ಕೋವಿಡ್-19 ಸಂದರ್ಭದಲ್ಲಿ ಜಿ ಎಸ್ ಟಿ ತೆರಿಗೆದಾರರ ಸಹಾಯಕ್ಕೆ ಬದ್ಧ: ಸಿಬಿಐಸಿ

ಪ್ರಸ್ತುತ ಕೋವಿಡ್-19 ಪರಿಸ್ಥಿತಿಯಲ್ಲಿ ಜಿ ಎಸ್ ಟಿ (ಸರಕು ಮತ್ತು ಸೇವಾ ತೆರಿಗೆ) ತೆರಿಗೆ ಪಾವತಿದಾರರಿಗೆ ಸಹಾಯ ಮಾಡಲು ಸಂಪೂರ್ಣ ಬದ್ಧವಾಗಿದೆ ಎಂದು ಕೇಂದ್ರ ಪರೋಕ್ಷ ತೆರಿಗೆ ಮತ್ತು ಸುಂಕಗಳ ಮಂಡಳಿ (ಸಿಬಿಐಸಿ) ಹೇಳಿದೆ.

ಮಾರ್ಚ್ 30, 2020 ರಿಂದ, ಸಿಬಿಐಸಿ 5,575 ಕೋಟಿ ರೂ.ಗಳ ಕ್ಲೈಮ್‌ಗಳನ್ನು ಒಳಗೊಂಡ 12,923 ಮರುಪಾವತಿ ಅರ್ಜಿಗಳನ್ನು ಪ್ರಕ್ರಿಯೆಗೊಳಿಸಿದೆ, ಕಳೆದ ವಾರದಲ್ಲಿಯೇ ಸಿಬಿಐಸಿ 3854 ಕೋಟಿ ರೂ.ಗಳ 7,873 ಕ್ಲೈಮ್‌ಗಳ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದೆ.

ಸಿಬಿಐಸಿಯು ತನ್ನ ಸುತ್ತೋಲೆ ಸಂಖ್ಯೆ 133 ದಿನಾಂಕ 31.03.2020 ರ ಪ್ರಕಾರ ಶೀಘ್ರ ಐಟಿಸಿ (ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್) ಮರುಪಾವತಿಗೆ ಅನುಕೂಲವಾಗುವಂತೆ ಜಿಎಸ್ ಟಿ ರಿಟರ್ನ್ಸ್ ಸಲ್ಲಿಸುವವರಿಗೆ ಸಹಾಯ ಮಾಡಲು ಮತ್ತು ಸಂಬಂಧಿತ ಮಾಹಿತಿಯ ಅನುಪಸ್ಥಿತಿಯಲ್ಲಿ ತಪ್ಪು ಐಟಿಸಿ ಹಕ್ಕುಗಳನ್ನು ಪ್ರಕ್ರಿಯೆಗೊಳಿಸದಂತೆ ಖಚಿತಪಡಿಸಿಕೊಳ್ಳಲು ಸಿಬಿಐಸಿ ತೆಗೆದುಕೊಂಡ ವ್ಯಾಪಾರ ಮತ್ತು ವ್ಯವಹಾರ ಸ್ನೇಹಿ ಕ್ರಮವನ್ನು, ಕೋವಿಡ್-19 ನಂತಹ ಪರಿಸ್ಥಿತಿಯಲ್ಲಿ ತೆರಿಗೆದಾರರಿಗೆ ತೊಂದರೆ ಮಾಡುವ ಕ್ರಮವೆಂಬಂತೆ ಕೆಲವು ಸಾಮಾಜಿಕ ಮಾಧ್ಯಮ ಮತ್ತು ಇತರ ಮಾಧ್ಯಮಗಳಲ್ಲಿ ತಪ್ಪಾಗಿ ಅರ್ಥೈಸಲಾಗಿದೆ ಎಂದು ಸಿಬಿಐಸಿಯು ಹೇಳಿದೆ.

ತೆರಿಗೆದಾರರು ಎದುರಿಸುತ್ತಿರುವ ಐಟಿಸಿ ಮರುಪಾವತಿ ವಿಳಂಬವನ್ನು ತಗ್ಗಿಸಲು 14.03.2020 ರಂದು ನಡೆದ 39 ನೇ ಸಭೆಯಲ್ಲಿ ಜಿ ಎಸ್ ಟಿ ಕೌನ್ಸಿಲ್ ಅನುಮೋದನೆಯೊಂದಿಗೆ ಈ ಕ್ರಮವನ್ನು ಜಾರಿಗೆ ತರಲಾಗಿದೆ ಎಂದು ಸಿಬಿಐಸಿ ಹೇಳಿದೆ ಮತ್ತು ನಕಲಿ ಐಟಿಸಿ ಹಕ್ಕುಗಳನ್ನು ಪ್ರಕ್ರಿಯೆಗೊಳಿಸದಂತೆ ನೋಡಿಕೊಳ್ಳಲಾಗಿದೆ. ತೆರಿಗೆದಾರರು ಸೇರಿದಂತೆ ವಿವಿಧ ಪಾಲುದಾರರು ಇದನ್ನು ಜಿಎಸ್‌ಟಿಸಿಯ ಗಮನಕ್ಕೆ ತಂದಿದ್ದರು. ಮರುಪಾವತಿ ಹಕ್ಕುಗಳಿಗಾಗಿ ಕೆಲವು ವಿಭಾಗಗಳಲ್ಲಿ ಸೇವೆಗಳು ಮತ್ತು/ಅಥವಾ ಕ್ಯಾಪಿಟಲ್ ಗೂಡ್ಸ್ ಮೇಲೆ ಕ್ರೆಡಿಟ್ ಪಡೆಯಲಾಗಿದೆಯೆ ಎಂದು ಪರಿಶೀಲಿಸಲು ಹೆಚ್ಚಿನ ಸಮಯವನ್ನು ಕಳೆಯಲಾಗುತ್ತದೆ ಎಂದು ಗಮನಿಸಲಾಗಿದೆ.

