ইনফোর্মেসন অমসুং ব্রোদকাস্তিং মন্ত্রালয়

মন্ত্রালয়শিং শুতি থাবগী সরকারগী ওইবা চেরোল অমত্তা থোক্তে, পি.আই.বি. ফেক্ত চেকনা অরানবা পাউনি হায়খ্রে

‘সে নমস্তে’ হায়বা ভিদিও কনফরেন্সিং এপ অমত্তা সরকারনা শেমখিবা/শৌগৎখিবা লৈতে

Posted On: 21 APR 2020 9:28PM by PIB Imphal

অরানবা পাউশিংগী মায়োক্তা চংশিল্লিবা লাঞ্জংগী শরুক অমা ওইনা, মীদিয়াশিংদা চাইথোক্লিবা তোঙান-তোঙানবা অরানবা পাউদা য়ুম্ফম ওইবা পাউশিং পি.আই.বি. ফেক্ত চেকনা ঙসি লাউথোকখ্রে।

ভারত সরকারনা ‘সে নমস্তে’ কৌবা ভিদিও কনফরেন্সিং এপ অমগী বিতা বর্জন অমা হৌদোকখ্রে অমসুং এপ অসি অথুবদা চলাইবা হৌরনি হায়না মমিং লৈরবা ৱেব ন্যুজ পোর্তেল অমনা থাগৎলকখি। পি.আই.বি. ফেক্ত চেকনা অসিগুম্বা এপ অমত্তা সরকারনা লোঞ্চ তৌখিবা লৈতে অমসুং মসিদা শৌগত্তে হায়না চমম্নবা কোকহল্লি। মসিগী পান্দমদি ময়াম্না ভারত সরকারগী অয়াবা য়াওরবনি হায়দুনা অসিগুম্বা এপ অমত্তা দাউনলোদ তৌবীদনবা মীয়ামদা খঙহনবনি।

https://twitter.com/PIBFactCheck/status/1252603481136877568?s=20

মমাঙগী পোস্ত অমা হন্না থাগৎলদুনা, লোকদাউন অসিনা মরম ওইদুনা রেলৱেনা ইমপ্লোয়ীশিংগী তলব অমসুং পেন্সন ককথগনি হায়না সোসিয়েল মীদিয়াদা শন্দোক্লিবা অরানবা পাউ অমসু ফেক্ত চেক একাউন্ত অসিনা হন্না অরানবনি হায়না থাগৎখ্রে। পি.আই.বি. ফেক্ত চেকনা হায়রিবা পাউ অসি অরানবনি অমসুং মন্ত্রালয় অসিনা অসিগুম্বা তলব অমসুং পেন্সন কক্নবা খোংথাং অমত্তা লৌখৎপা লৈতে হায়না হন্না ফোঙদোকখ্রে।

https://twitter.com/PIBFactCheck/status/1252541165083127813?s=20

সোসিয়েল মীদিয়াদা, ন্যুজ চেন্নেল অমগী স্ক্রীন লৌথোক্তুনা ভারত সরকারনা মন্ত্রালয় পুম্নমক থিংজিল্লগনি হায়না পাউ শন্দোকখি। হায়রিবা পাউ অসি সরকারগী মায়কৈদগী থোকখিবা লৈতে। পাউ অসি থিগৎখি অমসুং চেন্নেল অদুনা অকোনবদা চুমথোকখি।

https://twitter.com/PIBFactCheck/status/1252468471029395456?s=20

পি.আই.বি.গী রিজনেল য়ুনিৎনা অরানবা পাউ থেংনবদা রাজ্যগী থাক্তা য়াম্না মরু ওইবা থৌদাং লৌরি। সিমলাদা লৈবা পি.আই.বি.গী য়ুনিৎনা পঞ্জাবতা লৈবা কম্যুনিতী অমগী শঙ্গোম য়োনবা নুপা অমা হিমাচল প্রদেশতা চংহনখিদে হায়না মমিং লৈবা ন্যুজ পোর্তেল অমনা লান্না শন্দোকখিবা পাউ অমগী মাইয়োক্তা হিমাচল প্রদেশকী উনাগী দিস্ত্রিক্ত মেজিস্ত্রেৎনা থোকপা চেরোল অমগা লোইননা ত্বীৎ তৌখি।

