রেলৱে মন্ত্রালয়

ভারতকী রেলৱেনা লেম্না চাকলেন য়েন্থোকখিবা মিলিয়ন ২ হেনখ্রে
লৈবাক পুম্বদা চাউরাক্না মফম ৩০০দা কোবিদ-১৯না মরম ওইদুনা লোকদাউন মনুংদা চাকলেন য়েন্থোকখ্রে

ভারতকী রেলৱে ওর্গনাইজেসনশিংনা ফোং-ফোং শাবা থোংলবা চাক্লেন পীজনবা পুন্সিল্লে অমদি নুমিৎ খুদিংগী মীওই লিশিং কয়া পীজনবা আশা তৌরি

Posted On: 20 APR 2020 3:11PM by PIB Imphal

কোবিদ-১৯ না মরম ওইদুনা নেস্নেল লোকদাউন মনুংদা ভারতকী রেলৱেনা ফোং-ফোং শাবা থোংলবা চাক্লেন লেম্না য়েন্থোকখিবা ঙসি অপুনবা মশিং লাখ ২০.৫ হেনবগা লোয়ননা মিলিয়ন অনি হেনখ্রে।

মালেমগী লাইচৎ অসিনা মশিং য়াম্লবা মীওই কয়া অমা চাবা ফংদনা মমাংদা অমুক্তা ওইখিদ্রিবা ফিভম অমা ওইহল্লি। লাইচৎ অসিনা খ্বাইদগী শোকহল্লিবা অদুদি পন্দুনা লৈরিবা মীওইশিং, নুমিৎ খুদিংগী চরা তানবা লেবরশিং, মাইগ্রেন্তশিং, অঙাং, কুলীশিং, ময়ুম লৈজদবশিং, লাইরবশিং অমসুং ফ্লোতিং পোপুলেসনদগী কয়া অমনি।

রেলৱে ওর্গনাইজেসন কয়াদগী ভারতকী রেলৱে স্তাফশিংনা কোবিদ-১৯না মরম ওইদুনা লোকদাউন তৌখ্রবা মতুংদগী দরকার ওইবা মীওইশিংদা ফোং-ফোং শাবা থোংলবা চাক্লেন ফংহন্নবা ২০২০গী মার্চ ২৮দগী চোকথবা নাইদনা থবক তৌরি। রেলৱেনা আই.আর.সি.তি.সি. বেজ চাকখুমশিং, আর.পি.এফ. রিসোর্সশিং অমসুং এন.জি.ও.শিংগী কন্ত্রিব্যুসনগী থোংদা অয়ুক্কী চালেনগীদমক পেপর প্লেৎকা লোয়ননা য়াম্লবা থোং-থাক্লবা চিঞ্জাক অমদি নুমিদাংগী চাকলেনগীদমক চিঞ্জাক্কী পেকেৎশিং ফংহল্লি। দরকার ওইরবা মীওইশিংদা চিঞ্জাকশিং য়েন্থোকপা মতমদা সোসিয়েল দিস্তেন্সিং অমসুং লু-নানবা ঙাক্না চৎলি।  

চিঞ্জাক য়েন্থোকপগী থৌরম অসি আর.পি.এফ., জি.আর.পি., জোনশিংগী কম্মর্সিয়েল বিভাগশিং , রাজ্য সরকারশিং, দিস্ত্রিক্ত এদমিনিস্ত্রেসনশিং অমসুং এন.জি.ও.শিংগী তেংবাংগা লোয়ননা পাংথোক্লি।

নই দিল্লী, বেঙ্গলোর, হুব্লী, মুম্বাই সেন্ত্রেল, অহমেদাবাদ, ভুসাবল, হাওরা, পতনা, গয়া, রাঞ্চী, কাতিহার, দীন দয়াল উপাধ্যয়া নগর, বালাসোর, বিজয়ৱাদা, খুর্দা, কৎপরী, তিরুচিরাপল্লী, ধনবাদ, গুৱাহাতী, সমস্তিপুর, প্রয়াগরাজ, ইতারসী, বিসাখাপত্নম, চেঙ্গালপাতু, পুনে, হাজিপুর, রাইপুর অমসুং তাতানগরদা লৈরিবা আই.আর.সি.তি.সি. বেজ চাকখুমশিংগা খুৎশম্নবগা লোয়ননা নের্দন, ৱেস্তর্ন, ইস্তর্ন, সাউদর্ন অমসুং সাউথ সেন্ত্রেলগুম্বা তোঙান-তোঙানবা জোনশিংদা শন্দোক্লি অমদি ঙসি ২০২০গী এপ্রিল ২০ ফাওবদা থোং-থাক্লবা চাক্লেন লাখ ২০.৫ হেন্না য়েন্থোকখ্রে।

মসিগী মনুংদা থোং-থাক্লবা চাক্লেন চাউরাক্না লাখ ১১.৬তি আই.আর.সি.তি.সি.না ফংহল্লি, চাক্লেন চাউরাক্না লাখ ৩.৬না আর.পি.এফ.না মসিগী রিসোর্সতগী ফংহল্লি, চাক্লেন চাউরাক্না লাখ ১.৫না রেলৱেগী কম্মর্সিয়েল অমসুং অতোপ্পা বিভাগশিংনা ফংহল্লি অমদি চাক্লেন চাউরাক্না লাখ ৩.৮না রেলৱে ওর্গনাইজেসনশিংগা থবক তৌমিন্নরিবা এন.জি.ও.শিংনা দোনেৎ তৌরকপনি।

রেলৱে প্রোতেক্সন ফোর্সনা আই.আর.সি.তি.সি., অতোপ্পা রেলৱে বিভাগশিং, এন.জি.ও.শিং অমসুং মশাগী চাকখুমনা শেম শাবা চিঞ্জাকশিং দরকার ওইবা মীওইশিংদা য়েন্থোকপদা অচৌবা থৌদাং অমা লৌরি। ২০২০গী মার্চ ২৮দা লোকেসন ৭৪ হেনবদা দরকার ওইরবা মীওই ৫৪১৯দা চিঞ্জাক য়েন্থোকপা হৌখিবগা লোয়ননা নুমিৎ খুদিংগী মীশিং হেঙ্গৎলক্লি। হৌজিক্কী ওইনা লৈবাক অসিগী চাউরাক্না মফম ৩০০দা আর.পি.এফ.না চাকলেনশিং ফংহল্লি।

য়ারিবা মখৈ মশিং য়াম্লবা মীওইশিংবু তেঙবাংনবা ভারতকী রেলৱে ওর্গনাইজেসনশিংনা ফোং-ফোং শাবা থোংলবা চাক্লেন পীজনবা পুন্সিল্লে অমদি নুমিৎ খুদিংগী মীওই লিশিং কয়া আশা তৌরি।



(Release ID: 1616401) Visitor Counter : 57