হ্যুমেন রিসোর্স চাউখৎ-থৌরাংগী মন্ত্রালয়
কেন্দ্রগী ঐচ.আর.দি. মন্ত্রীনা নই দিল্লীদা স্বয়ম অমদি স্বয়ম প্রভাগী য়েংশিন মীফম পাঙথোকখ্রে
Posted On:
20 APR 2020 7:23PM by PIB Imphal
কেন্দ্রগী হ্যুমেন রিসোর্স দিবেলপমেন্ত মন্ত্রী শ্রী রামেশ পোখ্রিয়াল ‘নিসঙ্ক’না লৈবাকসিগী ওনলাইনদা মহৈ মশিং তম্বগী ফম্বাক স্বয়ম অমসুং দি.তি.ঐচ. তেলিবিজন এদুকেশন চেন্নেল ৩২ স্বয়ম প্রভাগী মতাংদা মখা খায়বা য়েংশিন মীফম অমা ঙসি নই দিল্লীদা পাঙথোকখ্রে। এম.ঐচ.আর.দি. সেক্রেতরী শ্রী অমিৎ থারে, য়ু.জি.সি. চেয়রমেন শ্রী দি.পি. সিংহ, এ.আই.সি.তি.ই. চেয়রমেন শ্রী অনিল সাহাস্রাবুধে, এন.সি.ই.আর.তি. চেয়রমেন শ্রী রুশিকেশ সেনপতী, এন.আই.ও.এস. চেয়রমেন, মন্ত্রালয়গী মকোক থোংবা ওফিসিএলশিং, নেসনেল কোওর্দিনেতরশিং অমসুং আই.আই.তি. মদ্রাজ, আই.আই.তি. দিল্লী, আই.আই.এম. বেঙ্গলোর অমসুং আই.আই.তি. হায়দরাবাদকী প্রোফেসরশিং মীফম অদুদা শরুক য়াখি।
থৌরাংশিং অসিগী খুমাং চাউশিনবগী মতাংদা চাউরাকপা প্রজেন্তেসন অমা পীখি। অথিংবা লৈরিঙৈ ফীভমসিদা স্বয়ম অমসুং স্বয়ম প্রভা শীজিন্নবগী দিমান্দ কা হেননা হেনগৎলক্লি।
স্বয়ম
স্বয়ম হৌদোকখিবদগী হৌজিক ফাওবা মহৈরোয় করোর ১.৫৬দা মসিনা কোর্স ১৯০২ পীরি। হৌজিক মহৈরোয় লাখ ২৬ হেনবনা কোর্স ৫৭৪ তম্লি। অপুনবগী ওইনা মশানা তমজনবগীদমক্তা কোর্স ১৫০৯ য়াওরি। স্বয়ম ২.০না ওনলাইন দিগ্রী প্রোগ্রাম হৌদোকপগী খুদোংচাবসু ফংহল্লি। এ.আই.সি.তি.ই.গী মোদেল করিকুলমগা স্বয়মগী কোর্সশিংদা চানহল্লে অমদি অহোবশিংসু খঙদোক্লে। নন-তেক্নিকেল কোর্সশিংগীদমক্তা মান্নবা থৌওং অমা য়ু.জি.সি.গী কমিতী অমনা পায়খৎলি।
স্বয়মগী কোর্স ১৯০০ অমসুং স্বয়ম প্রভাগী ভিদিও ৬০০০০ মক রিজনেল লোল ১০দা হন্দোক্তুনা অহেনবা কান্নবা পীননবগীদমক্তা মহৈরোয়শিংদা ফংহন্নবা লেপ্নখ্রে। তৌবতবু মীয়াম্না হেন্না পাম্নবা অমসুং ইঞ্জিনীয়রিং কোর্সকী অহানবা চহীদা তমগদবা মচাকশিং হাননা হন্দোক্নবগী অহেনবা মিৎয়েং থমগনি। হন্দোকপগী থবক অসি নেসনেল কোএর্দিনেতরশিংদা শিন্নথোক্তুনা মহৈরোয়শিং, লৈঙাক্কী অমদি লন্নাইগী এজেন্সীশিং অমদি অফংবা তেক্নোলোজীশিং হন্দোকপগী থবক্তা শিজিন্নহনবা য়াহন্নবা ৱারেপ লৌখ্রে।
হায়রিবা প্রোজেক্ত অপুম্বা অসি খুদক্তা হৌরগনি অমদি অকক্নবা মতমগী মনুংদা লোয়শিনগনি। মীয়াম্না হেন্না পাম্নবা কোর্স অমসুং ভিদিওশিং হান্না তৌগনি। থবক অসি অতেনবা মতমগী মনুংদা লোইশিনবা য়াননবগীদমক্তা লৈবাক শীনবা থুংনা লৈরিবা মহৈ তম্ফমশঙশিং শরুক য়ানবা খঙহনগনি। এন.সি. খুদিংমকনা এপ্রিল ২৩ ফাওবগী মনুংদা এম.ঐচ.আর.দি. (ইমেলঃ NMEICT@nmeict.ac.in)দা এক্সন প্লান অমমম থাগৎলক্কদবনি।
মচাকশিং হন্দোকপদা, অহোবা মফমদা মচাক শেমগৎনবা অমদি ক্রেদিৎ ত্রান্সফর য়াহন্নবগী থবক থৌরমশিংদা এন.সি.দা মতেং পুম্নমক পীননা আই.আই.তি.শিংগী দিরেক্তরশিংদা পাউতাক ৱারোল অমা পীরগনি।
য়ুনিভর্সিতীশিং অমসুং মহৈ তম্ফমশঙশিংনা স্বয়ম ক্রেদিৎশিং লৌননবগীদমক য়ু.জি.সি. অমসুং এ.আই.সি.তস.ই.না মথৌ তাবা থৌরাংশিং লৌখৎনবা ৱারেপ লৌখ্রে। মসিনা মহৈরোয়শিংনা মখোয়গী কোর্সকী শরুক খরানা এম.ও.ও.সি.গী খুত্থাঙদা অদুগী শরুক খরনা তোঙান তোঙানবা কলেজশিংদা তৌবা য়াহনগনি।
ফেকল্তীশিংনা স্বয়মগী মখাদা অহেনবা কোর্স হাপচিনবগী থবক পুক্নীং থৌগৎপা ওইনা মখোয়গী থবক্তুগী মতিক চাবা ইন্সেন্তিবশিং পীগনি।
মখা তানা, গ্রোস এনরোলমেন্ত রেসিও হেনগৎহন্নবগীদমক্তা ওনলাইন অমসুং দিস্তেন্স লর্নিংগী চৎন-পথাপশিং শেম্নবগীদমক য়ু.জি.সি.দা হায়খ্রে।
স্বয়ম প্রভা
স্বয়ম প্রভা জিসেত-১৫ সেতলাইৎ শিজিন্নদুনা পুং ২৪ চূপ্না অৱাংবা থাক্কী মহৈ মশীংগী থৌরমশিং শন্দোক্নবা অখন্ননা থম্লবা দি.তি.ঐচ. চেনেল ৩২গী কাংলুপনি। নুমিৎ খুদিংগী য়ামদ্রবদা পুং ৪গী অনৌবা মচাকশিং নোংমদা মঙারক হঞ্জিন্না শন্দোক্তুনা মহৈরোয়শিংদা মখোয়না নাতৈ চাগদবা মতম খঞ্জনবগী খুদোংচাবা পীরি।
মখাগী ৱারেপশিং অসি লৌখিঃ
অরৈবা মচাকশিং অমসুং য়েংলিবা মীওইশিংগা চানগদবা মওংদা চেনেলশিং শিন্দোক শিঞ্জিন তৌবগী ওইথোকপা য়াবশিং য়েংশিল্লগনি।
বিদ্যা দান প্রোগ্রামগী মখাদা মচাক শেমদুনা হাপচিন্নিংবশিংদগী মচাক খোমগত্তুনা স্বয়ম প্রভাগী মচাকশিং হেন্না ইনাক খুলহন্নবা ৱারেপ লৌখি। স্বয়ম প্রভাদা অপলোদ তৌদ্রিঙৈগী মাঙওইননা মচাকশিং অয়াবা পীননবা সবজেক্ত এক্সপর্ত কমিতীশিং, এন.সি. খুদিংমক্না শেমগদবনি।
রেদিও অমদি সোসিয়েল মীদিয়া য়াওনা অরৈবা চেনেল খুদিংমক্তা দি.তি.ঐচ.তা শন্দোক্লিবা অসিবু পাক শননা খঙহনগদবনি।
স্বয়ম প্রভাদা য়াওরিবা ভিদিওগী মচাকশিং অসি করিকুলম অমদি একাদমিক কেলেন্দরগা চাশিন্নহনগদবনি।
আই.আই.তি.-পাল চেনেল মরীগী মচাকশিং হন্দোক্নবগীদমক সি.বি.এস.ই., এন.আই.ও.এস.না আই.আই.তি. দিল্লীদা মতেং পুম্নমক পাঙগদবনি। ৱাফম অসি এম.ঐচ.আর.দি.গী জে.এস.(আই.ই.সি.)না মখা তানা য়েংশিনগনি।
মীফম অদুগী ৱারেপশিং চৎনহন্নবগীদমক্তা মন্ত্রালয়না য়েংশিনগনি।
(Release ID: 1616695)
Visitor Counter : 183