https://twitter.com/PIBShimla/status/1252191586567372801?s=20

বিহারগী জেহনাবাদতা অঙাংশিংনা লোকদাউন মনুংদা চানীংঙাই লৈতবদগী হঙোই চাদুনা হিংলে হায়না পাক শন্না শন্দোরকখিবা লান্না উহনবা য়াবা ভিদিও অমগী মথক্তা পি.আই.বি.না চেরোল অমা থাখি। দিস্ত্রিক্ত এদমিনিস্ত্রেসন্না থিগৎপা মতমদা অঙাং অদুগী ইমুং মনুংদা চাননবা পোৎলম মতিক চানা লৈ হায়বা খঙবা ঙমখি।

https://twitter.com/PIBFactCheck/status/1252169585832255488?s=20

মসিগা হায়রপ মান্নবা ক্লেম অমসু অরুনাচল প্রদেশতগী ফংখি মদুদি, চানবা পোৎলম ফংদবদগী মীওই কয়ানা লিন চারে। গুৱাহাতীদা লৈবা পি.আই.বি. রিজনেল ব্রাঞ্চনা রাজ্য সরকারগী চেরোল পল্লদুনা ফোঙদোকখি মদুদি রাজ্য অসিদা চাননবা পোৎলম মতিক চানা লৈ অমসুং হায়রিবা পাউ অসি অরানবনি হায়না শেংদোকখি। মখাদা তানা, চানবা পোৎলমশিং রাজ্য অসিদা চাং নাইনা য়েন্থোক্লি হায়নসু পল্লি।

https://twitter.com/PIB_Guwahati/status/1252570210382602240?s=20

য়ুম্ফম

সোসিয়েল মীদিয়াদা অরানবা পাউ শন্দোকপা য়েংশিন্নবা অমসুং সুপ্রীম কোর্তকী য়াথংশিং ইন্নবা, পি.আই.বি.না সোসিএল মীদিয়াদা অরানবা পাউ শন্দোকপা ফাননবখক্কী ওইবা তোঙানবা য়ুনিৎ অমা হাংদোকখ্রে। ‘পি.আই.বি. ফেক্ত চেক’ হায়বসি ভেরিফাই তৌরবা সোসিয়েল মীদিয়াদা কোইনা শন্দোকপা মেসেজশিংবু লেপতনা য়েংশিন্নবা, অমসুং মখোয়দা য়াওরিবা কন্তেন্তশিংবু চেকশিন্না য়েংদুনা অরানবা পাউ ফানবা হোৎনবা ত্বীতর হেন্দল অমনি। মসিগী নাকন্দা, পি.আই,বি. ইন্দিয়া অমসুং অতোপ্পা পি.আই,বি.গী রিজনেল য়ুনিৎশিংগী ত্বীতরদা লৈরিবা হেন্দলশিংনা ওফিসিএল অমসুং অচুম্বা পাউশিং #পি.আই.বি.ফেক্তচেক হায়না হেস্তেগ তৌদুনা ত্বীতর কম্যুনিতীদা মতম চানা মতেং পাংনবা ত্বীতরদা থাগৎলি।

মীওই অমা হেক্তনা পি.আই.বি.ফেক্তচেকতা তেক্স, ওদিও অমসুং ভিদিও য়াওবা সোসিয়েল মীদিয়া মেসেজ অমা হেক্তা পীশিন্দুনা অচুম অরান খঙদোক্নবা হোৎনবা য়াগনি। হায়রিবসি https://factcheck.pib.gov.in/দা ওনলাইন্দা থাগৎপা য়াগনি, ৱাৎসএপতনা +৯১৮৭৯৯৭১১২৫৯দা, নত্ত্রগা pibfactcheck[at]gmail[dot]comদা ইমেল থাবীরকপা য়াগনি। অকুপ্পা ৱারোলশিং https://pib.gov.inদগী খঙবীবা য়াগনি।



(Release ID: 1617114) Visitor Counter : 208