PIB Headquarters
নুমিৎ খুদিংগী ফোংবা পি আই বীগী কোভিদ-১৯ বুল্লেতিন
Posted On:
15 APR 2020 6:49PM by PIB Imphal
হেল্থ অমসুং ফেমিলি ৱেলফিয়ার মিনিস্ত্রিদগী কোভিদ-১৯ গী অনৌবা পাউ
ঙরাংদগী লৈবাক অসিদা কোভিদ-১৯ গী অনৌবা কেস ১০৭৬ হেনগৎলে অমসুং অপুনবা মীওই ১১,৪৩৯ পোজিতিব ওইরে অমসুং মীওই ৩৭৭ শিরে । অনাবা ফরবা মতুংদা মীওই ১৩০৬ ময়ুমদা হনখ্রে । কোভিদ-১৯ লাকশিন্নবা লৈবাক অসিগী জিলা খুদিংমক হোতস্পোত দিস্ত্রিক, নন-হোতস্পোত দিস্ত্রিক অমসুং গ্রিন জোন দিস্ত্রিক হায়না খাইদোক্লে । ঙসি কেবিনেত সেক্রেতরিনা অৱাংবা থাক্কী মীফম অমা পাংথোকখি । শম্নরুবা মীওইশিং খোঙ্গুল লিনবা অমসুং য়ুমথোং-য়ুমথোং চংদুনা সর্ভে পাংথোক্নবা অখন্নবা কাংবুশিং শেমগৎলে । হায়রিবা কাংবু অদুদা হকশেলগী মীওই, লোকেল রেভিনিউ স্তাফ, কোরপোরেসন স্তাফ, রেদ ক্রোস, এন এস এস, এন ৱাই কে অমসুং অতোপ্পা ভোলুন্তিয়রশিং শরুক য়াগনি ।
কোভিদ-১৯ লাইচৎ মনুংদা তেক্স থিরিবশিং মতেং পাংনবা সি বি দি তিনা চয়োল অমদা লুপা ক্রোর ৪,২৫০ গী রিফন্দ লাখ ১০.২ পীখ্রে
কোভিদ-১৯ লাইচৎ মনুংদা তেক্স থিরিবশিং মতেং পাংনবা লুপা লাখ ৫ ফাওবগী মনুংদা লৈবা ইনকম তেক্স রিফন্দশিং পীথোকখিনবা সরকারনা ৱারেপ লৌখিবগী মতুংইন্না, সেন্ত্রেল বোর্দ ওফ দাইরেক্ত তেক্সসেসনা ঙসি হায়খি বোর্দ অসিনা ২০২০ গী এপ্রিল ১৪দা লুপা ক্রোর ৪,২৫০ গী রিফন্দ লাখ ১০.২ পীখ্রে । হায়রিবা ক্রোর ২.৫০ হেনবগী রিফন্দশিং অসিগী অপুনবা লুপা ক্রোর ১.৮৪ গী শেনফম শেনবা চহি ১৯-২০গী ওইনা ২০২০ গী মার্চ ৩১ ফাওবদা মমাংদা পীখ্রবনি ।
অথিংবা হৌরকপদগী লায়রবা, চাক্নিবা, ময়ুম লৈতবা মীওই ক্রোর ১.২৭ হেনবদা সোসিয়েল জজতিস্ত অমসুং ইমপ্বারমেন্ত মিনিস্ত্রিনা লেম্না চাক পীজখ্রে
অচৌবা মিউনিসিপাল কোরপোরেসনশিংগা পুন্না থবক তৌমিন্নদুনা অথিংবা হৌরকপদগী লায়রবা, চাক্নিবা, ময়ুম লৈতবা মীওই ক্রোর ১.২৭ হেনবদা সোসিয়েল জজতিস্ত অমসুং ইমপ্বারমেন্ত মিনিস্ত্রিনা লেম্না চাক পীজখ্রে ।
অথিংবা মনুংদা লৌমীশিং অমসুং লৌউ-শিংউগী থবকশিং মরুওইনা লৌগদবনি- কেন্দ্র অমসুং রাজ্যশিংদা ভাইস প্রসিদেন্তনা হায়খি
