ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা মোনিতর তৌরি।

দ্রগ তেস্তিং অমসুং ভেক্সিনগা মরী লৈনবা সাইন্সকী ফ্রন্তিয়রদা থবক তৌনবা অৱাংবা থাক্কী তাস্ক ফোর্স অমা শেম্লে। মসিগী তাস্ক ফোর্স অসি নিতী আয়োগকী মেম্বর হেল্থ অমসুং প্রধান মন্ত্রীগী প্রিন্সিপাল সাইন্তিফিক এদভাইজরনা পুন্না লুচিংলি। মসিদসু নত্তনা আয়ুশ, আই.সি.এম.আর., সাইন্স অমসুং তেক্নোলোজী বিভাগ, ৱাইওতেক্নোলোজী, কাউন্সিল ওফ সাইন্তিফিক এন্দ ইন্দস্ত্রীয়েল রিসর্স (সি.এস.আই.আর.), দি.আর.দি.ও., দাইরেক্তোরেৎ জেনরেল ওফ হেল্থ সর্বিসেস (দি.জি.ঐচ.এস.) অমসুং দ্রগ কন্ত্রোলর জেনরেল ওফ ইন্দিয়া (দি.সি.জি.আই.)দগী মীহুৎশিংসু অতৈ মেম্বরশিং ওইরি। তাস্ক ফোর্স অসিনা ভেক্সিন দিবেলপমেন্তকা মরী লৈনবা ইশুদা মন্ত্রালয় পুম্নমক্না তৌবা থবকশিংদা তেংবাংশিনগনি। মসিনা একাদেমিয়া অমসুং রিসর্স ইন্সতিত্যুৎশিংনা অন্তর্জাতিগী হোৎনরিবশিংগী থোংদা পাংথোক্লিবা রিসর্সকী থবকশিং মখা তানা খোংজেল য়াংশিলহল্লগনি। দিপার্তমেন্ত ওফ বাইওতেক্নোলোজীনা ভেক্সিন দিবেলপমেন্তকীদমক নোদেল এজেন্সী অমসু ওইরি। মখোয়গী হোৎনরিবশিংনা ভেক্সিন দিবেলপমেন্তকীদমক লম্বী খঙদোকপগী মায়কৈদা মিৎয়েং থম্লগনি। তাস্ক ফোর্স অসিগী থোংদা সরকারনা ভেক্সিন দিবেলপমেন্তদা নেস্নেল অমসুং ইন্তর্নেস্নেলগা থাক্তা হোৎনরিবশিংগী প্রোগ্রেস মোনিতর তৌবদা মখা তানা লায়থোকহল্লগনি। তাস্ক ফোর্স অসিনা ‘ক্লিনিকেল কোহোর্তস’তা মিৎয়েং থমগনি মদুনা লাইনা অমসুং মেনেজমেন্ত হেন্না নীংথিজনা খঙবগীদমক মীয়াম্বু মতম শাংনা য়েংশিনবদা মিৎযেং থমগনি।

২০২০গী এপ্রিল ২০গী মতুংদগী, নন-কন্তেনমেন্ত এরিয়াশিংদা অথিংবা থম্লিবশিং কোমথোক্লগনি, অদুবু হো হোৎস্পোৎ জিলাশিংদা লৈরিবা কন্তেনমেন্ত এরিয়াশিংদা মখল অমত্তগী কোমথোকপা লৈরোই। লোকেলগী দরকার ওইবশিংগী মতুং ইন্না রাজ্যশিং/য়ুনিয়ন তেরিতোরীশিংনা মখা তানা অহেনবা খোঙথাং লৌখৎপা য়াই। হকশেল মন্ত্রালয়গী গাইদলাইনগী মতুং ইন্না কন্তেনমেন্ত জোনশিং মখাদা পল্লি:

• হোৎস্পোৎশিং অসি সিগ্নিফিকেন্ত স্প্রেদ অমগা লোয়ননা অচৌবা কোবিদ-১৯ আউৎব্রেকশিং নত্ত্রগা ক্লস্তরশিং লৈবা মফমশিংনি।
• কেস য়াম্না লৈবা মফম নত্ত্রগা নুমিৎ ৪নিদগী তাথনা কেসকী রেৎ শরুক অনি ওইবা মফম।

হোৎস্পোৎশিংগী মনুংদা লোকেল এদমিনিস্ত্রেসন্না লাইনা শন্দোকপা কন্ত্রোল তৌনবা কন্তেনমেন্ত জোনশিং অমসুং বফর জোনশিং খায়দোক্লি।

কন্তেনমেন্ত জোনশিংগী মনুংদা মরুওইবা সর্বিসশিং নত্তনা অকনবা পেরিমীতর কন্ত্রোল অমগী মনুংদা এক্তিবিতীশিং পাংথোকপগী অয়াবা লৈরোই। অখন্নবা কোমথোকপগী অয়াবা পীরিবা মফমশিংগীদমক রাজ্যশিং/ য়ুনিয়ন তেরিতেরীশিং/দিস্ত্রিক্ত এদমিনিস্ত্রেসন্না হৌজিক চত্থরিবা লোকদাউনগী খোংথাংশিং ঙাক্না চৎহনগদবনি।

কেন্দ্র অমসুং রাজ্যগী থাক অনিমক্তা কত্থোক্লবা কোবিদ-১৯ হো্পিতাল ২১৪৪ মশক খঙদোক্লে মদুদা কত্থোক্লবা কোবিদ হো্পিতাল ৭৫৫ অমসুং কত্থোক্লবা কোবিদ হেল্থ সেন্তর ১৩৮৯ য়াওরি।

লৈবাক অসিদা অপুনবা কোবিদ-১৯ কনফার্ম কেস ১৫,৭১২ রিপোর্ত তৌরক্লি। মদুগী মনুংদা য়াম্লবদা মীওই ২২৩১ হায়বদি অপুনবা কেসকী চাদা ১৪.১৯ নাবা ফরবা মতুং দিসচার্জ তৌখ্রে।

হৌখিবা নুমিৎ ২৮গী মনুংদা মাহে (পুদুচেরী) অমসুং কোদাগ্গু (কর্নাতকা)দা অনৌবা কেস রিপোর্ত তৌরক্ত্রে। হৌখিবা নুমিৎ ১৪গী মনুংদা রাজ্য/য়ুনিয়ন তেরিতেরী ২৩দগী অনৌবা কেস রিপোর্ত তৌরক্তবা হৌজিক জিলা ৫৪ লৈরে। মমাংগা লিস্ত অদুগী মথক্তা অনৌবা জিলা ১০ হাপচিল্লে। মখোয় অদুদি: গয়া অমসুং সারন (বিহার), বরেল্লী (উত্তর প্রদেশ), ফতেহগর সাহিব অমসুং রুপনগর (পঞ্জাব), ভিৱানী, হিসার, ফতেহবাদ (হরিয়ানা), কসার অমসুং লখিমপুর (অসম)নি।   

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ওথেন্তিক অমসুং অপদেৎ ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf