ગૃહ મંત્રાલય

અગાઉ મંજૂરી આપવામાં આવી તે અનુસાર આવશ્યક માલસામાન માટે ઇ-કોમર્સ કંપનીઓનું કામકાજ ચાલુ રહેશે


આવશ્યક ચીજવસ્તુઓ માટે ઇ-કોમર્સ સહિત સંપૂર્ણ પૂરવઠા સાંકળ સરળતાથી ચાલે તે રાજ્યો અચૂક સુનિશ્ચિત કરે

Posted On: 19 APR 2020 6:45PM by PIB Ahmedabad

કોવિડ-19 સામેની લડાઇ માટે લાગુ કરવામાં આવેલા દેશવ્યાપી લૉકડાઉન સંબંધે સંકલિત સુધારેલી માર્ગદર્શિકા હેઠળ કેટલીક ચોક્કસ પ્રવૃત્તિઓને મુક્તિ આપવા માટે કેન્દ્રીય ગૃહ મંત્રાલય (MHA) દ્વારા તમામ મંત્રાલયો/ વિભાગોને આદેશ આપવામાં આવ્યો છે.

(https://www.mha.gov.in/sites/default/files/MHA%20order%20dt%2015.04.2020%2C%20with%20Revised%20Consolidated%20Guidelines_compressed%20%283%29.pdf),

 

આજે આપવામાં આવેલા આદેશમાં, સંકલિત સુધારેલી માર્ગદર્શિકાની જોગવાઇ 14 (v)માં ઇ-કોમર્સ કંપનીઓને બાકાત રાખવામાં આવી છે. આ સંબંધે ફરી સ્પષ્ટતા કરવામાં આવે છે કે, બિન-આવશ્યક ચીજવસ્તુઓ માટે ઇ-કોમર્સ કંપનીઓની કામગીરી પ્રતિબંધિત છે. જોકે, અગાઉ મંજૂરી આપી તેમ અને આ માર્ગદર્શિકામાં જોગવાઇ 13 (i) માં મંજૂરી આપવામાં ચાલુ રાખવામાં આવી છે તે અનુસાર આવશ્યક ચીજવસ્તુઓ માટે ઇ-કોમર્સ કંપનીઓની કામગારી ચાલુ રહેશે.

 

ગૃહ મંત્રાલયે તમામ રાજ્ય/ કેન્દ્ર શાસિત પ્રદેશો સાથે આ સંબંધે સંદેશાવ્યવહાર કર્યો છે અને તેમને વિનંતી કરી છે કે, આ સંદર્ભે તમામ ફિલ્ડ એજન્સીઓને સ્પષ્ટતા કરવામાં આવે અને સામાન્ય લોકોમાં પણ આ અંગે પૂરતી માહિતી ફેલાવવામાં આવે જેથી ઇ-કોમર્સ સહિત આવશ્યક ચીજવસ્તુઓની સંપૂર્ણ પૂરવઠા સાંકળ સરળતાથી ચાલી શકે તે સુનિશ્ચિત થાય. એવો પણ સંદેશાવ્યવહાર કરવામાં આવ્યો છે કે, રાજ્ય સરકારો/ કેન્દ્ર શાસિત પ્રદેશોના વહીવટીતંત્ર દ્વારા કેન્દ્રીય ગૃહ મંત્રાલયના આદેશના અનુપાલનમાં બહાર પાડવામાં આવેલી માર્ગદર્શિકા/ આદેશોમાં સાચી પરિસ્થિતિને અનુલક્ષીને સુધારો થઇ શકે છે.

રાજ્ય/ કેન્દ્ર શાસિત પ્રદેશો સાથે સત્તાવાર સંદેશાવ્યવહાર જોવા માટે અહીં ક્લિક કરો

 

GP/DS



(Release ID: 1616176) Visitor Counter : 238


Read this release in: English , Urdu , Marathi , Hindi , Assamese , Bengali , Punjabi , Odia , Tamil , Telugu , Kannada , Malayalam