ভারতকী ভাইস প্রসিদেন্ত এম ভেনকিয়া নাইদুনা ঙসি হায়খি কেন্দ্র অমসুং রাজ্য সরকারশিংনা অথিংবা মনুংদা লৌমীশিং অমসুং লৌউ-শিংউগী থবকশিং মরুওইনা লৌগদবনি অমসুং হায়রিবা মতম অসিগী মনুংদা লৌউ-শিংউগী থবকশিং অমসুং মখোয়গী পোৎথোকশিং নিংথিনা পুথোক-পুশিন তৌনবা মখোয়দা পাউতাক পীগদবনি । য়ুনিয়ন এগ্রিকলচর মিনিস্তর তোমার সিংহগা উনবদা লৌউ-শিংউগী থবক পায়খৎনবা মিনিস্ত্রিনা পায়খৎলিবা থবকশিং অসিগীদমক ভাইস প্রসিদেন্তনা থাগৎখি । পোৎ পুথোক্লিবশিং অমসুং লৈদুনা চারিবশিং অনিমক য়াইফনবা থবক পায়খৎপা মহাক্না পামখি ।
অথিংবা মতুংদা য়ু পি এস সিনা পরিক্ষাগী মতম লাউথোক্কনি
কেন্দিদেৎশিং অমসুং এদভাইজরশিং লৈবাক্কী মফম কয়াদগী চৎথোক-চৎশিন দরকার ওইবা মরম্না ইন্তরভিয়ুশিং, পরিক্ষাশিং অমসুং রিক্রুইতমেন্ত বোর্দশিংগী মতম লেপ্নবা য়ু পি এস সিনা মতম মতমগী মতুংইন্না অমুক হন্না খন্নগনি হায়রি । ২০২০গী মে ৩গী মতুংদা সিবিল সর্বিসেস-২০১৯গী পরসোনেলিতি তেস্তকী মতম অনৌবা লেপকনি । য়ু পি এস সিগী চেয়রমেন অমসুং মেম্বরশিংগী ফংলিবা বেসিক পেগী চাদা ৩০ চহি অমগী ওইনা ককথবা হায়না ৱারেপ লৌরে ।
চহি অমগী ওইনা তোলোব চাদা ৩০ ককথদুনা নিতি অয়োগকী ভি সি অমসুং মেম্বরশিং অমসুং ই এ সি-পি এমগী চেয়রমেন্না পি এম-কিয়ারসতা মতেং পাংলে
কোভিদ-১৯ লাইচৎ শন্দোরকপা অমসুং মসি থেংন্নবা সরকারনা পায়খৎলিবা থবকশিংদা মতেং পাংনবা নিতি অয়োগকী ভি সি অমসুং মেম্বরশিং অমসুং ই এ সি-পি এমগী চেয়রমেন্না চহি অমগী ওইনা তোলোব চাদা ৩০ ককথনবা ৱারেপ লৌরে । হায়রিবা শেনফম অদু পি এম-কিয়ারস ফন্দদা মতেং পাংগনি ।
পোৎ পুবা ত্রেনশিংনা রেলৱেজগী শেন তানবা হৌরে; অথিংবা থম্লকপদগী তন ২০৪০০ হেনবগী পোৎ-চৈ পুখ্রে অমসুং লুপা ক্রোর ৭.৫৪ তানবা ঙম্লে
কোভিদ-১৯ লাকপদগী অথিংবা থমখিবদগী তঙাইফদবা পোৎলমশিং হায়বদি মেদিকেলগী পোৎলমশিং, মেদিকেলগী খুৎলায়শিং, চিঞ্জাক পুবা অসি য়াম্না মরুওইবা অমনি । মসিগী মরুওইবা থবক অসি পাংথোক্নবা ভারত রেলৱেজনা ই-কর্ম্মস ফার্মশিং অমসুং রাজ্য সরকারশিংগী পোৎলম কয়া অথুবা মতমদা পুথোক-পুশিন তৌখি । রেলৱেজনা অখন্নবা লম্বীশিংদা তাইম-তেবল পরসেল স্পিসিয়েল ত্রেনশিং চেন্নবা ৱারেপ লৌখি ।
জে অমসুং কে অমসুং লাদাখকী মনুংহুঞ্জিনবা মফমশিংদা মেল য়ৌহন্নবা অখন্নবা থৌরাং পায়খৎলে
মীয়াম্না লাইনা শেন থমজিনবা অমসুং লৌথোকপা য়ানবা জে অমসুং কে অমসুং লাদাখ লমদমদা লৈরিবা পোস্ত ওফিসশিং হাংদোক্তুনা মীয়ামদা নোংমগী দরকার ওইবা ফংনবা শেন মরাংকাইনা ফংহল্লে । পোস্ত ওফিসশিংদা লৈরিবা আধার ইনেবল পেমেন্ত সিস্তেমনা বেঙ্ক অমদা একাউন্ত হাংদোকপা মীওই অমনা পোস্ত ওফিস অমদগী হেক্ত থা অমদা লুপা ১০০০০ লৌথোকপা য়াগনি ।
হয়েংগী অনিশুবা ৱেবিনার সেরিজ “দেখো অপনা দেস”তা কোলকাতাগী ইনাকখুল্লবা পুৱারি অমসুং কলচর খঙগনি
অথিংবা মনুংদা তুরিজম মিনিস্ত্রিগী ৱেবিনার সেরিজ “দেখো অপনা দেস” মীয়াম্না পাম্না য়েংনরি । দিল্লিগী মতুংদা, হয়েং এপ্রিল ১৬গী অয়ুক পুং ১১দগী নুমিৎয়ুংবা পুং ১২ গী মরক্ত অনিশুবা ৱেবিনার সেরিজ “দেখো অপনা দেস” শন্দোক্কনি । ৱেবিনার অসিনা মীয়ামদা কোলকাতাগী মরমদা খঙনবগী খুদোংচাবা অমা পীগনি ।
হোম এফেয়ার্স মিনিস্ত্রিগী শেমদোক্লবা অপুনবা চৎন-কাংলোনশিং
প্রধান মন্ত্রীনা লাউথোকখিবগী মতুংইন্না, ২০২০গী এপ্রিল ১৪দা হোম এফেয়ার্স মিনিস্ত্রিনা অথিংবা ২০২০গী মে ৩ ফাওবা শাংদোকপগী ওর্দর অমা থোক্লে । মিনিস্ত্রিনা ২০২০গী এপ্রিল ১৫দা থোকপা অহেনবা ওর্দর অমদা , রাজ্যশিং/য়ুতিশিংনা লায়চৎ লৈবা মফমনি হায়না লাউথোক্তবা মফমশিংদা অকক্নবা থবক খর পাংথোক্নবা অয়াবা পীরে । ২০২০গী এপ্রিল ১৫দা থোকপা অহেনবা ওর্দর অসিগী মথক্ত, লৈবাক শীনবা থুংনা অথিংবা লৈগদবা থবকশিং , লাইচৎ লৈবা মফমদা পাংথোকপা য়াগদবা থবকশিং অমসুং লৈবাক্কী অতৈ মফমশিংদা ২০২০গী এপ্রিল ২০দগী পাংথোকপা য়াগদবা থবকশিংগী শেমদোক্লবা অপুনবা চৎন-কাংলোনশিং পীরে ।
লৈবাক অসিদা কোভিদ-১৯ লাকশিন্নবা অথিংবা থম্লিবা অসি ২০২০গী মে ৩ ফাওবা মখা চৎথখিগনি
হোম এফেয়ার্স মিনিস্ত্রিগী শেমদোক্লবা অপুনবা চৎন-কাংলোনশিংদা লৈবাক অসিদা কোভিদ-১৯ লাকশিন্নবা অথিংবা থম্লিবা অসি ২০২০গী মে ৩ ফাওবা মখা চৎথখিগনি হায়না ভারত সরকারনা মিনিস্ত্রিশিং, দিপার্তমেন্তশিং, রাজ্যশিং/য়ু তিশিংদা য়াথং পীখ্রে ।
https://pib.gov.in/PressReleseDetail.aspx?PRID=1614481
অথিংবা মনুংদা পৎকনবা পোৎলমশিং রাজ্যশিংগী মরক্ত পুথোক-পুশিন তৌবা হৌনবা ভারত পুম্নমক্কী এগ্রি ত্রান্সপোর্ত কোল সেন্তর নম্বর ১৮০০১৮০৪২০০ অমসুং ১৪৪৮৮ হৌদোকলে
কোভিদ-১৯গী অথিংবা মনুংদা পৎকনবা পোৎলমশিং রাজ্যশিংগী মরক্ত পুথোক-পুশিন তৌবা হৌনবা ঙসি কৃষি ভাবন্দা এগ্রিকলচর মিনিস্তর নরেন্দ্র সিংহ তোমারনা ভারত পুম্নমক্কী এগ্রি ত্রান্সপোর্ত কোল সেন্তর অমা হাংদোকখি ।
প্রধান মন্ত্রী অমসুং পেলেস্তাইনগী প্রসিদেন্তগী মরক্ত তেলিফোনদা ৱারি শানখি
ঙসি প্রধান মন্ত্রী নরেন্দ্র মোদীনা পেলেস্তাইনগী প্রসিদেন্ত মহমৌদ অববাসকা তেলিফোনদা ৱারি শানখি । লুচিংবা অনিনা হৌজিক কোভিদ-১৯ লাইচৎ লাকপদগী থেংনরিবা শিংনবশিং অমসুং ফিবম অসি লাকশি্ন্নবা মখোয় মখোয়গী লৈবাকশিংদা পায়খৎলিবা থবকশিং থাগৎনখি ।
