কোভিদ-১৯গী অথিংবা মতুংদা সেক্তর অসিদা শোকহল্লিবা অসি ফগৎহন্নবা লৌউ-শিংউ অমসুং মসিগা মরি লৈনবা পোৎথোকশিং মপানদা থাদোক্লিবা মীওইশিংগা সরকারগা ৱারি শানবা হৌরে । য়ুনিয়ন এগ্রিকলচর মিনিস্তর নরেন্দ্র সিংহ তোমারনা হায়রকপদগী কোভিদ-১৯না মরম ওইদুনা লৌউ-শিংউ অমসুং মসিগা মরি লৈনবা পোৎথোকশিং মপানদা থাদোক্লিবা মীওইশিংনা মায়োক্নরিবা অৱাবশিং খন্ননবা ঙরাং দিপার্তমেন্ত অসিগী সেক্রেতরি সঞ্জয় অগরৱালনা ভিদিও কনফরেন্স অমা পাংথোকখি । মীফম অদুদা উহৈশিং, মনা-মশিং, চেং, বাসমতি চেং, লৈ, পাম্বীশিং, ওর্গনিক পোৎথোকশিং, লৌউ-শিংউগী খুৎলায়শিং মপান্দা থাদোকপা এসোসিয়েসনশিংগী মীহুৎশিং শরুক য়াখি ।

শিন্মীশিং চৎথোক-চৎশিন তৌবা অমসুং নেকপা, রাজ্যশিংগী মরক্ত চৎথোক-চৎশিন তৌবা, রো মেতরিয়েল ফংদবা, ফাইতো-সেনিতরি সরতিফিকেসন, কোরিয়র থবকশিং লেপখিবা, ফ্রেদগী থবকশিং লেপখিবা, হিথাংফমশিং য়ৌবা, পোৎলমশিং য়োন্নবা অয়াবা পীবগী মতাংদা থেংনরিবা ৱাফমশিং মীফম অদুদা খন্নখি

ফুদ প্রোসেসিং, স্পাইস, কাজু অমসুং মেছিন অমসুং খুৎলায় ইন্দস্ত্রিগী মীহুৎশিংনা য়ামদ্রবা চাদা ২৫-৩০ ফাওবা থবক তৌবা য়াহন্নবা হায়জখি অমসুং মখোয়না থবক তৌবা মতমদা মখোয়গী ইন্দস্ত্রিশিংনা মতিক চাবা হকশেলগী চেকশিন-থৌরাং লৌখৎকনি হায়খি ।

লৈবাক মনুংগী চৎথোক-চৎশিনগী ৱাফমশিং হোম এফেয়ার্স মিনিস্ত্রিনা য়ানবা পুরক্কনি অমসুং দরকার ওইবা য়াথংশিং পীখ্রে । ফাইতো-সেনিতরি সরতিফিকেতশিং অমসুং চাংনাইনা পীনবা অমসুং ওনলাইন সরতিফিকেতশিং অয়াবা পীনবা খঙহনখ্রে ।

সঞ্জয় অগরৱালনা হায়খি দরকার ওইবা ৱারেপ লৌনবা হিথাংফম, ওসিন ফ্রেদ সর্বিস, কোরিয়র সর্বিসগী মরুওইবা ৱাফমশিং খন্নরগনি । ইন্দস্ত্রি অসি হাংদোক্নবা অমসুং সেক্তর অসিগী অকক্নবা ৱাফমশিং খন্ননবা মিনিস্তর নরেন্দ্র সিংহ তোমারদা পুখৎলগনি অমসুং চুনবা ৱারেপ লৌরগনি ।

ভারতনা ২০১৮-১৯ দা লুপা ক্রোর লাখ ২.৭৩গী লৌউ-শিংউ অমসুং মসিগা মরি লৈনবা পোৎথোকশিং মপান লৈবাকশিংদা থাদোকখি । মপানদা থাদোকপা অসিনা লৈবাক অসিগী ফোরেন একচেঞ্জ তানবা খক নত্তনা লৌউ-শিংউ অমসুং মসিগা মরি লৈনবা পোৎথোকশিং মপান্দা থাদোক্তুনা মালেমগী কৈথেলদা লৌমীশিং অমসুং এক্সপোর্ততরশিংগী শেন্থোক হেনগৎহনবদা মতেং পাংলি । লৌউ-শিংউগী লম পাকচাউবা হেনগৎলকপা অমসুং পোৎথোক পুথোকপা হেনগৎলকপনা পোৎথোকশিং মপান্দা থাদোকপা হেনগৎহল্লি।