ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা য়েংশিল্লি।

সরকারগী ওফিসশিং মথৌ তৌনবগীদমক গৃহ মন্ত্রালয়না ২০২০গী এপ্রিল ২০গীদমক ইশু তৌখিবা গাইদলাইনশিংগী মতুং ইন্না হকশেল অমসুং য়াইফ-য়ুম্বাল মন্ত্রালয়না মসিগী ওফিসরশিং অমসুং ওফিসিয়েলশিংবু ভাইরস শন্দোরকপা থিংনবগীদমক চেকশিন থৌরাং লৌখৎনবা পাউতাক পীখ্রে।

• অমুক হন্না শিজিন্নবা য়াবা/ফিগী ফেস কভর শিজিন্নবা
• দিসইনফেক্সন প্রোতোকোলশিং চেকশিন্না ইনবা
• সাপোন অমসুং ঈশিং শিজিন্নদুনা খুৎ-শা তোইনা হাম্বা নত্ত্রগা অলকোহোল বেজ হেন্দ রব/সেনিতাইজর শিজিন্নবা
• অমনা অমগগী মরক্তা মতিক চানা অরাপ্পা থম্বা
• মী ৫ নত্ত্রগা হেন্না পুনবা থিংবা

কোবিদ-১৯ কেসশিংগী দবলিং রেৎ হৌখিবা নুমিৎ তরেৎনি হেনবগী গ্রোথ শিজিন্নদুনা হোৎপদা উৎলি মদুদি লোকদাউন মমাংগী হপ্তাগীদমক ভারতকী দবলিং রেৎ অসি ৩.৪ ওইখি অমদি ২০২০গী এপ্রিল ১৯দা (হৌখিবা নুমিৎ তরেৎনিগীদমক) ৭.৫তা ফগৎলকখি। নেস্নেল এভরেজগা চাংদম্নবদা রাজ্য ১৮না দবলিং রেৎতা ফিভম ফগৎলক্লিবা অদু উৎলে, এপ্রিল ১৯দা ওইখিবশিং অদুদি:

• দবলিং রেৎ : নুমিৎ ২০দগী তানা-

• দিল্লী (য়ুনিয়ন তেরিতোরী)- নুমিৎ ৮.৫
• কর্নাতকা – নুমিৎ ৯.২
• তেলঙ্গনা - নুমিৎ ৯.৪
• আন্ধ্র প্রদেশ - নুমিৎ ১০.৬
• জম্মু অমসুং কশ্মীর (য়ুনিয়ন তেরিতোরী)- নুমিৎ ১১.৫
• পঞ্জাব – নুমিৎ ১৩.১
• ছতিসগর – নুমিৎ ১৩.৩
• তমিল নাদু – নুমিৎ ১৪
• বিহার – নুমিৎ ১৬.৪

• দবলিং রেৎ: নুমিৎ ২০দগী ৩০ ফাওবগী মরক্তা:

• অন্দমান অমসুং নিকোভর (য়ুনিয়ন তেরিতোরী) – নুমিৎ ২০.১
• হরিয়ানা - নুমিৎ ২১
• হিমাচল প্রদেশ - নুমিৎ ২৪.৫
• চন্দীগর (য়ুনিয়ন তেরিতোরী) – নুমিৎ ২৫.৪
• অসম – নুমিৎ ২৫.৮
• উত্তরাখন্দ – নুমিৎ ২৬.৬
• লদাখ (য়ুনিয়ন তেরিতোরী) – নুমিৎ ২৬.৬

• দবলিং রেৎ: নুমিৎ ৩০দগী হেনবা:

• ওরিশা – নুমিৎ ৩৯.৮
• কেরলা – নুমিৎ ৭২.২

গোৱাদা কোবিদ-১৯গী অনাবা পুম্নমক রিকোবরী তৌরবা মতুং হোস্পিতালদগী দিসচার্জ তৌখ্রে, অমদি হৌজিক গোৱাদা এক্তিব কেস অমত্তা লৈত্রে। জিলা অহুম – মাহে (পুদুচেরী), কোদাগ্গু (কর্নাতকা) অমসুং পাউরী গরহৱাল (উত্তরাখন্দ)না হৌখিবা নুমিৎ ২৮গী মনুংদা অনৌবা কেস রিপোর্ত তৌরক্ত্রে। হৌখিবা নুমিৎ ১৪গী মনুংদা রাজ্য/ য়ুনিয়ন তেরিতেরী ২৩দগী অনৌবা কেস রিপোর্ত তৌরক্তবা হৌজিক জিলা ৫৯ লৈরে। অনৌবা জিলা তরুক লিস্ত অসিগী মনুং চল্লে:

• রাজস্থান্দা দুনগারপুর অমসুং পালী
• গুজরাত্তা জামনগর অমসুং মোর্বী
• গোৱাদা নোর্থ গোৱা
• ত্রিপুরাদা গোমতী

লৈবাক অসিদা অপুনবা কোবিদ-১৯ কনফার্ম কেস ১৭,২৬৫ রিপোর্ত তৌরক্লি। মদুগী মনুংদা য়াম্লবদা মীওই ২৫৪৭ হায়বদি অপুনবা কেসকী চাদা ১৪.৭৫ নাবা ফরবা মতুং দিসচার্জ তৌখ্রে। কোবিদ-১৯না মরম ওইদুনা হৌজিক ফাওবদা অপুনবা মীওই ৫৪৩ লৈখিদবগী রিপোর্ত তৌরক্লি।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ওথেন্তিক অমসুং অপদেৎ ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]in দা অমসুং অতোপ্পা ৱাহংশিং ncov2019[at]gov[dot]in দা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯গী মতাংদা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf