ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা মোনিতর তৌরি।

হকশেল অমসুং য়াইফ-য়ুম্বালগী কেন্দ্র মন্ত্রী দা. হর্শ বর্ধন্না ঙসি হকশেল অমসুং য়াইফ-য়ুম্বালগী রাজ্য মন্ত্রী শ্রী অশ্বিনী কুমার চৌবে য়াওনা ভারত্তা কোবিদ-১৯ থিংনবা লৌখৎলিবা খোংথাংশিংদা হেল্থ ফঙ্কস্নরীশিং অমসুং সেনিয়র ওফিসিয়েলশিং অমদি ৱার্ল্দ হেল্থ ওর্গনাইজেসন (দবল্যু.ঐচ.ও.)গী ফিল্দ ওফিসরশিংগা লোয়ননা ভিদিও কনফরেন্স অমা পাংথোকখ্রে।

দা. হর্শ বর্ধন্না হায়খি মদুদি জিলাগী থাক্তা থবক তৌরিবা দবল্যু.ঐচ.ও.গী ওফিসরশিংনা রাজ্যশিং/য়ুনিয়ন তেরিতোরীশিংগী ওফিসিয়েলশিংগা লোয়ননা ক্লস্তরশিংগীদমক মাইক্রো প্লানশিংগী দিবেলপমেন্ত অমসুং লাইচৎ থিংনবগীদমক তেক্নিকেল কোওর্দিসনদা থবক তৌরি অমদি জিলাশিংগী সর্ভিলেন্স মখা চত্থনবগীদমক লালোং য়াৎপদসু মতেং পাংলি। দবল্যু.ঐচ.ও.গী নেস্নেল পোলিও সর্ভিলেন্স নেৎৱার্ক তীম্না ত্রান্সমিসনগী ফিভম অমসুং কেসশিং তেস্ত তৌবদা য়ুম্ফম ওইবা হৌজিক চত্থরিবা সর্ভিলেন্স অমসুং রেস্পোন্স মখা তান চেৎশিলহনবদা হকশেল অমসুং য়াইফ-য়ুম্বাল মন্ত্রালয়বু মতেং পাংগনি।

দা. হর্শ বর্ধন্না কনফিদরেসন ওফ ইন্দিয়ন ইন্দস্ত্রী (সি.আই.আই.)না শিন্দুনা ভারতকী ইন্দস্ত্রী লুচিংবশিংগসু ৱারী শানখি, মদুদা মহাক্না লুচিংবশিংবু পি.এম.-কেয়র্স ফন্দা শেলগী তেংবাং পাংলকপগীদমক থাগৎপা ফোংদোকখি। মখোয়না মায়োক্নরিবা খুদোংচাদবশিং অদু সরকারনা খঙই হায়না মহাক্না মখোয়দা থাজবা পীখি।

লোকদাউন মনুংদা সেফ দ্রিঙ্কিং ৱাতর প্রেক্তিসশিংগীদমক হকশেল অমসুং য়াইফ-য়ুম্বাল মন্ত্রালয়না পব্লিক এদবাইজরী অমা ইশু তৌখি। রিলিফ কেম্পশিং অমদি সমাজগী শোত্থরবা কাংলুপশিংগীদমক অখন্নবা মিৎয়েং থম্বগা লোয়ননা ঈশিং মতিক চানা থানবা পব্লিক হেল্থ দিপার্তমেন্তশিংদা পাউতাক পীখি। ক্লোরিন তেব্লেৎ, ব্লিচিং পাউদর অমসুং হাইপোক্লোরাইত সোলুসন মতিক চানা শিজিন্ননবসু পাউতাক পীখি।

হকশেল অমসুং য়াইফ-য়ুম্বাল মন্ত্রালয়না লাইচৎ মনুংদা হৌজিক ওইরিবা হেল্থকেয়র সিস্তেমদা মমাংদা ওইখিদ্রিবা দিমান্দশিং ফংহন্নবা ইসেন্সিয়েল হেল্থ কেয়র সর্বিসশিংগী দেলিবরী ঙমহন্নবা রাজ্যশিং/য়ুনিয়ন তেরিতোরী পুম্নমক্তা মচা খাইবা গাইদলাইন অমসু ইসু তৌখ্রে। সর্বিসশিং অসিদা মেতর্নেল চাইল্দ হেল্থ, কম্ম্যুনিকেবল হেল্থ দিজিজশিংগী প্রিবেন্সন অমসুং মেনেজমেন্ত, কমপ্লিকেসন হ্থহন্নবা ক্রোনিকেল লাইনাশিংগা ত্রিৎমেন্ত য়াওরি। হেল্থকেয়র ৱার্করশিংগীদমক সেফতী ফংহনবা মতমদা সর্বিসশিং অসি ফংহনগদবনি হায়নসু পাউতাক পীরি।

ৱাফম অসিমসু পল্লি মদুদি লোকদাউন নত্ত্রগা অথিংবা থম্বা মতমদা তিকা থাবা অমসুং এন্তি-নেতেল কেয়রগুম্বা সর্বিসশিং রিওর্গনাইজ তৌগদবনি। সব হেল্থ সেন্তর অমদি আয়ুশ্মান ভারত হেল্থ অমসুং ৱেলনেস সেন্তরশিংদা প্রাইমারী হেল্থ কেয়র তিমগী থোংদা মীরোনবী নুপী, এস.এ.এম. লৈবা অঙাং, তি.বি., লেপ্রোসী, ঐচ.আই.ভি., ভাইরেল হেপাতাইতিস, সি.ও.পি.দি., দাইলাইসিস পাংথোক্কদবনি।

ঙসি ফাওবদা লৈবাক অসিদা কোবিদ-১৯গী কনফার্ম কেস ১২,৩৮০ রিপোর্ত তৌরকখ্রে অমদি ৪১৪ লৈখিদ্রে। মীওই ১৪৮৯ নাবা ফরবা মতুং দিসচার্জ তৌখ্রে। ভারত্তা কোবিদ-১৯ কেসকী কেস ফেতেলিতী রেৎ অসি চাদা ৩.৩নি। হৌজিক ফাওবদা নাবা ফখিবা মীগী চাং অসি চাদা ১২.০২নি।

হৌজিক ফাওবদা জিলা ৩২৫না কেস অমত্তা রিপোর্ত তৌরক্ত্রি। হৌখিবা নুমিৎ ২৮দগী মাহে, পুদুচেরীনা অনৌবা কেস অমত্তা রিপোর্ত তৌরক্ত্রি। মখাগী জিলাশিং অসিনা হৌখিবা নুমিৎ ১৪নিদা অনৌবা কেস অমত্তা রিপোর্ত তৌরক্ত্রি:

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ওথেন্তিক অমসুং অপদেৎ ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ-য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf .