কেন্দ্রনা মীচম মীয়ামগীদমক্তা কোবিদ-১৯গা মরী লৈনবা ফিভম মফম অদুমক্তদা য়েংশিন্নবা অমসুং মদুগা মায়োক্ননবগীদমক রাজ্যগী ওথোরিতীশিংদা মথৌ তাবা দাইরেক্সনশিং পীনবা অমসুং মখোয়গী রিপোর্ত অদু কেন্দ্র সরকারদা পীশিন্নবগীদমক্তা ইন্তর-মিনিস্ত্রিয়েল সেন্ত্রেল তীম (আই.এম.সি.তি.) শেম্লে। মদুদা নোংচুপ বেঙ্গল অমসুং মহারাস্ত্রগী তীম অনি অনি অমসুং মধ্য প্রদেশ অমসুং রাজস্থানগী তীম অমমম শেমলে। ফিভম অসি মরু ওইনা ইন্দৌর (মধ্য প্রদেশ), মুম্বাই অমসুং পুনে (মহারাস্ত্রা), জয়পুর (রাজস্থান) অমসুং কোলকাতা, হাওরা, মেদিনীপুর নোংপোক, ২৪ পরগনা অৱাং, দার্জিলিঙ্গ, কলিম্পোং অমসুং জলপাইগুরী (নোংচুপ বেঙ্গল)না লুনা লৈরি। আই.এম.সি.তি.শিং  অসি গাইদলাইনশিংগী মতুং ইন্না লোকদাউনগী পাম্বৈশিং থবক্তা ওন্থোকপা, তঙাইফদবা পোৎলমশিং সপ্লাই, সোসিয়েল দিস্তেন্সিং, হকশেলগা মরী লৈনবা ইনফ্রাস্ত্রকচর শেম-শাবা, হকশেলগী প্রেফেস্নেলশিংগী ঙাক-শেল লোইননা শিন্মীশিং অমসুং লাইরবা মীয়ামগীদমক শেমখিবা রেলিফ কেম্পশিংগী ফিভমগা মরী লৈনবা ৱাকৎশিংদা মিৎয়েং থমগনি।

পনবা য়াই মদুদি করগুম্বা হোৎস্পোৎ জিলাশিংদা নত্ত্রগা হেনগৎলক্লিবা হোৎস্পোৎ নত্ত্রগা পাক চাউনা শন্দোরকপা নত্ত্রগা ক্লস্তরশিংগী চিংনবা লৈবা মফমশিংদা মরী লৈনবা গাইদলাইনশিং থৌওইদবগী থৌদোকশিং করিগুম্বা অহকপা পাম্বৈ য়াওদনা লেপ্তনা ওইরকপগী অয়াবা পীরবদি, অদুগুম্বা ফিভম অদুদা জিলাশিং অদুগী মীওইশিং অদুগা লোইননা লৈবাক অসিগী অতৈ মফমশিংদা লৈরিবা মীওইশিংগীদমক্তসু অরুবা হকশেলগী অৱাবা পোকহল্লকপা য়াই। মরু ওইবা হোৎস্পোৎ জিলাশিংদা অসিগুম্বা মখলগী থৌওইদবা অসি পাক শন্না তৌবা নত্ত্রগা চৎনরিবা অদু নৈনরবা মতুংদা কেন্দ্র সরকারনা মসি মপুং ফানা খঙলে মদুদি ফিভম অসি মরু ওইনা মথক্তা পনখ্রিবা মফমশিং অসিদা লুশিল্লি অমসুং কেন্দ্রগী এক্সপর্তাইজ শিজিন্নবা মথৌ তাই।

কেন্দ্র সরকারনা দিজাস্তর মেনেজমেন্ত এক্ত ২০০৫গী সেক্সন ৩৫(১), ৩৫ (২)(এ),৩৫ (২)(ই) অমসুং ৩৫ (২)(i)গী মখাদা ফংবা পাৱরশিং শিজিন্নদুনা কমিতীশিং অসি শেমখিবনি। মসি অমুক হন্না পনখি মদুদি লোকদাউনগী পাম্বৈশিংগা মরী লৈনবা ওর্দরগা লোইননা গাইদলাইনশিং/পুনশিল্লবা শেমদোক্লবা গাইদলাইনশিংদা লোকদাউন অমসুং অতৈ পাম্বৈশিং অহকপা মওংদা থবক্তা ওন্থোক্নবা অকনবা শাফু পীরি অমসুং মসিগা লোইননা রাজ্যশিং/য়ু.তি.শিংগী সরকারশিংদা পাউতাক অসিসু পীরি মদুদি মখোয়না হায়রিবা গাইদলাইনশিংদা পল্লিবা পাম্বৈশিংগা য়েংনবদা হেন্না অহকপা পাম্বৈশিং শিজিন্নবা য়াই, মদুনা দিজাস্তর মেনেজমেন্ত এক্ত, ২০০৫গী মখাদা থাদোকখিবা গাইদলাইনশিং অসিবুদি মপাঙ্গল শোলহল্লোই।

পনবা য়াই মদুদি ইকাই খুম্নরবা সুপ্রিম কোর্তনসু ২০২০দগী রিৎ পেতিসন (সিবিল) নং. ৪৬৮দা মসিগী ওর্দর (তাং ৩১,০৩.২০২০)দা হায়খি মদুদি “ঐখোয়না থাজবা থম্লি অমসুং মরী লৈনবা স্তেকহোল্দরশিং হায়বদি রাজ্য সরকারশিং, পব্লিক ওথোরিতীশিং অমসুং লৈবাক অসিগী মীয়াম্না কেন্দ্র সরকারগী মাইকৈদগী পব্লিক সেফতীগীদমক্তা থাদোকখিবা দাইরেক্তিব অমসুং ওর্দরশিং অদু থমোইশেংনা ঙাক্কনি হায়না নীংই”। ওবজর্বেসন অসি, তশেংনমক অপেক্স কোর্তকী দাইরেক্সনশিং ওইনা লৌগদবনি, মসি রাজ্য/য়ু.তি. পুম্নমক্কী সরকারশিংদা খঙহনখ্রে।

ৱাফম অসিদা অমুক হন্না শাফু পীরি মদুদি মথক্তা পনখ্রিবা আই.এম.সি.তি.শিং অসি দিজাস্তর মেনেজমেন্ত এক্ত ২০০৫গী মখাদা থাদোকখিবা গাইদলাইনশিংগী মতুং ইন্না লোকদাউনগী পাম্বৈশিং ইনবা অমদি থবক্তা ওন্তোকপা য়েংশিনবদা মিৎয়েং চংগনি, মখোয়না তঙাইফদবা পোৎলমশিং সপ্লাই তৌবা, মীয়াম্না ময়ুমদগী মপান থোরকপদা সোসিয়েল দিস্তেন্সিং ঙাকহনবা, জিলাদা হোস্পিতালগী খুদোংচাবা অমসুং সেম্পলগী দেতাশিং খোম্বা, হকশেলগী প্রোফেস্নশিং ঙাক-শেনবা, তেস্ত কিৎশিং, পি.পি.ই, মাস্ক অমসুং অতৈ ঙাক-সেলগী ইক্বুইপমেন্তশিং ফংহনবা, অমসুং শিন্মী অমদি লাইরবা মীওইশিংগীদমক শেমখ্রবা রেলিফ কেম্পশিংগী ফিভমনচিংবা ৱাফমশিংদসু মখোয়গী পুক্নিং চিংশিনগনি।

আই.এম.সি.তি.শিং অসিনা মখোয়গী খোংচৎশিং অথুবা মতমদা পাংথোক্লগনি।