লেবর অমসুং ইম্প্লোইমেন্ত মন্ত্রালয়
শিনমীশিংগী খুৎশুমলগা মরী লৈনবা ৱাকৎশিং তাননবা কন্ত্রোল রুম ২০ লিংখৎখ্রে
Posted On:
14 APR 2020 11:58AM by PIB Imphal
কোভিদ-১৯ গী খুদোংচাদবশিং হেনগৎলকপনা মরম ওইদুনা ভারত শিনবা থুংনা লেবর অমসুং ইম্প্লোইমেন্ত মন্ত্রালয়না চিফ লেবর কমিস্নর লোয়শঙ (সি.এল.সি) (সি)গী মখাদা কন্ত্রোল রুম ২০ লিংখৎখ্রে। হায়রিবা কন্ত্রোল রুমশিং অসি মখাগী হিরমশিং অসিগীদমক লিংখৎখিবনি।
ক. সেন্ত্রেল স্ফেয়রদা থবক শুরিবা শিনমীশিংগী খুৎশুমলগা মরী লৈনবা ৱাকৎশিং তাননবা।
খ. তোঙান তোঙানবা রাজ্যশিংগা খূৎশম্নদুনা লম অমদগী অতোপ্পা লম অমদা থবক শুরিবা শিনমীশিংগী খুদোংচাদবশিং হন্থহনবা।
হায়রিবা কোল সেন্তরশিং অসিদা শিনমীশিংনা ফোন নম্বর, ৱাৎসপ অমসুং ইমেলগী খূথাংদা পাউ ফাওনবা য়াগনি। হায়রিবা কন্ত্রোল রুমশিং অসি মরী লৈনবা লমশিংদুগী লেবর ইনফোর্স্মেন্ত ওফিসরশিং, এসিস্তেন্ত লেবর কমিস্নরশিং, রিজনেল লেবর কমিস্নরশিং অমসুং দিপ্যুতি চীফ লেবর কমিস্নরশিংনা শেন্নরিবনি। হায়রিবা কোল সেন্তর ২০মক্কী মথৌ অসি ময়ায় লোয়শঙগী চিফ লেবর কমিস্নরনা নুমিৎ খুদিংগী য়েংশিল্লি।
মরী লৈনবা ওফিসরশিং/ওফিসেলশিংবু অৱাবা তারবা শিনমীশিংগী মতেং পাংবা মতমদা পুকচল চাউনা অমসুং নুংশিবগা লোয়ননা অঙম্বা থাক্তা মতেং পাংনবা অমসুং মখোয়দা মতেং মতম চানা য়ৌহন্নবা হোৎনবীনবা হায়রি।
লম-লমগী ওইবা ওফিসরশিং/ওফিসেলশিং, শিনমীশিংগী হেল্পলাইন নম্বরশিং অমসুং ইমেল আইদিশিংগী অকুপ্পা মরোল অমসুং ওফিসেলশিংগী অকুপ্পা মরোলশিংদু মসিদা য়াওরি।
(Release ID: 1614462)
Visitor Counter : 162
Read this release in:
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam