দিপার্তমেন্ত ওফ বাইওতেক্নোলোজী অমসুং বাইওতেক্নোলোজী ইন্দস্ত্রী রিসর্চ এসিস্তেন্স কাউন্সিলনা কোবিদ-১৯গী রিসর্চ কন্সোর্তিয়মগী এপ্লিকেসন কৌখ্রে। কৌখ্রিবা অসিগী অহানবা তাঙ্কক অসি মার্চ ৩০, ২০২০দা লোইশিনখি অমসুং মসিদা একাদেমিয়া অমসুং ইন্দস্ত্রীশিংদগী এপ্লিকেসন ৫০০ লাকখি। তাঙ্কক কয়া থোক্না য়েংশিনবগী থবক অসি কন্না চত্থরি অমসুং ঙসি ফাওবদা খুৎলাই, লাইওং খঙদোক্নবা, তীকা থানবা মীওই, থেরাপ্যুতিক্স অমসুং অতৈ অপনবশিং লৈহন্দবা হেনগৎহন্নবগীদমক থৌওং ১৬কী ওইনা শেলগী তেংবাং পীনবগী অয়াবা ফংখ্রে।

তোঙান তোঙানবা প্লেৎফোর্মশিং অমসুং চাউখৎপগী তাঙ্কক খেন্নবশিংদা য়ুম্ফম ওইবা ভেক্সিন কেন্দিদেৎ অসি নেস্নেল বাইওফার্মা মিসন্না শেন্থং পীবা রিসর্চ কন্সোর্তিয়ম অসিগী খুত্থাংদা য়াম্না থুনা খঙনবা হায়দুনা মওং কয়াগী থৌওং য়াওবা খোংথাং ওইনা শিজিন্নরি। খুদোং থিবগী চাং ৱাংবশিংবু হকথেংননা ঙাকথোক্নবগীদমক হান্না লৈরিবা ভেক্সিন কেন্দিদেৎপু নৌনা শেমদোকপা অমসুং নোবেল ভেক্সিন কেন্দিদেৎ শেমগৎনবগী পান্দম অনি অসিদা হায়জখিবা অদুগী অয়াবা পীরকপগী মখা পোল্লি। কেদিলা হেলথকেয়র লিমিতেদতা নোবেল কোরোনাভাইরস এস.এ.আর.এস.-কোভ-২গা মায়োক্ননবা দি.এন.এ. ভেক্সিন পুথোকপদা খুমাং চাউশিন্নবা হায়দুনা অমসুং ইনএক্তিবেতেদ রেবিজ ভেক্তর প্লেৎফোর্ম শিজিন্নদুনা কোবিদ-১৯ ভেক্সিন কেন্দিদেৎ পুথোকপগীদমক ভারত বাইওতেক ইন্তর্নেস্নেল লিমিতেদ অনি অসিদা শেনথং পীথবগী অয়াবা লৈরে। মখা তানা খুদোং থিনীংঙাই ওইবা মীশীংগী ওইনা শেম শাবা রিকম্বিনেন্ত বি.সি.জি. ভেক্সিন (ভি.পি.এম.১০০২)গী হ্যুমেন ক্লিনিকেল ত্রায়েলগী ৩শুবা তাঙ্কক্কীদমক্তা সেরম ইন্সতিত্যুত ওফ ইন্দিয়া প্রাইবেৎ লিমিতেদ (এস.আই.আই.পি.এল.)তা মতেং পীরগনি। নেস্নেল ইন্সতিত্যুৎ ওফ ইম্যুনোলোজীদা নোবেল ভেক্সিন ইভালুৱেসন প্লেৎফোর্ম অমা শেম্লিবা অসিদা এস.এ.আর.এস.-কোভ-২গী ভেক্সিন শেম্নবা হায়দুনা শেলগী তেংবাং পীবগী অয়াবসু লৈরে।

কোবিদ-১৯ কনভালেসেন্ত সেরাদগী ললোন ইতিক্কী ওইবা মওংদা প্যুরিফাইদ ইম্যুনোগ্লোবিন জি., আই.জি.জি. পুথোকপা অমসুং কোবিদনা নারবা অনাবশিংবু লাইয়েংনবা ইক্বাইন হাইপর ইম্যুন গ্লোব্যুলিনগী য়াম্লবা তাইতরশিং মীয়ামগী ওইনা পুথোকপগী ওইনদি ভিরচৌ বাইওতেক প্রাইবেৎ লিমিতেদতা মতেং পীরগনি। ইন-ভিত্রো লং ওর্গানোইদ মোদেল শেম্নবগীদমক ওনকোসিক বাইও প্রাইবেৎ লিমিতেদতা শেলগী তেংবাং পীরগনি।

মোলিক্যুলর অমসুং রেপিদ দাইগনোস্তিক তেস্ত অসি লৈবাক অসিদা শানবা অমসুং মশিং য়াম্না শানবগীদমক মখাগী কম্পেনীশিং অসি শেলগী মতেং পীগনিঃ মাইলেব দিস্কোবরী সোল্যুসন প্রাইবেৎ লিমিতেদ, হুৱেল লাইফসাইন্সেস, উবিও বাইওতেক্নোলোজী সিস্তেম্স প্রাইবেৎ লিমিতেদ, ধিতী লাইফ সাইন্সেস প্রাইবেৎ লিমিতেদ, মেগজিনোম তেক্নোলোজীজ প্রাইবেৎ লিমিতেদ, বিগতেক প্রাইবেৎ লিমিতেদ অমসুং য়াথুম বাইওতেক প্রাইবেৎ লিমিতেদ।

দাইগনোস্তিক কিৎ অমসুং ভেন্তিলেতরশিং শেম-শানবা পুন্না শিজিনমিন্নবা য়াবা মফম অসি দি.বি.তি.গী নেস্নেল বাইওফার্মা মিসনগী মখাদা লৈবা আন্ধ্র প্রদেশ মেদতেক জোন (এ.এম.তি.জেট.)দা তোঙান-তোঙানবা মেনুফেকচররশিংগী পোত্থোক পুথোকপদা হেনগৎহন্নবা হায়দুনা থম্লগনি।

শোক্ন-শম্নরোইদবা, শেল য়াম্না চংদবা থর্মোপাইলদা য়ুম্ফম ওইবা কোবিদ-১৯না নারে হায়না চিংনবশিং স্কেন তৌনবা অলত্রাসোনিক সেন্সরশিং অমসুং হেলথকেয়রগী থৌমীশিংগী লমদম অসিদা শাবা নোবেল পি.পি.ই.শিং শেম শাবা অমসুং য়েন্থোকপগী খোংথাংশিংদসু মতেং পাংগনি।