ଅର୍ଥ ମନ୍ତ୍ରଣାଳୟ
କରୋନା ସଂକ୍ରମଣ ଯୋଗୁ ସ୍ୱାସ୍ଥ୍ୟ ଓ ମୋଟରଯାନ ତୃତୀୟ ପକ୍ଷ ବୀମା ପ୍ରିମିୟମ ଦେୟ ମିଆଦ ମେ 15 ଯାଏ ବଢ଼ିଲା
Posted On:
16 APR 2020 11:23AM by PIB Bhubaneshwar
କରୋନା ଭୂତାଣୁ ସଂକ୍ରମଣର ମୁକାବିଲା ପାଇଁ ଦେଶବ୍ୟାପୀ ଲକଡାଉନ ଜାରି ହୋଇଥିବାରୁ ବୀମା ପଲିସିଧାରୀଙ୍କ ସୁବିଧା ପାଇଁ କେନ୍ଦ୍ର ସରକାର ସ୍ୱାସ୍ଥ୍ୟ ଓ ମୋଟରଯାନ ତୃତୀୟ ପକ୍ଷ ବୀମା ପ୍ରିମିୟମ ଦେୟ ଓ ପଲିସି ନବୀକରଣ ମିଆଦକୁ ଆସନ୍ତା ମେ 15 ଯାଏ ବଢ଼ାଇ ଦେଇଛନ୍ତି । ଏହି ମର୍ମରେ ଏକ ବିଜ୍ଞପ୍ତି ପ୍ରକାଶ ପାଇଛି । ଯେଉଁ ପଲିସିଧାରୀଙ୍କର ସ୍ୱାସ୍ଥ୍ୟ ଓ ମୋଟରଯାନ ତୃତୀୟ ପକ୍ଷ ବୀମା ମିଆଦ ପୂରି ଯାଇଛି ସେମାନେ ଲକଡାଉନ ସମୟରେ ବ୍ୟସ୍ତ ନ ହୋଇ ମେ ମାସ 15 ତାରିଖ ମଧ୍ୟରେ ଏ ବାବଦ ଦେୟ ପୈଠ କରି ପଲିସିର ନବୀକରଣ କରିପାରିବେ ବୋଲି ଏହି ବିଜ୍ଞପ୍ତିରେ କୁହାଯାଇଛି । ଏହି ଅତିରିକ୍ତ ସମୟ ମଧ୍ୟରେ ପଲିସିଧାରୀଙ୍କୁ କ୍ଲେମ ପେମେଣ୍ଟ ସୁବିଧା ମଧ୍ୟ ମିଳିବ । ମାର୍ଚ୍ଚ 25ରୁ ମେ 3 ମଧ୍ୟରେ ଯେଉଁ ପଲିସିଧାରୀଙ୍କର ବୀମାପତ୍ର ନବୀକରଣ ଲକଡାଉନ ଯୋଗୁ ସମ୍ଭବ ହେବନାହିଁ ଏବଂ ସେମାନଙ୍କର ନବୀକରଣ ଓ ଦେୟ ପ୍ରଦାନ ତାରିଖ ଏହା ମଧ୍ୟରେ ପଡୁଛି ସେମାନେ ଏହି ଅତିରିକ୍ତ କୋହଳ ସମୟର ସୁଯୋଗ ନେଇପାରିବେ । ଏଥିପାଇଁ ମେ 15 ତାରିଖ ଯାଏ ସମୟ ଧାର୍ଯ୍ୟ କରାଯାଇଛି । ଅତିରିକ୍ତ କୋହଳ ସମୟରେ ପଲିସି ନବୀକରଣ କଲେ କ୍ଲେମ ପାଇଁ କୌଣସି ଅସୁବିଧା ରହିବ ନାହିଁ ଏବଂ ବୀମାକୃତ ହୋଇନଥିବା ସମୟକୁ ବୀମାଭୁକ୍ତ ଭାବେ ବିଚାର କରାଯିବ ।
*************
(Release ID: 1614982)
Visitor Counter : 207
Read this release in:
Punjabi
,
English
,
Urdu
,
Marathi
,
Hindi
,
Assamese
,
Bengali
,
Gujarati
,
Tamil
,
Telugu
,
Kannada
,
Malayalam