অথিংবা মনুংদা লৌউ-শিংউ অমসুং মসিগী মরী লৈনবা থবকশিং পুক্নিং থৌগৎনবা এগ্রিকলচর , কোওপরেসন অমসুং ফারমর্স ৱেলফিয়ার দিপার্তমেন্তনা থবক কয়া লৌখৎলে
কোভিদ-১৯গী অথিংবা মনুংদা লৌউ-শিংউ অমসুং মসিগী মরী লৈনবা থবকশিং পুক্নিং থৌগৎনবা এগ্রিকলচর , কোওপরেসন অমসুং ফারমর্স ৱেলফিয়ার দিপার্তমেন্তনা থবক কয়া লৌখৎলে ।
লৈবাক শীনবা থুংনা মীয়ামদা সরকার অমসুং এভিয়েসন ইন্দস্ত্রিনা তঙাইফদবা হিদাক-লাংথকশিং ফংহল্লি
খ্বাইদগী ফবা অমসুং মতিক চাবা মওংদা ভারত অমসুং মপান লৈবাক্ত মেদিকেল এয়র কার্গোশিং পুদুনা ভারতনা কোভি-১৯গী ময়োক্ত শোক্নরিবা লাল অসি শৌগৎনবা সিবিল এভিয়েসন মিনিস্ত্রি অমসুং এভিয়েসন মিনিস্ত্রিনা ফিরেপ লৌরে । ভারতনা কোভি-১৯গী ময়োক্ত শোক্নরিবা লাল অসি শৌগৎনবা সিবিল এভিয়েসন মিনিস্ত্রিগী মখাদা লৈবা লাইফলাইন উরান ফ্লাইতশিংনা ভারতকী খ্বাইদগী মনুংহুঞ্জিনা মফমশিংদা তঙাইফদবা মেদিকেল এয়র কার্গোশিং য়ৌহল্লি ।
দোক্তর হর্স ভরধন্না কনফেদেরেসন ওফ ইন্দিয়ান ইন্দস্ত্রিগী লুচিংবশিংগা ৱারি শানখি
য়ুনিয়ন হেল্থ অমসুং ফেমিলি ৱেলফিয়ার মিনিস্তর দোক্তর হর্স ভরধন্না ঙসি ভিদিও কনফরেন্সকী খুৎথাংদা ভারতকী ইন্দস্ত্রিগী লুচিংবা ৫০গা ৱারি শানখি । ইকোনোমি অমুক ফগৎহন্নবা, তেস্ত তৌফমশিং শেমগৎনবা, ক্বারেনতাইন তৌফমশিং, ফারমা ইন্দস্ত্রিগী মচাকশিং ফংহনবা, লায়না থিজিনবা, তেলিমেদিসিন শীজিন্নবা, নাদ্রিঙৈদা ঙাকথোক্নবা হকশেলগী থৌরাংশিং পায়খৎনবগী মতাংদা কোভিদ-১৯ থেংননবা ৱারি শানখিবা অদুদা মখোয়না পুখৎলকপা ৱাফমশিং মহাক্না লৌশিনখি ।
২০২০গী এপ্রিল মনুংদা পি পি ই ৩০,০০০ হেন্না পুথোক্নবা ভারত রেলৱেজনা থৌরাং তৌরি
অনাবশিং মরক্ত থবক তৌরিবা কোভদি-১৯ হকথেংননা মায়োক্নরিবা মেদিকেল অমসুং হকশেলগী মীওইশিং ঙাকথোক্নবা পরসোনেল প্রোতেকতিব ইকুইপমেন্ত(পি পি ই)শিং ভারত রেলৱেজগী প্রদক্সন য়ুনিতশিং, ৱার্কসোপশিং অমসুং ফিল্ড য়ুনিতশিংনা পুথোকপা হৌরে । ২০২০গী এপ্রিল ফাওবদা ভারত রেলৱেজনা অসিগুম্বা পি পি ই ৩০,০০০ হেন্না পুথোক্কনি অমসুং হায়রিবা পোৎলম অসি ২০২০গী মে ফাওবদা লাখ ১ শানবা পান্দম থম্লি । প্রোতোতাইব কভরৱালশিং অসি চাংয়েং তৌবদা খ্বাইদগী ফবা গ্রেদশিংনি হায়না গ্বালিয়রদা লৈবা দি আর দি ওগী লেবোরেতোরিনা অয়াবা পীখ্রবনি।
