প্রধানমন্ত্রীগী লোইশঙ
প্রধান মন্ত্রী অমসুং ভিয়েৎনাম সোসিয়েলিস্ত রিপব্লিক্কী প্রধান মন্ত্রীগী মরক্তা তেলিফোন্দা ৱারী শানখ্রে
Posted On:
13 APR 2020 3:20PM by PIB Imphal
প্রধান মন্ত্রী অমসুং ভিয়েৎনাম সোসিয়েলিস্ত রিপব্লিক্কী প্রধান মন্ত্রী হিস এক্সিলেন্সী শ্রী ঙুয়েন জুৱান ফুক্কী মরক্তা ঙসি তেলিফোন্দা ৱারী শানখ্রে।
লুচিংবা অনিনা কোবিদ-১৯গী লাইচৎনা ওইহল্লিবা ফিভম অমদি মসিবু মায়োক্ননবা লৌখৎলিবা থৌরাংশিংগী মতাংদা খন্নখ্রে।
লুচিংবশিংনা কোবিদ-১৯ মায়োক্নবদা লৈবাক অনিগী ওইবা তেংবাং পীনবদা য়নখি, মসিদা তঙাইফদবা মেদিকেল ইকুইপমেন্তশিং সপ্লাই তৌবগী খুদোংচাবশিংসু য়াওখি। মখোয়না মখোয় মখোয়গী লমদমদা লৈনরিবা মীয়ামগী মথৌ তাবা তেংবা ফংহন্নবা ৱাফমসু ফোংদোক্নখি।
লুচিংবা অনিনা ভারত অমসুং ভিয়েৎনামগী মরক্তা স্ত্রেতেজী পার্তনরশিপকী মরু ওইবদুদা শাফু পীখি, অমসুং তোঙান তোঙানবা থৌরমশিংদা হৌজিক্কী ওইরিবা খোংজেলদা অপেনবা ফোংদোক্নখি। মখোয়না লমদমদুগী অমদি মালেমগী ওইবা শাহৌগী মতাংদসু য়েংশিনখি।
লুচিংবা অনিমক্না য়ানখি মদুদি নাকল অনিগী ওইবা মরী অসিগা লোইননা লাইচৎ অসি মায়োক্ননবা মখোয়গী তীমশিংনা মতম অসিদা পাউ ফাওনদুনা লৈগনি।
প্রধান মন্ত্রীনা ওইরিবা ফিভম অসিদা ভিয়েৎনামগী মীয়ামনা হকচাং ফনা অমদি নুংঙাই য়াইফনা লৈনবা ফোংদোকখি।
(Release ID: 1613970)
Visitor Counter : 153
Read this release in:
Telugu
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam