ইন্দিয়ন রেলৱেজনা আই.আর.সি.তি.সি., আর.পি.এফ, জোনেল রেলৱেজ অমসুং অতোপ্পা রেলৱে ওর্গনাইজেসনশিংগী তেংবাংগা লোয়ননা অপুনবা শক্তম অমদা কোবিদকী মায়োক্তা লান্থেংননবা রেলৱেজকী ৱাফম অদু হিংহন্দুনা থম্নবা চোকথবা লৈতনা থবক তৌরি।

হন্দক্তা রেলৱেনা কোবিদ-১৯গী মায়োক্তা শোক্নরিবা লান্দা লম্বী-শরক্তা মথৌ তৌরিবা দিল্লী পুলিস পর্সোনেশিংদা নোংমদা ঈশিং বোতল ১০০০০ ফংহনবা হৌখ্রে। হৌজিক ফাওবদা ঈশিং বোতল ৫০০০০ য়েন্থোকখ্রে। 

শাখ্রবা কেলেনগী মৈশা খাংদুনা অমদি গ্রাউন্দকী ফিভমশিং মায়োক্নদুনা পুলিস্কী মীওইশিং অসিনা লোকদাউন মায় পাক্না চত্থনবা পুংজা খুদিং মথৌ তৌবতা নত্তনা শিংনরক্লিবা অকোয়বগী ফিভমদা তোঙান-তোঙানবা মফমশিংদা দোক্তরশিং অমসুং পেরামেদিকশিংগসু লোয়নরি।

পুলিসকী মীওইশিংগুম্বা ফ্রন্তলাইন ৱরিয়রশিং মতেং পাংবা অসি চোকথবা নায়দ্রবা ওফিসিয়েলশিং অসিদা ইকায় খুম্নবা উৎপা খক্তা নত্তনা কোবিদ-১৯ থেংনবদা জাতিনা হোৎনরিবশিংদা ইন্দিয়ন রেলৱেগী মায়কৈদগী হৌজিক হোৎনরিবশিংদা নেচরেল এক্সতেন্সন অমসুনি।

অনৌবা খোংথাং অসিগী মখাদা ইন্দিয়ন রেলৱেনা মসিগী পি.এস.য়ু. আই.আর.সি.তি.সি.গী তেংবাংগা লোয়ননা ১৬.০৪.২০২০দগী নই দিল্লীদা নুংতিগী রেল নীর ৱাতর বোতল ১০০০০ লেম্না য়েন্থোকপা হৌরে। মসিগী রেল নীর ৱাতর বোতলশিং অসি লীতর অমমমগীনি। বোতলশিং অসি নানগ্লোইদা লৈরিবা রেল নীর প্লান্ততগী পুরকপনি।

মসিমসু খঙজিনগদবনি মদুদি ইন্দিয়ন রেলৱেজনা ওইজবা থিদনা অমদি মশানা য়ানা কোবিদ-১৯না মরম ওইদুনা লোকদাউন তৌখ্রবা মতুং দরকার ওইবা মীওইশিংদা ফোং-ফোং শাবা থোং-থাক্লবা চাকলেনশিং ফংহল্লি। রেলৱেনা আই.আর.সি.তি.সি. বেজ চাকখুমশিং, আর.পি.এফ. রিসোর্সশিং অমসুং এন.জি.ও.শিংগী কন্ত্রিব্যুসনগী থোংদা অয়ুক্কী চাকলেনগীদমক পেপর প্লেতকা লোয়ননা য়াম্লবা থোং-থাক্লবা চিঞ্জাক অমদি নুমিদাংগী চাকলেনগীদমক চিঞ্জাক্কী পেকেৎশিং ফংহল্লি। কোবিদ-১৯না মরম ওইদুনা নেস্নেল লোকদাউন মনুংদা ইন্দিয়ন রেলৱেজনা ফোং-ফোং শাবা থোং-থাক্লবা চাকলেনশিং লেম্না য়েন্থোকখিবা অসি ঙরাং মিলিয়ন অনি হেনখ্রে।