ভারতনা কোবিদ-১৯গা লান্থেংনরিবা অসিদা নীংহন্নবা লৈতনা থৌনা ফনা মতেং পাংলি।   

এয়র ইন্দিয়া, এল্লাইএন্স এয়র, আই.এ.এফ. অমসুং লন্নাইগী কেরিয়র কয়ানা লাইফলাইন উরানগী মখাদা ফ্লাইৎ ৩৩০ পাইখ্রে। ফ্লাইৎশিং অসিগী মনুংদগী ২২০দি এয়র ইন্দিয়া অমসুং এল্লাইএন্স এয়রনা পাইখি। ঙসি ফাওবদা পুখিবা কার্গো অসি তন ৫৫১.৭৯নি। লাইফলাইন উরানগী ফ্লাইৎশিংনা ঙসি ফাওবদা পাইখিবা নোংথক লম্বীগী অরাপ্পা অসি পুন্না কিলোমীতর ৩,২৭,৬২৩ হেল্লে।

লাইফলাইন উরান ফ্লাইৎনা নোংমা নোংমগী ওইনা পাইখিবশিং অদু মখাদা শম্লপনা পীরিঃ

জম্মু অমসুং কশ্মীর, লদাখ, ইথৎশিং অমসুং অৱাং নোংপোক্কী লমদমশিংদা মরু ওইবা মেদিকেল কার্গোশিং অমসুং অনাবা মীওই কয়া পুথোক পুশিন তৌননবা পৱন হন্স লিমিতেদ য়াওনা হেলিকোপ্তর সর্বিস কয়া চলাইরি। পৱন হন্সনা এপ্রিল ২১, ২০২০ ফাওবদা অরাপ্পা কিলোমীতর ৬৫৩৭ পাইদুনা তন ১.৯০গী কার্গো পুথোক পুশিন তৌখ্রে।

লাইফলাইন উরানগী দোমেস্তিক কার্গো অসিদা কোবিদ-১৯গা মরী লৈনবা রি-এজেন্তশিং, এঞ্জাইমশিং, মেদিকেলগী খুৎশু খুৎলাইশিং, তেস্তিং কিৎশিং, পর্সনেল প্রোতেক্তিব ইক্যুইপমেন্ত (পি.পি.ই.), মাস্কশিং, গ্লোবশিং, ঐচ.এল.এল. অমসুং আই.সি.এম.আর.গী অতোপ্পা পোৎলমশিং, রাজ্য/য়ু.তি.শিংনা পীয়ু হায়বা কার্গোশিং অমসুং পোস্তেল পেকেৎনচিংবা কয়া য়াওই।

অৱাং নোংপোক্কী লমদমশিং, ইথৎকী জগাশিং অমসুং চীংগী মফমশিং অসিদা অহেনবা মিৎয়েং পীরি। এয়র ইন্দিয়া অমসুং আই.এ.এফ.না মরু ওইনা জম্মু অমসুং কশ্মীর, লদাখ, ইথৎশিং অমসুং অৱাং নোঙপোক্কী লমদমশিংগী ওইনা পুন্না থবক তৌমিন্নরী।

দোমেস্তিক কার্গো ওপরেতর -  স্পাইসজেৎ, ব্লু দার্ত অমসুং ইন্দিগোনা কমর্সিএল ওইনা কার্গো ফ্লাইৎ পাইরি। স্পাইসজেৎনা ২০২০গী মার্চ ২৪ অমসুং এপ্রিল ২১ ফাওবগী মনুংদা নোঙথক্কী অরাপ্পা কিলোমীতর ৭,১২,৩২৩ পাইদুনা অমসুং কার্গো তন ৩৬৯৫ পুদুনা কার্গো ফ্লাইৎ ৪৪৭ পাইখি। মসিগী মনুংদা ১৫৪দি ইন্তর্নেস্নেল কার্গো ফ্লাইৎনি। ব্লু দার্তনা ২০২০গী মার্চ ২৫ অমসুং এপ্রিল ২১ ফাওবগী মনুংদা নোঙথক্কী অরাপ্পা কিলোমীতর ১,৪৮,৬৮৪ পাইদুনা অমসুং কার্গো তন ২৫৭৩ পুদুনা দোমেস্তিক কার্গো ফ্লাইৎ ১৬০ পাইখি। ইন্দিগোনা  ইন্তর্নেস্নেল ফ্লাইৎ ৬ য়াওনা ২০২০গী এপ্রিল ৩-২১ ফাওবগী মনুংদা নোঙথক্কী অরাপ্পা কিলোমীতর ৪২,৭৫২ পাইদুনা অমসুং কার্গো তন ৮৪ পুদুনা কার্গো ফ্লাইৎ ৩৫ পাইখি। মসিদা সরকারগীদমক্তা শেল লৌদনা মেদিকেল সপ্লাইশিং পুদুনা পাইখিবসু য়াওখি।

ইন্তর্নেস্নেল সেক্তর-

নোংপোক এসিয়াগা ফার্মাস্যুতিকেলগী, মেদিকেলগী খুৎশু খুৎলাইশিং অমসুং কোবিদ-১৯গী তেংবাংনবা পোৎলমশিং পুথোক পুশিন তৌনবগীদমক কার্গো এয়র ব্রিজ অমা শেমখ্রে। নোংমা নোংমগী ওইনা পুরকখিবা কার্গোগী শম্লপ্পা মরোল অদু মখাদা পীরিঃ 

এয়র ইন্দিয়ানা মুম্বাই অমসুং ফ্রেঙ্কফর্তকী মরক্তা অনিশুবা ফ্লাইৎ অসি এপ্রিল ১৫, ২০২০দা কৃশী উরান প্রোগ্রামগী মখাদা কুমগী ওইবা উহৈ অমসুং মনা মশিং তন ২৭ ফ্রেঙ্কফর্ত্তা পুদুনা অমসুং হল্লকপদা জেনেরেল কার্গোগী তন ১০ পুরক্তুনা পাইখি। এয়র ইন্দিয়ানা মুম্বাই অমসুং লন্দনগী মরক্তা অহানবা ফ্লাইৎ অসি এপ্রিল ১৩, ২০২০দা উহৈ অমসুং মনা মশিং তন ২৮.৯৫ লন্দন্দা পুদুনা অমসুং হল্লকপদা জেনেরেল কার্গোগী তন ১৫.৬ পুরক্তুনা পাইখি।

এয়র ইন্দিয়ানা মখোইগী শিল লাংদুনা লৈরবা কার্গো ফ্লাইৎ অসি মরু ওইবা মেদিকেলগী সপ্লাইশিং  তঙাই ফদবগী মতুং ইন্না অতোপ্পা লৈবাকশিংদা পুননবগীদমক্তা পাইগনি।  এয়র ইন্দিয়ানা অসিগুম্বা ফ্লাইৎ অমা এপ্রিল ১৫, ২০২০দা দিল্লী-সেচীলস-মোরিসস-দিল্লীগী মরক্তা মেদিকেল সপ্লাইগী সেচীলস্তা তন ৩.৪ অমসুং মোরিসস্তা তন ১২.৬ পুদুনা পাইখি।