এয়র ইন্দিয়া, এলায়েন্স এয়র, আই.এ.এফ. অমসুং লনাইগী ওইবা কেরিয়রশিংগী মখাদা ফ্লাইৎ ২৮৮ মথৌ তৌখি। মসিগী ফ্লাইৎশিং অসিগী মনুংদা ১৮০ দি এয়র ইন্দিয়া অমসুং এলায়েন্স এয়রনা থবক চলাইবনি। হৌজিক ফাওবদা পুথোক পুশিন তৌখিবা কার্গো অসি চাউরাক্না তন ৪৭৯.৫৫ নি। হৌজিক ফাওবদা লাইফলাইন উরান ফ্লাইৎশিংনা পাইখিবা নোংথক্কী অরাপ্পা অসি কিলোমীতর ২,৮৭,০৬১ শুখ্রে। ‘লাইফলাইন উরান’ ফ্লাইৎশিং অসি ভারতনা কোবিদ-১৯গী মায়োক্তা থেংনরিবা লান অসিগী মতেং পাংনবা লৈবাক অসিগী অথাপ্পা মফমশিংদা মরু ওইবা মেদিকেল কার্গোশিং পুথোক পুশিন তৌনবা এম.ও.সি.এ.না থবক তৌহনবনি।

পৱন হন্স হেলিকোপ্তরশিংনা এপ্রিল ১৮, ২০২০ ফাওবদা কিলোমীতর ৬২৬৫গী অরাপ্পা অসি থুংনা তন ১.৮৬গী কার্গো পুখি। পৱন হন্স লিমিতেদ য়াওনা হেলিকোপ্তর সর্বিসশিংনা জে.&কে., লদাখ অমসুং আইলেন্দশিংদা মরুওইবা মেদিকেলকার্গোশিং অমসুং পেসেন্তশিং পুথোক পুশিন তৌবগী থবক তৌরি। দোমেস্তিক লাইফলাইন উরান কার্গোদা কোবিদ-১৯গা মরী লৈনবা রিএজেন্তশিং, এনজাইমশিং, মেদিকেল ইক্যুইপমেন্ত, তেস্তিং কিৎশিং, পর্সোনেল প্রোতেক্তিব ইক্যুইপমেন্ত (পি.পি.ই.), মাস্কশিং, গ্লোবশিং, ঐচ.এল.এল. অমসুং আই.সি.এম.আরগী অতোপ্পা মচাকশিং; রাজ্য/য়ু.তি. সরকারশিংনা হায়রকপা কার্গো অমসুং পোস্তেল পেকেৎনচিংবসু য়াওরি।

অৱাং-নোংপোক লমদম, আইলেন্দ তেরিতোরীশিং অমসুং চিংগী রাজ্যশিং দা অখন্নবা মিৎয়েং থম্লি। এয়র ইন্দিয়া অমসুং আই.এ.এফ.না খুৎশম্নরিবা অসি মরু ওইনা জে.&কে., লদাখ, অৱাং-নোংপোক অমসুং অতোপ্পা আইলেন্দ রিজনশিংগীদমক্তনি।

স্পাইসজেৎ, ব্লু দার্ত অমসুং ইন্দিগো হায়রিবা দোমেস্তিক কার্গো ওপরেতরশিং অসিনা কমর্সিয়েল বেসিস্তা কার্গো ফ্লাইৎশিং থবক তৌহল্লি। স্পাইসজেৎনা মার্চ ২৪দগী এপ্রিল ১৮, ২০২০গী মনুংদা কার্গো ফ্লাইৎ ৪১০ কিলোমীতর ৬,০০,২৬১গী অরাপ্পা অসি থুংনবা অমসুং তন ৩২৭০গী কার্গো পুদুনা পাইখি। মসিগী মনুংদা ১২৮দি ইন্তর্নেস্নেল কার্গো ফ্লাইৎশিংনি। ব্লু দার্তনা মার্চ ২৫দগী এপ্রিল ১৮, ২০২০ ফাওবগী মনুংদা দোমেস্তিক কার্গো ফ্লাইৎ ১৪১ কিলোমীতর ১,৩৯,১৭৯গী অরাপ্পা অসি থুংনবা অমসুং তন ২২৪১গী কার্গোশিং পুদুনা পাইখি। ইন্দিগোনা এপ্রিল ৩-১৮, ২০২০ ফাওবগী মনুংদা কার্গো ফ্লাইৎ ৩১ কিলোমীতর ৩২,২৯০গী অরাপ্পা অসি থুংনবা অমসুং তন ৪৮গী কার্গোশিং পুদুনা পাইখি। মসিগী মনুংদা সরকারগীদমক্তা শেল লৌদনা মেদিকেল সপ্লাইশিংসু পুবা য়াওরিবনি।  

ইন্তর্নেস্নেল সেক্তর-  ফার্মাস্যুতিকেলশিং, মেদিকেল ইক্যুইপমেন্ত অমসুং কোবিদ-১৯গী রিলীফ মেতরিয়েল পুথোক পুশিন তৌনবগীদমক্তা ইস্ত এসিয়াগা কার্গো এয়র-ব্রিজ থম্লবা মতুংদা তাংগী মতুং ইন্না পুশিল্লকপা মেদিকেল কার্গোগী ক্বান্তিতী অদু মখাদা পীরি:

খা এসিয়া মনুংদা, এয়র ইন্দিয়ানা এপ্রিল ৭, ২০২০দা চাউরাক্না তন ৭কী সপ্লাই অমসুং এপ্রিল ৮, ২০২০দা তন ৮গী সপ্লাই কোলোম্বোদা পুথোক পুশিন তৌখি।

এয়র ইন্দিয়ানা কৃশী উরান প্রোগ্রামগী মখাদা হৌখিবা চয়োলদা, মুম্বাইদগী মতম মতমগী ওইবা উহৈ-ৱাহৈ অমসুং য়েঞ্ছাং নাপীশিং পুদুনা অমসুং জেনরেল কার্গোগা লোইননা অমুক হল্লক্তুনা মুম্বাই-ফ্রেঙ্কফর্ত অমসুং মুম্বাই- লন্দনগী মরক্তা ফ্লাইৎ অনি পাইখি। এয়র ইন্দিয়ানা মেদিকেল সপ্লাইশিং পুদুনা এপ্রিল ১৫, ২০২০দা দিল্লী-সেচেলস-মোরিসস-দিল্লীগী মরক্তা অতোপ্পা ফ্লাইৎ অমসু পাইখি।