ಕ್ಲೈಮ್ ಅನ್ನು ಪ್ರಕ್ರಿಯೆಗೊಳಿಸುವ ಸಮಯದಲ್ಲಿ ಈ ಡೇಟಾವನ್ನು ಒದಗಿಸುವಲ್ಲಿ ವ್ಯಾಪಾರವು ಎದುರಿಸುತ್ತಿರುವ ತೊಂದರೆಗಳನ್ನು ಪರಿಹರಿಸಲು ವಿಳಂಬ ಮತ್ತು ಅನುಸರಣೆ ವೆಚ್ಚ ಹೆಚ್ಚಳಕ್ಕೆ ಸಿಬಿಐಸಿ ಹೇಳಿದೆ, ವರ್ಗೀಕರಣ ಸಂಕೇತಗಳ ಘೋಷಣೆಯನ್ನು ಅಪ್ಲಿಕೇಶನ್ ಗಳ.ಒಂದು ಭಾಗವನ್ನಾಗಿ ಮಾಡಲು ಜಿಎಸ್ ಟಿ ಕೌನ್ಸಿಲ್ನಲ್ಲಿ ನಿರ್ಧರಿಸಲಾಗಿದೆ ಅದೇ ಸಭೆಯಲ್ಲಿ ಜಿಎಸ್ ಟಿ ಕೌನ್ಸಿಲ್ ರಫ್ತುದಾರರಿಂದ ಮರುಪಾವತಿ ಪಡೆಯಲು ಅನುಕೂಲವಾಗುವಂತೆ ಹಣಕಾಸಿನ ವರ್ಷಗಳಲ್ಲಿ ತೆರಿಗೆ ಅವಧಿಗಳನ್ನು ಹೆಚ್ಚಿಸಲು ಅನುಮತಿಸಲು ನಿರ್ಧರಿಸಿದೆ. 31.03.2020 ರ ನಂತರ ಸಲ್ಲಿಸಿದ ಅರ್ಜಿಗಳಿಗೆ ಇದು ಅನ್ವಯಿಸುತ್ತದೆ. 20 ಮಾರ್ಚ್ 2020 ಮತ್ತು 29 ಜೂನ್ 2020 ರ ಅವಧಿಯಲ್ಲಿ ಬರಬೇಕಿದ್ದ ಅಂತಹ ಎಲ್ಲಾ ಅರ್ಜಿಗಳ ದಿನಾಂಕವನ್ನು 30.06.2020 ಕ್ಕೆ ವಿಸ್ತರಿಸಲಾಗಿದೆ ಎನ್ನುವುದನ್ನು ಸಹ ಗಮನಿಸಬಹುದು.

ಸುತ್ತೋಲೆ ಸಂಖ್ಯೆ 133 (ದಿನಾಂಕ 31.03.2020) ಮರುಪಾವತಿ ಅರ್ಜಿಯೊಂದಿಗೆ ಎಚ್‌ಎಸ್‌ಎನ್ / ಎಸ್‌ಎಸಿ ಕೋಡ್ ನೀಡುವ ಅವಶ್ಯಕತೆಗೆ ಸಂಬಂಧಿಸಿದ್ದು ಎಂದು ಸಿಬಿಐಸಿ ವಿವರಿಸಿದೆ. ಕೆಲವು ವಿಭಾಗಗಳಲ್ಲಿ ಸೇವೆಗಳು ಮತ್ತು / ಅಥವಾ ಬಂಡವಾಳ ಸರಕುಗಳ ಮೇಲೆ ಪಡೆದ ಕ್ರೆಡಿಟ್ ಅನ್ನು ಮರುಪಾವತಿಸಲು ಜಿಎಸ್ ಟಿ ಕಾನೂನು ಅನುಮತಿಸುವುದಿಲ್ಲ. ಉದಾಹರಣೆಗೆ, ರಫ್ತು ಮತ್ತು ಇತರ ಶೂನ್ಯ-ದರದ ಸರಬರಾಜುಗಳ ಕಾರಣದಿಂದಾಗಿ ಐಟಿಸಿಯನ್ನು ಮರುಪಾವತಿಸಲು ಕ್ಯಾಪಿಟಲ್ ಗೂಡ್ಸ್ ಐಟಿಸಿ ಮರುಪಾವತಿಯನ್ನು ಅನುಮತಿಸಲಾಗುವುದಿಲ್ಲ. ಇದಲ್ಲದೆ, ಸೇವೆಗಳು ಮತ್ತು ಬಂಡವಾಳ ಸರಕುಗಳ ಮೇಲೆ ಪಡೆದ ಐಟಿಸಿಯನ್ನು ಇನ್ವರ್ಟಡ್ ಸ್ಟ್ರಕ್ಚರ್ ರೀಫಂಡ್ ಮರುಪಾವತಿ ವಿಭಾಗದಲ್ಲಿ ಮರುಪಾವತಿ ಮಾಡಲು ಅನುಮತಿಸಲಾಗುವುದಿಲ್ಲ.

***