কোভিদ-১৯ মীয়ামদা ৱাখল তাহন্নবা অমসুং মীয়াম অশোই-অঙাম থোকহন্দনবা স্মার্দ সিতিশিংনা খ্বাইদগী নৌবা তেক্নোলোজিশিং শীজিন্নরি
কোভিদ-১৯ লাইচৎ থেংননবা পৱারগ্রিদনা সি এস আর থবকশিং পায়খৎলে
লৈবাক পুম্বা অথিংবা থম্লিঙৈ চৈরক্ত, পৱার মিনিস্ত্রিগী মখাদা লৈবা সেন্ত্রেল পি এস য়ু, পৱারগ্রিদনা নোংমগী মনুংদা পুং ২৪ মৈ ফংহনবদা নত্তনা ভারত্ত লাইচৎ অসিগী চৈথেং ফংলবা মীওইশিংদা মতেং পাংবগী থবকশিং পাংথোকলি ।
পি আই বী ফিল্ড ওফিসশিংদগী ফংবা পাউ
- কেরলা : রাজ্য অসিগী অমতা ঙাইরবা কোভিদ অনাবা মীরোনবী অমসুং ভারতকী অনিশুবী নুপী ঙসি অনাবা ফদুনা দিসচার্জ তৌখ্রে । নিউ য়োর্ক অমসুং দুবাইদা মালায়ালি অনি শিদুনা মপানদা শিবা কেরলামচা ৩০ য়ৌরে । পুৱারিদা অহানবা ওইনা থ্রিসুরপুরম কুম্মৈ পাংথোকখিদ্রে ।
- তামিলনাদু : মে ৩ ফাওবদা সেম্পেল ৪০,০০০ চেক তৌগনি । ঙরাং ফাওবদা অপুনবা কেস ১২০৪, দিসচার্জ ৮১; অপুনবা তেস্ত তৌখিবা সেম্পল ১৯৫৫ ওইখি ।
- করনাতাকা : হৌজিক ফাওবদা অপুনবা কেস ২৬০; শিবা ১০; অনাবা ফবা ৭১ নি । চাইনা সরকারনা থৌশিল হোংখিবদগী রাজ্য অসিনা রেপিদ তেস্ত কিত লাখ অমা হেন্না ঙাইরি ।
- তেলাঙ্গানা : রাজ্য অসিদা হৌজিক ফাওবা কেস ৬৪৪ য়ৌরে ।
- অন্ধ্র প্রদেস : অনৌবা কেস ১৯ থেংনদুনা হৌজিক অপুনবা কেস ৫০২ য়ৌরে । রাজ্য অসিদা হয়েংদগী লায়রবশিং লেম্না চানবা পোৎলমশিং য়েন্থোক্কনি ।
- অরুনাচল প্রদেস : রাজ্য অসিগী অমতা ঙাইরবা কোভিদ-১৯ অনাবা মীওই অহুলকশুবা তেস্ত তৌবদা নেগেতিব ওইরে ।
- অসাম : মে ৩ ফাওবা অসামগী য়ু য়োনবা দুকানশিং খুদক্তগী থিংজিল্লে ।
- মনিপুর : মেঘলায়াদা কোভিদ-১৯ পোজিতিব ওইখিবা নুপা অদুগী মনিপুরদা লৈবা ময়ানুপা অদুগী ইমুংগী মীওই ১১ তেস্ত তৌরগনি ।
- মেঘলায়া : রাজ্য অদুগী অহানবা কোভিদ-১৯ কেস অদুগা শম্নখিবা মীওইশিংগী সেম্পল ৫০ গুৱাহাতি মেদিকেল কোলেজ হোস্পিতালদা ঙসি তেস্ত তৌবদা পুম্নমক নেগেতিব ওইরে ।
- মিজোরম : রাজ্য অসিনা আই সি এম আরদগী কোরোনা তেস্ত কিতস ১৮০০ ফংলে ।
- নাগালেন্দ: কোহিমাদা নেসনেল দিজাস্তর মেনেজমেন্ত ফোর্সনা মহিক হাৎনবা হিদাক কাপথোকখি।
- ত্রিপুরা : সি এমনা মীয়ামদা “অরোগ্যা সেতু” এপ্প লৌথনবা তকশিনখি।
Fact Check on #Covid19
(Release ID: 1614846)
Visitor Counter : 281
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam