কোবিদ-১৯ থেংননবা পুন্না হোৎনবা অমগী অমগী থোংদা, ভারত সরকারনা লৈবাক অসিদা কোবিদ-১৯ ঙাকথোক্নবা অমসুং মেনেজমেন্তকীদমক রাজ্যশিং/য়ুনিয়ন তেরিতোরীশিংগা লোয়ননা তোঙান-তোঙানবা খোংথাং কয়া পায়খৎলি। মসিবু চাং নাইনা অৱাংবা থাক্তা মোনিতর তৌরি।

হকশেল অমসুং য়াইফ য়ুম্বাল অমদি সইন্স অমসুং তেক্নোলোজীগী য়ুনিয়ন মিনিস্তর দা. হর্শ বর্ধন্না সি.এস.আই.আর.গী দি.জি. অমসুং সি.এস.আই.আর. লেবোরেতরী ৩৮গী দাইরেক্তরশিং য়াওনা সি.এস.আই.আর. (কাউন্সিল ওফ সাইন্তিফিক এন্দ ইন্দস্ত্রীয়েল রিসর্স)না কোবিদ-১৯দা পায়খৎলিবা রিসর্সশিং য়েংশিখ্রে।

সি.এস.আই.আর. লেবোরেতরীশিংনা অচৌবা প্রাইবেৎ সেক্তর ইন্দস্ত্রীশিং, পি.এস.য়ু.শিং, এম.এস.এম.ই.শিং, বিভাগশিং অমসুং মন্ত্রালয়শিংগা লোয়ননা নক্নবা পার্তনরশিপতা থবক তৌরি অমদি লম মঙা খংদোক্লে: 

• দিজিতেল অমসুং মোলেক্যুলর সর্ভিলেন্স,
• রেপিদ অমসুং ইকোনোমিকেল দাইগ্নোস্তিক,
• অনৌবা দ্রগস/দ্রগসকী রিপর্পোজিং অমসুং এসোসিয়েতেদ প্রদক্সন প্রোসেসশিং,
• হো্পিতাল এসিসতিব দিভাইসশিং অমদি পি.পি.ই.শিং; অমসুং,
• সপ্লাই চেম অমসুং লোজিস্তিক্স সপোর্ত সিস্তেম্স।

হকশেল অমসুং য়াইফ য়ুম্বাল মন্ত্রালয়না কোবিদ-১৯গীদমক দিস্ত্রিক্ত এদমিনিস্ত্রেসনগী থাক্তা মতম চানা রেস্পোন্স পীনবগীদমক থাক খুদিংমক্তা অনৌবা থাক্কী তেক্নোলোজী শিজিন্নরি। তেক্নোলোজীগী থোংদা লাইব কেস ত্রেকিং, কেস মেনেজমেন্ত অমসুং থিংনবা থৌরাংশিং ইমপ্লিমেন্ত তৌরি।পোজিতিব কনফর্ম কেসশিংগী জি.আই.এস. মেপ্পিং, এক্তিব ইন্তরবেন্সন এরিয়াশিং খংদোকপা, হিৎ মেপ্পিং অমসুং প্রিদিক্তিব দেতা এনালাইসিস শিজিন্নবা অসি থিংনবা থৌরাংশিং ইমপ্লিমেন্ত তৌবগী মোনিতর তৌবদা শিজিন্নরি। বেঙ্গলুরু ৱার রুমনা অসিগুম্লবা তেক্নোলোজী এইদশিং য়াম্না ইফিক্তিব ওইনা দিপ্লোই তৌরি।

ফিল্দ স্ক্রীনিং, এম্বুলেন্স ফংহনবা অমসুং ক্বরেন্তাইন মেনেজমেন্তদা মতেং পাংনবগীদমক ইন্তেগ্রেতেদ কমান্দ অমসুং কন্ত্রোল সেন্তরনা রেপিদ রেস্পোন্স তিম (আর.আর.তি.)গা লোয়ননা মান্ননা থবক তৌরি। জিলা খরনসু রিমোৎ দিজিতেল মেদিকেল কন্সলতেসন হৌদোক্লে মদুবু লোকেল মেদিকেল স্তোরশিংগা শম্নহল্লি।

এক্সন প্লানগী ইমপ্লিমেন্তেসন হৌখ্রে, রাজ্য ১৫গী জিলা ২৫দা থাগৎনিঙাই ওইবা মহৈশিং ফংলে। জিলাশিং অসিদা হৌখিবা নুমিৎ ১৪দগী কেস অমত্তা রিপোর্ত তৌরক্ত্রি অমদি তুংদা অনৌবা কেস লাক্তনবা কুপ্না য়েংশিল্লি। জিলাশিং অদুদি গোন্দিয়া (মহারাস্ত্র), রাজ নন্দগাও, দুর্গ, বিলাসপুর (ছতিসগর), দাবনগিরী, কোদাগু, তুমকুর, উদুপি (কর্নাতকা), সাউথ গোৱা (গোৱা), ৱায়ানাদ অমসুং কোত্তায়ম (কেরলা), ইম্ফাল ৱেস্ত (মনিপুর), রাজৌরি (জম্মু অমসুং কাশ্মির), আইজোল ৱেস্ত (মিজোরাম), মাহে (পুদুচেরী), এস.বি.এস. নগর (পঞ্জাব), পতনা, নালন্দা অমসুং মুঙ্গের (বিহার), প্রতাপগর (রাজস্থান), পানিপৎ, রোহতক, সিরসা (হরিয়ানা), পাউরি গরহৱাল (উত্তরাখন্দ), ভাদ্রাদারি কোথাগুদেম (তেলঙ্গনা)নি।

