ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা মোনিতর তৌরি।

হকশেল অমসুং য়াইফ-য়ুম্বালগী কেন্দ্র মন্ত্রী দা. হর্শ বর্ধন্না ময়াই তাংবল লৌদুনা ঙসি নির্মন ভবনদা কোবিদ-১৯দা গ্রুপ ওফ মিনিস্তর্স (জি.ও.এম.)গী ১২শুবা মীফম পাংথোকখি। জি.ও.এম.না লোকদাউন শাংদোকপনা থেংনরিবা অমদি তুংগী রোদমেপ অমা থৌরাং তৌবদা কুপনা খন্ন-নৈনখি। জি.ও.এম.না কোবিদ-১৯ থেংনবদা দাইগ্নোসিস, ভেক্সিন, দ্রগস, হোস্পিতাল ইক্বিপমেন্ত এসেসোরিজ অমসুং জেনরেল ৱেলনেসকী মায়কৈদা সাইন্স অমসুং তেক্নোলোজী ইন্সতিত্যুসনশিংনা হোৎনরিবশিংসু য়েংশিনখি।

সাইন্স অমসুং তেক্নোলোজী বিভাগ, বাইওতেক্নোলোজী বিভাগ, কাউন্সিল ওফ সাইন্তিফিক এন্দ ইন্দস্ত্রীয়েল রিসর্স (সি.এস.আই.আর.), ইন্দিয়ান কাউন্সিল ওফ মেদিকেল রিসর্স (আই.সি.এম.আর) অমসুং দিপার্তমেন্ত ওফ এতোমিক ইনর্জী (দি.এ.ই.) অমসুং হকশেল অমসুং য়াইফ-য়ুম্বাল মন্ত্রালয়না মখাগী অসিদা পুন্না থবক তৌমিন্নরি:

• মিনিৎ ৩০গী মনুংদা রিজল্ত পীবা ঙম্বা অদুগুম্লবা অনৌবা রেপিদ অমসুং এক্যুরেৎ দাইগ্নোস্তিক্স শেমগৎপা,
• মখোয়গী লেবোরেতরী ৩০গী থোংদা অচৌবা তেস্তিং কেপাসিতী,
• তেস্ত তৌবা য়াবা মীগী মশিং হেঙ্গৎহন্নবা ইনোবেতিব পুলিং স্ত্রেতেজীশিং দিবেলপ তৌবা,
• দোমেস্তিক তেস্ত কিৎ প্রদক্সন অক্নবা থম্লিবা ক্রিতিকেল কম্পোনেন্তশিংগী ইন্দিজিনস সীন্থেসিস, অমসুং
• ইপিদেমিয়োলোজীদা মতেং পাংবা য়াবা ভাইরেল সিক্বেন্সিং হেঙ্গৎপা অমদি পোতেন্সিয়েল ওিনা মরুওইবা ম্যুতেসনশিং মশক খঙদোকপা।

ভাইরসপু মশা শোন্থহনগদবা ভেক্সিন দিবেলপ তৌবা, মরুওইবা এন্তিজেনশিংদা এন্তিবোদীশিং, মোনোক্লোনেল অমসুং আর.এন.এ.দা য়ুমফম ওইবা ভেক্সিনশিং খুমাং চাউশিনবগীসু রিপোর্ত তৌরক্লি। সাইত খরদা কোনভেলেসসেন্ত প্লাজমা থেরাপী হৌখ্রে।

সরকারনা ইফেক্তিব ভেক্সিনশিং দিবেলপ তৌবা অমদি য়ারিবা মখৈ অথুবা মতমদা ফংহনবা ঙমহন্নবা গ্লোবেল পার্তনরশিংগা লোয়ননা থবক তৌরি। ভারত অসি ৱার্ল্দ হেল্থ ওর্গনাইজেসনগী সোলিদরিতী ত্রায়েলগী পার্তিসিপেন্ত অমনি। সাইন্তিফিক তাস্ক ফোর্সশিংনা হৌজিক লৈরিবা অয়াবা পীরবা দ্রগশিং মমল মচাঙ তশেংনা খঙদোক্লি অমদি মখোয়বু কোবিদ-১৯গীদমক রিপর্পজ তৌরি।

দি.এস.তি.গী মখাদা শ্রী চিত্রা তিরুমলাই ইন্সতিত্যুৎ ওফ মেদিকেল সাইন্স অমসুং তেক্নোলোজীগী ইন্দিজিনস দিজাইন্না পর্সোনেল প্রোতেক্তিব ইক্বিপমেন্ত, ওক্সিজেন কন্সেনত্রেতর্স, ভেন্তিলেতর্স, সি.এস.আই.আর. লেবসগুম্বা সপোর্ত দিভাইসশিং পুথোকপগী চাং হেঙ্গৎহল্লি। আর.তি.-পি.সি.আর. কিৎশিংগী ইন্দিজেনস মেনুফেকচরিং হৌখ্রে অমদি ২০২০গী মেদগী থা খুদিংগী কিৎ লাখ ১০ পুথোক্কনি। রেপিদ এন্তিবোদী দিতেক্সন কিৎশিংসু ২০২০গী মেদগী থা খুদিংগী কিৎ লাখ ১০গী কেপাসিতী অমগা লোয়ননা মেনুফেকচরিং হৌরগনি। রেপিদ এন্তিবোদী তেস্ত কিৎ লাখ ৫ কেসকী পোৎলুম ৱাংবদা য়ুমফম ওিরগা রাজ্য অমদি জিলা পুম্নমক্তা য়েন্থোকখ্রে। হৌজিক লৈরিবা ভেন্তিলেতর মেনুফেকচরিং কেপাসিতী অসি থা অমদা ভেন্তিেতর ৬০০০নি।

কেন্দ্র অমসুং রাজ্য অনিমক্কী থাক্তা কত্থোক্লবা কোবিদ-১৯ হোস্পিতাল ১৯১৯ মশক খঙদোক্লে মদুদা মনুং চল্লিবশিংদি:

• দেদিকেতেদ কোবিদ হোস্পিতাল (দি.সি.ঐচ.) ৬৭২ (আইসোলেসন বেদ ১০৭৮৩০ অমসুং আই.সি.য়ু. বেদ ১৪৭৪২গা লোয়ননা)
• দেদিকেতেদ কোবিদ হেল্থ সেন্তর্স (দি.সি.ঐচ.সি.) ১২৪৭ (অপুনবা আইসোলেসন বেদ ৬৫৯১৬ অমসুং আই.সি.য়ু. বেদ ৭০৬৪গা লোয়ননা)

মরম অদুনা অপুনবা ফেসিলিতী ১৯১৯দা আইসোলেসন বেদ ১,৭৩,৭৪৬ অমসুং আই.সি.য়ু. বেদ ২১,৮০৬ লৈরি।

লোকদাউনগী মমাংদা ভারতকী দবলিং রেৎ অসি চাউরাক্না নুমিৎ ৩ ওইরম্মি। হৌখিবা নুমিৎ তরেৎতগী দবলিং রেৎ অসি নোংমদা ৬.২ ওইরি। রাজ্য/য়ুনিয়ন তেরিতোরী ১৯ (কেরলা, উত্তরাখন্দ, হরিয়ানা, লদাখ, হিমাচল, চান্দিগর, পুদুচেরী, বিহার, ওরিশা, তেলঙ্গনা, তমিল নাদু, অন্ধ্র প্রদেশ, দিল্লী, উত্তর প্রদেশ, কর্নাতকা, জম্মু অমসুং কশ্মীর, পঞ্জাব, অসম, ত্রিপুরা)না হৌজিক-হৌজিক খ্বাইদগী ৱাংবা দবলিং রেৎ উৎলি।

২০২০গী এপ্রিল ১গী মতুংদগী এভরেজ গ্রোথ ১.২ ওইরি, মসি মমাংগা হপ্তা অনিদদি (মার্চ ১৫দগী মার্চ ৩১ ফাওবা) ২.১ ওইখি। মসিনা গ্রোথ ফেক্তরদা চাদা ৪০ (২.১-১.২)/২.১ হন্থরে।

ঙরাংদগী অনৌবা কেস ১০০৭ হেঙ্গৎলকপা অমদি নৌনা মীওই ২৩ লৈখিদবগী রিপোর্ত তৌরকপগা লোয়ননা লৈবাক অসিদা কোবিদ-১৯গী অপুনবা কনফার্ম কেস ১৩,৩৮৭ শুরে। মীওই ১৭৪৯ নাবা ফরবা মতুং দিসচার্জ তৌখ্রে।   

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ওথেন্তিক অমসুং অপদেৎ ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .