কোভিদ-১৯না মরম ওইদুনা য়ুমদা লৈরিঙৈ মতমসিদা মহৈরোয়শিংবু ৱাহন্থোক লৈনা মমা মপাশিং অমদি ওজাশিংগা লোয়ননা মহৈ মশিংগী থৌরমশিংদা পুক্নীং লুপহন্দুনা লৈনবা এম.ঐচ.আর.দি. লমজিং মখাদা এন.সি.ই.আর.তি.না প্রাইমরী অমদি অপ্পর প্রাইমরী (ক্লাস ৬ তগী ৮ ফাওবা) অল্তরনেতিব একাদমীক কেলেন্দর অসি শেমবনি‍। অপ্পর প্রাইমরী থাক্কী অল্তরনেতিব একাদমীক কেলেন্দর অসি কেন্দ্রগী হ্যুমেন রিসোর্স দেভেলপমেন্ত মন্ত্রী শ্রী রামেস পোখ্রিয়াল ‘নিসঙ্ক’না ঙসি নই দিল্লীদা ফোঙদোকখি‍। প্রাইমরী থাক্কী অল্তরনেতিব একাদমীক কেলেন্দরসু কেন্দ্রগী ঐচ.আর.দি. মন্ত্রীনা এপ্রিল ১৬, ২০২০দা ফোঙখ্রে‍।

থৌরমদুদা ৱা ঙাঙলদুনা শ্রী পোখ্রিয়ালনা হায় কেলেন্দর অসিনা মহৈ তম্লিবশিং, মমা মপাশিং অমদি ওজাশিংনা য়ুমদা লৈনা লৈনা শীজিন্নবা য়ারবা নুংঙাইবা মওংদা মহৈ মশিং তম্বীনবা তোঙান তোঙানবা তেক্নোলোজীগী খুৎলায়শিং অমদি সোসিয়েল মীদিয়াগী খুৎলায়শিং কমদৌনা শীজিন্নগদগে হায়বা চৎন-পথাপশিং ওজাশিংদা পীরি‍। অদুবু মসিনা মোবাইল, রেদিও, তেলিভিজন, এস.এম.এস. অমদি তোঙান তোঙানবা সোসিয়েল মীদিয়ানচিংবা খেন্নবা মখলগী খুৎলায়শিং পুম্নমক মিৎয়েং থমলগা শেম্বনি‍। ঐখোয় খুদিংমক মোবাইলদা ইন্তর্নেতকী খুদোংচাবা ফংদবা য়াই নৎত্রগা ৱাৎসএপ, ফেসবুক, ত্বীতর, গুগলনচিংবা মখল কয়াগী সোসিয়েল মীদিয়া খুৎলায়শিং শিজিন্নবা ফংদবা য়াই হায়বসি অচুম্বা ৱাফম অমনি‍। কেলেন্দর অসিনা ওজাশিংদা মমা মপাশিংবু মোবাইল ফোন্দা এস.এম.এস.কী খুত্থাঙদা নৎত্রগা কোল তৌদুনা লমজিংবিনবা তাক্লি‍। মমা মপাশিংনা ইলিমেন্তরী থাক্কী মহৈরোয়শিংদা কেলেন্দর অসি চৎনহনগনি হায়না থাজৈ‍।

লেমহৌরিবা ক্লাস হায়বদি ক্লাস ১১ অমদি ১২ অমসুং সবজেক্তশিং কেলেন্দর অসিগী মখাদা য়াম্না থুনা কোনশিনগনি হায়না মন্ত্রীনা হায়খি‍। কেলেন্দর অসিনা শোয়নাইরবা অঙাংশিং (তোঙানবা থৌরাং মথৌ তাবা অঙাংশিং) য়াওনা অঙাং পুম্নমক্কী চঙদ্রবা য়াদ্রবশিং ফংহনগনি – খোঞ্জেল লাইরিক, রেদিও প্রোগ্রামশিং, ভিদিও প্রোগ্রামশিংগী লিঙ্ক য়াওগনি‍।

কেলেন্দর অসিদা লাইরিক্তগী নৎত্রগা সিল্লেবসতগী লৌথোকপা থীম/চেপ্তরগা মরি লৈনবা নুংঙাইরবা অমদি শিংননীংঙাই ওইবা চয়োলগী ওইবা থৌরাংশিং য়াওরি‍। খ্বাইদগী মরুওইনা মসিনা থীমশিংগা তম্বগী মহৈগা চাশিন্নহল্লি‍।  থীমশিংগা তম্বগী মহৈগা চাশিন্নহনবগী পান্দমদি ওজাশিং/মমা মপাশিংবু অঙাংশিংগী তম্বগী খোঙজেলদু য়েংশিনবা য়াননবা অমদি লাইরিক্তগী হেন্দোক্না চঙশিন্ননবনি‍। কেলেন্দরসিদা য়াওরিবা থৌওংশিং অসি তম্বগী মহৈদা মিৎয়েং থমই অমদি অঙাংশিংনা মখোয় মখোয়গী স্তেৎ নৎত্রগা য়ু.তি.শিংদা শীজিন্নরিবা লাইরিকশিং অমদি অতৈ মচাকশিংগী খুত্থাঙদা ফংবা ঙমগনি‍।

মসিনা আর্তকী মহৈ-মশিং, হকচাঙ শাজেলশিং, য়োগ, প্রি ভোকেসনেল স্কিলনচিংবা চাংয়েংগী ওইবা মহৈ তম্বগী থৌওংশিংসু কোনশিল্লি‍। কেলেন্দর অসিদা তেবলগী মওংদা ক্লাসকী ওইনা অমদি সবজেক্ত এরিয়াগী ওইবা থৌওংশিং খায়দোক্তুনা য়াওরি‍।  কেলেন্দর অসিদা সবজেক এরিয়াশিংগী ওইনা লোল মরি হায়বদি হিন্দী, ইংলিস, উর্দু, অমদি সংস্ক্রিৎকা মরী লৈনবা থৌওংশিং য়াওরি‍। কেলেন্দর অসিনা ওজা, মমা মপা অমদি মহৈরোয়শিংদা লাংতক্নবা অমদি পুক্নীং ৱাবা হন্থহন্নবা থৌরাংশিংসু য়াওরি‍। কেলেন্দর অসিদা লৈঙাক্কী ই-পাথসালা, এন.আর.ও.ই.আর. অমদি দিক্ষা পোর্তেলদা ফংবা চেপ্তরশিংগী ই-কন্তেন্তশিংগী লিঙ্ক য়াওরি‍।

থৌওং খুদিংমক চাউরাকপা অমা তাকপদনি চপ চানা ইনগদবা নত্তে অদুগা মথং মনাউ ইনবগী মথৌসু তাদে‍। ওজা অমদি মমা মপাশিংনা হীরমগা চান্ননবা শেমদোকপা য়াই অমদি মথং মনাউ নাইবগী ৱাফম নত্তনা অঙাংশিংনা পাম্বগী মতুং ইন্না থৌওংশিং অসি তৌবা য়াই‍।

স্বয়ম প্রভা (কিসোর মঞ্চ) তি.ভি. চেনেল (ফ্রী দি.তি.ঐচ. চেনেল ১২৮, দিস তি.ভি. চেনেল নম্বর ৯৫০, সনদাইরেক্ত চেনেল নম্বর ৭৯৩, জিও তি.ভি, তাতা স্কাই চেনেল নম্বর ৭৫৬, এয়রতেল চেনেল নম্বর ৪৪০, ভিদিওকোন চেনেল নম্বর ৪৭৭দা শন্দোকপা)গী খুত্থাঙদা এন.সি.ই.আর.তি.না মহৈরোয়শিং, মমা মপাশিং অমদি এলাশিংগা লোয়ননা লাইভ ইন্তরএক্তিভ সেসনশিং হান্ননা হৌখ্রে‍।

কিসোর মঞ্চ এপ (প্লে স্তোরদগী দাউনলোদ তৌবা য়াগনি) অমদি য়ুত্যুব লাইব (এন.সি.ই.আর.তি. ওফিসিএল চেনেল)‍। নিংথৌকাবদগী থাংজা ফাওবা নুমিৎ খুদিংগী প্রাইমরী ক্লাসশিংগীনা অয়ুক পূং ১১দগী নুংথিল পূং ১ ফাওবা অদুগা অপ্পর প্রাইমরী ক্লাসশিংগীনা নুংথিল পূং ২দগী পূং ৪ ফাওবা সেসনশিং অসি শন্দোক্লি‍। য়েংলিবশিংগী ইন্তরএক্ত  তৌনবগী মথক্তা লাইভ সেসন অসিদা হীরমশিংদা তাকপীবগা লোয়ননা তশেংনা তৌবা থৌওংশিং উত্তুনা তাক্লি‍। কেলেন্দর অসি ভিদিও কনফরেন্সিংগী খুত্থাঙদা এস.সি.ই.আর.তি.শিং/এস.আই.ই.শিং, ইজুকেসনগী দিরেক্তোরেৎশিং, কেন্দ্রিয় ভিদ্যালয় সঙ্গথন, নবোদয়া ভিদ্যালয় সমিতী, সি.বি.এস.ই., স্তেৎ স্কুল এজুকেসন বোর্দনচিংবশিংদসু পাক শন্না খঙহনগনি‍।

কেলেন্দর অসিনা ঐখোয়গী মহৈরোয়শিং, ওজাশিং, মহৈশঙশিংগী প্রিন্সিপালশিং অমদি মমা মপাশিংবু ওনলাইনগী তম্বী-তাকপীবগী মচাকশিং শিজিন্নদুনা কোভিদ-১৯গা অফবা লম্বীদা লান্থেংনবদা মতেং পাংগনি অমদি মহৈশঙগী মহৈশিং য়ুমদা ফংদুনা মহৈ মশিং তম্বগী অফবা মহৈ ফংবা ঙমহল্লগনি‍।

অপ্পর প্রাইমরী থাক্কী অল্তরনেতিব একাদমিক কেলেন্দর ইংলিস লোনদা পানবগীদমক মসিদা নম্বীয়ু

অপ্পর প্রাইমরী থাক্কী অল্তরনেতিব একাদমিক কেলেন্দর হিন্দী লোনদা পানবগীদমক মসিদা নম্বীয়ু

*****