এপ্রিল ১০দা, প্রধান মন্ত্রী গরিব কল্যান পেকেজকী মখাদা কোবিদ-১৯না মরম ওইদুনা লোকদাউনগী চৈথেংদগী মখোয় মশাবু প্রোতেক্ত তৌনবা লাইরবা মীওই কোতি ৩০ হেনবনা লুপা কোতি ২৮,২৫৬কী শেলগী তেংবাং ফংখ্রে। মচা খাইবা ৱাফমশিং মখাদা লৈরে:

• প্রধান মন্ত্রী জন ধন য়োজনাগী নুপী একাউন্ত হোল্দর কোতি ১৯.৮৬না লুপা কোতি ৯৯৩০গী শেনফম ফংখ্রে।
• প্রধান মন্ত্রী কিসান সম্মান নিধিগী মখাদা লৌমী কোতি ৬.৯৩না লুপা কোতি ১৩,৮৫৫গী শেনফম ফংখ্রে।
• লুখ্রাবী, সেনিয়র সিতিজন অমসুং শোইনায়রবা মীওই কোতি ২.৮২না লুপা কোতি ১৪০৫ ফংখ্রে।
• বিলদিং অমসুং ইনফ্রাস্ত্রকচর ৱার্কর কোতি ২.১৬দা লুপা কোতি ৩০৬৬কী তেঙবাং পীখ্রে।

নাগরিকশিংবু কোরোনা ভাইরস ইনফেক্সনগী রিস্ক এসেসিং ঙমহন্নবগীদমক হৌদোকখিবা মোবাইল এপ্লিকেসন ‘আরোগ্যা সেতু’ লোন ১১দা দিজাইন তৌরি অমদি মসি হৌজিক ফাওবদা কোতি ৩.৫ দাউনলোদ তৌখ্রে। মসিগী তোঙান তোঙানবা ফীচরশিংদা ব্লুতুৎ তেক্নোলোজী, অলগোরিথম্স অমসুং আর্তিফিসেল ইন্তেলিজেন্সগুম্বা অনৌবা তেক্নোলোজী শিজিন্নদুনা রিস্ক এসেসমেন্ত, কন্তেক্ত ত্রেসিং য়াওরি, মদু শিজিন্নদুনা য়ুজরশিংগী অকোয়বদা কোবিদ-রিস্ক হোৎলি।

রাজ্য ২৭তা স্তেত রুরেল লাইবলিহুদ মিসনগী মখাদা সেল্ফ হেল্প গ্রুপ মেম্বর ৭৮,৩৭৩না মাস্ক কোতি ১.৯৬ পুথোক্লি। ‘এক্সরসাইজ এন.সি.সি. য়োগদান’গী মখাদা নেস্নেল কেদেত কোর্পস (এন.সি.সি.) ভোলুনতীয়র কেদেতশিংনা সিভিল এদমিনিস্ত্রেসন্দা মতেং পাংলি। কোবিদকী মায়োক্তা লান্থেংনরিবা অসিদা ভোলুনতীয়র ৫০,০০০ হেনবনা থৌদাং লৌরি।

ঙরাংদগী কেস ৭৯৬ হেঙ্গৎলকপগী রিপোর্ত তৌরকপগা লোয়ননা লৈবাক অসিদা কোবিদ-১৯গী কনফর্ম কেস অপুনবা মশিং ৯১৫২ শুরে। ঙসি ফাওবদা মীওই ৮৫৭ ফিভম ফগৎলক্লবা মতুং দিসচার্জ তৌখ্রে অমদি মীওই পুন্না ৩০৮ লৈখিদবগী রিপোর্ত তৌরকখ্রে।  

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং অমসুং এদভাইজরীদা ঔথেন্তিক অমসুং অপদেত ওইবা ইনফোর্মেশন পুম্নমক্কীদমক চানবীদুনা চাং নাইনা ভিজিৎ তৌবীয়ু  https://www.mohfw.gov.in/.

কোবিদ-১৯গা মরী লৈনবা তেক্নিকেলগী ৱাহংশিং technicalquery.covid19[at]gov[dot]inদা অমসুং অতোপ্পা ৱাহংশিং ncov2019[at]gov[dot]inদা ইমেল তৌবীরকপা য়াগনি।

কোবিদ-১৯দা করিগুম্বা মখল অমা হেক্তগী ৱাহং লৈরগদি হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্রগা 1075 (তোল-ফ্রী)দা চানবীদুনা কোল তৌবীরকউ। কোবিদ-১৯দা রাজ্যশিং/য়ুনিয়ন তেরিতেরীশিংগী হেল্পলাইন নম্বরশিংগী লিস্ত মখাগী অসিদগী ফংবীগনি https://www.mohfw.gov.in/pdf/coronvavirushelplinenumber.pdf