থবক শুবা, মীয়ামগী ৱাকৎ অমসুং পেন্সন মন্ত্রালয়
কেন্দ্রগী এদমিনিস্ত্রেতিব ত্রাইব্যুনেলগী বেঞ্চ খুদিংমক ০৩.০৫.২০২০ ফাওবা মথৌ পাংথোকখিরোই
Posted On:
21 APR 2020 3:00PM by PIB Imphal
নীংশিংবা য়াই মদুদি লৈঙাক্না অথিংবা থম্লিবা অসিগা মরী লৈননা লৌরকপা ফিরেপকী মতুং ইন্না কেন্দ্রগী এদমিনিস্ত্রেতিব ত্রাইব্যুনেলগী বেঞ্চশিংগী মথৌ পাংথোকপা য়াবা য়াদবগী ৱাফম ২০.০৪.২০২০গী মতুংদা লৌগনি হায়না ১৪.০৪.২০২০দা থোকখিবা প্রেস নোৎ অদুদা পনখি।
লৈঙাক্না অকক্নবা থবক থৌরম খরগী মতাংদা অথিংবা অসিদগী কোমথোকপগী ৱাফমশিং লাউথোকখ্রে। ৱাফমশিংদু লাইরবা কাংলুপকী মীওইশিংদা পুন্সি হিংনবগী থৌরাংগী মথক্তা তঙাই ফদনা চঙদ্রবা য়াদ্রবা পোৎলমশিং অমসুং অকক্নবা হৱাই-চেংৱাইশিং পুথোক পুশিন তৌবা য়াহনবদা পান্দম ওই। ওফিসশিং মীয়ামগা শোক্ন-শম্নহন্দনা অমদি মীতোপশিং চঙবা য়াহনদনা অথিংবা কয়া অমগা লোয়ননা মথৌ তৌবা য়াহল্লি।
হাই কোর্তশিংসু মথৌ তৌদ্রি অমদি তঙাই ফদবা কেসশিং ভিদিও কনফরেন্সিংগী খুত্থাঙদা চত্থরি হায়বা পাউ ফংলি। মফম অয়াম্বদা বেঞ্চশিং অসি হোৎ স্পোৎশিংদা লৈ। বারগী মীহুৎশিংনসু ফীভম অসিদা কেস ফাইল তৌবা অমদি তান্নবদা খুদোংচাদবা মায়োক্নরি হায়না ফোঙদোক্লি।
মরম অসিনা কেন্দ্রগী এদমিনিস্ত্রেতিব ত্রাইব্যুনেলগী বেঞ্চশিংগী মথৌ অমদি হিয়রিংশিং ০৩.০৫.২০২০ ফাওবা লেপ্নবা ৱারেপ লৌরে। মথৌ তৌবা হৌরক্লবা মতুংদা হোলিদে নত্ত্রগা ভেকেসন লাওথোকখ্রবা নুমিৎশিংদা মথৌ পাঙথোকপগী ওইথোকপা য়াবশিংসু খন্নগনি।
(Release ID: 1616719)
Visitor Counter : 181
Read this release in:
Telugu
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Kannada
,
Malayalam