কোবিদ-১৯: স্মার্ত সিতীশিংনা লৌখৎপা থৌদাং কয়া

বদোদরা

বদোদরা দিস্ত্রিক্ত এদমিনিস্ত্রেসন্না লোকদাউন থুগাইবশিংবু য়েংশিন্নবা হায়দুনা হেলিয়ম বেল্লুন অনিদা কেমেরা অনি হাপ্তুনা থাগৎখরে। তান্দালজাগী মফমদা থাগৎলিবা বেল্লুন অসিদা মীয়ামদা ৱা ঙাংদুনা পাউ ফাওননবগী পাম্বৈ অমসু হাপ্পি। এদমিনিস্ত্রেসন অসিনা কোরোনা ভাইরসকী পেন্দেমিক অসিবু থেংননবগী থৌশিল থৌরাংগী মতুং ইন্না শহর অসিবু অঙাংবা মচু, কোম্লা মচু, নাপু মচু অমসুং অশংবা মচুগী জোন মরি থোক্না খাইদোকই। 

বেঙ্গলুরু

বেঙ্গলুরুগী মোদেল কোবিদ-১৯ ৱার রুম – করনাতকাগী কোবিদ-১৯ দেশবোর্দ অসি রাজ্যগী মেদিকেল এজুকেসনগী মন্ত্রীনা এপ্রিল ৭, ২০২০দা বেঙ্গালুরু স্মার্ত সিতী কোবিদ ৱার রুমদা শঙ্গাখ্রে। দেশবোর্দ অসি ক্বারেন্তাইন তৌদুনা লৈবা মীওইশিং, মখোইগী লৈফম চাফমগী অকুপ্পা মরোল, হকশেলগী মতাংদা হৌজিক থবক তৌরিবা মীওইশিং, অনা-লায়েংশংশিং, তালুক, শহর অমসুং মসিগী ৱাংমদা লৈবা মীওইশিংগী মরমদা অকুপ্পা মরোলশিং ফংহনবা মফম অমনি। হৌজিক হৌজিক ফাওবগী ওইবা দেতাশিং অসি সোফৱেয়র অমসুং এপ্লিকেসন কয়ানা পুল্লগা শেম্বনি।

কলয়ান দোম্বিবলী

লমদমশিগী প্রজাশিংদা কোরোনাগী মতাংদা খঙহন্নবা হায়দুনা কে.দি.এম.সি.গী ফেসবুক পেজদা তাকপী তম্বীবগী ভিদিও কয়া অমা হাপ্তুনা থম্মি। প্রজাশিংবু শরুক য়াহন্দুনা থম্নবা পাম্বৈ অমা ওইনা ফেসবুক পেজ অসিদা অয়ুক্কী পুং ৭তগী হৌদুনা নুমিদাংগী পুং ৯ ফাওবগী ওইনা নোংমদা তৌগদবা কয়া অমসু হাপ্তুনা থম্মি। হায়রিবা পুংফম অসিদা কে.দি.এম.সি.গী ফেসবুক পেজদা লাইব ওইনা লাক্তুনা মখোইগী হৈজবী কয়া উৎনবা হায়দুনা শহর অসিদা লৈবা য়োগ, কলিনরী আর্ত, এরোবিক, ঈশৈ-নোংমাই, শৈরেং, গজল, কথক অমসুং ভরতনত্যমগী হীরমদা হৈথোই শিংথোইবা মীওই কয়া অমসু মশক খঙদোক্তুনা থম্মি। হায়রিবা খোংথাং অসি প্রজাশিংনা য়াম্না পাম্নরি অমসুং থাগৎনরক্লি।

আগ্রা

• ই-দোক্তর সেবা অসি আগ্রা স্মার্ত সিতীনা মফম অসিদা লৈরিবা মীওইশিংগীদমক্তা শেম্বা তেলি-ভিদিওগী খুত্থাংদা তাথোক তাশিন তৌবা য়ানবা পীবা খুদোংচাবা অমনি। মসি https://tinyurl.com/edoctorapp অসিদা ফংই। মসি আগ্রা স্মার্ত সিতী লিমিতেদকী ওইবা পব্লিক প্রাইবেৎ পার্তনরশিপ (পি.পি.পি.)কী খোংথাং অমনি। তাথোক তাশিন তৌবগী খুদোংচাবা অসি অয়ুক্কী পুং ১০দগী নুমিদাংগী পুং ১২ ফাওবদা (নিংথৌকাবদগী থাংজ নুমিৎ ফাওবা) ফংগনি। তাথোক তাশিন তৌনবগীদমক্তা প্রজাশিংনা পীরিবা লিঙ্কঃ https://tinyurl.com/edoctorapp অসিদা লোগ-ইন তৌদুনা অমসুং মখা তানা দোক্তর অমগা এপোইন্তমেন্ত লৌনরগা তৌগদবনি। এন্দ্রোইদ ফোনশিংগী ওইনা (প্লে স্তোরদগী) মখাদা পীরিবা লিঙ্ক অসিদা চংদুনা দাউনলোদ তৌগদবনি। (লিঙ্কঃ https://play.google.com/store/apps/details?id=com.needstreet.health.hppatient) সাইত্তগী নত্ত্রগা এপ্তগী করিগুম্বা এপোইন্তমেন্ত অমুকপু লৌখ্রবা মতুংদা তাথোক তাশিন তৌনবগী নুমিৎ অমসুং মতম পীরক্কনি। হায়রিবা অপীবা মতম অসিদা অনাবা মীওই অমনা দোক্তরগা তেলি/ভিদিও কোল তৌদুনা দোক্তরদুগা তাথোক তাশিন তৌবা য়াগনি। তাথোক তাশিন তৌরবা মতুংদা চাগদবা হিদাক লাংথক্কী অইবসু অনাবা অদুনা সাইত্তগী/এপ্তগী ওনলাইন্দা দাউনলোদ তৌবা য়াগনি। হায়জবগী মতুং ইন্না স্মার্ত হেলথ সেন্তর-ফার্মাসীদগী অচংবা হিদাক লাংথকশিং অসি য়ুমদা থীলহল্লকপা য়াই।

• মসিগী ফজবা অমসুং অনৌবা খোংথাং অসি আগ্রা স্মার্ত সিতীনা মহাক্কী পি.পি.পি. পার্তনর এজেল মেনুফেকচরিং প্রাইবেৎ লিমিতেদকা খুৎশম্নদুনা পায়খৎপা খোংথাংনি। মখোইনা আগ্রাদা লৈরিবা মীওইশিংদা শেল য়াম্না চংদনা লাইনা ফংহনবা য়াবা অমসুং হোলিস্তিক হেলথকেয়রগী খুদোংচাবশিং ফংহন্নবা হায়দুনা আগ্রাদা স্মার্ত সেলথ সেন্তর ১০ হাংনবসু কন্না হোৎনরি। অসিগুম্বা মফম অমদি হৌজিক হাংদোক্তুনা লৈবতা নত্তনা মীয়ামদা খুদোংচাবশিং ফংহনবসু হৌরে।

• স্মার্ত সিতী স্কিমগী মখাদা হাংদোক্লিবা স্মার্ত হেলথ সেন্তরশিং অসিনা কোরোনাগী মতাংদা তৌবা য়াবা অমসুং তৌরোইদবা কয়াগী মতাংদা মীয়মদা তাকপী তম্বীরি। জেনেরেল কন্সলতেসন অমসুং দেন্তেল ক্লিনিক্তা য়েংবা লাকপা মীওই খুদিংদা মিনিৎ ৩দগী ৫ ফাওবগী মতম পীদুনা কোরোনাগী মতাংদা তাকপী তম্বিীগী থবকসু চত্থরি। মার্চ থাদা অনাবা য়েংবা লাকপা মীওই ৩২৫ অমসুং ফেব্রুৱারী থাদা অনাবা য়েংবা লাকপা মীওই ৬৭৫তা তাকপী তম্বীখ্রে। মখোইগী ফার্মাসীগী খুত্থাংদা সেনিতাইজর ১০১৫ অমসুং মাস্ক ৯৩৫ অতাবা মমলদা য়েন্থোক্তুনা মীয়ামদা য়াম্না কান্নবসু পীখ্রে।  

• আগ্রা এদমিনিস্ত্রেসন্না আগ্রা স্মার্ত সিতী অমসুং আগ্রা পুলিস্কা খুৎশম্নদুনা নগর নিগম আগ্রাদা লৈবা আগ্রা সিতী লিমিতেদনা শেম শাখিবা আই.সি.সি.সি. কন্ত্রোল রুমসু য়াম্না ফজনা শিজিন্নদুনা কান্নবা লৌরি। আগ্রা লোকদাউন মোনিতরিং এপ অমসু হৌদোকখরে। মসিগী অনৌবা ভিদিওগী খুত্থাংদা য়েংশিনবগী পাম্বৈ অসিনা আগ্রা শহরগী তোঙানবা মফম কয়াদা মীয়াম তিনববু য়েংশিন্দুনা কোবিদ-১৯গা লান্থেংনবদসু মশক থোক্না শিজিন্নগদৌরি। মসিগী মতাংদা খ্বাইদগী নৌবা খোংথাং অসি আগ্রাগী ওইনা কোবিদ-১৯ থেংনবগী হীরমদা এ.আই. শিজিন্নদুনা য়েংশিন্দুনা নৈনবগী থৌওং অসিনি। অসিগুম্বা খ্বাইদগী কান্নবা তেক্নোলোজিনা তেংবাংবা আগ্রা এদমিনিস্ত্রেসনগী থৌওং অসি সি.এস.আর.গী থৌরাং অমগী মখাদা হান্ননা লৈরবা সরবেলিএন্স ভেন্দরশিংনা পীবনি। মরী লৈনবা মীওইশিংদা খুদক্কী ওইবা পাও কয়া পীবগী থৌওং অমগী খুত্থাংদা মখোইনা আগ্রাদা সোসিএল দিস্তেনশিং মপুং ফানা থম্নবা হোৎনবদা মতেং পাংই। খুদক্কী ওইবা পাও কয়া পীবগী থৌওং অসি লম্বী শরক্তা য়েংশিন্নবা লৈরিবা মীওইশিংনা পায়রিবা মোবাইলদা এপকী খুত্থাংদা ফংনবা হান্ননা শেম শাদুনা থম্মি অমসুং মসিনা লৈরিবা পুলিসশিংদসু মতেং পাংই। তঙাই ফদবগী মতুং ইন্না এপ অসি থানা শেন্নরিবা অমসুং অতোপ্পা পুলিস্কী মীওইশিংদসু ফংহল্লি।

• দিস্ত্রিক্ত এদমিনিস্ত্রেসনগা লোইননা থোংদোক্লবা চিঞ্জাক তুংশিন্দুনা থম্নবা ফুদ বেঙ্ক অমসু হাংদোকখরে। ফুদ বেঙ্ক অসিনা এন.জি.ও. কয়াদগী থোংদোক্লবা চিঞ্জাক্কী পেকেৎশিং খোমজিন্দুনা লৈত লাইরশিং, খম থেংনা লাইরবশিং অমসুং শিন্মীশিংনচিংবদা য়েন্থোকই। চিঞ্জাক্কী পেকেৎ ৫০০০মুক য়েন্থোকখরে।

কাকিনাদা

কাকিনাদা আই.সি.সি.সি.দা কোবিদ-১৯গী দেতাগী দেশবোর্দ অমসু শেমখ্রে। কাকিনাদাগী, জিলাগী, রাজ্যগী অমসুং লৈবাক্কী ওইবা ই-পাওশিং অসি আই.সি.সি.সি.দা ফংহন্দুনা লৈরে। অকুপ্পা মরোলশিং অসি https://covid19.kkdeservices.com:2278 দা লোইনা ফংহল্লি।

চন্দীগর

চন্দীগরদসু অঈং অশা লৌদুনা থর্মেল স্ক্রিনিং তৌনবা খুদোংচাবা লৈবা, খোং শিজিন্নদুনা শাপোন থোকহল্লগা খুৎ হাম্নবা খুৎলাই, সোদিয়ম হাইপোক্লোরাইৎ মহিদগী মনিল কাপহনবা অমসুং খুৎ কংহন্নবা পাম্বৈ কয়া মফম অমত্তদা পুন্না লৈবা ‘ফাইৎ কোবিদ স্তেসন’ অমা থমখরে। মসি চন্দীগরগী ম্যুনিসিপাল কোর্পোরেসন্না চন্দীগরগী মেন মন্দী সেক্তর-২৫তা থম্মি অমসুং মন্দিদা লাকপা মীওই খুদিংমক্না স্তেসন অসি ফাওদুনা চৎহনগদবনি।