হ্যুমেন রিসোর্স চাউখৎ-থৌরাংগী মন্ত্রালয়

কোবিদ-১৯গী লোকদাউনগী মনুংদা দিজিতেল লর্নিংদা য়াম্না চাউনা হেনগৎলকপা অমা উবা ফংলে
ঐচ.আর.দি. মন্ত্রলয়গী ই-লর্নিং প্লেৎফোর্মশিংদা য়াওশিল্লকপগী চাং অসি শরুক মঙাগী ময়া নক্না হেনগৎলক্লে

কেন্দ্রগী ঐচ.আর.দি. মন্ত্রীনা মহৈ-মশিং তম্লিবশিংদা শ্বয়ম প্রভা অমসুং জ্ঞান দর্শনগুম্বা লাইরিক-লাইসুগা মরী লৈনবা তি.ভি. চেনেলশিং আসিগী কান্নবসু লৌহন্নীংই হায়না ফোংদোকখ্রে

Posted On: 09 APR 2020 5:18PM by PIB Imphal

ঐচ.আর.দি. মন্ত্রলয়না কোবিদ-১৯ লোকদাউন্না শোকহল্লিবা অসি লাকশিন্নবা অমসুং মতম অসিগী মনুংদা মহৈরোইশিংদা লেপ্তনা মহৈ-মশিং তম্বা ফংহন্নবা মখা তানা কন্না হোৎনরিবা অসিগুম্না,  লৈবাক অসিদা ই-লর্নিংগী হিরমদা হৌখিবা চয়োল অনি অসিদা শিংথানীংঙাই ওইবা মওংদা হেনগৎলকপগী অহোংবা অমা য়াম্না চাউনা উবা ফংলে। কেন্দ্রগী ঐচ.আর.দি. মন্ত্রী, শ্রী রমেশ পোখ্রিয়াল নিশাঙ্ক, ভিদিও কনফ্রেন্সিংগী খুথাংদা, সংস্থানশিংগী মকোক থোংবশিংগা তোইনা ই-পাউ ফাওনদুনা মথৌ তাবা লমজিং-লমতাক পীরি অমসুং মসিগী মতাংদা ফীদবেকসু অদুমক লৌরি।

স্কুলশিং অমসুং অৱাংবা থাক্কী মহৈ তমফম সংস্থানশিং অনিমক্না মখোয়দা অমসুং মহৈরোইশিংদা লৈরিবা অদুগী মতুং ইন্না তোঙান তোঙানবা মখলগী ওনলাইন ক্লাস কয়া অমা হৌদোকপা অমসুং লাইরিক পাননবগী মচাকশিংসু য়েন্থোকই। মখোয়গী মনুংদা স্কাইপ, জুম, গুগল ক্লাসরুম, গুগল হেংআউৎ, পিয়াজাগুম্বা প্লেৎফোর্মশিং অসিগী খুত্থাংদা নীংথিনা তাংকক নাইনা শেম্লবা ওনলাইন ক্লাসশিংদগী হৌরগা ওজাশিংনা য়ুত্যুব, ৱাৎসএপকী খুথাংদা লেকচরশিং অমসুং ক্লাস নোৎশিং অদু অপলোদ তৌবা, স্বয়ম, এন.পি.তি.ই.এল.গুম্বা দিজিতেল লর্নিংগী মচাক অমা ওইরিবা অসিগী লিঙ্কশিং অসিবু শেয়র তৌবা অমসুং ওনলাইন জর্নেলশিং ফাওবা ফংহনবা য়াওরি।

সেন্ত্রেল য়ুনিবর্সিতীশিং, আই.আই.তি, আই.আই.আই.তি, এন.আই.তি., আই.আই.এস.ই.আর.গুম্বা অৱাংবা থাক্কী মহৈ তমফমশিংদা চাউরাক্না চাদা ৫০-৬০ ফাওবগী মহৈরোইশিং, ই-লর্নিংগা মওং অমা নত্ত্রগা অমদা শরুক য়ারি। মহৈরোইশিংদা ইন্তর্নেত কনেক্তিবিতী অমসুং মথৌ তাবা অতৈ অতোপ্পা দিজিতেল ইনফ্রাস্ত্রকচরশিং ৱাৎপনা মরম ওইরগা, হিরম কয়া অমদা ই-লর্নিংদা অপনবা লৈবা উই। অসিগী সমস্যা অসি খরমখৈ হন্থহন্নবা, ওজাশিংনা রেকোর্দিং তৌরবা লেকচরশিং অমসুং লাইব সেসনশিংগী মথক্তা স্লাইৎশিং নত্ত্রগা খুৎনা ইবা নোৎশিংসু শেয়র তৌরি, মসিনা নেতৱর্ক মতিক চানা ফংদবা মতমদা মহৈরোইশিংদা লাইরিক পানবগী মচাক খরদা ওইরবসু ফংবা ঙমহল্লি। রেকোর্দ তৌরবা লেকচরশিং অসিনা মতম খরগী ওইনা নেতৱর্ক ফংদবগী অৱাবা অসিনা মহেরোই অদুবু অপনবা লৈহন্দে। ফেকল্তী মেম্বরশিংনা মহৈরোইশিংগা লোইননা ওনলাইন চেত সেসনশিংসু পাংথোকই, মসিনা মহৈরোইশিংনা খঙদবা হংনীংবা লৈবশিং অদুগী পাউখুম পীবা ঙমহল্লি।

মার্চ ২৩, ২০২০দগী হৌরগা হৌজিক ফাওবদা, ঐচ.আর.দি. মন্ত্রলয়গী ই-লর্নিং প্লেৎফোর্ম কয়া অমনা পুন্না কোতি ১.৪দগী হেনবা মমাংদা অমুক্তা থোকখিদ্রিবা মওংদা প্লেৎফোর্ম অসিবু শিজিন্নবা থেংনৈ। নেস্নেল ওনলাইন এজুকেশন প্লেৎফোর্ম, ‘স্বয়ম’ অসি ঙরাং ফাওবদা লাখ ২.৫লক একসেস তৌখি, মসিনা মার্চকী অরোইবা চয়োলদা স্ত্রাইক ৫০,০০০ অসিগী মশিংদগী শরুক মঙা হেন্না হেল্লি। হায়রিবা অসি ‘স্বয়ম’ প্লেৎফোর্মদা লৈবা কোর্স ৫৭৪দা হান্নদগী চনশিল্লবা লর্নর লাখ ২৬কী মথক্তা হেনগৎলকখিবশিং অদুগী মশিংনি। অসুম তৌদনা, চাউরাক্না মীওই ৫৯,০০০ নুংতিগী ‘স্বয়ম প্রভা’ দি.তি.ঐচ. তি.ভি. চেনেলশিংগী ভিদিও য়েংঙি অমসুং লোকদাউন হৌখ্রবা মতুংদগী হৌজিক ফাওবদা মীওই লাখ ৬.৮দগী হেন্না য়েংখ্রে।

মন্ত্রালয় অমসুং মসিগী মনুং চন্না লৈবা সংস্থানশিংগী অতোপ্পা দিজিতেলগী ওইনা পাইখৎলকপা থবক থৌরমশিংদসু চপ মান্নবা মওংদা হেনগৎলকপা অসি উবা ফংখি। নেস্নেল দিজিতেল লাইব্ররীদা, ঙরাং শুপ্নতগী নোংমখক্তদা, ১,৬০,৮০৪রক অমসুং লোকদাউন মতমগী মনুংদা চাউরাক্না ১৪,৫১,৮৮৬রক এক্সেস তৌখি, হান্নদি নোংমদা চাউরাক্না ২২,০০০রক এক্সেস তৌরম্মি। এন.সি.ই.আর.তি.গী এজুকেশন পোর্তেলশিং, মিং ওইনা পল্লবদা দিক্সা, ই-পাথসালা, নেস্নেল রিপোজিতরী ওফ এজুকেশন রিসোর্সেস, সেনিয়র সেকেন্দ্রী কোর্সেস ওফ এন.আই.ও.এস., এন.পি.তি.ই.এল., এন.ই.এ.তি., এ.আই.সি.তি.ই. স্তুদেন্ত-কোলেজ হেল্পলাইন ৱেবপোর্তেল, এ.আই.সি.তি.ই. ত্রেনিং এন্দ লর্নিং (অতল), ইগ্নৌ কোর্স, য়ু.জি.সি. এম.ও.ও.সি.এস. কোর্স, শোধগঙ্গা, শোধসুধী, ৱিধ্বান, ই-পি.জি. পাথসালা, অমসুং অতৈ অতোপ্পা আই.সি.তি. হৌদোকখিবা রোবোতিক্স এজুকেশন (ই-য়ন্ত্র), ওপন সোর্স সোফৱেয়র ফোর এজুকেশন (এফ.ও.এস.এস.ই.ই.), ভর্চুৱেল এক্সপরিমেন্তস (ভর্চুৱল লেবস) অমসুং লর্নিং প্রোগ্রামিং (স্পোকন ত্যুতোরিয়েল)দসু য়াম্লবা মশিংদা এক্সেস তৌবা থেংনখি।

শ্রী পোখ্রিয়ালনা হায়খি মদুদি মন্ত্রালয়না মশাগী ওইনা কম্প্যুতর অমসুং ইন্তর্নেত লৈজদবা মশিং য়াম্লবা মহৈরোইশিংগীদমক্তসু, তেলিবিজনগী খুথাংদা মহৈ-মশিং তম্বা অসিবু শৌগৎলি। মহক্না মখা তানা হায়খি ‘স্বয়ম প্রভা’গী অপুনবা দি.তি.ঐচ. চেনেল ৩২না জি.সেত-১৫ সেতলাইৎ শিজিন্নদুনা, ২৪x৭গী ওইনা, ক্বালিতী য়াম্না ৱাংবা এজুকেশনগা মরি লৈনবা থৌরমশিং শন্দোকই অমসুং মসিদা শন্দোকপদা য়াওরিবা মচাকশিং অদু এন.পি.তি.ই.এল., আই.আই.তি., য়ু.জি.সি., সি.ই.সি., ইগ্নৌ, এন.সি.ই.আর.তি., অমসুং এন.আই.ও.এস.না পুথোকপা ঙাক্তনি। অসিগুম্না, ইগ্নৌগী জ্ঞান বানী (১০৫.৬ এফ.এম. রেদিও) অমসুং জ্ঞানদর্সন, পুং ২৪ শন্দোকপা এজুকেশনগা মরি লৈনবা চেনেল  অসিনা প্রি-স্কুল, প্রাইমরী, সেকেন্দ্রী অমসুং হায়র সেকেন্দ্রীগী মহৈরোইশিং, কোলেজ/য়ুনিবর্সিতীগী মহৈরোইশিং, থবক্কী খুদোংচাবা থিরিবা নহারোলশিং, য়ুম-কৈ শেন্নরিবশিং অমসুং থবক তৌরিবা প্রোফেস্নেলশিংগীদমক্তা ওইনা খ্বাইদগী ফবা থৌরমশিং শন্দোক্লি। মন্ত্রীনা মহৈরোইশিংদা মখোয়না মখোয়গী লাইরিক লাইসু তম্বদা মতেং ওইনবা চেনেলশিং অসিবু খ্বাইদগী ফবা মওংদা শিজিন্ননবা হায়রি।



(Release ID: 1613954) Visitor Counter : 14