কোবিদ-১৯ গী মায়োক্তা ভারতকী লান্দা তেঙবাংনবগীমক সিভিল এভিয়েসন মন্ত্রালয়না লৈবাক অসিগী মনুং হুঞ্জিবা মফমশিংদা মরু ওইবা মেদিকেল কার্গো ত্রান্সপোর্ত তৌনবা লাইফ লাইন উরান ২১৪ হেন্না ওপরেৎ তৌরি। মসিগী মনুংদা ফ্লাইত ১২৮দি এয়র ইন্দিয়া অমসুং এলাইন্স এয়রনা ওপরেৎ তৌরি। ঙসি ফাওবদা চাউরাক্না তন ৩৭৩.২৩ ত্রান্সপোর্ত তৌখ্রে। সিভিল এভিয়েসন মন্ত্রালয়গী জোইন্ত সেক্রেতরী শ্রীমতী উশা পাধীনা ফোংদোকখি মদুদি ঙসি ফাওবদা লাইফলাইন উরান ফ্লাইতশিংনা পায়খিবা এরিয়েল অরাপ্পা অসি কিলোমীতর ১,৯৯,৭৮ হেল্লে। ২০২০গী এপ্রিল ১১দা পুখিবা কার্গো লোদ অসি তন ১০৮ ওইখি।

অৱাং-নোংপোক লমদম, ইথৎ সমদমশিং অমসুং চিংগী জিলাশিংদা অখন্নবা মিৎয়েং থম্লি। এয়র ইন্দিয়া অমসুং আই.এ.এফ.না মরুওইনা জম্মু অমসুং কাশ্মির, লদাখ, অৱাং-নোংপোক অমসুং অতোপ্পা ইথৎ লমদমশিংদা পুন্না থবক তৌরি। চেকশিন থৌরাংগা লোয়ননা পেসেঞ্জর ফমফম এরিয়া অমদি ওবর হেদ কেবিন্দা কার্গো স্তোর তৌনবা অখন্নবা অয়াবসু লৌরে।  

লাইফলাইন উরান ফ্লাইতশিংগা মরী লৈনবা পব্লিক ইনফোর্মেসন নুমীৎ খুদিংগী পোর্তেল https://esahaj.gov.inlifeline_udan/public_info দা অপলোদ তৌরি, মদু তোঙান-তোঙানবা স্তেকহোল্দরশিংগী মরক্তা লাইয়েন তাইদনা মান্নবা ঙমহন্নবগীদমক নেস্নেল ইনফোর্মেতিক্স সেন্তর (এন.আই.সি) অমসুং সিভিল এভিয়েসন মন্ত্রালয়না নুমিৎ হুম্নিগী রেকোর্দ ওইরবা মতম অমদা দিবেলপ তৌখিবনি।

দোমেস্তিক কার্গো ওপরেতরশিং, স্পাসজেৎ, ব্লু দার্ত অমসুং ইন্দিগোনা কমর্সিয়েল বেসিসতা কার্গো ফ্লাইতশিং ওপরেৎ তৌরি। স্পাইসজেৎনা কার্গো ফ্লাইত ২৮৬ ওপরেৎ তৌবগা লোয়ননা কার্গো তন ২৩৩৪.৫১ পুদুনা কিলোমীতর ৪,০১,২৯০গী অরাপ্পা কোবর তৌখি। মসিগী মনুংদা ৮৭তি ইন্তরনেস্নেল কার্গো ফ্লাইশিংনি। ব্লু দার্তনা দোমেস্তিক কার্গো ফ্লাইত ৯৪ ওপরেৎ তৌবগা লোয়ননা কার্গো তন ১৪৭৯ পুদুনা কিলোমীতর ৯২,০৭৫গী অরাপ্পা কোবর তৌখি। ইন্দিগোনা কার্গো ফ্লাইত ২৫ ওপরেৎ তৌবগা লোয়ননা কার্গো তন ২১.৭৭ পুদুনা কিলোমীতর ২১,৯০৬কী অরাপ্পা কোবর তৌখি।  

স্পাইসজেৎনা পুখিবা দোমেস্তিক কার্গো

স্পাইসজেৎনা পুখিবা ইন্তরনেস্নেল কার্গো  

ব্লু দার্ত কার্গো অপলিফ

ইন্দিগো কার্গো অপলিফ

ইন্তরনেস্নেল সেক্তর

ফার্মাতিকেল, মেদিকেল ইক্বিপমেন্ত অমসুং কোবিদ-১৯ রিলিফ মেতরিয়েলগী ত্রান্সপোর্তেসনগীদমক ২০২০গী এপ্রিল ৪দগী হৌরগা এয়র-ব্রিজ অমা হৌদোক্লে। তারিক-তারিক্কী ওইবা পুরকখিবা মেদিকেল কার্গোগী চাং মখাদা লৈরে:

সাওথ এসিয়াগী মনুংদা, এয়র ইন্দিয়ানা ০৭-০৪-২০২০দা তন ৯ অমসুং ০৮-০৪-২০২০দা তন ৪গী সপ্লাই কলম্বোগীদমক ত্রান্সপোর্ত তৌখি। এয়র ইন্দিয়ানা দরকারগী মতুং ইন্না ক্রিতিকেল মেদিকেল সপ্লাইগী ত্রান্সফরগীদমক অতোপ্পা লৈবাকশিংদা কত্থোক্লবা সেদ্যুল কার্গো ফ্লাইতশিং ওপরেৎ তৌগনি।

রেগুলেতরী ইনিসিয়েতিব কয়া অমা লাউথোকখ্রে, মদুদা অতোপ্পা ৱাফমশিংগা লোয়ননা (i) কার্গো পুনবগীদমক এয়রক্রাফকী পেসেঞ্জর কেবিন শিজিন্ননবা অয়াবা লৌবা; (ii) এয়ারপোর্তশিংদা ইমপোর্ত কার্গোদা চাদা ৫০ ফাওবগী শেঞ্জং কোকপা; (iii) খুদোংথিনিঙাই ওইবা পোৎশিং (খুদম ওইনা মেদিসিনগীদমক শিজিন্নবা কেমিকেলশিং) গী সর্তিফিকেৎকী ভেলিদিতী শাংদোকপা য়াওরি।